Zɛfania 3
3
Jɛrusalɛmnim’ daalahichi mini bɛ faako
1Mbusim be tin’ shɛli din varim daɣiri,
ka saɣim dimaŋa, ka nahindi niriba ŋɔ zuɣu.
2Di bi wumdi so yɛligu;
di bi deeri so saɣisigu;
di bi niŋdi Yawɛ naani;
di mi bi vuri miriti di Naawuni.
3Di ni kpamba kul ŋumdimi kaman gbuɣima la,
ka di sariakaritiba be
kaman zaawuni kunduna
bɛn bi guuri binshɛli zaana
hal ni asiba la.
4Di daanabinim’ baɣa ka shɛli ni,
ka nyɛ bɛn ka yɛda.
Ka di maligumaaniba saɣim binshɛŋa din be kasi,
ka nyɛ bɛn birigi zaligu.
5Yawɛ ŋun be di ni nyɛla ŋun bebu tuhi;
o bi tumdi din bie.
O kariti saria asiba kam,
ka ʒi n-naɣi li nolɔɣu kukoli kam.
Amaa ninvuɣ’ biɛri bɛn’ bi zɔri vi.
6Yawɛ yɛliya, “N ku niriba,
ka wurim bɛ tɔbbihi ni zaani luɣ’ shɛŋa tuhiri tɔbu,
ka chɛ ka bɛ solɔri kpalim zaɣ’ kuma
ka so bi lan dol’ li;
ka chɛ ka bɛ fɔntinsi zani dabari,
ka ninsalinim’ lan ka di ni,
ka vuhirigu kam lan ka di ni.
7Ka n daa yɛli, ‘Biɛhiŋ kani, tiŋ’ maa ni zo ma dabiɛm,
ka deei saɣisigu,
ka ku tam n ni niŋ’ li
shɛlikam zaa la yɛla.’
Amaa ka bɛ suhuri kul yɛmi
ni bɛ chɛ ka bɛ tuma zaa nyɛ tuumbiɛri.”
8Dinzuɣu Yawɛ yɛliya, “Guhimiya ma dabisi’ shɛli dali
n ni ti yɛn yiɣisi di shɛhira la.
Dama n nia nyɛla n ti laɣim zuliya kam,
ka laɣim nanima nti yiɣisi n suhu pam bahi bɛ zuɣu.
N suhuyiɣisili maa tulim ni ti lu bɛ zuɣu,
dama n suhuyiɣisili din be kaman buɣim la ni ti di dunia zaa.
9“Di saha n ni ti taɣi niriba yɛtɔɣa ka di leei alali yɛtɔɣa.
Ka di zuɣu chɛ ka bɛ zaa ti laɣim booni Yawɛ yuli
n-jɛmd’ o ni naŋgban’ yini.
10N niriba bɛn suhiri ma,
ka wurim be Itiɔpia mɔɣa duya la
ni ti zaŋ pina na ti ti ma.
11Dindali maa vi ti ku din ya
yi ni daa tum tuumbiɛ’ shɛŋa
ka zaɣisi n noli la zuɣu;
dama di saha n ni ti yihi karimbaannim’ bɛn be yi ni
ka mali suhupiɛlli di zuɣu la,
ka yi ti ku lan mali karimbaani
n zoli din be kasi ŋɔ zuɣu.
12Dama n ni chɛ ka ninvuɣ’ shɛb’ bɛn siɣisi bɛmaŋa
ka nyɛ tarimba be yi sani.
Bɛ ni ti bo sɔŋsim man’ Yawɛ sani.
13 #
Kah 14.5
Izraɛl ninvuɣ’ shɛb’ bɛn kpalim ti ku lan tum tuumbiɛri,
bɛ mi ti ku ŋma ʒiri,
ka yɔhiŋ yɛtɔɣa mi
ti ku be bɛ noya ni.
