Daniɛl 1
1
DANIƐL MIN’ O ZƆNIMA (1.1—6.28)
Nachimbihi maa zani Naa Nɛbukadnɛza yiŋ’ zɔŋ ni
1 #
2 Nan 24.1; 2 Yɛl 36.5-7 Juda Naa Jɛhɔyakim ni daa di nam zaŋ chaŋ yuma ata saha ka Babilɔn Naa Nɛbukadnɛza min’ o tɔbbihi daa ka Jɛrusalɛm na nti teei gil’ li. 2#2 Nan 20.17-18; 24.10-16; 2 Yɛl 36.10; Aiz 39.7-8 Ka Naawuni daa saɣ’ ti o ka o gbaai Naa Jɛhɔyakim, ka kpuɣi Naawuni jɛmbu duu neen’ shɛŋa m-pahi; ka daa gbahi daba shɛb’ gba m-mali kuli o ya Shiina tiŋgbɔŋ ni nti niŋ o buɣa duu din be Babilɔn maa ni. O daa zaŋ o ni kpuɣi neen’ shɛŋa maa nti niŋla o buɣa maa nɛma duu.
3Ka Naa Nɛbukadnɛza daa yɛl’ o namɔɣilisi kpɛma Ashpɛnaz ni o lihim’ Izraɛlnim’ shɛb’ bɛ ni gbahina maa ni m-pii nabihi mini kpambaliba; 4bɛn nyɛ ninvuɣ’ suma ka ka dalima bɛ niŋgbuna ni, ka mali yɛm ni baŋsim din ni tooi bɔhim baŋ viɛnyɛliŋga; ka bɛ zaŋ ba niŋ nayili ka bɛ tumdi tuma. Ashpɛnaz n-daa nyɛ ŋun yɛn wuhi ba Babilɔnnim’ yɛtɔɣa karimbu mini di sabbu. 5Naa daa lan bahi noli ni o tim’ ba nayili bindira mini wain shɛli o ni nyura n-dihi ba lala yuma ata. Ka yuma ata maa ti paai ka o zaŋ ba tahi ŋun’ naa sanna. 6Bɛ ni daa pii shɛb’ maa n-daa nyɛ: Daniɛl mini Hanania ni Mishɛl ni Azaria. Bɛ mi zaa daa yi la Juda zuliya ni na. 7Namɔɣilisi kpɛm’ maa daa taɣi ba la yuya: O daa boli Daniɛl la Bɛlitishaaza, ka boli Hanania Shadirak, ka boli Mishɛl Mɛshak, ka boli Azaria mi Abɛdnɛgo. 8Daniɛl daa lo o suhu ni ni o ku di nayili bindirigu maa bee n-nyu wain shɛli naa ni daa nyurila n-saɣim’ omaŋa; dinzuɣu ka o daa suhi namɔɣilisi kpɛm’ maa n-yɛl’ o ni o bi lo ni o saɣim’ omaŋa nayili bindirigu maa dibu ni, lala zuɣu ni o sɔŋm’ o. 9Ka Naawuni daa chɛ ka nambɔzɔbo kpe Ashpɛnaz suhu ni zaŋ chaŋ Daniɛl polo. 10Amaa ka Ashpɛnaz daa lee zɔri naa dabiɛm, ka yɛli Daniɛl, “Naa pun wuhi yi ni yɛn diri bindir’ shɛŋa mini yi ni yɛn nyuri binnyur’ shɛli, ka yi niŋgbuna yi ti bi pa taba kaman yi tab’ la dini, o ni ŋma n zuɣu.” 11Di saha ka Daniɛl daa chaŋ Ashpɛnaz ni daa zaŋ o min’ o tab’ niriba ata la niŋ so nuu ni ni o lihiri ba la sani ti yɛl’ o, 12“N suhir’ a, kul tim’ ti la tarim’ bindirigu mini kom ka ti diri ka nyuri zaŋ chaŋ biɛɣu pia, ka a zahim ti nya. 13Ka zaŋ ti m-buɣisi ti nachintab’ bɛn diri nayili bindirigu ka nyuri di binnyura la n-nya ti bebu ni yɛn nyɛ shɛm. Ka a yi kpahim ti nya, nyin’ niŋm’ tinim’ bɛn nyɛ a daba ŋɔ kaman a ni nya ka di simdi shɛm.” 14Ka o daa saɣi ka shiri niŋ ba lala biɛɣu pia. 15Ka di daa ti paai biɛɣu pia maa, ka bɛ nina ni kul nɛmi zaa kasi, ka bɛ lan ŋmɛlim gari bɛ tab’ bɛn zaa daa diri nayili bindirigu maa. 16Di saha maa zaŋ chana, ka ŋun daa su bɛ fukumsi maa kul tiri ba la tarim bindirigu maa ka chɛ Naa ni daa wuhi ni bɛ tim’ ba bindir’ shɛŋa mini binnyur’ shɛl’ la. 17Naawuni daa ti nachimbih’ anahi ŋɔ baŋsim mini yɛn bɔhimbu balibu kam puuni. Ka din pahi nyɛla o daa lan ti Daniɛl baŋsim shɛli din chɛ ka o tooi kahigiri ʒiinim’ mini zahima gbinni wuhira. 18Ka Naa Nɛbukadnɛza ni daa zali yuma ata shɛŋa la saha daa ti paai, ka Ashpɛnaz zaŋ nachimbihi maa zaa tahi ŋun’ Nɛbukadnɛza sani. 19Ka naa maa mini ba zaa daa ti di alizama, ka o nya ka Daniɛl mini Hanania ni Mishɛl ni Azaria yɛla n-kpe o nyaɣisim gari bɛ tab la zaa. Ka bɛ daa leei bɛn ʒiini naa tooni nayili. 20Naa Nɛbukadnɛza ni daa bɔhi bɔhigu shɛlikam min’ o ni daa zaŋ yɛlimuɣisir’ shɛlikam na puuni, nachimbih’ anahi ŋɔ daa nyɛla bɛn mi di yɛla paai siɣimsiɣim bu pii zuɣu n-gari timlan’ kam bee saŋmaribaŋda kam ŋun be o nam sulinsi maa ni. 21Ka Daniɛl daa kul kpalim be nayili maa hal ti paai Naa Sairus nam dibu yuun’ tuuli saha.
Currently Selected:
Daniɛl 1: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
