Aizaia 49
49
Izraɛl nyɛla neesim zuliya shɛb’ sani
1 #
Jɛr 1.5
Ninvuɣ’ shɛb’ bɛn be
teeku duli mini bɛn be
katiŋa, wummiya!
Yawɛ daa pun pii ma ka bɛ
na bi dɔɣi ma;
n daa na bela
m ma pul’ ni,
ka o pun boli n yuli.
2 #
Hib 4.12; Kah 1.16 O chɛ ka n noli bemi
kaman takɔbi dirili la.
O daa zaŋ ma sɔɣila
o nuu mahim
ka daa chɛ ka m be
kaman peen’ dirili la,
ka o zaŋ ma su o lɔɣu ni.
3O daa yɛli ma,
“Izraɛl nyɛla n dabili,
a sani ka n yɛn nya jilima.”
4Amaa ka n yɛli,
“N tum tuma pam,
amaa ka di ka nyɔri.
N yihi n yaa tum,
amaa ka shɛli
bi yi di ni na.
Amaa Yawɛ n-nyɛ
n nyaanzaana,
ka n laara be n Naawuni sani.
5Ka pumpɔŋɔ Yawɛ yɛliya
ni bɛ daa na bi dɔɣi ma,
ka o pii ma leeg’ o dabili
ni n zaŋ Yaakubu zuliya
bɛn nyɛ Izraɛlnima,
ka yam yɔɣu la
labis’ o sanna.
Yawɛ ti ma jilima.
N kpiɔŋ yirila
n Naawuni sanna.”
6 #
Aiz 42.6; Luk 2.32; Tuma 13.47; 26.23 Yawɛ daa yɛli ma,
“N dabili, m mali tuun’
kara ni n ti a,
ka a labisi Izraɛlnim’ bɛn
kpalim la zali bɛ zaashee.
N ni zaŋ a leei neesim
ti tinzunnima,
ka di chɛ ka n tiliginsim paai
dunia ŋɔ luɣ’ shɛlikam zaa nima.”
7Yawɛ ŋun nyɛ Izraɛl
Naawuni ŋun be kasi ŋɔ
ni yɛli shɛm zaŋ chaŋ
bɛ ni ʒiɛm so ni niriba
zaa ni zaɣisi so,
ka o nyɛ zuɣulaannim’
dabili la polo m-bɔŋɔ:
“Nanim’ ni ti nya a,
ka yiɣisi zani ti a jilima,
ka nabihi ti nya a
ka damdi tiŋ’ ti a jilima.
Yawɛ ŋun ʒe yim ka nyɛ
Izraɛl Naawuni ŋun be
kasi la ni piig’ a la zuɣu.”
Bɛ lan me Jɛrusalɛm zali
8 #
2 Kɔr 6.2
Yawɛ yɛliya,
“N ni yɛn tiligi ya
saha shɛli yi ti paai,
n ni niŋ ya nirilim,
ka wum yi kuŋa
din bɔri kunzoo la.
N ni guli ya, ka taɣi ya
ka chɛ barina,
ka lo niriba zaa
alikauli yi zuɣu.
N ni lan labisi ya ʒili yi
tiŋgbani din do zaɣ’
nɛl’ la ni.
9N ni yɛli sarikanima,
‘N tin ya yolisim!’
Ka yɛli bɛn be zibisim ni,
‘Kamiya neesim ni na!’
Bɛ ni ti ŋmanila piɛ’
shɛb’ bɛn be zoya
zuɣu tiŋgban’ nɛl’ ni
ŋubiri mɔri la.
10 #
Kah 7.16-17
Kum ni kɔnyuri ti ku muɣisi ba,
ka wuntaŋ’ tulim mini
pɔhim tulli ti ku kpe ba.
Dama ŋun yuri ba
n-yɛn mali ba chana.
O ni zaŋ ba tahi kɔzɔrim shee.
11N ni ŋme solɔɣu
du n zoya zaa,
ka mali n soya ka di viɛla.
12Nyama, n niriba ni ti yi
katiŋa nuzaa polo mini
wulinluhili polo ni
Asiwan#49.12 ASIWAN: Di nyɛla tin’ shɛli din daa be Ijipti nudirigu polo, ka Yɛhudianim’ pam daa ʒini nimaani. din be nudirigu
polo la na.”
