Tuumba Tuma 21
21
Pool chaŋ Jɛrusalɛm
1Ti ni daa chɛbisi ba bahi ka ti ŋariŋ yiɣisi n-zaŋ sochibiga nti paai Koos n-naanyi neei biɛɣu m-paai Rodis n-daa ti yi nimaani chaŋ Patara. 2Nimaani ka ti daa nya ŋariŋ shɛli din chani Fɔnisia, ka ti kpe li chaŋ. 3Ti ni daa ti miriti Saipurus ka ti chɛ li bahi ti nuzaa polo ka chaŋ Taai din be Siria tiŋgbɔŋ ni la, dama nimaani ka bɛ daa yɛn yihi nɛma ŋariŋ maa ni. 4Ka ti daa bo n-nya Yisa nyaandoliba n-kpalim nimaani n-niŋ daba ayopɔin. Yisa nyaandoliba maa daa yɛli Pool Naawuni Shia Kasi yiko ni ni o di chaŋ Jɛrusalɛm. 5Ti yiɣisibu dali ni daa ti paai ka ti yiɣisi ni ti chaŋ; ka bɛ mini bɛ paɣiba ni bɛ bihi zaa daa biɛl’ ti ti yi tiŋ’ maa tariga, ka ti gbani teeku noli n-suhi Naawuni 6ka chɛbisi taba. Di nyaaŋa ka ti daa kpe ŋariŋ, ka bɛ mi lab’ kuli.
7Ka ti daa yi Taai m-be kom maa ni m-mali ti paai Tolɛmais n-daa chaŋ ti puhi ti mabihi bɛn be nimaani, ka gbe bɛ sani dahin yini. 8#Tuma 6.5; 8.5 N-daa yi biɛɣu ka ti chaŋ Siizaria nti kpe Filip ŋun daa nyɛ Yisa lahibal’ suŋ molomoona la yiŋa. O daa nyɛla tuuli cheechi -amba ayopɔin la ni yino. 9Filip daa mali bipuɣins’ anahi bɛn na bi kuli dɔbba, ka nyɛ bɛn tɔɣisiri anabitali yɛtɔɣa. 10#Tuma 11.28 Saha shɛli ti ni daa be nimaani maa ka anab’ so ŋun yuli daa booni Agabus daa yi Judia na. 11O ni daa ka ti sanna maa o daa zaŋla Pool shɛlɔrigu lo omaŋmaŋ’ nuhi min’ o naba ka yɛli Naawuni Shia Kasi yiko ni, “Lala ka Yɛhudianim’ bɛn be Jɛrusalɛm ti yɛn lo ninvuɣ’ so ŋun su shɛlɔrigu ŋɔ n-zaŋ o niŋ bɛn pa Yɛhudianim’ nuu ni.”
12Ti ni daa wum lala maa ka ti mini ninvuɣ’ shɛb’ bɛn be nimaani balim Pool ni o di chaŋ Jɛrusalɛm maa. 13Ka Pool daa garigi yɛli “Di chaŋ wula ka yi kuhiri ŋ-ŋmari n yɛma? M mali shili gu shɛlikam, pa ni bɛ ti lo ma mihi Jɛrusalɛm n-kpɛhi duu kɔŋko, amaa n loya ni n ti kpi nimaani gba n Duuma Yisa yuli zuɣu.”
14Ti ni daa bi tooi yih’ o di ni maa ka ti chɛ o ka yɛli, “Ti Duuma yubu ni nyɛ shɛm, di niŋmi lala.”
15Di dabisa maa nyaaŋa ka ti daa mali shili n-yiɣisi chaŋ Jɛrusalɛm. 16Ti mini nyaandol’ shɛb’ bɛn daa yi Siizaria na n-daa doli taba chaŋ, ka bɛ daa zaŋ ti tahi tuuli cheechi nyaandol’ so ŋun daa nyɛ Saipurus tiŋbia, ka o yuli booni Mneesin la yiŋa ni ti ti gbe nimaani.
