2 Kɔrintinima 5
5
1Ti mi ni ti ni be dunia ŋɔ ni Tanti yil’ shɛl’ ni ŋɔ yi saɣim, ti mali yil’ shɛli Naawuni sani, ka di nyɛ din ni be alizanda ni hal ni saha din ka bahigu, ka di mi pala ninsal’ nuhi ni me shɛli. 2Ka ti kul ŋuhirimi ti dunia ŋɔ ni niŋgbuŋ ŋɔ puuni, dama ti suhuri kul yɛmi ni ti zaŋ alizanda ni yili maa ye kaman binyɛrigu la m-pa ti dunia ŋɔ ni Tanti yili maa zuɣu; 3ka ti mi yi ye li, di ni chɛ ka ti ku be ti zaɣim. 4Ti ni be dunia ŋɔ ni Tanti yili ŋɔ ni maa, ti kul ŋuhirimi ni suhubɔhibo; ka di pala ti bɔrimi ni ti yee’ li sɔŋ, amaa ti bɔri ni ti yɛla alizanda ni din’ la pa di zuɣu, ka di chɛ ka nyɛvili tooi vali din kpira. 5Naawuni n-nyɛ ŋun mali ti shili gu dimbɔŋɔ, ka zaŋ o Shia Kasi niŋ ti ni ni o chɛ ka ti baŋ ti ni ti yɛn nya shɛl’ la.
6Lala zuɣu ka ti kul mali suhukpeeni. Ti mi ni ti yi be ti niŋgbuŋ din nyɛ yili ŋɔ ni, ti na ka ti Duuma yiŋa m-bala, 7dama yɛda niŋbu zuɣu ka ti be, ka pa ni ti nini ni nya shɛli zuɣu. 8Ti mali suhukpeeni, ka paɣi ni ti yi ti niŋgbuŋ ŋɔ ni n-chaŋ ti be ti Duuma sani. 9Dinzuɣu ti yi be ti niŋgbuŋ din nyɛ yili ŋɔ ni bee ti yi ka di ni, ti nia lɔbu nyɛla ni ti tiɣi o nini. 10#Rom 14.10 Dama di nyɛla talahi ni ti zaa ti zani Masia tooni ka o kari ti saria, ka sokam ti deeg’ o ni daa tum shɛm o niŋgbuŋ ni nyɔri, di yi nyɛla zaɣ’ suŋ bee zaɣ’ biɛɣu.
Ti mini Naawuni mali zɔtali Masia zuɣu
11Dinzuɣu ti ni zɔri ti Duuma zuɣu ka ti kpamdi niriba jaande; amaa Naawuni mi ti biɛhigu ni nyɛ shɛm zaa, ka ti mali tahima ni yi gba mi li yi suhuri ni. 12Ti mi bi tibigirila timaŋa yi sani yaha, amaa ti wuhiri ya la dalir’ shɛli din ni chɛ ka yi nyu bara ti zuɣu, ka lan chɛ ka yi tooi garigi ninvuɣ’ shɛb’ bɛn mali ninsal’ niŋgbuŋkom lihibu nyuri bara, ka pa ni o biɛhigu la bɔhigu. 13Ti yi nyɛla bɛn zuɣuri lɛbigi, di nyɛla Naawuni zuɣu; ka ti yi nyɛla ninvuɣ’ maŋa, di nyɛla yi zuɣu. 14Masia yurilim n-gbibi ti, dama ti tɛha nyɛla ŋ-ŋɔ: Ninvuɣ’ yino yi daa kpi sokam zaa zuɣu, dindina sokam zaa kpimi m-bala. 15O daa shiri kpila sokam zaa zuɣu ni bɛn mali nyɛviya la di lan be bɛmaŋmaŋ’ yubu tumbu zuɣu, amaa ka ni bela ŋun daa kpi bɛ zuɣu ka lan neei maa yubu tumbu zuɣu.
16Dinzuɣu pumpɔŋɔ zaŋ chana, ti bi lan lihiri so kaman daadamnim’ ni lihir’ o shɛm; hal ti ni daa lihi Masia kaman daadamnim’ ni lihir’ o shɛm la, ti bi lan lihir’ o lala. 17Ka ninvuɣ’ so yi be Masia ni, o biɛhigu leela biɛr’ palli; nyama, ka o biɛr’ kurili la din’ gari; ka biɛr’ palli maa deei di zaani zani. 18Dimbɔŋɔnim’ zaa yila Naawuni ŋun zaŋ ti naai ŋun’ Naawuni maŋmaŋa Masia zuɣu la sanna, ka zaŋ niriba naai ŋun’ Naawuni tuma niŋ ti gba nuu ni 19Dimbɔŋɔ wuhiri ni Naawuni daa be Masia ni n-zaŋdi dunianim’ naari ŋun’ Naawuni maŋmaŋa, ka bi lan niŋdi bɛ daalahichi laasabu, ka zaŋ niriba naai ŋun’ Naawuni yɛla niŋ ti nuu ni.
20Dinzuɣu ti nyɛla Masia tuumba bɛn ʒe o zaani, ka Naawuni be ti ni n-kul booni niriba. Lala zuɣu ka ti kul ʒe Masia zaani n-suhiri ya yɛra, “Zaŋmiya yimaŋa n-naai Naawuni.” 21Ti zuɣu ka Naawuni daa zaŋ Masia ŋun ka alahichi la n-zali alahichi zaani ni di chɛ ka ti leei wuntizɔriba ŋun’ Naawuni sani o zuɣu.
