Joɛl 2
2
Toli bɛn tuma wuhiri Yawɛ dabisili
1Piɛbimiya kikaa Ziɔn puuni.
Ŋmɛmiya kuŋa n zoli
din be kasi la zuɣu.
Bɛnkam zaa be tiŋgbɔŋ ŋɔ ni,
chɛliya ka yi ni’ sɔhira!
Dama Yawɛ dabisili la kanna,
hal di miriya.
2Di ni ti nyɛla zibisim
mini bumbɔni dali.
Dindali maa ni ti nyɛla
sagbana mini bumbɔni dabisili.
Kaman zibisim ni zibigiri
zoya zuɣu shɛm
lala ka tɔbbihi bɛn galisi
ka mali yiko pam kanna.
Ka bɛ tatabo na ʒi n-kana piligu ni zaŋ kana,
ka bɛ nyaaŋa,
bɛ tatabo ku lan kana
ʒiɛmani kam din kanna puuni.
3Buɣim be bɛ tooni dira
ka buɣim zilima be
bɛ nyaaŋa polo dira,
ka tiŋgbani din be
bɛ tooni be kaman Idɛn puu la,
amaa ka bɛ nyaaŋa polo
ŋmani tiŋgban’ nɛli,
ka binshɛli kani n-ni
tooi zo n-yi bɛ nuu ni.
4Bɛ ŋmanila yuri;
bɛ guurimi kaman bɛ ni
bari wɔr’ shɛb’ tuhiri tɔbu la.
5 #
Kah 9.7-9
Bɛ yi yiɣiri luri zoya zuɣu,
di vurimi kaman chɛchɛbunsi vubu la;
ka lan vuri kaman buɣim
n-diri mokuma ka di tahiri la.
Bɛ lan ŋmanila tɔbbi’ gbaliŋ
n-teei zani ni bɛ chaŋ
ti tuhi tɔb’ la.
6Bɛ zuɣu chɛ ka
niriba ni’ sɔhirimi,
ka sokam ninni biɛhigu taɣira.
7Bɛ guurimi kaman tɔbutuhiriba la;
ka duri goma kaman tɔbbihi la.
Bɛ zaa mi kul dolila bɛ soya,
ka bɛ taɣiri bɔba.
8Bɛ bi muɣiri taba,
bɛ zaa dolila bɛ soya.
Bɛ tooi gariti bɛ ni
gu ba soli luɣ’ shɛli,
ka binshɛli ku tooi taɣ’ ba zali.
9Bɛ nyɛla bɛn kabiri
kpɛri fɔntinsi ni,
ka duri goma,
ka duri kpɛri yiya puuni
ka duri kpɛri takɔriti ni
kaman tayiɣisi la.
10 #
Kah 8.12
Tiŋgbani damdila bɛ tooni;
ka sagbana sɔhira.
Ka wuntaŋ’ mini goli niŋ zim,
ka saŋmarisi gba bi lan ne.
11 #
Kah 6.17
Ka Yawɛ chɛ ka o kukoli
be o tɔbbihi tooni tahira.
Dama o tɔbbihi galisiya pam,
ka bɛn deer’ o noli ka kalinli.
Yɛlimaŋli, Yawɛ dabisili
nyɛla dabisili titali
ka mali dabiɛm pam.
Ka ŋuni n-lee ni ti tooi zaŋ o nyɔɣu yo li?
Tuuba niŋbu
12Amaa Yawɛ yɛliya,
“Hal pumpɔŋɔ gba,
niŋmiya tuuba ni yi suhuri zaa,
ka ŋmaligi labi
n sanna ni nolɔbo
mini kumsi ni fabila.
13Fabilimiya yi suhuri ni
n-gari yi chahiri yi situra.”
Labimiya Yawɛ ŋun nyɛ
yi Naawuni ŋɔ sanna.
O nyɛla nirilim niŋda
ni nambɔzɔra.
O bi jɛri suli yom,
ka o yurilim mi galisi.
O lan nyɛla ŋun taɣir’ o
tɛha zaŋ chaŋ o ni di lo
ni o niŋ salinim’ zaɣi biɛ’ shɛli polo.