Pool chaŋ ti kaai Jeemsi
17Ti ni daa paai Jɛrusalɛm ka ti mabihi la zaŋ ti nti kpɛhi bɛ yinsi ni suhupiɛlli. 18N-daa yi biɛɣu ka ti mini Pool chaŋ ti puhi Jeemsi, ka cheechi kpamba la zaa gba daa be o sani. 19Ti ni daa puhi ba naai ka Pool kahigi Naawuni ni daa tum shɛlikam zaa yiniyini o waazu yihibu ni bɛn pa Yɛhudianim’ sani yɛli ba. 20Bɛ ni daa wum lala maa ka bɛ paɣi Naawuni; amaa ka yɛl’ o, “Ti mabia, a nya Yɛhudianim’ tusatusa ni niŋdi yɛda ka na kul kumdi Naawuni fukumsi zaligu dolibu zuɣu shɛm bebɔ? 21Ka shɛb’ pun yɛli ba a yɛla ni a wuhirila Yɛhudianim’ zaa bɛn be bɛn pa Yɛhudianim’ tinsi ni la ni bɛ zaɣisim’ Anabi Musa zaligu, ka lan yɛri ba ni bɛ di gundi bɛ bihi, ka mi di lan doli bɛ kaya. 22Ka wula ka nir’ yɛn niŋ? Dama bɛ ni wum ni a kana. 23Dinzuɣu niŋm’ ti ni yɛn wuh’ a shɛm ŋɔ. Ti mali niriba anahi bɛn po pɔri. 24#Kal 6.13-21 Zaŋm’ ba pahi amaŋ’ zuɣu ka yi mali yimaŋ’ kaman di ni wuhi shɛm, ka zo ba liɣiri kuŋa ka bɛ pini bɛ zuɣuri.#21.24 Bɛ pini bɛ zuɣuri: Lihimi suura 18.18 puuni. Dina n-ni chɛ ka sokam baŋ ni bɛ ni yɛli ni a niŋ shɛm maa pala yɛlimaŋli, amaa ni hal amaŋmaŋ’ gba doli Naawuni fukumsi zaligu viɛnyɛliŋga. 25#Tuma 15.29 Amaa zaŋ chaŋ bɛn pa Yɛhudianim’ bɛn niŋ yɛda la polo, ti pun sab’ gbaŋ n-yɛli ba ni ti ni tɛhi shɛm nyɛla ni bɛ di diri buɣa maligu nimdi mini binʒim ni jifa, ka mi di niŋdi zina.”
26N-yi biɛɣu ka Pool daa zaŋ niriba anahi maa n-chɛ ka o mini ba mali bɛmaŋa n-kpe Naawuni jɛmbu duu ni bɛ ti wuhi bɛmaŋ’ malibu maa ni yɛn naai dahin’ shɛli ka maligumaana mali sara bɛ zaa yinoyino zuɣu.
Bɛ gbaai Pool Naawuni jɛmbu duu
27Pool mini niriba anahi maa ni daa mali bɛmaŋa ka di ti miri daba ayopɔin paabu saha shɛli ka Yɛhudianim’ bɛn daa yi Ɛsha na nya Pool Naawuni jɛmbu duu n-gbaag’ o n-chɛ ka niriba suhuri yiɣisi bahi o zuɣu, 28ka daa duhi bɛ yee kuhi yɛli, “Izraɛlnima, zomiyana nti sɔŋ ti! Doo ŋɔ n-nyɛ ŋun wuhiri niriba luɣ’ shɛlikam, ka tɔɣisiri jɛndiri Yɛhudianim’ mini Naawuni zaligu ni jɛmbu duu ŋɔ gba la, ka din pahi di zuɣu nyɛla o zaŋ bɛn pa Yɛhudianim’ kpɛhi Luɣ’ Kasi Shee ŋɔ ni na n-ta li daɣiri.” 29#Tuma 24.4 Bɛ daa pun nyala o mini Trɔfimus Ɛfɛsus tiŋbia la tiŋ’ puuni, ka tɛhi ni Pool ʒi o kala Naawuni jɛmbu duu na.