Currently Selected:
2 Kɔrintinima 5: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
2 Kɔrintinima 5
5
1Ti mi ni ti ni be dunia ŋɔ ni Tanti yil’ shɛl’ ni ŋɔ yi saɣim, ti mali yil’ shɛli Naawuni sani, ka di nyɛ din ni be alizanda ni hal ni saha din ka bahigu, ka di mi pala ninsal’ nuhi ni me shɛli. 2Ka ti kul ŋuhirimi ti dunia ŋɔ ni niŋgbuŋ ŋɔ puuni, dama ti suhuri kul yɛmi ni ti zaŋ alizanda ni yili maa ye kaman binyɛrigu la m-pa ti dunia ŋɔ ni Tanti yili maa zuɣu; 3ka ti mi yi ye li, di ni chɛ ka ti ku be ti zaɣim. 4Ti ni be dunia ŋɔ ni Tanti yili ŋɔ ni maa, ti kul ŋuhirimi ni suhubɔhibo; ka di pala ti bɔrimi ni ti yee’ li sɔŋ, amaa ti bɔri ni ti yɛla alizanda ni din’ la pa di zuɣu, ka di chɛ ka nyɛvili tooi vali din kpira. 5Naawuni n-nyɛ ŋun mali ti shili gu dimbɔŋɔ, ka zaŋ o Shia Kasi niŋ ti ni ni o chɛ ka ti baŋ ti ni ti yɛn nya shɛl’ la.
6Lala zuɣu ka ti kul mali suhukpeeni. Ti mi ni ti yi be ti niŋgbuŋ din nyɛ yili ŋɔ ni, ti na ka ti Duuma yiŋa m-bala, 7dama yɛda niŋbu zuɣu ka ti be, ka pa ni ti nini ni nya shɛli zuɣu. 8Ti mali suhukpeeni, ka paɣi ni ti yi ti niŋgbuŋ ŋɔ ni n-chaŋ ti be ti Duuma sani. 9Dinzuɣu ti yi be ti niŋgbuŋ din nyɛ yili ŋɔ ni bee ti yi ka di ni, ti nia lɔbu nyɛla ni ti tiɣi o nini. 10#Rom 14.10 Dama di nyɛla talahi ni ti zaa ti zani Masia tooni ka o kari ti saria, ka sokam ti deeg’ o ni daa tum shɛm o niŋgbuŋ ni nyɔri, di yi nyɛla zaɣ’ suŋ bee zaɣ’ biɛɣu.
Ti mini Naawuni mali zɔtali Masia zuɣu
11Dinzuɣu ti ni zɔri ti Duuma zuɣu ka ti kpamdi niriba jaande; amaa Naawuni mi ti biɛhigu ni nyɛ shɛm zaa, ka ti mali tahima ni yi gba mi li yi suhuri ni. 12Ti mi bi tibigirila timaŋa yi sani yaha, amaa ti wuhiri ya la dalir’ shɛli din ni chɛ ka yi nyu bara ti zuɣu, ka lan chɛ ka yi tooi garigi ninvuɣ’ shɛb’ bɛn mali ninsal’ niŋgbuŋkom lihibu nyuri bara, ka pa ni o biɛhigu la bɔhigu. 13Ti yi nyɛla bɛn zuɣuri lɛbigi, di nyɛla Naawuni zuɣu; ka ti yi nyɛla ninvuɣ’ maŋa, di nyɛla yi zuɣu. 14Masia yurilim n-gbibi ti, dama ti tɛha nyɛla ŋ-ŋɔ: Ninvuɣ’ yino yi daa kpi sokam zaa zuɣu, dindina sokam zaa kpimi m-bala. 15O daa shiri kpila sokam zaa zuɣu ni bɛn mali nyɛviya la di lan be bɛmaŋmaŋ’ yubu tumbu zuɣu, amaa ka ni bela ŋun daa kpi bɛ zuɣu ka lan neei maa yubu tumbu zuɣu.
16Dinzuɣu pumpɔŋɔ zaŋ chana, ti bi lan lihiri so kaman daadamnim’ ni lihir’ o shɛm; hal ti ni daa lihi Masia kaman daadamnim’ ni lihir’ o shɛm la, ti bi lan lihir’ o lala. 17Ka ninvuɣ’ so yi be Masia ni, o biɛhigu leela biɛr’ palli; nyama, ka o biɛr’ kurili la din’ gari; ka biɛr’ palli maa deei di zaani zani. 18Dimbɔŋɔnim’ zaa yila Naawuni ŋun zaŋ ti naai ŋun’ Naawuni maŋmaŋa Masia zuɣu la sanna, ka zaŋ niriba naai ŋun’ Naawuni tuma niŋ ti gba nuu ni 19Dimbɔŋɔ wuhiri ni Naawuni daa be Masia ni n-zaŋdi dunianim’ naari ŋun’ Naawuni maŋmaŋa, ka bi lan niŋdi bɛ daalahichi laasabu, ka zaŋ niriba naai ŋun’ Naawuni yɛla niŋ ti nuu ni.
20Dinzuɣu ti nyɛla Masia tuumba bɛn ʒe o zaani, ka Naawuni be ti ni n-kul booni niriba. Lala zuɣu ka ti kul ʒe Masia zaani n-suhiri ya yɛra, “Zaŋmiya yimaŋa n-naai Naawuni.” 21Ti zuɣu ka Naawuni daa zaŋ Masia ŋun ka alahichi la n-zali alahichi zaani ni di chɛ ka ti leei wuntizɔriba ŋun’ Naawuni sani o zuɣu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.