1 Kɔrintinima 3
3
Naawuni tumtumdiba
1M mabihi, n daa naan ku tooi tɔɣisi ya kaman ninvuɣ’ shɛb’ bɛn mi Naawuni Shia Kasi yɛla, amaa n daa tɔɣisiri ya mi kaman ninvuɣ’ shɛb’ bɛn dolila daadam biɛhigu bee kaman bɛn na nyɛ biliɛri Masia dolibu ni. 2#Hib 5.12-13 Bihim ka n daa mali dihiri ya, pa saɣim; dama yi daa naan na kul ku tooi di li; hal ka na kul tooi di li pumpɔŋɔ gba, 3dama yi na kul dolila daadam biɛhigu. Nyuli zabbu mini naŋgbankpeeni ŋmɛbu yi be yi sunsuuni, pa daadam biɛhigu ka yi doli ka niŋdi kaman dunianim’ ni niŋdi shɛm? 4#1 Kɔr 1.12 Dama yi ni so yi yɛli, “Man’ dolila Pool”; ka so mi yɛli, “N dolila Apolɔs”; di yi nyɛ lala, yi gba bi bemi kaman dunianima?
5Ŋuni n-lee nyɛ Apolɔs? Bee ŋuni n-lee nyɛ Pool? Ti kul nyɛla Naawuni tumtumdiba bɛn sɔŋ ya ka yi niŋ yɛda kaman ti Duuma ni zali ti ni ti niŋ shɛm. 6#Tuma 18.4-11, 24-28 N nyɛla ŋun daa birita, ka Apolɔs mi nyɛ ŋun daa mihiri li kom, amaa Naawuni n-nyɛ ŋun chɛ ka di zoora. 7Dinzuɣu pa ŋun biriti bee ŋun mihiri kom maa n-nyɛ shɛli, amaa Naawuni ŋun chɛ ka di zoori maa n-nyɛ shɛli. 8Ŋun biriti mini ŋun mihiri kom zaa nyɛla yim, ka bɛ zaa ni ti deei bɛ tuma ni nyɛ shɛm laara. 9Dama ti nyɛla bɛn mini Naawuni laɣim tumda, ka yi mi nyɛ Naawuni puu.
Yi lan nyɛla Naawuni duu. 10Ka Naawuni ni zali ma ni n tum shɛm o daalibarika ni zuɣu ka n niŋ tammɛr’ yɛndana ŋun zali duu gbinni tanzaa, ka so mɛri tamdi di zuɣu. Ka ŋunkam gba yɛn me n-tam di zuɣu, ŋun’ mɛm’ viɛnyɛliŋga. 11Dama so ku tooi lan zali tanza’ shɛli pahila din pun zali maa, dina n-nyɛ Yisa Masia. 12Dinzuɣu so yi yɛn me n-tam di zuɣu, o yi zaŋla salima bee anzinfa bee kuɣ’ viɛla bee dari bee mɔri bee kaɣa me, 13o tuma ni ti yi palɔni. Di dabisili ni ti kahigi li wuhi, dama buɣim nti yɛn kahigi li wuhi, ka buɣim maa ni ti buɣisi sokam tuma n-kahigi di ni nyɛ shɛli wuhi. 14So tuma yi ti kpalim be o ni zaŋ shɛli me n-tam duu gbinni tanzaa maa zuɣu, o ni deei di laara. 15Ka buɣim yi ti di so mi tuma zaa, o ni kɔŋ di laara, ka ŋun’ maŋmaŋ’ lee ni tiligi, amaa ka di naɣ’ ni bemi kaman ŋun zo n-yi buɣim ni tiligi.
16 #
1 Kɔr 6.19; 2 Kɔr 6.16 Yi bi mi ni yi nyɛla Naawuni jɛmbu duu, ka Naawuni Shia Kasi be yi ni? 17Yinima n-nyɛ Naawuni jɛmbu duu, ka Naawuni jɛmbu duu bela kasi. Ka so yi saɣim Naawuni jɛmbu duu maa, Naawuni ni saɣim dilan’ gba.
18So di yɔhim omaŋa! So yi be yi ni n-tɛhi ni o nyɛla ʒiɛmani ŋɔ ni yɛndana, ŋun’ leemi jɛrigu din ni chɛ ka o leei yɛndana. 19#Ayu 5.13 Dunia ŋɔ yɛm nyɛla jɛrilim Naawuni sani, dama di sabiya: “Naawuni gbahiri yɛnnim’ la bɛ yɛŋkiŋkabina puuni.” 20#Yila 94.11 Di lan sabi yaha: “Ti Duuma mi ka yɛnnim’ tɛha nyɛla yoli.” 21Dinzuɣu di chɛliya ka so zaŋ salinim’ ni ni tooi niŋ shɛli nyuri bara, dama binshɛɣukam nyɛla yi dini. 22Di yi nyɛla Pool bee Apolɔs bee Pita bee dunia ŋɔ bee nyɛvili bee kum bee ʒiɛmani ŋɔ bee dahin’ shɛli ha yɛla, di zaa ha nyɛla yi dini; 23ka yi gba nyɛ Masia dini, ka Masia mi nyɛ Naawuni dini.
