Sulemaana Yila 8
8
1N di bi zaɣisi ka a nyɛla
n tizɔdoo ŋun daa mɔɣi m ma bihili!
N yi di nya a samban’ ni,
n naan mɔɣis’ a noli
ka so ku galim’ ma.
2N ni zaŋ a kuli m ma yiŋa,
n ni zaŋ a ti kpɛhi
ŋun daa dɔɣi ma du’ gbɛrili ni.
N ni ti a wain viɛlli
mini m pumpɔrinchihi wala kom ka a nyu.
3N di bi zaɣisi ka a nuzaa tabila n zuɣu gbibi,
ka a nudirigu mi bɔb’ gbaai ma mali.
4Jɛrusalɛm paɣiba, pomiya
ni yi ku chɛ ka ti tab’ bɔbu
kɔre yiɣisi bee n-kpaŋsi li.
Yili shɛli din pah’ ayɔbu
Paɣiba nol’ ni yɛtɔɣa
5Ŋuni n-lee yi mɔɣu polo kanna
ka zaŋ omaŋ’ dalim’ o yura ŋɔ?
Paɣa nol’ ni yɛtɔɣa
Apil tia gbini ka n daa neeg’ a.
Nimaani ka a ma daa be
n-wolisiri ni o dɔɣ’ a;
nimaani ka ŋun daa dɔɣ’ a
daa be n-wolisira.
6Zaŋm’ ma tabil’ a suhu
kaman a nyɛla dalinli la,
ka zaŋ ma pa a baɣiri zuɣu
kaman n nyɛla dalinli la.
Dama yurilim malila yaa kaman kum la,
ka kɔre mali yaa kaman gballi.
Di dirimi kaman buɣim la,
ka di buɣim zilinli mali kpiɔŋ pam.
7Kom pam ku tooi kpihi yurilim,
ka kokpɛɣu mi ku tooi di li.
Nir’ yi zaŋ o yiŋ’ azichi zaa ni o da yurilim,
bɛ ni mal’ o ansarisi.
Paɣa tizɔdɔbba nol’ ni yɛtɔɣa
8Ti malila ti tizɔpaɣa,
ka o biha bi yaɣi lala.
Ka wula ka ti lee yɛn niŋ ti tizɔpaɣ’ maa,
dɔbba yi ti kana ti bɔr’ o?
9O yi di nyɛla dikili,
ti naan me anzinfa pia tam o zuɣu;
ka o yi di nyɛla dunoli,
ti naan zaŋ sida dapaɣa yo o.
Paɣa nol’ ni yɛtɔɣa
10N ŋmanila dikili,
ka m biha ŋmani gaɣibihi.
N nyɛla ŋun chɛ ka o nyari suhudoo.
Doo nol’ ni yɛtɔɣa
11Sulemaana wain tihi puu
daa bela Baalihamɔn
ka pukpariba daa haayi li o sani,
bɛ zaa yinoyino daa yɔrila
anzinfa laɣibaligu tuhilituhili.
12Nyin’ Sulemaana n-su
anzinfa laɣibaligu tuhilituhili maa,
ka pukpariba maa mi su
anzinfa laɣibaligu kɔbisiyiyi.
Man’ malila mmaŋmaŋ’ dahalali
wain tihi puu.
13Nyin’ ŋun be puri ni ŋɔ,
n zɔnim’ wumd’ a yɛtɔɣa;
chɛ ka n gba wum li.
Paɣa nol’ ni yɛtɔɣa
14N yura, niŋm’ yomyom,
be kaman molifu la bee kparibua
ŋun be tulaale tihi zoya zuɣu.
Currently Selected:
Sulemaana Yila 8: RLDB
Highlight
Copy
Compare
Share
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
