Yila 60
60
Faako bɔbu wunsuhigu#Baansi toondana n yili yilli ŋɔ. Di nyɛla Dauda yilli din wuhiri niriba.
1Naawuni, a zaɣisi ti
ka lu ti zuɣu;
a je suli niŋ ti.
Labisim’ ti zali yaha!
2A chɛ ka tiŋgbani sɔhigi,
ka chɛ ka di tahi bɔɣi;
liɣimi di tahibu maa,
dama di kul sɔhirimi.
3A chɛ ka a niriba di wahala pam;
a ti ti la wain ka ti nyu,
ka di chɛ ka ti chani jeena.
4A zaŋ tuuta sa ninvuɣ’ shɛb’
bɛn lur’ a sizuura
ka bɛ yi nya tuuta maa,
di ni chɛ ka piɛma ku nyɔɣi ba.
5Deemi ti suhigu,
ka zaŋ a kpiɔŋ la
n-ti ti nasara,
ka lala chɛ ka
a ni yuri ninvuɣ’ shɛb’ la tiligi.
6Naawuni lo alikauli
o biɛhigu shee.
O yɛliya, “N kpiɔŋ zuɣu,
n ni pirigi Shɛkɛm,
ka pirigi Sukɔt Vinvamli tari.
7Mani n-su Giliad;
mani n lan su Manaasa;
ka Ifriim nyɛ
n kurigu zuɣupiligu
din taɣiri n zuɣu,
ka Juda mi nyɛ
n nam kurigu jaaŋgbee.
8Amaa Mɔab nyɛla
n kopaɣiri’ ŋmani.
N ni pirigi n namda pa Ɛdom zuɣu;
ka tuhi nyaŋ Filistianim’ mi.”
9Ŋuni n-lee ni tahi ma
bɛ ni me birini gili tin’ shɛl’ la ni?
Ŋuni n-lee ni tahi ma Ɛdom?
10Naawuni, a shiri zaɣisi ti mi?
Naawuni, a bi lan doli
ti tɔbbihi chani tɔb’ ni.
11Sɔŋmi ti ka ti nyaŋ ti dimnima;
dama ninsal’ sɔŋsim ka buchi.
12Naawuni ni be ti polo zuɣu,
ti ni di nasara.
Ŋuna n-nyɛ ŋun yɛn no n-taai ti dimnim’ maa ti ti.
Currently Selected:
Yila 60: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
