Yila 2
2
Naawuni ni pii na’ so
1Bɔzuɣu ka zuliya kam lɔri duŋ taabo nia,
ka zuliya kam lɔri nia biɛri din ka buchi?
2 #
Tuma 4.25-26
Dunia ŋɔ nanim’ tiɣisirila tab’ ʒiina,
ka zuɣulaannim’ laɣindi tɔri jina
jɛndiri Yawɛ min’ o ni pii na’ so la yɛra,
3“ Chɛliya ka ti baai bɛ bandi la,
ka chihi bɛ mihi la ti niŋgbuna ni.”
4Ka ti Duuma ŋun ʒi alizanda ni la lara,
ka maani ba ansarisi.
5Di saha o ni tɔɣisi ba yɛtɔɣa ni suhuyiɣisili,
ka kpɛhi ba dabiɛm o suhuyiɣisili puuni yɛli,
6“M pun zaŋ n naa maa ʒili
Ziɔn din nyɛ n zo’ kasi la zuɣu.”
7 #
Tuma 13.33; Hib 1.5; 5.5 N ni yɛli Yawɛ zaligu yɛla.
O yɛli ma, “A nyɛla m bia;
zuŋɔ dabisili ŋɔ ka n dɔɣ’ a.
8Suhim’ ma ka n zaŋ zuliya kam zaa ti a ka a su ba;
ka dunia ŋɔ zaa leeg’ a ni su shɛli.
9 #
Kah 2.26-27; 12.5; 19.15 A ni zaŋ kurigu jaaŋgbee ŋme n-wurim ba;
ka to n-wurisi ba kaman yaɣimɛr’ duɣu la.”
10Dinzuɣu yinima nanima, niŋmiya yɛm,
yinim’ dunia ŋɔ zuɣulaannima, deemiya saɣisigu ŋɔ.
11Jɛmmiya Yawɛ ni dabiɛm mini ni sɔhibu,
12ka gbaan’ o tooni,
di yi pa lala, o suhu ni yiɣisi
ka o chɛ ka yi bahi yoli soli ni,
dama o suhu yiɣisiri yomyom.
Bɛnkam zaa sɔɣ’ o sani mali alibarika.
Red Letter Dagbani Bible © Bible Society of Ghana, 2011