30Ka tiŋ’ maa zaa daa dam, ka niriba zo n-laɣimna nti gbaai Pool Naawuni jɛmbu duu maa ni n-dar’ o yi, ka dii yo di dunoya. 31Bɛ ni daa bɔri ni bɛ ku o ka di lahibali ti nti to Rom sapashin’ kpɛm’ ŋun daa su nimaani ni Jɛrusalɛm zaa damya. 32Di saha ka o daa dii zaŋ sapashinnim’ mini tɔbbihi zo n-chaŋ bɛ sani. Bɛ ni daa ti nya sapashin’ kpɛm’ maa mini tɔbbihi maa ka bɛ chɛ Pool bubu. 33Ka sapashin’ kpɛm’ maa daa chaŋ ti gbaai Pool ka yɛli ni bɛ lom’ o zoligɔnima ayi; di nyaaŋa ka o daa bɔhi ni o baŋ Pool ni nyɛ so min’ o ni tum shɛli. 34Ka salo maa ni shɛb’ tahiri yɛri ni ŋ-ŋɔ nyɛla ŋ-ŋɔ; ka shɛb’ mi yɛri ni ŋ-ŋɔ nyɛla ŋ-ŋɔ. O ni daa bi tooi baŋ yɛlli maa zuɣu ni di naba maa zuɣu ka o daa yɛli ni bɛ zaŋm’ Pool tahi tɔbbihi maa yiŋ’ na. 35Pool ni daa ti gbaai dunɔdura dubu, tɔbbihi maa daa kpuɣ’ o mi buɣi salo maa ni daa na kul bi chɛ o zuɣu. 36Bɛ daa kul dolila nyaaŋa n-kuhiri yɛra, “Kumiy’ o! Kumiy’ o!”
Pool zab’ omaŋ’ zuɣu
37Bɛ ni daa ti yɛn zaŋ Pool kpe tɔbbihi maa biɛhigu shee saha shɛli ka o daa bɔhi sapashin’ kpɛm’ maa, “A ni ti ma noli ka n yɛl’ a shɛli?” Ka sapashin’ maa bɔh’ o, “A wumdi Giriikili?” 38Ka lan bɔh’ o, “Pa nyini n-nyɛ Ijipti ninvuɣ’ so ŋun daa zaŋ ninvuɣ’ kuriba tusa anahi n-taai duŋ zo n-kpe mɔɣu la?”
39Ka Pool garigi yɛl’ o, “N nyɛla Yɛhudia nira, ka nyɛ Taasus din be Kilikia tiŋgbɔŋ ni ka bi pɔri la tiŋbia. Ka lan yɛl’ o, ‘N suhir’ a noli ni a chɛ ka n tɔɣisi niriba ŋɔ yɛtɔɣa.’ ”
40O ni daa bah’ o noli ka o zani di dunɔbia zuɣu n-kpuɣ’ o nuu gahi salo maa n-wuhi ni bɛ foma. Bɛ ni daa fo m-bahi ka o tɔɣisi ba Hiburuli ni yɛli:
Currently Selected:
Tuumba Tuma 21: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Tuumba Tuma 21
21
Pool chaŋ Jɛrusalɛm
1Ti ni daa chɛbisi ba bahi ka ti ŋariŋ yiɣisi n-zaŋ sochibiga nti paai Koos n-naanyi neei biɛɣu m-paai Rodis n-daa ti yi nimaani chaŋ Patara. 2Nimaani ka ti daa nya ŋariŋ shɛli din chani Fɔnisia, ka ti kpe li chaŋ. 3Ti ni daa ti miriti Saipurus ka ti chɛ li bahi ti nuzaa polo ka chaŋ Taai din be Siria tiŋgbɔŋ ni la, dama nimaani ka bɛ daa yɛn yihi nɛma ŋariŋ maa ni. 4Ka ti daa bo n-nya Yisa nyaandoliba n-kpalim nimaani n-niŋ daba ayopɔin. Yisa nyaandoliba maa daa yɛli Pool Naawuni Shia Kasi yiko ni ni o di chaŋ Jɛrusalɛm. 5Ti yiɣisibu dali ni daa ti paai ka ti yiɣisi ni ti chaŋ; ka bɛ mini bɛ paɣiba ni bɛ bihi zaa daa biɛl’ ti ti yi tiŋ’ maa tariga, ka ti gbani teeku noli n-suhi Naawuni 6ka chɛbisi taba. Di nyaaŋa ka ti daa kpe ŋariŋ, ka bɛ mi lab’ kuli.
7Ka ti daa yi Taai m-be kom maa ni m-mali ti paai Tolɛmais n-daa chaŋ ti puhi ti mabihi bɛn be nimaani, ka gbe bɛ sani dahin yini. 8#Tuma 6.5; 8.5 N-daa yi biɛɣu ka ti chaŋ Siizaria nti kpe Filip ŋun daa nyɛ Yisa lahibal’ suŋ molomoona la yiŋa. O daa nyɛla tuuli cheechi -amba ayopɔin la ni yino. 9Filip daa mali bipuɣins’ anahi bɛn na bi kuli dɔbba, ka nyɛ bɛn tɔɣisiri anabitali yɛtɔɣa. 10#Tuma 11.28 Saha shɛli ti ni daa be nimaani maa ka anab’ so ŋun yuli daa booni Agabus daa yi Judia na. 11O ni daa ka ti sanna maa o daa zaŋla Pool shɛlɔrigu lo omaŋmaŋ’ nuhi min’ o naba ka yɛli Naawuni Shia Kasi yiko ni, “Lala ka Yɛhudianim’ bɛn be Jɛrusalɛm ti yɛn lo ninvuɣ’ so ŋun su shɛlɔrigu ŋɔ n-zaŋ o niŋ bɛn pa Yɛhudianim’ nuu ni.”