14Di pa shɛli o ni taɣ’ o tɛha,
ka niŋ alibarika niŋ yi ni,
ka yi nya atam pam.
Dina n-ni chɛ ka yi zaŋ
chi mini wain ti Yawɛ
ŋun nyɛ yi Naawuni ŋɔ.
15Piɛbimiya kikaa Ziɔn Zol’ zuɣu;
m-moli nolɔbo molo,
ka laɣim niriba.
16Laɣimmiya niriba maa na
Chɛliya ka laɣiŋgu maa be kasi.
Laɣimmiya ninkura na,
ka laɣimmiya bihi
mini bimɔɣirisi gba na.
Hal di nyɛla talahi ni
aŋgɔnim’ yi bɛ duri na,
ka amiliyanim’ yi amiliya lɔbu duri na.
17Chɛliya ka maligumaaniba’
bɛn be Naawuni
jɛmbu duu dunol’ ni
mini sara maligu bimbini
sunsuuni la kumda m-pahi
ninvuɣ’ shɛb’ bɛn nyɛ
Yawɛ tumtumdiba la zuɣu.
Ka chɛ ka bɛ yɛli,
“Yawɛ, zom’ a niriba ŋɔ nambɔɣu.
Di chɛ ka bɛ lihi ʒiɛm
a ni su ninvuɣ’ shɛba,
ka di chɛ ka zuliya shɛb’
maani ba ansarisi.
Bɔzuɣu ka a yɛn chɛ
ka zuliya shɛb’ bɔhira,
‘Bɛ Naawuni maa lee bela ya?’ ”
Naawuni tibi Izraɛl tiŋgbɔŋ
18Di saha maa ka nyuli daa gbaai
Yawɛ o tiŋgbɔŋ maa zuɣu,
ka o zo o niriba maa nambɔɣu.
19Ka Yawɛ daa garigi yɛl’ o niriba maa,
“N ni tin ya chi
mini wain ni kpam,
ka yi tiɣi;
ka chɛ ka zuliya shɛb’ ku
tooi lan mali ya ansarisi yaha.
20N ni vuui tɔbbihi bɛn
yi nuzaa polo la na
ka chɛn ya.
N ni kari ba ti bahi
tiŋgban’ nɛli din kuui ni.
N ni kari bɛ toonnima nti
niŋ wulimpuhili polo teeku ni,
ka kari bɛ nyaannim’ mi
n-labisi ti niŋ wulinluhili polo teeku ni;
ka bɛ nyɔni, ka bɛ nyom
biɛɣu maa yiɣisi mɔni.”
Yɛlimaŋli, o tum tuun’ kara!
21Tiŋgbani, di chɛ ka dabiɛm mal’ a,
amaa chɛ ka a suhu piɛla,
ka mali suhupiɛlli;
dama Yawɛ tum tuun’ kara.
22Mɔɣu ni biŋkɔbiri,
di chɛliya ka dabiɛm mali ya;
dama momaha niŋ mɔɣu ni;
ka tihi wali,
ka fiig tihi mini wain tihi wali pam.
23Ziɔnnima, chɛliya ka yi suhuri piɛla,
ka maliya suhupiɛlli Yawɛ
ŋun nyɛ yi Naawuni la zuɣu.
O chɛ ka siɣili saa
ŋun daŋ tooni min ya,
ka chɛ ka saa min ya pam
o biɛrisuntali zuɣu.
O chɛ ka sa’ so ŋun daŋ tooni
mini sa’ so ŋun bahindi
nyaaŋa min ya kaman
bɛ ni daa yi pun miri shɛm la.
24Chi ni ti pali kaburi bɔɣa ni;
ka wain mini kpam ti pali
di tɔɣibu bɔɣa ni
hal ti puuri bahira.
25Tol’ la ni daa ŋubi binshɛŋa zaa la,
n ni labisi li tin ya
kaman di yuma kalinli ni nyɛ shɛm;
dama mani n daa tim toli
bɛn daa yiɣira mini
bɛn daa saɣinda ni
bɛn daa ŋmahiri la na.
Bɛ daa nyɛla n tɔbbihi
bɛn mali yaa,
ka n tim ba yi sanna.
