1 Tɛsalɔnaikanima PILIGU
PILIGU
Tɛsalɔnaika daa nyɛla Romnim’ ni su Masidɔnia yaɣ’ shɛli polo la tinzuɣu. Pool daa piligila cheechi nimaani o ni daa yi Filipai la nyaaŋa. Amaa di daa bi yuui ka Yɛhudianim’ daa zabiri Pool nyuli o ni daa di nasara Yisa yɛla waazu yihi ti bɛn pa Yɛhudianima, ka nyɛ bɛn bɔri Yɛhudianim’ adiini la zuɣu. Bɛ daa zaŋla kpiɔŋ yihi Pool Tɛsalɔnaika, ka o yi nimaani chaŋla Bɛria. Di nyaaŋa zaŋ chana, Pool ni daa ti paai Kɔrinti, ka o daa deei Tɛsalɔnaika cheechi lahibali o dolinikpee ni o tumtumdikpee Timoti sani.
Pool daa sabi o tuuli gbaŋ ŋɔ ni o kpaŋsi ba mi ka chɛ ka bɛ baŋ Kristiɛn biɛhigu yɛlimaŋtali ni nyɛ shɛm nimaani. O daa paɣi Naawuni o ni daa wum bɛ yɛda mini bɛ yurilim yɛla shɛm zuɣu, ka daa teei ba omaŋmaŋ’ biɛhigu ni daa nyɛ shɛm saha shɛl’ o ni daa be bɛ sani la.
Dimbɔŋɔ nyaaŋa ka o daa garigi bɛ ni daa bɔhi bɔhigu shɛŋa zaŋ chaŋ Masia labbuna polo la. Bɔhigunim’ maa n-nyɛ: Yɛdaniŋda ŋun kpi ka Masia na bi labina ni tooi nya Masia ni ti yɛn ʒi nyɛvili din ka bahigu shɛli kana daalibarika? Ka bɔ saha ka Masia yɛn labina? Di saha ka Pool daa zaŋ o ni nya dahima shɛli maa n-yɛli ba ni bɛ kul tummi bɛ tuma ni suhudoo, ka mali tahima n-guhiri Masia labbuna.
Din be litaafi ŋɔ puuni
Piligu 1.1
Puhigu ni wumpaɣibo 1.2—3.13
Kpaŋsibu zaŋ chaŋ Kristiɛn biɛhigu polo 4.1-12
Wuhibu zaŋ chaŋ Masia labbuna polo 4.13—5.11
Kpaŋsibu din bahindi nyaaŋa 5.12-22
Naabu 5.23-28
Currently Selected:
1 Tɛsalɔnaikanima PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.