1 Kɔrintinima 6
6
1Yi ni so yi mali taali ni o kpee, o ni buɣisi ni o zaŋ di yɛla maa tahi sariakaritiba bɛn pa Yisa yɛdaniŋdiba sani, ka pa ni Naawuni ninvuɣ’ gahinda sani? 2Yi bi mi ni Naawuni ninvuɣ’ gahinda nti yɛn kari dunia ŋɔ nim’ saria? Ka yinima n-yi nyɛ bɛn ni ti kari dunianim’ saria, dindina yi ku tooi kari yimaŋmaŋ’ sunsuuni yɛtɔɣ’ bihi saria? 3Yi bi mi ni ti ni ti kari malaikanim’ gba saria? Ka di yi nyɛ lala, dindina ti ni tooi kari ti dunia ŋɔ ni biɛhigu yɛla saria gari lala! 4Dinzuɣu yi yi maani yɛla ŋɔ tatabo, di chaŋ wula ka yi zaŋdi yi yɛla tahiri cheechi ni bi dihi ninvuɣ’ shɛb’ bebu tabili sani? 5Di simdi ni yi chɛ ka vi mali ya dimbɔŋɔ zuɣu! Di nyɛla yɛlimaŋli ni yɛndan’ shiri ka yi ni ŋun ni tooi kari yi mabihili puuni yɛla saria? 6Yi ni so shiri zaŋd’ o mabia tahiri sariakaritiba bɛn pa Yisa yɛdaniŋdiba sani ni bɛ ti kari ba saria? 7Yi ni so yi zaŋ o mabia tahi ʒiishee, yi dihila yimaŋ’ vi maa. Bɔ n-chɛ ka yi ku dihi yɛla sɔŋ yi suhuri ni? Bɔ n-chɛ ka yi ni so yi din ya zalinsi ka yi ku chɛ di yɛla bahi? 8Amaa yimaŋmaŋ’ tumdi tab’ taali ka diri tab’ zalinsi, hal yimaŋmaŋ’ mabihi ka yi niŋdi lala maa. 9Yi bi mi ni bɛn pa wuntizɔriba zaa ku kpe Naawuni nam ni? Di yɔhimya yimaŋa, dama bɛn tumdi daɣiri tuma mini buɣijɛmdiba ni zinaniŋdiba ni dɔbba bɛn gɔndi bɛ dɔtaba bee paɣiba bɛn gɔndi bɛ paɣitaba 10ni tayiɣisi ni kɔrɛnima ni danyuriba ni ninvuɣ’ turiba ni ninvuɣ’ fariba zaa ku kpe Naawuni nam ni. 11Lala ka yi ni shɛb’ daa be. Amaa ka Naawuni daa paɣi yi daalahichi bahi, ka mali ya ka yi be kasi. Ka yi leei wuntizɔriba ti Duuma Yisa Masia yuli mini Naawuni Shia Kasi zuɣu.
Ti niŋgbuna bela Naawuni jilima tibu zuɣu
12 #
1 Kɔr 10.23
So ni yɛli, “Binshɛɣukam zaa luhiya n sani.” Yɛlimaŋli, amaa pa binshɛɣukam zaa m-mali nir’ buchi. N gba ni tooi yɛli ni binshɛɣukam zaa luhiya n sani, amaa n ku saɣi chɛ ka di shɛli zaŋ ma leei di dabili. 13So mi ni yɛli, “Bindirigu nyɛla puli dini, ka puli gba nyɛ bindirigu dini.” Yɛlimaŋli, amaa Naawuni ni ti saɣim di zaa yim. Niŋgbuŋ bi bela kɔr’ biɛri tuma tumbu zuɣu; amaa di nyɛla ti Duuma dini, ka ti Duuma gba nyɛ niŋgbuŋ dini. 14Naawuni n-daa neei ti Duuma kum ni, ka ni ti neei ti gba kum ni o yiko ni.
15Yi bi mi ni yi niŋgbuna nyɛla Masia niŋgbuŋ yaɣ’ shɛli polo? Ka di simdi ni n zaŋ Masia niŋgbuna yaɣ’ shɛli leei pagɔrili dini? Naawuni di wuhi gba! 16#Pil 2.24 Yi bi mi ni ŋun mini pagɔrili laɣim min’ o leela niŋgbun yini? Dama di sabiya ni niriba ayi ni leei niŋgbun yini. 17Amaa ŋun zaŋ omaŋa tabili ti Duuma min’ o leela shi’ yino.
18Zomiya kɔr’ biɛri tuma! ŋun tumdi kɔr’ biɛri tuma tumdi li dalindirila omaŋmaŋ’ niŋgbuŋ, amaa ninsal’ ni tumd’ alahichi balibu shɛŋa zaa pahi pala din dalind’ o niŋgbuŋ. 19#1 Kɔr 3.16; 2 Kɔr 6.16 Yi bi mi ni yi niŋgbuna maa nyɛla Shia Kasi so Naawuni ni zaŋ tin ya ka o be yi ni la duu? Yi bi su yimaŋa. 20Naawuni dan ya la shaara pam; dinzuɣu timiya Naawuni jilima yi niŋgbuna maa ni.