26Ka pumpɔŋɔ yi ni nya
bindirigu pam n-di n-tiɣi;
ka paɣi man’ Yawɛ
ŋun nyɛ yi Naawuni
ŋun tum ya tuun’ kara maa.
Ka n niriba mi ku lan di vi yaha.
27Di saha ka yi ni baŋ
ni m be Izraɛlnim’ sani,
ka baŋ ni man’ Yawɛ
n-nyɛ yi Naawuni,
ka so lan kani.
Ka n niriba mi ku lan di vi yaha.
Yawɛ dabisili dali
28Dimbɔŋɔ nyaaŋa
n ni ti zaŋ n shia
n-niŋ daadam kam ni,
ka yi bidibisi mini yi bipuɣinsi
ti tɔɣisi anabitali yɛtɔɣa;
ka yi ninkura ti zahim zahima;
ka yi nachimba mi ti nya ʒii.
29Di saha maa, n shiri ni ti zaŋ
n shia n-niŋ yi dab’ bidibisi
mini yi dab’ bipuɣinsi ni.
30Ka n ni ti chɛ ka
alahiziba tumtumsa tum
zuɣusaa ha mini tiŋgban’ ni;
dina n-nyɛ: ʒim mini
buɣim ni nyɔhi
din tuɣiri sagbana ni.
31 #
Mat 24.29; Maak 13.24-25; Luk 21.25; Kah 6.12-13 Ka wuntaŋ’ ni ti zibigi,
ka goli mi ti niŋ kaman ʒim la pɔi
ka Yawɛ dabisi’ titali
din mali dabiɛm pam la
dali naanyi kana.
32 #
Tuma 2.17-21; Rom 10.13 Ka ŋunkam ti kuhi
boli Yawɛ yuli ni tiligi.
Dama ninvuɣ’ shɛb’
bɛn tiligi ni ti be
Ziɔn Zoli zuɣu mini Jɛrusalɛm
kaman Yawɛ ni yɛli shɛm.
Yawɛ ni boli ninvuɣ’ shɛba
ni ti be bɛn kpalim maa ni.
Currently Selected:
Joɛl 2: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Joɛl 2
2
Toli bɛn tuma wuhiri Yawɛ dabisili
1Piɛbimiya kikaa Ziɔn puuni.
Ŋmɛmiya kuŋa n zoli
din be kasi la zuɣu.
Bɛnkam zaa be tiŋgbɔŋ ŋɔ ni,
chɛliya ka yi ni’ sɔhira!
Dama Yawɛ dabisili la kanna,
hal di miriya.
2Di ni ti nyɛla zibisim
mini bumbɔni dali.
Dindali maa ni ti nyɛla
sagbana mini bumbɔni dabisili.
Kaman zibisim ni zibigiri
zoya zuɣu shɛm
lala ka tɔbbihi bɛn galisi
ka mali yiko pam kanna.
Ka bɛ tatabo na ʒi n-kana piligu ni zaŋ kana,
ka bɛ nyaaŋa,
bɛ tatabo ku lan kana
ʒiɛmani kam din kanna puuni.
3Buɣim be bɛ tooni dira
ka buɣim zilima be
bɛ nyaaŋa polo dira,
ka tiŋgbani din be
bɛ tooni be kaman Idɛn puu la,
amaa ka bɛ nyaaŋa polo
ŋmani tiŋgban’ nɛli,
ka binshɛli kani n-ni
tooi zo n-yi bɛ nuu ni.
4Bɛ ŋmanila yuri;
bɛ guurimi kaman bɛ ni
bari wɔr’ shɛb’ tuhiri tɔbu la.
5 #
Kah 9.7-9
Bɛ yi yiɣiri luri zoya zuɣu,
di vurimi kaman chɛchɛbunsi vubu la;
ka lan vuri kaman buɣim
n-diri mokuma ka di tahiri la.
Bɛ lan ŋmanila tɔbbi’ gbaliŋ
n-teei zani ni bɛ chaŋ
ti tuhi tɔb’ la.
6Bɛ zuɣu chɛ ka
niriba ni’ sɔhirimi,
ka sokam ninni biɛhigu taɣira.