13Alizanda ni nima,
yilimiya yila!
Dunianima, maliya suhupiɛlli!
Zoya, yilimiya yila!
Dama Yawɛ ni kpaŋs’ o niriba suhuri.
O ni zo o niriba bɛn
be muɣisigu ni nambɔɣu.
14Amaa ka Ziɔnnim’ yɛli,
“Yawɛ chɛ ti bahi!
O tam ti yɛla.”
15Ka Yawɛ yɛli,
“Paɣ’ ni tooi tam o
bimɔɣirigu yɛla
bee n-zaɣis’ o ni dɔɣi
bi’ so nambɔɣu zɔbu?
Hal o yi ni tam gba,
man’ Yawɛ ku tam yi yɛla.
16N kul ku tam yi yɛla.
Nyama, n pun sab’ yi yuli niŋ
n nutaya ni.
17“Ninvuɣ’ shɛb’ bɛn
daa wurim’ a la ni zo,
ka ninvuɣ’ shɛb’ bɛn
yɛn me a kana
ti me a zali.
18Neemiya yi nina lihi gili nya,
bɛ zaa laɣimmi ka yi sanna.”
Yawɛ yɛliya,
“ N ni shiri be ŋɔ zuɣu,
yi ni ti zaŋ bɛ zaa
ye kaman amiliya
ni yɛri o salima
yɛri shɛm la.
19“Yi tiŋ’ daa lumi
dahim leei dabari,
amaa di pɔri pam pumpɔŋɔ,
ka bɛn kanna ni bɛ
ti be di ni ni muɣi li.
Ka ninvuɣ’ shɛb’ bɛn
daa wurim li maa ni zo
n-chaŋ katiŋ’ ka chɛn ya.
20Yi ni dɔɣi bi’ shɛb’
tinzun’ tiŋ’ ni maa
ni ti yɛli ya,
‘Ti ni be luɣ’ shɛli ŋɔ pɔra;
bomiya palo pahi ti ka ti ʒini.’
21Di saha yi ni ti ŋmaligi
bɔhi yimaŋa,
‘Ka ŋuni n-lee dɔɣi
bihi ŋɔ zaa ti ti?
N daa kɔŋ m bihi.
Bɛ daa zaŋ ma kulila
tinzun’ tiŋa,
ka ŋuni n-lee wumsi
bihi ŋɔ zaa?
N daa kpalimla n ko,
ka ya ka bihi ŋɔ
zaa lee yina?’ ”
22Ti Duuma ŋun nyɛ
Yawɛ ŋɔ yɛliya,
“N ni gahi nuu boli
zuliya kam,
ka wuhi niriba shihirili;
bɛ ni ti zaŋ yi bidibisi
maa ŋmab’ bɛ bɔɣuri
ni na ti tin ya;
ka zaŋ yi bipuɣinsi tuɣi
na ti tin ya.
23Nanim’ ni ti be
kaman yi banim’ la,
ka bɛ paɣiba bɛn nyɛ nanim’
be kaman yi manima.
Bɛ ni ti damdi ya tiŋa
ka lun ya sizuura.
Ka yi baŋ ni mani
n-shiri nyɛ Yawɛ;
ka bɛnkam zaa guhiri
n sɔŋsim ku di vi.”
24So ni tooi fa tɔbbihi
ni tuhi tɔbu di binshɛŋa
bɛ sani bee n-fa daba
na’ biɛɣu nuu ni?
25Amaa Yawɛ yɛliya,
“Hal bɛ ni ti fa tɔbbihi daba,
ka fa na’ biɛɣu ni di
neen’ shɛŋa.
N ni tuhi yi mini bɛn tuhira,
ka fa yi bihi bahi.
26N ni chɛ ka ninvuɣ’ shɛb’
bɛn nahindi ya maa
ŋmaligi ku taba.
N ni chɛ ka ninvuɣ’ kubo
maa kuli ba kaman
nir’ ni nyuri wain
ka di kuun’ o shɛm la.
Ka lala zuɣu chɛ ka daadam
kam baŋ ni mani
n-shiri nyɛ Yawɛ
ŋun nyɛ yi Tiligira
ni Izraɛl Naawuni
ŋun nyɛ kpiɔŋlana ŋɔ.”
Currently Selected:
Aizaia 49: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
