Hozia 7
7
1Amaa nyama, saha shɛli n yi ti yɛn tibi Izraɛlnima,
Ifriimnim’ tuumbiɛri yirila palo,
ka Samarianim’ ninvuɣ’ biɛtali yi zahira;
dama bɛ ŋmari ʒiri,
ka tayiɣisi kabiri yiya n-kpɛri ti zura,
ka ninvuɣ’ fariba mi be samban’ ni fara.
2Amaa bɛ bi tɛhiri ni
m mi bɛ tuumbiɛri maa.
Ka pumpɔŋɔ bɛ tuumbiɛri maa gili ba niŋla sunsuuni,
ka bɛ ʒe n tooni.
3Bɛ tuumbiɛri maa tirila naa suhupiɛlli,
ka bɛ biɛriyoli maa tiri bɛ kpamba suhupiɛlli.
4Bɛ zaa nyɛla zinaniŋdiba.
Bɛ ŋmanila bɔrɔbɔro du’ shɛli bɛ ni mali buɣim niŋ ka di bii,
ka bɔrɔbɔromaana bi lan niŋ buɣim niŋ di ni bɔrɔbɔro ŋɔribu saha
hal ti paai di dubu saha la.
5Ti Naa maa nam dibu chuɣu puhibu dabisili yi ti paai,
o min’ o kpambaliba nyurila wain hal ti yɛli ni bo m-bala,
ka laɣim maani niriba ansarisi.
6Dama bɛ suhuri kul palila nia biɛri
n-diri kaman bɔrɔbɔro duu buɣim la.
Yuŋ yi paai bɛ suhuyiɣisili ŋmanila wurigu buɣim doya,
ka biɛɣu ti neei ka di taai kaman buɣim zibizibi la.
7Bɛ zaa kul tulimi kaman bɔrɔbɔro duu la,
ka kuri bɛ nanima.
Bɛ ku nanim’ zaa,
ka bɛ so bi suhi ma ni n sɔŋ o.
Izraɛlnim’ mini zuliya shɛba
8Ifriimnim’ zaŋla bɛmaŋ’ gari zuliya shɛb’ ni.
Ifriimnim’ nyɛla bɛn dɔni yaɣ’ yini tabili,
ka bɛ lɛbigi.
9Tinzunnim’ deei bɛ yaa zaa,
ka bɛ bi baŋ lala.
Bɛ bi mi ni bɛ kum saha bi lan waɣa.
10Izraɛlnim’ karimbaani di shɛhira jɛndi ba.
Amaa ka bɛ bi ŋmaligi chaŋ Yawɛ ŋun nyɛ bɛ Naawuni sani
bee n-suh’ o dimbɔŋɔnim’ zaa zuɣu.
11Ifriimnim’ ŋmanila ŋmani.
Bɛ jɛrigiya zaa,
ka ka yɛm.
Bɛ boonila Ijiptinim’ ni bɛ ti sɔŋ ba,
ka lan booni Asirianim’ ni bɛ ti sɔŋ ba.
12N ni labi laŋ’ piri ba saha shɛli bɛ ni chani maa.
N ni siɣisi ba tiŋ’ na kaman noombihi la.
N ni fiɛb’ ba bɛ tuumbiɛri maa zuɣu.
13Mbusim be bɛ zuɣu,
dama bɛ birigi n sani.
Bahiyoli n-doli ba,
dama bɛ zaɣisi ma.
N naan tiligi ba,
amaa ka bɛ beni ŋmarila ʒiri pari ma.
14Bɛ bi fabindi niŋdi ma ni bɛ suhuri zaa,
amaa bɛ dola bɛ bindɔhi zuɣu kuhira.
Dama bɛ zaŋ bini ŋma bɛmaŋa bɛ kawana
mini bɛ wain zuɣu,
ka zaɣisi ma.
15N ni kul wuhi ba ka ti ba yaa maa zaa yoli,
bɛ bo soya n-tum tuumbiɛri jɛndi ma.
16Bɛ ŋmaligi jɛmdila buɣili Baal ka chɛ ma;
bɛ ŋmanila tɔb’ shɛli din ka naani niŋbu.
Bɛ ni zaŋ takɔbi ku bɛ kpamba zaa bɛ yɛtɔɣ’ yoya zuɣu.
Ka dimbɔŋɔ ti leei bɛ daansarisi malibo Ijipti tiŋgbɔŋ ni.