7Bɛ guurimi kaman tɔbutuhiriba la;
ka duri goma kaman tɔbbihi la.
Bɛ zaa mi kul dolila bɛ soya,
ka bɛ taɣiri bɔba.
8Bɛ bi muɣiri taba,
bɛ zaa dolila bɛ soya.
Bɛ tooi gariti bɛ ni
gu ba soli luɣ’ shɛli,
ka binshɛli ku tooi taɣ’ ba zali.
9Bɛ nyɛla bɛn kabiri
kpɛri fɔntinsi ni,
ka duri goma,
ka duri kpɛri yiya puuni
ka duri kpɛri takɔriti ni
kaman tayiɣisi la.
10 #
Kah 8.12
Tiŋgbani damdila bɛ tooni;
ka sagbana sɔhira.
Ka wuntaŋ’ mini goli niŋ zim,
ka saŋmarisi gba bi lan ne.
11 #
Kah 6.17
Ka Yawɛ chɛ ka o kukoli
be o tɔbbihi tooni tahira.
Dama o tɔbbihi galisiya pam,
ka bɛn deer’ o noli ka kalinli.
Yɛlimaŋli, Yawɛ dabisili
nyɛla dabisili titali
ka mali dabiɛm pam.
Ka ŋuni n-lee ni ti tooi zaŋ o nyɔɣu yo li?
Tuuba niŋbu
12Amaa Yawɛ yɛliya,
“Hal pumpɔŋɔ gba,
niŋmiya tuuba ni yi suhuri zaa,
ka ŋmaligi labi
n sanna ni nolɔbo
mini kumsi ni fabila.
13Fabilimiya yi suhuri ni
n-gari yi chahiri yi situra.”
Labimiya Yawɛ ŋun nyɛ
yi Naawuni ŋɔ sanna.
O nyɛla nirilim niŋda
ni nambɔzɔra.
O bi jɛri suli yom,
ka o yurilim mi galisi.
O lan nyɛla ŋun taɣir’ o
tɛha zaŋ chaŋ o ni di lo
ni o niŋ salinim’ zaɣi biɛ’ shɛli polo.
14Di pa shɛli o ni taɣ’ o tɛha,
ka niŋ alibarika niŋ yi ni,
ka yi nya atam pam.
Dina n-ni chɛ ka yi zaŋ
chi mini wain ti Yawɛ
ŋun nyɛ yi Naawuni ŋɔ.
15Piɛbimiya kikaa Ziɔn Zol’ zuɣu;
m-moli nolɔbo molo,
ka laɣim niriba.
16Laɣimmiya niriba maa na
Chɛliya ka laɣiŋgu maa be kasi.
Laɣimmiya ninkura na,
ka laɣimmiya bihi
mini bimɔɣirisi gba na.
Hal di nyɛla talahi ni
aŋgɔnim’ yi bɛ duri na,
ka amiliyanim’ yi amiliya lɔbu duri na.
17Chɛliya ka maligumaaniba’
bɛn be Naawuni
jɛmbu duu dunol’ ni
mini sara maligu bimbini
sunsuuni la kumda m-pahi
ninvuɣ’ shɛb’ bɛn nyɛ
Yawɛ tumtumdiba la zuɣu.
Ka chɛ ka bɛ yɛli,
“Yawɛ, zom’ a niriba ŋɔ nambɔɣu.
Di chɛ ka bɛ lihi ʒiɛm
a ni su ninvuɣ’ shɛba,
ka di chɛ ka zuliya shɛb’
maani ba ansarisi.
Bɔzuɣu ka a yɛn chɛ
ka zuliya shɛb’ bɔhira,
‘Bɛ Naawuni maa lee bela ya?’ ”
Naawuni tibi Izraɛl tiŋgbɔŋ
18Di saha maa ka nyuli daa gbaai
Yawɛ o tiŋgbɔŋ maa zuɣu,
ka o zo o niriba maa nambɔɣu.
19Ka Yawɛ daa garigi yɛl’ o niriba maa,
“N ni tin ya chi
mini wain ni kpam,
ka yi tiɣi;
ka chɛ ka zuliya shɛb’ ku
tooi lan mali ya ansarisi yaha.