Currently Selected:
1 Kɔrintinima 3: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
1 Kɔrintinima 3
3
Naawuni tumtumdiba
1M mabihi, n daa naan ku tooi tɔɣisi ya kaman ninvuɣ’ shɛb’ bɛn mi Naawuni Shia Kasi yɛla, amaa n daa tɔɣisiri ya mi kaman ninvuɣ’ shɛb’ bɛn dolila daadam biɛhigu bee kaman bɛn na nyɛ biliɛri Masia dolibu ni. 2#Hib 5.12-13 Bihim ka n daa mali dihiri ya, pa saɣim; dama yi daa naan na kul ku tooi di li; hal ka na kul tooi di li pumpɔŋɔ gba, 3dama yi na kul dolila daadam biɛhigu. Nyuli zabbu mini naŋgbankpeeni ŋmɛbu yi be yi sunsuuni, pa daadam biɛhigu ka yi doli ka niŋdi kaman dunianim’ ni niŋdi shɛm? 4#1 Kɔr 1.12 Dama yi ni so yi yɛli, “Man’ dolila Pool”; ka so mi yɛli, “N dolila Apolɔs”; di yi nyɛ lala, yi gba bi bemi kaman dunianima?
5Ŋuni n-lee nyɛ Apolɔs? Bee ŋuni n-lee nyɛ Pool? Ti kul nyɛla Naawuni tumtumdiba bɛn sɔŋ ya ka yi niŋ yɛda kaman ti Duuma ni zali ti ni ti niŋ shɛm. 6#Tuma 18.4-11, 24-28 N nyɛla ŋun daa birita, ka Apolɔs mi nyɛ ŋun daa mihiri li kom, amaa Naawuni n-nyɛ ŋun chɛ ka di zoora. 7Dinzuɣu pa ŋun biriti bee ŋun mihiri kom maa n-nyɛ shɛli, amaa Naawuni ŋun chɛ ka di zoori maa n-nyɛ shɛli. 8Ŋun biriti mini ŋun mihiri kom zaa nyɛla yim, ka bɛ zaa ni ti deei bɛ tuma ni nyɛ shɛm laara. 9Dama ti nyɛla bɛn mini Naawuni laɣim tumda, ka yi mi nyɛ Naawuni puu.
Yi lan nyɛla Naawuni duu. 10Ka Naawuni ni zali ma ni n tum shɛm o daalibarika ni zuɣu ka n niŋ tammɛr’ yɛndana ŋun zali duu gbinni tanzaa, ka so mɛri tamdi di zuɣu. Ka ŋunkam gba yɛn me n-tam di zuɣu, ŋun’ mɛm’ viɛnyɛliŋga. 11Dama so ku tooi lan zali tanza’ shɛli pahila din pun zali maa, dina n-nyɛ Yisa Masia. 12Dinzuɣu so yi yɛn me n-tam di zuɣu, o yi zaŋla salima bee anzinfa bee kuɣ’ viɛla bee dari bee mɔri bee kaɣa me, 13o tuma ni ti yi palɔni. Di dabisili ni ti kahigi li wuhi, dama buɣim nti yɛn kahigi li wuhi, ka buɣim maa ni ti buɣisi sokam tuma n-kahigi di ni nyɛ shɛli wuhi. 14So tuma yi ti kpalim be o ni zaŋ shɛli me n-tam duu gbinni tanzaa maa zuɣu, o ni deei di laara. 15Ka buɣim yi ti di so mi tuma zaa, o ni kɔŋ di laara, ka ŋun’ maŋmaŋ’ lee ni tiligi, amaa ka di naɣ’ ni bemi kaman ŋun zo n-yi buɣim ni tiligi.
16 #
1 Kɔr 6.19; 2 Kɔr 6.16 Yi bi mi ni yi nyɛla Naawuni jɛmbu duu, ka Naawuni Shia Kasi be yi ni? 17Yinima n-nyɛ Naawuni jɛmbu duu, ka Naawuni jɛmbu duu bela kasi. Ka so yi saɣim Naawuni jɛmbu duu maa, Naawuni ni saɣim dilan’ gba.
18So di yɔhim omaŋa! So yi be yi ni n-tɛhi ni o nyɛla ʒiɛmani ŋɔ ni yɛndana, ŋun’ leemi jɛrigu din ni chɛ ka o leei yɛndana. 19#Ayu 5.13 Dunia ŋɔ yɛm nyɛla jɛrilim Naawuni sani, dama di sabiya: “Naawuni gbahiri yɛnnim’ la bɛ yɛŋkiŋkabina puuni.” 20#Yila 94.11 Di lan sabi yaha: “Ti Duuma mi ka yɛnnim’ tɛha nyɛla yoli.” 21Dinzuɣu di chɛliya ka so zaŋ salinim’ ni ni tooi niŋ shɛli nyuri bara, dama binshɛɣukam nyɛla yi dini. 22Di yi nyɛla Pool bee Apolɔs bee Pita bee dunia ŋɔ bee nyɛvili bee kum bee ʒiɛmani ŋɔ bee dahin’ shɛli ha yɛla, di zaa ha nyɛla yi dini; 23ka yi gba nyɛ Masia dini, ka Masia mi nyɛ Naawuni dini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.