Tuumba Tuma 20
20
Pool labi Masidɔnia mini Akaia
1Vuri maa ni daa ti maai, ka Pool laɣim Yisa nyaandoliba maa na nti kpaŋsi bɛ suhuri ka chɛbisi ba, ka zaŋ kpa Masidɔnia polo. 2O daa kaai gili nimaani tinsi zaa n-kpaŋsiri Yisa nyaandoliba suhuri pam m-mali ti paai Giriis 3n-daa kpalim ni niŋ chira ata. Ka daa ti yɛn yiɣisi kpe ŋariŋ chaŋ Siria ka wum ni Yɛhudianim’ gu o soli, ka o daa lo nia ni o ni zaŋ doli Masidɔnia polo chaŋ. 4Ka Pirɔs bia Sɔpata ŋun daa nyɛ Bɛria tiŋbia la mini Aristakus ni Sɛkundus bɛn daa nyɛ Tɛsalɔnaika tiŋbihi la ni Gaiɔs ŋun daa nyɛ Dɛɛbi tiŋbia la ni Timoti m-pahi Tikikus mini Trɔfimus bɛn daa yi Ɛsha na la daa dol’ o chaŋ. 5Ka bɛ daa daŋ ti tooni chaŋ Troas nti gul’ ti. 6Ka Bɔrɔbɔro din ka Dabindi Chuɣu la daa puhi gari, ka ti mi kpe ŋariŋ Filipai n-zaŋ daba anu chaŋ ti paai ba Troas; ka ti daa niŋ daba ayopɔin nimaani.
Pool Troas chandi din bahindi nyaaŋa
7Ka ti daa ti laɣim bakɔi piligu dali ni ti ŋmahi bɔrɔbɔro n-laɣim di Ti Duuma Bindirigu, ka Pool ni daa lɔri ni biɛɣu neei ka o chɛbisi ba ka chaŋ la zuɣu chɛ ka o daa tɔɣisi ba Naawuni soli yɛla hal ni yuntisuɣu. 8Firilanim’ pam daa be jirambisa du’ shɛl’ ni ti ni daa laɣim maa. 9Ka nachimbil’ so ŋun yuli daa booni Yutikus daa ʒi takɔro zuɣu. Pool ni daa tɔɣisi yuui maa zuɣu ka nachimbil’ maa daa ti ʒeei gom n-gbihi biligi lu tiŋ’ ha. Zuɣusaa duu din pah’ ata ni ka o daa yi n-lu maa ha, ka bɛ daa kpuɣ’ o la kpima. 10Ka Pool daa siɣi nti kurim o sani m-bɔbind’ o ka yɛli, “Di chɛliya ka yi suhuri zɔhira, dama o na nyɛla nyɛvililana.” 11Pool ni daa lab’ du duu maa ni nti ŋmahi bɔrɔbɔro ŋubi naai, o daa lan gbaai ba la yɛtɔɣa tɔɣisibu n-daa mali lala hal ka biɛɣu ti neei, ka o naanyi chɛbisi ba ka chaŋ. 12Ka bɛ daa zaŋ nachimbil’ maa kuli ni alaafee, ka bɛ suhuri daa maai pam.
Pool yi Troas n-chaŋ Milɛtus
13Ka ti daa yiɣisi ni n-kpe ŋariŋ chaŋ Asɔs ni ti ti zaŋ Pool pahi timaŋ’ zuɣu; ti min’ o ni daa pun tɔɣisi zali shɛm m-bala, dama o daa yɛliya ni ŋun’ yɛn chaŋla tiŋ’ paai ni. 14O ni daa ti paai ti Asɔs ka ti zaŋ o niŋ ŋariŋ maa ni chaŋ Mitilin. 15Ka ti daa ti yiɣisi ni n-yi biɛɣu paai Kiɔs n-naanyi yi biɛɣu paai Samɔs n-kaai biɛɣu paai Milɛtus. 16Pool daa bɔri ni o baɣisila Ɛfɛsus gari, dama o daa bi bɔri ni sangal’ shɛli ti taɣ’ o zali Ɛsha. O daa niŋdila yomyom ni di yi ni tooi nani ka o paai Jɛrusalɛm Pɛntikɔst dali.