Currently Selected:
1 Kɔrintinima 6: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
1 Kɔrintinima 6
6
1Yi ni so yi mali taali ni o kpee, o ni buɣisi ni o zaŋ di yɛla maa tahi sariakaritiba bɛn pa Yisa yɛdaniŋdiba sani, ka pa ni Naawuni ninvuɣ’ gahinda sani? 2Yi bi mi ni Naawuni ninvuɣ’ gahinda nti yɛn kari dunia ŋɔ nim’ saria? Ka yinima n-yi nyɛ bɛn ni ti kari dunianim’ saria, dindina yi ku tooi kari yimaŋmaŋ’ sunsuuni yɛtɔɣ’ bihi saria? 3Yi bi mi ni ti ni ti kari malaikanim’ gba saria? Ka di yi nyɛ lala, dindina ti ni tooi kari ti dunia ŋɔ ni biɛhigu yɛla saria gari lala! 4Dinzuɣu yi yi maani yɛla ŋɔ tatabo, di chaŋ wula ka yi zaŋdi yi yɛla tahiri cheechi ni bi dihi ninvuɣ’ shɛb’ bebu tabili sani? 5Di simdi ni yi chɛ ka vi mali ya dimbɔŋɔ zuɣu! Di nyɛla yɛlimaŋli ni yɛndan’ shiri ka yi ni ŋun ni tooi kari yi mabihili puuni yɛla saria? 6Yi ni so shiri zaŋd’ o mabia tahiri sariakaritiba bɛn pa Yisa yɛdaniŋdiba sani ni bɛ ti kari ba saria? 7Yi ni so yi zaŋ o mabia tahi ʒiishee, yi dihila yimaŋ’ vi maa. Bɔ n-chɛ ka yi ku dihi yɛla sɔŋ yi suhuri ni? Bɔ n-chɛ ka yi ni so yi din ya zalinsi ka yi ku chɛ di yɛla bahi? 8Amaa yimaŋmaŋ’ tumdi tab’ taali ka diri tab’ zalinsi, hal yimaŋmaŋ’ mabihi ka yi niŋdi lala maa. 9Yi bi mi ni bɛn pa wuntizɔriba zaa ku kpe Naawuni nam ni? Di yɔhimya yimaŋa, dama bɛn tumdi daɣiri tuma mini buɣijɛmdiba ni zinaniŋdiba ni dɔbba bɛn gɔndi bɛ dɔtaba bee paɣiba bɛn gɔndi bɛ paɣitaba 10ni tayiɣisi ni kɔrɛnima ni danyuriba ni ninvuɣ’ turiba ni ninvuɣ’ fariba zaa ku kpe Naawuni nam ni. 11Lala ka yi ni shɛb’ daa be. Amaa ka Naawuni daa paɣi yi daalahichi bahi, ka mali ya ka yi be kasi. Ka yi leei wuntizɔriba ti Duuma Yisa Masia yuli mini Naawuni Shia Kasi zuɣu.
Ti niŋgbuna bela Naawuni jilima tibu zuɣu
12 #
1 Kɔr 10.23
So ni yɛli, “Binshɛɣukam zaa luhiya n sani.” Yɛlimaŋli, amaa pa binshɛɣukam zaa m-mali nir’ buchi. N gba ni tooi yɛli ni binshɛɣukam zaa luhiya n sani, amaa n ku saɣi chɛ ka di shɛli zaŋ ma leei di dabili. 13So mi ni yɛli, “Bindirigu nyɛla puli dini, ka puli gba nyɛ bindirigu dini.” Yɛlimaŋli, amaa Naawuni ni ti saɣim di zaa yim. Niŋgbuŋ bi bela kɔr’ biɛri tuma tumbu zuɣu; amaa di nyɛla ti Duuma dini, ka ti Duuma gba nyɛ niŋgbuŋ dini. 14Naawuni n-daa neei ti Duuma kum ni, ka ni ti neei ti gba kum ni o yiko ni.
15Yi bi mi ni yi niŋgbuna nyɛla Masia niŋgbuŋ yaɣ’ shɛli polo? Ka di simdi ni n zaŋ Masia niŋgbuna yaɣ’ shɛli leei pagɔrili dini? Naawuni di wuhi gba! 16#Pil 2.24 Yi bi mi ni ŋun mini pagɔrili laɣim min’ o leela niŋgbun yini? Dama di sabiya ni niriba ayi ni leei niŋgbun yini. 17Amaa ŋun zaŋ omaŋa tabili ti Duuma min’ o leela shi’ yino.
18Zomiya kɔr’ biɛri tuma! ŋun tumdi kɔr’ biɛri tuma tumdi li dalindirila omaŋmaŋ’ niŋgbuŋ, amaa ninsal’ ni tumd’ alahichi balibu shɛŋa zaa pahi pala din dalind’ o niŋgbuŋ. 19#1 Kɔr 3.16; 2 Kɔr 6.16 Yi bi mi ni yi niŋgbuna maa nyɛla Shia Kasi so Naawuni ni zaŋ tin ya ka o be yi ni la duu? Yi bi su yimaŋa. 20Naawuni dan ya la shaara pam; dinzuɣu timiya Naawuni jilima yi niŋgbuna maa ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.