Zakaria 12
12
Jɛrusalɛm tiligibu
1Yawɛ ni yɛli shɛm zaŋ chaŋ Izraɛlnim’ polo m-bɔŋɔ: “Yawɛ ŋun nam zuɣusaa mini dunia ŋɔ ka ti daadam nyɛvil’ la yɛliya, 2‘N ni chɛ ka Jɛrusalɛm be kaman wain pipia la, ka zuliya kam bɛn gil’ li nyu li n-jeeni kaman danyuriba bɛn nyu m-buɣ’ la. Ka bɛ yi ti teei gili Jɛrusalɛm, bɛ ni teei gili Juda tinsi la gba. 3Dindali maa, n ni ti chɛ ka Jɛrusalɛm be kaman kuɣ’ tibisili la, ka zuliya shɛli niriba bɛn ti bɔri ni bɛ kpuɣ’ li ni nya yɛlli. Ka dunia ŋɔ zuliya kam ni ti niŋ naŋgban’ yini kana ni bɛ ti liri li. 4Dindali maa, n ni ti kpɛhi bɛ yuri dabiɛm, ka kpɛhi bɛn bari ba mi yinyari. Amaa n ni ti guli Judanima, ka chɛ ka bɛ dimnim’ yuri zom. 5Ka Judanim’ ni ti ŋmaligi yɛli bɛmaŋa, ‘Jɛrusalɛmnim’ malila kpiɔŋ Yawɛ ŋun nyɛ Tɔbbihi Naa, ka nyɛ bɛ Naawuni ŋɔ sani.’ ”
6Dindali maa, n ni ti chɛ ka Judanim’ be kaman buɣimniɛm duɣu din be daduli buɣim puuni la, ka lan be kaman buɣim mokpalli din be kawaan’ gban’ kuma puu ni la. Bɛ ni di niriba bɛn gili ba n-kpa nudirigu mini nuzaa polo, amaa ka Jɛrusalɛmnim’ bɛn’ kul ni be alaafee ni.
7Man’ Yawɛ ni daŋ tila Judanim’ nasara, din ni chɛ ka Naa Dauda zuliya mini Jɛrusalɛmnim’ ni yɛn nya jilima shɛli ku gari Judanim’ dini. 8Dindali maa, Yawɛ ni ti guli bɛn be Jɛrusalɛm puuni, ka hal bɛ ni ninvuɣ’ gbarima ni ti mali kpiɔŋ kaman Dauda la. Ka Dauda zuliya maa ni ti gari tooni m-be kaman Yawɛ malaika la bee Naawuni maŋmaŋ’ la m-mali ba chana. 9Dindali maa, n ni ti ku zuliya shɛb’ bɛn zaa lo nia ni bɛ liri Jɛrusalɛmnima.
10Ka n ni ti zaŋ nambɔzɔbo mini wunsuhigu shia n-niŋ Dauda zuliya mini Jɛrusalɛmnim’ ni. Ka bɛ ti lihi bɛ ni daa zaŋ kpani kuhi so la, ka fabil’ o zuɣu kaman ninvuɣ’ shɛb’ bɛn fabindi bɛ bi’ gaŋ’ kalinsi zuɣu. Bɛ ni ti fabili pam kaman ninvuɣ’ shɛb’ bɛn bidib’ tuuli kpi. 11Dindali maa, fabila ni ti galisi Jɛrusalɛm kaman bɛ ni daa fabili Hadadirimɔn#12.11 HADADIRIMƆN: Bimbilima wuni n-daa bala. Yuuni kam bimbilima daa yi kpi, niriba tɛhirimi ni wuni maa gba kpimi, ka kumdi o kuli. zuɣu Mɛgido vinvamli ni shɛm la. 12Tiŋgbɔŋ maa ni nim’ ni ti fabili. Daŋ kam puuni niriba ni ti fabili kɔŋkɔba. Dauda daŋ puuni niriba dɔbba ti yɛn bela bɛ ko fabinda, ka bɛ paɣiba be bɛ ko fabinda. Ka Neetan daŋ puuni niriba dɔbba ti be bɛ ko fabinda, ka bɛ paɣiba be bɛ ko fabinda. 13Ka Lɛvi zuliya puuni niriba ti be bɛ ko fabinda, ka bɛ paɣiba be bɛ ko fabinda. Ka Shimɛi daŋ puuni niriba ti be bɛ ko fabinda, ka bɛ paɣiba be bɛ ko fabinda. 14Ka daŋ shɛŋa din kpalim zaa puuni niriba dɔbba ti be bɛ ko fabinda, ka bɛ paɣiba gba be bɛ ko fabinda.