Pool chɛbisi Ɛfɛsus Cheechi kpamba
17Saha shɛli Pool ni daa be Milɛtus maa ka o daa tim ti boli Ɛfɛsus Cheechi kpamba. 18Bɛ ni daa kana ka o yɛli ba, “Yi zaa mi m biɛhigu ni nyɛ shɛm dahin’ shɛli n ni daa tuui ka Ɛsha tiŋgbɔŋ ŋɔ ni na nti be yi sani hal ni zuŋɔ. 19N daa jɛmdi ti Duuma ni maŋsiɣisibu mini nintam m-pahi muɣisigu shɛŋa n ni daa nyari Yɛhudianim’ ni daa dooni guri ma sol’ la zuɣu. 20N daa bi sɔɣi ya yɛl’ shɛŋa din ni sɔŋ ya, amaa ka daa zaŋ li wuhi ya niriba ni mini yili kam ni. 21N daa mooi n nini n-yɛri Yɛhudianim’ mini bɛn pa Yɛhudianima ni bɛ niŋm’ tuuba Naawuni sani ka niŋ ti Duuma Yisa yɛda.” 22Ka lan yɛli ba, “Pumpɔŋɔ Naawuni Shia Kasi n-tahiri ma Jɛrusalɛm, ka m mi bi mi din ti yɛn niŋ ma nimaani. 23Naawuni Shia Kasi n-naɣ’ wuhiri ma tiŋ’ kam ni ni sarika kpɛbu mini wahala n-guli ma nimaani. 24#2 Tim 4.7 Amaa m bi lihi n nyɛvili ka di nyɛ shɛli, man’ dee yi ni tooi naai tuun’ shɛli ti Duuma Yisa ni ti ma la; dina n-nyɛ ni m moli Naawuni daalibarika lahibal’ suŋ hal ti paai n nyɛvili tariga.
25“Pumpɔŋɔ m mi ni n ni gili yihi Naawuni nam waazu yi ninvuɣ’ shɛb’ sani zaa ŋɔ ku lan nya ma ni yi nini yaha. 26Dinzuɣu zuŋɔ dabisili ŋɔ, n yɛri ya mi ni n nuu yi yi zaa nyɛviya bahi yoli taali ni, 27dama m bi sɔɣi ya yɛl’ shɛli; n kahigi Naawuni yɛlli kam wuhi ya.” 28O daa lan yɛli ba, “Gbibiya yimaŋ’ viɛnyɛliŋga, ka guliya Naawuni Shia Kasi ni zaŋ ya leei Naawuni piɛ’ shɛb’ guliba la, ka dihiri bɛn nyɛ Naawuni Cheechi shɛli o ni daa zaŋ omaŋmaŋ’ Bia ʒim fa m-bahi la. 29M mi ni n chandi nyaaŋa ninvuɣ’ kundun’ biɛri ni ti kana ti kpe yi ni, ka ku chɛ Naawuni piɛri maa. 30Ka ninvuɣ’ shɛb’ ni ti yiɣisi yimaŋmaŋ’ gba ni n-tɔɣisi ya chirimbu yɛtɔɣa ni bɛ lɛbigi nyaandoliba maa suhuri n-zu ba chaŋ. 31Dinzuɣu niŋmiya siɣa, ka teeya ni yuun’ muna ata ka n zaŋ saɣisi yi zaa ha ni nintam yuŋ ni wuntaŋ’ ni.
32“Ka pumpɔŋɔ n zaŋ ya niŋ Naawuni nuu ni, ka lan zaŋ ya niŋ o daalibarika yɛtɔɣa din ni tooi kpaŋsi ya la ni. Dina n-ni chɛ ka yi nya tarili bɛn nyɛ Naawuni ni mali ninvuɣ’ shɛb’ ka bɛ be kasi la ni. 33N kɔre daa bi kpe yi ni so daanzinfa bee salima bee situra ni. 34Yimaŋmaŋ’ mi ni n nuu zuɣu tuma ka n daa zaŋ dihi m mini n dolintaba, hal ka daa yɛli ba situra pahi. 35Binshɛɣukam puuni n wuhi ya ni sokam moom’ o nini n-tum lala sɔŋ bɛn ka kpiɔŋ la, ka teeya ti Duuma Yisa ni daa yɛli shɛm la, Dina n-nyɛ ni Ŋun tiri mal’ alibarika gari ŋun deera.”
36Pool ni daa yɛl’ lala naai ka o mini ba zaa gban’ tiŋa ka o suhi Naawuni. 37Ka bɛ daa yiɣisi bɔb’ gbaai Pool, ka kum ni nintam, ka puh’ o viɛnyɛliŋga. 38Ka din daa niŋ ba suhugarigu gari shɛlikam nyɛla o ni daa yɛli ba ni bɛ nini ku lan nya o la. Ka bɛ daa biɛl’ o tahi ŋariŋ gbini.
