Aizaia 20

Anabi ŋun be o zaɣim ka di nyɛ shihirili

1Asiria naa Sarigɔn ni daa chɛ ka o tɔbbihi zuɣulana chaŋ ti liri Ashidɔdnima n-tuhi nyaŋ ba yuun’ shɛl’ la, 2di saha ka Yawɛ daa yɛli Amɔz bia Aizaia, “Pirigim’ a buɣu ŋɔ min’ a namda ŋɔ”, ka o daa niŋ lala, ka chani o zaɣim ni napɔn zaŋa. 3Di saha ka Yawɛ daa yɛli, “N dabili Aizaia ni daa chaŋ o zaɣim ni napɔn zaŋa yuma ata la, di nyɛla din yɛn niŋ Ijiptinim’ mini Itiɔpianim’ shihirili. 4Lala ka Asiria naa ti yɛn gbahi Ijiptinim’ leei daba, ka gbahi Itiɔpianim’ ninkura mini bipola n-zaŋ ba bɛ zaɣim ni bɛ napɔn’ zaŋa, ka bɛ gbina do palo ni, n-kuli o yiŋa, ka di dihi Ijiptinim’ vi. 5Dabiɛm ni ti gbahi ninvuɣ’ shɛb’ bɛn zaŋ bɛ tahima niŋ Itiɔpia ni mini bɛn mali Ijipti nyuri bara la, ka vi gbahi ba. 6Di saha maa ninvuɣ’ shɛb’ bɛn be Filistia Teeku noli ni ti yɛli, ‘Nyamiya din niŋ ti ni zaŋ ti tahima niŋ ninvuɣ’ shɛb’ ni la mini ti ni daa zo nti paai shɛb’ ni bɛ fa ti Asiria naa nuu ni bahi la. Ka wula ka ti lee yɛn niŋ tiligi?’ ”

Currently Selected:

Aizaia 20: RLDB

Highlight

Copy