Di saha bɛ ni ti di ka dɔni,
ka so ti ku lan kpɛhi ba dabiɛm.”
Suhupiɛlli yilli
14Ziɔn bipuɣiŋga, yilimi yila pampam.
Izraɛlnima, tahimiya!
Jɛrusalɛm bipuɣiŋga, mali suhupiɛlli,
ka diri dari ni a suhu zaa!
15Yawɛ kpihim’ a saria karibu la,
ka kar’ a dimnima.
Yawɛ ŋun nyɛ Izraɛl naa ŋɔ be yi sunsuuni,
di lan zɔriya barina shɛli dabiɛm yaha.
16Dindali maa bɛ ni ti yɛli Jɛrusalɛm,
“Nyin’ Ziɔn, di zɔri dabiɛm;
di chɛ ka a baɣiri ni cheei kom.
17Yawɛ ŋun nyɛ yi Naawuni ŋɔ be yi sani.
O nyɛla tɔbutuhira ŋun tiri nasara.
O ni ti di dari yi zuɣu ni suhupiɛlli.
O ni ti zaŋ ya leei ninvuɣ’ pala o yurilim puuni.
O ni ti yili yila ni suhupiɛlli yi zuɣu
18kaman chuɣu dal’ la.
N ni vuui barina ka chɛn ya,
ka yi ku lan di vi yaha.
19Di saha n ni ti darigi
bɛn muɣisiri ya la tibili,
ka tiligi gbariti,
ka laɣim bɛ ni kari shɛb’ bahi la,
ka chɛ ka bɛ vi leei jilima,
ka bɛ yuli du dunia zaa ni.
20Di saha n yi ti laɣim ya,
n ni zaŋ ya kuli yiŋa,
dama n ni chɛ ka yi yuli du,
ka yi nya jilima dunianim’ zaa sani
saha shɛli n yi ti lan labisi yi daazichi la na
ka yi nina nya li.”
Yawɛ n-yɛli lala maa.
Currently Selected:
Zɛfania 3: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Zɛfania 3
3
Jɛrusalɛmnim’ daalahichi mini bɛ faako
1Mbusim be tin’ shɛli din varim daɣiri,
ka saɣim dimaŋa, ka nahindi niriba ŋɔ zuɣu.
2Di bi wumdi so yɛligu;
di bi deeri so saɣisigu;
di bi niŋdi Yawɛ naani;
di mi bi vuri miriti di Naawuni.
3Di ni kpamba kul ŋumdimi kaman gbuɣima la,
ka di sariakaritiba be
kaman zaawuni kunduna
bɛn bi guuri binshɛli zaana
hal ni asiba la.
4Di daanabinim’ baɣa ka shɛli ni,
ka nyɛ bɛn ka yɛda.
Ka di maligumaaniba saɣim binshɛŋa din be kasi,
ka nyɛ bɛn birigi zaligu.
5Yawɛ ŋun be di ni nyɛla ŋun bebu tuhi;
o bi tumdi din bie.
O kariti saria asiba kam,
ka ʒi n-naɣi li nolɔɣu kukoli kam.
Amaa ninvuɣ’ biɛri bɛn’ bi zɔri vi.
6Yawɛ yɛliya, “N ku niriba,
ka wurim bɛ tɔbbihi ni zaani luɣ’ shɛŋa tuhiri tɔbu,
ka chɛ ka bɛ solɔri kpalim zaɣ’ kuma
ka so bi lan dol’ li;
ka chɛ ka bɛ fɔntinsi zani dabari,
ka ninsalinim’ lan ka di ni,
ka vuhirigu kam lan ka di ni.
7Ka n daa yɛli, ‘Biɛhiŋ kani, tiŋ’ maa ni zo ma dabiɛm,
ka deei saɣisigu,
ka ku tam n ni niŋ’ li
shɛlikam zaa la yɛla.’