20N ni vuui tɔbbihi bɛn
yi nuzaa polo la na
ka chɛn ya.
N ni kari ba ti bahi
tiŋgban’ nɛli din kuui ni.
N ni kari bɛ toonnima nti
niŋ wulimpuhili polo teeku ni,
ka kari bɛ nyaannim’ mi
n-labisi ti niŋ wulinluhili polo teeku ni;
ka bɛ nyɔni, ka bɛ nyom
biɛɣu maa yiɣisi mɔni.”
Yɛlimaŋli, o tum tuun’ kara!
21Tiŋgbani, di chɛ ka dabiɛm mal’ a,
amaa chɛ ka a suhu piɛla,
ka mali suhupiɛlli;
dama Yawɛ tum tuun’ kara.
22Mɔɣu ni biŋkɔbiri,
di chɛliya ka dabiɛm mali ya;
dama momaha niŋ mɔɣu ni;
ka tihi wali,
ka fiig tihi mini wain tihi wali pam.
23Ziɔnnima, chɛliya ka yi suhuri piɛla,
ka maliya suhupiɛlli Yawɛ
ŋun nyɛ yi Naawuni la zuɣu.
O chɛ ka siɣili saa
ŋun daŋ tooni min ya,
ka chɛ ka saa min ya pam
o biɛrisuntali zuɣu.
O chɛ ka sa’ so ŋun daŋ tooni
mini sa’ so ŋun bahindi
nyaaŋa min ya kaman
bɛ ni daa yi pun miri shɛm la.
24Chi ni ti pali kaburi bɔɣa ni;
ka wain mini kpam ti pali
di tɔɣibu bɔɣa ni
hal ti puuri bahira.
25Tol’ la ni daa ŋubi binshɛŋa zaa la,
n ni labisi li tin ya
kaman di yuma kalinli ni nyɛ shɛm;
dama mani n daa tim toli
bɛn daa yiɣira mini
bɛn daa saɣinda ni
bɛn daa ŋmahiri la na.
Bɛ daa nyɛla n tɔbbihi
bɛn mali yaa,
ka n tim ba yi sanna.
26Ka pumpɔŋɔ yi ni nya
bindirigu pam n-di n-tiɣi;
ka paɣi man’ Yawɛ
ŋun nyɛ yi Naawuni
ŋun tum ya tuun’ kara maa.
Ka n niriba mi ku lan di vi yaha.
27Di saha ka yi ni baŋ
ni m be Izraɛlnim’ sani,
ka baŋ ni man’ Yawɛ
n-nyɛ yi Naawuni,
ka so lan kani.
Ka n niriba mi ku lan di vi yaha.
Yawɛ dabisili dali
28Dimbɔŋɔ nyaaŋa
n ni ti zaŋ n shia
n-niŋ daadam kam ni,
ka yi bidibisi mini yi bipuɣinsi
ti tɔɣisi anabitali yɛtɔɣa;
ka yi ninkura ti zahim zahima;
ka yi nachimba mi ti nya ʒii.
29Di saha maa, n shiri ni ti zaŋ
n shia n-niŋ yi dab’ bidibisi
mini yi dab’ bipuɣinsi ni.
30Ka n ni ti chɛ ka
alahiziba tumtumsa tum
zuɣusaa ha mini tiŋgban’ ni;
dina n-nyɛ: ʒim mini
buɣim ni nyɔhi
din tuɣiri sagbana ni.
31 #
Mat 24.29; Maak 13.24-25; Luk 21.25; Kah 6.12-13 Ka wuntaŋ’ ni ti zibigi,
ka goli mi ti niŋ kaman ʒim la pɔi
ka Yawɛ dabisi’ titali
din mali dabiɛm pam la
dali naanyi kana.
32 #
Tuma 2.17-21; Rom 10.13 Ka ŋunkam ti kuhi
boli Yawɛ yuli ni tiligi.
Dama ninvuɣ’ shɛb’
bɛn tiligi ni ti be
Ziɔn Zoli zuɣu mini Jɛrusalɛm
kaman Yawɛ ni yɛli shɛm.
Yawɛ ni boli ninvuɣ’ shɛba
ni ti be bɛn kpalim maa ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011