2 Tɛsalɔnaikanima PILIGU
PILIGU
Bɛ ni daa yuuni Masia labbuna soli la daa kul nyɛla din tahiri yɛla na Tɛsalɔnaika cheechi ni. Pool ni daa sabi gban shɛli din pahi ayi n-ti Tɛsalɔnaikanim’ ŋɔ nyɛla din yɛri ninvuɣ’ shɛb’ bɛn daa niŋ yɛda ni Masia labbuna dabisili pun paai la yɛla. Pool daa taɣi bɛ tɛha zaŋ chaŋ yɛlli ŋɔ polo. O daa yɛliya ni pɔi ka Masia naanyi labina faashee alahiziba ninvuɣ’ so bɛ ni booni “Putɔɣulan’ la” ti gari tooni n-chɛ ka zaɣ’ biɛɣu mini putɔɣu zooi pam, ŋun nyɛ ŋun ni ti tuhiri Masia. Tumo maa nyɛla ŋun kpaŋsiri bɛn karind’ o sabbu maa ni di chɛ ka bɛ kul gbibi yɛda viɛnyɛliŋga, hal yɛlimuɣisira mini wahala ni kul beni maa zaa yoli. O yɛli ba ni bɛ tummi tuma din ni chɛ ka bɛ nyari bindirigu kaman ŋun Pool min’ o tumtumditab’ maa ni tumdi shɛm maa, ka mali ania tuun’ viɛla tumbu ni.
Din be litaafi ŋɔ puuni
Piligu 1.1-2
Paɣibu mini kpaŋsibu 1.3-12
Wuhibu zaŋ chaŋ Masia labbuna polo 2.1-17
Wuhibu zaŋ chaŋ Kristiɛnnim’ biɛhigu polo 3.1-15
Naabu 3.16-18
Currently Selected:
2 Tɛsalɔnaikanima PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.