Currently Selected:
Tuumba Tuma 20: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Tuumba Tuma 20
20
Pool labi Masidɔnia mini Akaia
1Vuri maa ni daa ti maai, ka Pool laɣim Yisa nyaandoliba maa na nti kpaŋsi bɛ suhuri ka chɛbisi ba, ka zaŋ kpa Masidɔnia polo. 2O daa kaai gili nimaani tinsi zaa n-kpaŋsiri Yisa nyaandoliba suhuri pam m-mali ti paai Giriis 3n-daa kpalim ni niŋ chira ata. Ka daa ti yɛn yiɣisi kpe ŋariŋ chaŋ Siria ka wum ni Yɛhudianim’ gu o soli, ka o daa lo nia ni o ni zaŋ doli Masidɔnia polo chaŋ. 4Ka Pirɔs bia Sɔpata ŋun daa nyɛ Bɛria tiŋbia la mini Aristakus ni Sɛkundus bɛn daa nyɛ Tɛsalɔnaika tiŋbihi la ni Gaiɔs ŋun daa nyɛ Dɛɛbi tiŋbia la ni Timoti m-pahi Tikikus mini Trɔfimus bɛn daa yi Ɛsha na la daa dol’ o chaŋ. 5Ka bɛ daa daŋ ti tooni chaŋ Troas nti gul’ ti. 6Ka Bɔrɔbɔro din ka Dabindi Chuɣu la daa puhi gari, ka ti mi kpe ŋariŋ Filipai n-zaŋ daba anu chaŋ ti paai ba Troas; ka ti daa niŋ daba ayopɔin nimaani.
Pool Troas chandi din bahindi nyaaŋa
7Ka ti daa ti laɣim bakɔi piligu dali ni ti ŋmahi bɔrɔbɔro n-laɣim di Ti Duuma Bindirigu, ka Pool ni daa lɔri ni biɛɣu neei ka o chɛbisi ba ka chaŋ la zuɣu chɛ ka o daa tɔɣisi ba Naawuni soli yɛla hal ni yuntisuɣu. 8Firilanim’ pam daa be jirambisa du’ shɛl’ ni ti ni daa laɣim maa. 9Ka nachimbil’ so ŋun yuli daa booni Yutikus daa ʒi takɔro zuɣu. Pool ni daa tɔɣisi yuui maa zuɣu ka nachimbil’ maa daa ti ʒeei gom n-gbihi biligi lu tiŋ’ ha. Zuɣusaa duu din pah’ ata ni ka o daa yi n-lu maa ha, ka bɛ daa kpuɣ’ o la kpima. 10Ka Pool daa siɣi nti kurim o sani m-bɔbind’ o ka yɛli, “Di chɛliya ka yi suhuri zɔhira, dama o na nyɛla nyɛvililana.” 11Pool ni daa lab’ du duu maa ni nti ŋmahi bɔrɔbɔro ŋubi naai, o daa lan gbaai ba la yɛtɔɣa tɔɣisibu n-daa mali lala hal ka biɛɣu ti neei, ka o naanyi chɛbisi ba ka chaŋ. 12Ka bɛ daa zaŋ nachimbil’ maa kuli ni alaafee, ka bɛ suhuri daa maai pam.
Pool yi Troas n-chaŋ Milɛtus
13Ka ti daa yiɣisi ni n-kpe ŋariŋ chaŋ Asɔs ni ti ti zaŋ Pool pahi timaŋ’ zuɣu; ti min’ o ni daa pun tɔɣisi zali shɛm m-bala, dama o daa yɛliya ni ŋun’ yɛn chaŋla tiŋ’ paai ni. 14O ni daa ti paai ti Asɔs ka ti zaŋ o niŋ ŋariŋ maa ni chaŋ Mitilin. 15Ka ti daa ti yiɣisi ni n-yi biɛɣu paai Kiɔs n-naanyi yi biɛɣu paai Samɔs n-kaai biɛɣu paai Milɛtus. 16Pool daa bɔri ni o baɣisila Ɛfɛsus gari, dama o daa bi bɔri ni sangal’ shɛli ti taɣ’ o zali Ɛsha. O daa niŋdila yomyom ni di yi ni tooi nani ka o paai Jɛrusalɛm Pɛntikɔst dali.
