Jona 1
1
Jona ni zaɣisi Naawuni noli shɛm yɛla
1 #
2 Nan 14.25
Dahin shɛli ka Yawɛ daa ti yɛli Jona ŋun nyɛ Amitai bia la, 2“Yiɣisim’ chaŋ Ninive din nyɛ tin’ tital’ la ni nti kuhi yɛli ba ni man’ Naawuni nya bɛ ninvuɣ’ biɛtali tuma la.” 3Amaa ka Jona daa yiɣisi n-zaŋ kpa Speen#1.3 SPEEN: Kurimbuni ha bɛ daa booni Speen la Tarishish. polo ni o zo Yawɛ sani. O daa chaŋla tin’ shɛli din yuli booni Jɔpa la nti nya ŋarin’ tital’ shɛli din chani Speen, ka o yo di samli ka kpe ŋariŋ maa ni pahi ŋariŋ maa tumtumdib’ zuɣu ni o zo Yawɛ sani chaŋ Speen. 4Amaa ka Yawɛ daa chɛ ka sanʒiɛɣu yiɣisi teeku maa ni, ka sanʒiɛɣu maa ʒiɛbu kpiɔŋ daa galisi pam hal ka ŋarin’ titali maa ti be kaman di yɛn chɛrisimi la. 5Ka dabiɛm daa gbaai ŋariŋ maa tumtumdiba ka bɛ zaa yinoyino gbaai bɛ wuna kabu, ka kpuɣiri ŋarin’ titali maa ni nɛma bahiri kom ni ni di chɛ ka ŋarin’ titali maa tibisim filim. Amaa ka Jona ŋun’ daa kpɛla ŋarin’ titali maa puuni ha nti doya gbihira.
6Ka kpatoon’ kpɛm’ daa vihi hal ti nya o nimaani m-bɔh’ o, “Bɔzuɣu ka nyin’ doya gbihira? Yiɣisim’ suh’ a wuni ka o sɔŋ ti. Di pa shɛli ka o zo ti nambɔɣu tiligi ti nyɛviya.”
7Di saha ka niriba maa daa yɛl’ taba, “Kamiyana ka ti pihi kuɣa sɔŋ lihi nya ŋun zuɣu ka yɛl’ biɛɣu ŋɔ lee paai ti ŋɔ.” Ka bɛ daa niŋ lala, ka di gbaala Jona. 8Ka bɛ bɔh’ o, “Ŋun’ taali tumbu zuɣu n-lee chɛ ka yɛl’ biɛɣu ŋɔ ti paai ti ŋɔ? Yɛlim’ ti! Tuun’ bɔ ka a lee tumda? Tiŋkani ka a lee yina? Ka zuliya bɔ n-lee nyɛ a?”
9Ka Jona garigi yɛli ba, “N nyɛla Hiburu, ka jɛmdi Yawɛ ŋun nyɛ alizanda Naawuni, ka nyɛ ŋun nam tiŋgbani mini teeku ŋɔ.” 10Ka o ni daa yɛli shɛm maa zuɣu chɛ ka dabiɛm gbaai niriba maa pam ka bɛ yɛl’ o, “Ka tuun’ bɔ ka a lee tum ŋɔ?” Bɛ daa baŋya ni o yila Yawɛ sani zɔra, dama omaŋmaŋa n-daa pun yɛli ba lala. 11Di saha maa ka sanʒiɛɣu maa ʒiɛbu daa kul moorila nini pahira. Ka bɛ daa bɔhi Jona, “Ka wula ka ti lee yɛn niŋ a ka teeku ŋɔ fo n-dɔni baalim?”
12Ka Jona garigi yɛli ba, “Zaŋmiya ma bahi teeku ŋɔ ni ka teeku maa fo n-dɔni baalim, dama m mi ni n zuɣu ka sanʒiɛɣu ŋɔ ʒiɛri ya maa.”
13Ka kpatoonsi maa daa shini, ka kul kpaŋdi bɛmaŋ’ ni bɛ kpiɔŋ zaa ni bɛ zaŋ ŋarin’ titali maa lab’ du duli. Amaa ka teeku maa dambu kpiɔŋ daa kul maan pahirimi, ka bɛ kɔŋ chandi. 14Dinzuɣu ka bɛ daa kuhi boli Yawɛ yɛli, “Yaa Yawɛ, ti suhir’ a, ti yi yihi doo ŋɔ nyɛvili, nyin’ di bɔhi ti biɛri ku ti. Dama nyin’ Yawɛ zuɣu ka yɛlli maa ʒiya. A ni yu shɛm m-bala.” 15Di saha ka bɛ daa yihi Jona bahi teeku maa ni, ka teeku maa daa fo n-dɔni baalim. 16Ka kpatoonsi maa daa zo Yawɛ dabiɛm pam, ka mali sara n-jɛm Yawɛ ka lo alikauli ni bɛ ni jɛmd’ o.
17 #
Mat 12.40
Bɛ ni daa zaŋ Jona bahi kom maa ni maa, ka Yawɛ chɛ ka ziŋ’ karili zaŋ o vali, ka o daa be ziŋ’ maa puuni wuntaŋ’ ni mini yuŋ zaa daba ata.