Currently Selected:
Hozia 7: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Hozia 7
7
1Amaa nyama, saha shɛli n yi ti yɛn tibi Izraɛlnima,
Ifriimnim’ tuumbiɛri yirila palo,
ka Samarianim’ ninvuɣ’ biɛtali yi zahira;
dama bɛ ŋmari ʒiri,
ka tayiɣisi kabiri yiya n-kpɛri ti zura,
ka ninvuɣ’ fariba mi be samban’ ni fara.
2Amaa bɛ bi tɛhiri ni
m mi bɛ tuumbiɛri maa.
Ka pumpɔŋɔ bɛ tuumbiɛri maa gili ba niŋla sunsuuni,
ka bɛ ʒe n tooni.
3Bɛ tuumbiɛri maa tirila naa suhupiɛlli,
ka bɛ biɛriyoli maa tiri bɛ kpamba suhupiɛlli.
4Bɛ zaa nyɛla zinaniŋdiba.
Bɛ ŋmanila bɔrɔbɔro du’ shɛli bɛ ni mali buɣim niŋ ka di bii,
ka bɔrɔbɔromaana bi lan niŋ buɣim niŋ di ni bɔrɔbɔro ŋɔribu saha
hal ti paai di dubu saha la.
5Ti Naa maa nam dibu chuɣu puhibu dabisili yi ti paai,
o min’ o kpambaliba nyurila wain hal ti yɛli ni bo m-bala,
ka laɣim maani niriba ansarisi.
6Dama bɛ suhuri kul palila nia biɛri
n-diri kaman bɔrɔbɔro duu buɣim la.
Yuŋ yi paai bɛ suhuyiɣisili ŋmanila wurigu buɣim doya,
ka biɛɣu ti neei ka di taai kaman buɣim zibizibi la.
7Bɛ zaa kul tulimi kaman bɔrɔbɔro duu la,
ka kuri bɛ nanima.
Bɛ ku nanim’ zaa,
ka bɛ so bi suhi ma ni n sɔŋ o.
Izraɛlnim’ mini zuliya shɛba
8Ifriimnim’ zaŋla bɛmaŋ’ gari zuliya shɛb’ ni.
Ifriimnim’ nyɛla bɛn dɔni yaɣ’ yini tabili,
ka bɛ lɛbigi.
9Tinzunnim’ deei bɛ yaa zaa,
ka bɛ bi baŋ lala.
Bɛ bi mi ni bɛ kum saha bi lan waɣa.
10Izraɛlnim’ karimbaani di shɛhira jɛndi ba.
Amaa ka bɛ bi ŋmaligi chaŋ Yawɛ ŋun nyɛ bɛ Naawuni sani
bee n-suh’ o dimbɔŋɔnim’ zaa zuɣu.
11Ifriimnim’ ŋmanila ŋmani.
Bɛ jɛrigiya zaa,
ka ka yɛm.
Bɛ boonila Ijiptinim’ ni bɛ ti sɔŋ ba,
ka lan booni Asirianim’ ni bɛ ti sɔŋ ba.
12N ni labi laŋ’ piri ba saha shɛli bɛ ni chani maa.
N ni siɣisi ba tiŋ’ na kaman noombihi la.
N ni fiɛb’ ba bɛ tuumbiɛri maa zuɣu.
13Mbusim be bɛ zuɣu,
dama bɛ birigi n sani.
Bahiyoli n-doli ba,
dama bɛ zaɣisi ma.
N naan tiligi ba,
amaa ka bɛ beni ŋmarila ʒiri pari ma.
14Bɛ bi fabindi niŋdi ma ni bɛ suhuri zaa,
amaa bɛ dola bɛ bindɔhi zuɣu kuhira.
Dama bɛ zaŋ bini ŋma bɛmaŋa bɛ kawana
mini bɛ wain zuɣu,
ka zaɣisi ma.
15N ni kul wuhi ba ka ti ba yaa maa zaa yoli,
bɛ bo soya n-tum tuumbiɛri jɛndi ma.
16Bɛ ŋmaligi jɛmdila buɣili Baal ka chɛ ma;
bɛ ŋmanila tɔb’ shɛli din ka naani niŋbu.
Bɛ ni zaŋ takɔbi ku bɛ kpamba zaa bɛ yɛtɔɣ’ yoya zuɣu.
Ka dimbɔŋɔ ti leei bɛ daansarisi malibo Ijipti tiŋgbɔŋ ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011