Pool chɛbisi Ɛfɛsus Cheechi kpamba
17Saha shɛli Pool ni daa be Milɛtus maa ka o daa tim ti boli Ɛfɛsus Cheechi kpamba. 18Bɛ ni daa kana ka o yɛli ba, “Yi zaa mi m biɛhigu ni nyɛ shɛm dahin’ shɛli n ni daa tuui ka Ɛsha tiŋgbɔŋ ŋɔ ni na nti be yi sani hal ni zuŋɔ. 19N daa jɛmdi ti Duuma ni maŋsiɣisibu mini nintam m-pahi muɣisigu shɛŋa n ni daa nyari Yɛhudianim’ ni daa dooni guri ma sol’ la zuɣu. 20N daa bi sɔɣi ya yɛl’ shɛŋa din ni sɔŋ ya, amaa ka daa zaŋ li wuhi ya niriba ni mini yili kam ni. 21N daa mooi n nini n-yɛri Yɛhudianim’ mini bɛn pa Yɛhudianima ni bɛ niŋm’ tuuba Naawuni sani ka niŋ ti Duuma Yisa yɛda.” 22Ka lan yɛli ba, “Pumpɔŋɔ Naawuni Shia Kasi n-tahiri ma Jɛrusalɛm, ka m mi bi mi din ti yɛn niŋ ma nimaani. 23Naawuni Shia Kasi n-naɣ’ wuhiri ma tiŋ’ kam ni ni sarika kpɛbu mini wahala n-guli ma nimaani. 24#2 Tim 4.7 Amaa m bi lihi n nyɛvili ka di nyɛ shɛli, man’ dee yi ni tooi naai tuun’ shɛli ti Duuma Yisa ni ti ma la; dina n-nyɛ ni m moli Naawuni daalibarika lahibal’ suŋ hal ti paai n nyɛvili tariga.
25“Pumpɔŋɔ m mi ni n ni gili yihi Naawuni nam waazu yi ninvuɣ’ shɛb’ sani zaa ŋɔ ku lan nya ma ni yi nini yaha. 26Dinzuɣu zuŋɔ dabisili ŋɔ, n yɛri ya mi ni n nuu yi yi zaa nyɛviya bahi yoli taali ni, 27dama m bi sɔɣi ya yɛl’ shɛli; n kahigi Naawuni yɛlli kam wuhi ya.” 28O daa lan yɛli ba, “Gbibiya yimaŋ’ viɛnyɛliŋga, ka guliya Naawuni Shia Kasi ni zaŋ ya leei Naawuni piɛ’ shɛb’ guliba la, ka dihiri bɛn nyɛ Naawuni Cheechi shɛli o ni daa zaŋ omaŋmaŋ’ Bia ʒim fa m-bahi la. 29M mi ni n chandi nyaaŋa ninvuɣ’ kundun’ biɛri ni ti kana ti kpe yi ni, ka ku chɛ Naawuni piɛri maa. 30Ka ninvuɣ’ shɛb’ ni ti yiɣisi yimaŋmaŋ’ gba ni n-tɔɣisi ya chirimbu yɛtɔɣa ni bɛ lɛbigi nyaandoliba maa suhuri n-zu ba chaŋ. 31Dinzuɣu niŋmiya siɣa, ka teeya ni yuun’ muna ata ka n zaŋ saɣisi yi zaa ha ni nintam yuŋ ni wuntaŋ’ ni.
32“Ka pumpɔŋɔ n zaŋ ya niŋ Naawuni nuu ni, ka lan zaŋ ya niŋ o daalibarika yɛtɔɣa din ni tooi kpaŋsi ya la ni. Dina n-ni chɛ ka yi nya tarili bɛn nyɛ Naawuni ni mali ninvuɣ’ shɛb’ ka bɛ be kasi la ni. 33N kɔre daa bi kpe yi ni so daanzinfa bee salima bee situra ni. 34Yimaŋmaŋ’ mi ni n nuu zuɣu tuma ka n daa zaŋ dihi m mini n dolintaba, hal ka daa yɛli ba situra pahi. 35Binshɛɣukam puuni n wuhi ya ni sokam moom’ o nini n-tum lala sɔŋ bɛn ka kpiɔŋ la, ka teeya ti Duuma Yisa ni daa yɛli shɛm la, Dina n-nyɛ ni Ŋun tiri mal’ alibarika gari ŋun deera.”
36Pool ni daa yɛl’ lala naai ka o mini ba zaa gban’ tiŋa ka o suhi Naawuni. 37Ka bɛ daa yiɣisi bɔb’ gbaai Pool, ka kum ni nintam, ka puh’ o viɛnyɛliŋga. 38Ka din daa niŋ ba suhugarigu gari shɛlikam nyɛla o ni daa yɛli ba ni bɛ nini ku lan nya o la. Ka bɛ daa biɛl’ o tahi ŋariŋ gbini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.