12Ti ni daa wum lala maa ka ti mini ninvuɣ’ shɛb’ bɛn be nimaani balim Pool ni o di chaŋ Jɛrusalɛm maa. 13Ka Pool daa garigi yɛli “Di chaŋ wula ka yi kuhiri ŋ-ŋmari n yɛma? M mali shili gu shɛlikam, pa ni bɛ ti lo ma mihi Jɛrusalɛm n-kpɛhi duu kɔŋko, amaa n loya ni n ti kpi nimaani gba n Duuma Yisa yuli zuɣu.”
14Ti ni daa bi tooi yih’ o di ni maa ka ti chɛ o ka yɛli, “Ti Duuma yubu ni nyɛ shɛm, di niŋmi lala.”
15Di dabisa maa nyaaŋa ka ti daa mali shili n-yiɣisi chaŋ Jɛrusalɛm. 16Ti mini nyaandol’ shɛb’ bɛn daa yi Siizaria na n-daa doli taba chaŋ, ka bɛ daa zaŋ ti tahi tuuli cheechi nyaandol’ so ŋun daa nyɛ Saipurus tiŋbia, ka o yuli booni Mneesin la yiŋa ni ti ti gbe nimaani.
Pool chaŋ ti kaai Jeemsi
17Ti ni daa paai Jɛrusalɛm ka ti mabihi la zaŋ ti nti kpɛhi bɛ yinsi ni suhupiɛlli. 18N-daa yi biɛɣu ka ti mini Pool chaŋ ti puhi Jeemsi, ka cheechi kpamba la zaa gba daa be o sani. 19Ti ni daa puhi ba naai ka Pool kahigi Naawuni ni daa tum shɛlikam zaa yiniyini o waazu yihibu ni bɛn pa Yɛhudianim’ sani yɛli ba. 20Bɛ ni daa wum lala maa ka bɛ paɣi Naawuni; amaa ka yɛl’ o, “Ti mabia, a nya Yɛhudianim’ tusatusa ni niŋdi yɛda ka na kul kumdi Naawuni fukumsi zaligu dolibu zuɣu shɛm bebɔ? 21Ka shɛb’ pun yɛli ba a yɛla ni a wuhirila Yɛhudianim’ zaa bɛn be bɛn pa Yɛhudianim’ tinsi ni la ni bɛ zaɣisim’ Anabi Musa zaligu, ka lan yɛri ba ni bɛ di gundi bɛ bihi, ka mi di lan doli bɛ kaya. 22Ka wula ka nir’ yɛn niŋ? Dama bɛ ni wum ni a kana. 23Dinzuɣu niŋm’ ti ni yɛn wuh’ a shɛm ŋɔ. Ti mali niriba anahi bɛn po pɔri. 24#Kal 6.13-21 Zaŋm’ ba pahi amaŋ’ zuɣu ka yi mali yimaŋ’ kaman di ni wuhi shɛm, ka zo ba liɣiri kuŋa ka bɛ pini bɛ zuɣuri.#21.24 Bɛ pini bɛ zuɣuri: Lihimi suura 18.18 puuni. Dina n-ni chɛ ka sokam baŋ ni bɛ ni yɛli ni a niŋ shɛm maa pala yɛlimaŋli, amaa ni hal amaŋmaŋ’ gba doli Naawuni fukumsi zaligu viɛnyɛliŋga. 25#Tuma 15.29 Amaa zaŋ chaŋ bɛn pa Yɛhudianim’ bɛn niŋ yɛda la polo, ti pun sab’ gbaŋ n-yɛli ba ni ti ni tɛhi shɛm nyɛla ni bɛ di diri buɣa maligu nimdi mini binʒim ni jifa, ka mi di niŋdi zina.”