Currently Selected:
Jona 1: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Jona 1
1
Jona ni zaɣisi Naawuni noli shɛm yɛla
1 #
2 Nan 14.25
Dahin shɛli ka Yawɛ daa ti yɛli Jona ŋun nyɛ Amitai bia la, 2“Yiɣisim’ chaŋ Ninive din nyɛ tin’ tital’ la ni nti kuhi yɛli ba ni man’ Naawuni nya bɛ ninvuɣ’ biɛtali tuma la.” 3Amaa ka Jona daa yiɣisi n-zaŋ kpa Speen#1.3 SPEEN: Kurimbuni ha bɛ daa booni Speen la Tarishish. polo ni o zo Yawɛ sani. O daa chaŋla tin’ shɛli din yuli booni Jɔpa la nti nya ŋarin’ tital’ shɛli din chani Speen, ka o yo di samli ka kpe ŋariŋ maa ni pahi ŋariŋ maa tumtumdib’ zuɣu ni o zo Yawɛ sani chaŋ Speen. 4Amaa ka Yawɛ daa chɛ ka sanʒiɛɣu yiɣisi teeku maa ni, ka sanʒiɛɣu maa ʒiɛbu kpiɔŋ daa galisi pam hal ka ŋarin’ titali maa ti be kaman di yɛn chɛrisimi la. 5Ka dabiɛm daa gbaai ŋariŋ maa tumtumdiba ka bɛ zaa yinoyino gbaai bɛ wuna kabu, ka kpuɣiri ŋarin’ titali maa ni nɛma bahiri kom ni ni di chɛ ka ŋarin’ titali maa tibisim filim. Amaa ka Jona ŋun’ daa kpɛla ŋarin’ titali maa puuni ha nti doya gbihira.
6Ka kpatoon’ kpɛm’ daa vihi hal ti nya o nimaani m-bɔh’ o, “Bɔzuɣu ka nyin’ doya gbihira? Yiɣisim’ suh’ a wuni ka o sɔŋ ti. Di pa shɛli ka o zo ti nambɔɣu tiligi ti nyɛviya.”
7Di saha ka niriba maa daa yɛl’ taba, “Kamiyana ka ti pihi kuɣa sɔŋ lihi nya ŋun zuɣu ka yɛl’ biɛɣu ŋɔ lee paai ti ŋɔ.” Ka bɛ daa niŋ lala, ka di gbaala Jona. 8Ka bɛ bɔh’ o, “Ŋun’ taali tumbu zuɣu n-lee chɛ ka yɛl’ biɛɣu ŋɔ ti paai ti ŋɔ? Yɛlim’ ti! Tuun’ bɔ ka a lee tumda? Tiŋkani ka a lee yina? Ka zuliya bɔ n-lee nyɛ a?”
9Ka Jona garigi yɛli ba, “N nyɛla Hiburu, ka jɛmdi Yawɛ ŋun nyɛ alizanda Naawuni, ka nyɛ ŋun nam tiŋgbani mini teeku ŋɔ.” 10Ka o ni daa yɛli shɛm maa zuɣu chɛ ka dabiɛm gbaai niriba maa pam ka bɛ yɛl’ o, “Ka tuun’ bɔ ka a lee tum ŋɔ?” Bɛ daa baŋya ni o yila Yawɛ sani zɔra, dama omaŋmaŋa n-daa pun yɛli ba lala. 11Di saha maa ka sanʒiɛɣu maa ʒiɛbu daa kul moorila nini pahira. Ka bɛ daa bɔhi Jona, “Ka wula ka ti lee yɛn niŋ a ka teeku ŋɔ fo n-dɔni baalim?”
12Ka Jona garigi yɛli ba, “Zaŋmiya ma bahi teeku ŋɔ ni ka teeku maa fo n-dɔni baalim, dama m mi ni n zuɣu ka sanʒiɛɣu ŋɔ ʒiɛri ya maa.”
13Ka kpatoonsi maa daa shini, ka kul kpaŋdi bɛmaŋ’ ni bɛ kpiɔŋ zaa ni bɛ zaŋ ŋarin’ titali maa lab’ du duli. Amaa ka teeku maa dambu kpiɔŋ daa kul maan pahirimi, ka bɛ kɔŋ chandi. 14Dinzuɣu ka bɛ daa kuhi boli Yawɛ yɛli, “Yaa Yawɛ, ti suhir’ a, ti yi yihi doo ŋɔ nyɛvili, nyin’ di bɔhi ti biɛri ku ti. Dama nyin’ Yawɛ zuɣu ka yɛlli maa ʒiya. A ni yu shɛm m-bala.” 15Di saha ka bɛ daa yihi Jona bahi teeku maa ni, ka teeku maa daa fo n-dɔni baalim. 16Ka kpatoonsi maa daa zo Yawɛ dabiɛm pam, ka mali sara n-jɛm Yawɛ ka lo alikauli ni bɛ ni jɛmd’ o.
17 #
Mat 12.40
Bɛ ni daa zaŋ Jona bahi kom maa ni maa, ka Yawɛ chɛ ka ziŋ’ karili zaŋ o vali, ka o daa be ziŋ’ maa puuni wuntaŋ’ ni mini yuŋ zaa daba ata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011