Amaa ka bɛ suhuri kul yɛmi
ni bɛ chɛ ka bɛ tuma zaa nyɛ tuumbiɛri.”
8Dinzuɣu Yawɛ yɛliya, “Guhimiya ma dabisi’ shɛli dali
n ni ti yɛn yiɣisi di shɛhira la.
Dama n nia nyɛla n ti laɣim zuliya kam,
ka laɣim nanima nti yiɣisi n suhu pam bahi bɛ zuɣu.
N suhuyiɣisili maa tulim ni ti lu bɛ zuɣu,
dama n suhuyiɣisili din be kaman buɣim la ni ti di dunia zaa.
9“Di saha n ni ti taɣi niriba yɛtɔɣa ka di leei alali yɛtɔɣa.
Ka di zuɣu chɛ ka bɛ zaa ti laɣim booni Yawɛ yuli
n-jɛmd’ o ni naŋgban’ yini.
10N niriba bɛn suhiri ma,
ka wurim be Itiɔpia mɔɣa duya la
ni ti zaŋ pina na ti ti ma.
11Dindali maa vi ti ku din ya
yi ni daa tum tuumbiɛ’ shɛŋa
ka zaɣisi n noli la zuɣu;
dama di saha n ni ti yihi karimbaannim’ bɛn be yi ni
ka mali suhupiɛlli di zuɣu la,
ka yi ti ku lan mali karimbaani
n zoli din be kasi ŋɔ zuɣu.
12Dama n ni chɛ ka ninvuɣ’ shɛb’ bɛn siɣisi bɛmaŋa
ka nyɛ tarimba be yi sani.
Bɛ ni ti bo sɔŋsim man’ Yawɛ sani.
13 #
Kah 14.5
Izraɛl ninvuɣ’ shɛb’ bɛn kpalim ti ku lan tum tuumbiɛri,
bɛ mi ti ku ŋma ʒiri,
ka yɔhiŋ yɛtɔɣa mi
ti ku be bɛ noya ni.
Di saha bɛ ni ti di ka dɔni,
ka so ti ku lan kpɛhi ba dabiɛm.”
Suhupiɛlli yilli
14Ziɔn bipuɣiŋga, yilimi yila pampam.
Izraɛlnima, tahimiya!
Jɛrusalɛm bipuɣiŋga, mali suhupiɛlli,
ka diri dari ni a suhu zaa!
15Yawɛ kpihim’ a saria karibu la,
ka kar’ a dimnima.
Yawɛ ŋun nyɛ Izraɛl naa ŋɔ be yi sunsuuni,
di lan zɔriya barina shɛli dabiɛm yaha.
16Dindali maa bɛ ni ti yɛli Jɛrusalɛm,
“Nyin’ Ziɔn, di zɔri dabiɛm;
di chɛ ka a baɣiri ni cheei kom.
17Yawɛ ŋun nyɛ yi Naawuni ŋɔ be yi sani.
O nyɛla tɔbutuhira ŋun tiri nasara.
O ni ti di dari yi zuɣu ni suhupiɛlli.
O ni ti zaŋ ya leei ninvuɣ’ pala o yurilim puuni.
O ni ti yili yila ni suhupiɛlli yi zuɣu
18kaman chuɣu dal’ la.
N ni vuui barina ka chɛn ya,
ka yi ku lan di vi yaha.
19Di saha n ni ti darigi
bɛn muɣisiri ya la tibili,
ka tiligi gbariti,
ka laɣim bɛ ni kari shɛb’ bahi la,
ka chɛ ka bɛ vi leei jilima,
ka bɛ yuli du dunia zaa ni.
20Di saha n yi ti laɣim ya,
n ni zaŋ ya kuli yiŋa,
dama n ni chɛ ka yi yuli du,
ka yi nya jilima dunianim’ zaa sani
saha shɛli n yi ti lan labisi yi daazichi la na
ka yi nina nya li.”
Yawɛ n-yɛli lala maa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011