Joɛl 1
1
1Yawɛ ni daa zaŋ o yɛligu n-yɛli Pɛtuɛl bia Joɛl shɛm m-bɔŋɔ.
Niriba fabili bindira saɣimbu zuɣu
2Yinim’ bɛn nyɛ ninkura, wummiya;
yinim’ bɛn zaa be tiŋgbɔŋ ŋɔ ni,
wummiya dimbɔŋɔ:
Yɛlli ŋɔ tatabo na min
niŋ yi ʒiɛmani ŋɔ ni
bee yi yaannim’ ʒiɛmana la ni?
3Yɛlimiya yi bihi di yɛla;
ka bɛ mi ti zaŋ di yɛla
maa n-yɛli bɛ bihi,
ka bɛ gba ti zaŋ di yɛla
n-yɛli ʒiɛman’ shɛli
din kanna niriba.
4Tol’ shɛb’ bɛn ŋmahiri
bindira bahiri ni daa
chɛ bindir’ shɛŋa,
tol’ bɔbili la daa
kana ti zaŋ li ŋubi.
Ka tol’ bɔbili maa ni daa
chɛ bindir’ shɛŋa,
tol’ shɛb’ bɛn yiɣiri daa
kana ti zaŋ li ŋubi.
Ka tol’ shɛb’ bɛn yiɣiri maa
ni daa chɛ bindir’ shɛŋa,
tol’ shɛb’ bɛn saɣindi
bindira la mi daa kana
ti bahi zaŋ li ŋubi.
5Yinim’ danyuriba,
yiɣisimiya kum;
yinim’ wain nyuriba zaa,
kummiya wain nyaɣisili la zuɣu,
dama yi noli ŋmaala di nyubu maa.
6 #
Kah 9.8
Tol’ bɔbili kana nti
lu ti tiŋgbɔŋ zuɣu.
Bɛ mali yiko pam,
ka lan galisi hal nti ka kalinli.
Bɛ nyina dirimi kaman
gbuɣinli nyina la,
ka bɛ nyindari be kaman
gbuɣinnyaŋ nyindari la.
7Bɛ saɣim ti wain tihi,
ka ŋub’ ti fiig tihi.
Bɛ ŋub’ puɣisi di tipaɣiri
hal ka di wula zaa
ti leela zaɣ’ piɛla.
8Kummiya kaman paɣisar’ so
ŋun so buɣu n-kumdi
nachimbil’ so ŋun di yɛn
lo o amiliya zuɣu la.
9Hal kabiɛlli bee wain
din ni zaŋ ti mali sara
Yawɛ jɛmbu duu gba kani.
Maligumaaniba fabindimi,
ka Yawɛ tumtumdiba gba fabinda.
10Puri dola zaɣ’ nɛya;
ka tiŋgbani fabinda,
dama bindira saɣimya zaa,
ka wain naai,
ka kpam gba lan kani.
11Yinim’ pukpariba
mini wain tihi kpariba,
maliya nandahima.
Kummiya alikama mini chi zuɣu.
Dama puri atam saɣimiya.
12Wain tihi kuuya;
ka fiig tihi vari suui.
Ka pumpɔrinchihi tihi
mini kpikpal’ tihi
ni apil tihi ni tihi
balibu kam zaa kuui.
Ka suhupiɛlli din be niriba sani naai.
13Yinim’ maligumaaniba,
yɛmiya fabila situra n-fabili.
Yinim’ bɛn tumdi tuma
sara maligu bimbini zuɣu, kummiya.
Yinim’ bɛn nyɛ
n Naawuni tumtumdiba ŋɔ,
yɛmiya fabila situra
hal ka biɛɣu ti neei.
Dama kabiɛlli bee
wain din ni zaŋ kpe yi
Naawuni jɛmbu duu lan kani.
14Molimiya nolɔbo molo;
laɣimmiya salo maa zaa na!
Laɣimmiya kpamba
mini bɛnkam zaa be
tiŋgbɔŋ maa ni
Yawɛ ŋun nyɛ yi
Naawuni ŋɔ jɛmbu
duu la ni nti kum niŋ ŋun’ Yawɛ.
15 #
Aiz 13.6
Dabisili maa ni ti bie pam!
Dama Yawɛ dabisili la dali miriya.
Di ni ti kana kaman
zaɣ’ biɛɣu din yi
Kpiɔŋlan’ Naa sanna.
16Pa ti ninni ka bindira maa
zaa zani m-bahi yoli,
ka suhupiɛlli mini
nyaɣisim lan ka
ti Naawuni jɛmbu duu?
17Bimbira kpila tiŋgban’ ni,
ka ti kambɔna kpalim zaɣ’ kuma,
ka ti kunchuna zaa saɣim,
dama ti chi zaa kuuya.
18Nyam’ biŋkɔbiri ni bamdi shɛm.
Niɣi kul chanimi gindi
mɔri ni kani ka
bɛ ni ŋubi zuɣu;
ka piɛri mini buhi
gba kul diri wahala.
19Yawɛ, nyini ka
n kumdi niŋd’ a.
Dama buɣim di mɔɣu zaa,
ka buɣim zilima
di mɔɣu ni tihi zaa.
20Hal mɔɣu ni biŋkɔbiri zaa
kul kumdimi n-niŋd’ a,
kulibɔna ni koma zaa ni nyuui,
ka buɣim di mɔɣu ni zaa la zuɣu.
Currently Selected:
Joɛl 1: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