26N-yi biɛɣu ka Pool daa zaŋ niriba anahi maa n-chɛ ka o mini ba mali bɛmaŋa n-kpe Naawuni jɛmbu duu ni bɛ ti wuhi bɛmaŋ’ malibu maa ni yɛn naai dahin’ shɛli ka maligumaana mali sara bɛ zaa yinoyino zuɣu.
Bɛ gbaai Pool Naawuni jɛmbu duu
27Pool mini niriba anahi maa ni daa mali bɛmaŋa ka di ti miri daba ayopɔin paabu saha shɛli ka Yɛhudianim’ bɛn daa yi Ɛsha na nya Pool Naawuni jɛmbu duu n-gbaag’ o n-chɛ ka niriba suhuri yiɣisi bahi o zuɣu, 28ka daa duhi bɛ yee kuhi yɛli, “Izraɛlnima, zomiyana nti sɔŋ ti! Doo ŋɔ n-nyɛ ŋun wuhiri niriba luɣ’ shɛlikam, ka tɔɣisiri jɛndiri Yɛhudianim’ mini Naawuni zaligu ni jɛmbu duu ŋɔ gba la, ka din pahi di zuɣu nyɛla o zaŋ bɛn pa Yɛhudianim’ kpɛhi Luɣ’ Kasi Shee ŋɔ ni na n-ta li daɣiri.” 29#Tuma 24.4 Bɛ daa pun nyala o mini Trɔfimus Ɛfɛsus tiŋbia la tiŋ’ puuni, ka tɛhi ni Pool ʒi o kala Naawuni jɛmbu duu na.
30Ka tiŋ’ maa zaa daa dam, ka niriba zo n-laɣimna nti gbaai Pool Naawuni jɛmbu duu maa ni n-dar’ o yi, ka dii yo di dunoya. 31Bɛ ni daa bɔri ni bɛ ku o ka di lahibali ti nti to Rom sapashin’ kpɛm’ ŋun daa su nimaani ni Jɛrusalɛm zaa damya. 32Di saha ka o daa dii zaŋ sapashinnim’ mini tɔbbihi zo n-chaŋ bɛ sani. Bɛ ni daa ti nya sapashin’ kpɛm’ maa mini tɔbbihi maa ka bɛ chɛ Pool bubu. 33Ka sapashin’ kpɛm’ maa daa chaŋ ti gbaai Pool ka yɛli ni bɛ lom’ o zoligɔnima ayi; di nyaaŋa ka o daa bɔhi ni o baŋ Pool ni nyɛ so min’ o ni tum shɛli. 34Ka salo maa ni shɛb’ tahiri yɛri ni ŋ-ŋɔ nyɛla ŋ-ŋɔ; ka shɛb’ mi yɛri ni ŋ-ŋɔ nyɛla ŋ-ŋɔ. O ni daa bi tooi baŋ yɛlli maa zuɣu ni di naba maa zuɣu ka o daa yɛli ni bɛ zaŋm’ Pool tahi tɔbbihi maa yiŋ’ na. 35Pool ni daa ti gbaai dunɔdura dubu, tɔbbihi maa daa kpuɣ’ o mi buɣi salo maa ni daa na kul bi chɛ o zuɣu. 36Bɛ daa kul dolila nyaaŋa n-kuhiri yɛra, “Kumiy’ o! Kumiy’ o!”
Pool zab’ omaŋ’ zuɣu
37Bɛ ni daa ti yɛn zaŋ Pool kpe tɔbbihi maa biɛhigu shee saha shɛli ka o daa bɔhi sapashin’ kpɛm’ maa, “A ni ti ma noli ka n yɛl’ a shɛli?” Ka sapashin’ maa bɔh’ o, “A wumdi Giriikili?” 38Ka lan bɔh’ o, “Pa nyini n-nyɛ Ijipti ninvuɣ’ so ŋun daa zaŋ ninvuɣ’ kuriba tusa anahi n-taai duŋ zo n-kpe mɔɣu la?”
39Ka Pool garigi yɛl’ o, “N nyɛla Yɛhudia nira, ka nyɛ Taasus din be Kilikia tiŋgbɔŋ ni ka bi pɔri la tiŋbia. Ka lan yɛl’ o, ‘N suhir’ a noli ni a chɛ ka n tɔɣisi niriba ŋɔ yɛtɔɣa.’ ”
40O ni daa bah’ o noli ka o zani di dunɔbia zuɣu n-kpuɣ’ o nuu gahi salo maa n-wuhi ni bɛ foma. Bɛ ni daa fo m-bahi ka o tɔɣisi ba Hiburuli ni yɛli:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.