Currently Selected:
Zakaria 12: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Zakaria 12
12
Jɛrusalɛm tiligibu
1Yawɛ ni yɛli shɛm zaŋ chaŋ Izraɛlnim’ polo m-bɔŋɔ: “Yawɛ ŋun nam zuɣusaa mini dunia ŋɔ ka ti daadam nyɛvil’ la yɛliya, 2‘N ni chɛ ka Jɛrusalɛm be kaman wain pipia la, ka zuliya kam bɛn gil’ li nyu li n-jeeni kaman danyuriba bɛn nyu m-buɣ’ la. Ka bɛ yi ti teei gili Jɛrusalɛm, bɛ ni teei gili Juda tinsi la gba. 3Dindali maa, n ni ti chɛ ka Jɛrusalɛm be kaman kuɣ’ tibisili la, ka zuliya shɛli niriba bɛn ti bɔri ni bɛ kpuɣ’ li ni nya yɛlli. Ka dunia ŋɔ zuliya kam ni ti niŋ naŋgban’ yini kana ni bɛ ti liri li. 4Dindali maa, n ni ti kpɛhi bɛ yuri dabiɛm, ka kpɛhi bɛn bari ba mi yinyari. Amaa n ni ti guli Judanima, ka chɛ ka bɛ dimnim’ yuri zom. 5Ka Judanim’ ni ti ŋmaligi yɛli bɛmaŋa, ‘Jɛrusalɛmnim’ malila kpiɔŋ Yawɛ ŋun nyɛ Tɔbbihi Naa, ka nyɛ bɛ Naawuni ŋɔ sani.’ ”
6Dindali maa, n ni ti chɛ ka Judanim’ be kaman buɣimniɛm duɣu din be daduli buɣim puuni la, ka lan be kaman buɣim mokpalli din be kawaan’ gban’ kuma puu ni la. Bɛ ni di niriba bɛn gili ba n-kpa nudirigu mini nuzaa polo, amaa ka Jɛrusalɛmnim’ bɛn’ kul ni be alaafee ni.
7Man’ Yawɛ ni daŋ tila Judanim’ nasara, din ni chɛ ka Naa Dauda zuliya mini Jɛrusalɛmnim’ ni yɛn nya jilima shɛli ku gari Judanim’ dini. 8Dindali maa, Yawɛ ni ti guli bɛn be Jɛrusalɛm puuni, ka hal bɛ ni ninvuɣ’ gbarima ni ti mali kpiɔŋ kaman Dauda la. Ka Dauda zuliya maa ni ti gari tooni m-be kaman Yawɛ malaika la bee Naawuni maŋmaŋ’ la m-mali ba chana. 9Dindali maa, n ni ti ku zuliya shɛb’ bɛn zaa lo nia ni bɛ liri Jɛrusalɛmnima.
10Ka n ni ti zaŋ nambɔzɔbo mini wunsuhigu shia n-niŋ Dauda zuliya mini Jɛrusalɛmnim’ ni. Ka bɛ ti lihi bɛ ni daa zaŋ kpani kuhi so la, ka fabil’ o zuɣu kaman ninvuɣ’ shɛb’ bɛn fabindi bɛ bi’ gaŋ’ kalinsi zuɣu. Bɛ ni ti fabili pam kaman ninvuɣ’ shɛb’ bɛn bidib’ tuuli kpi. 11Dindali maa, fabila ni ti galisi Jɛrusalɛm kaman bɛ ni daa fabili Hadadirimɔn#12.11 HADADIRIMƆN: Bimbilima wuni n-daa bala. Yuuni kam bimbilima daa yi kpi, niriba tɛhirimi ni wuni maa gba kpimi, ka kumdi o kuli. zuɣu Mɛgido vinvamli ni shɛm la. 12Tiŋgbɔŋ maa ni nim’ ni ti fabili. Daŋ kam puuni niriba ni ti fabili kɔŋkɔba. Dauda daŋ puuni niriba dɔbba ti yɛn bela bɛ ko fabinda, ka bɛ paɣiba be bɛ ko fabinda. Ka Neetan daŋ puuni niriba dɔbba ti be bɛ ko fabinda, ka bɛ paɣiba be bɛ ko fabinda. 13Ka Lɛvi zuliya puuni niriba ti be bɛ ko fabinda, ka bɛ paɣiba be bɛ ko fabinda. Ka Shimɛi daŋ puuni niriba ti be bɛ ko fabinda, ka bɛ paɣiba be bɛ ko fabinda. 14Ka daŋ shɛŋa din kpalim zaa puuni niriba dɔbba ti be bɛ ko fabinda, ka bɛ paɣiba gba be bɛ ko fabinda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011