MATEO 4
4
Jesusax supayan yant'ataw uñjasi
(Mc 1.12-13; Lc 4.1-13)
1Ukatsti Jesusax Ajayumpi wasarar irpataw uñjasïna, ukan supayan yant'atäñapataki.
2Jesusasti pusi tunka urumpi, pusi tunka arumampiw jan manq'at sarnaqäna, ukatsti manq'at awtjayasïna. 3Supayasti Jesusar yant'añatakiw jak'achasïna, akham sasa:
—Jumatix Diosan Yuqapästa ukaxa, aka qalanakar t'ant'ar tukuyam —sasa.
4Jesusasti juparux sänwa:
—Diosan qillqatapax siwa: ‘Janiw jaqix t'ant'a sapampikit jakkani, jan ukasti taqi kuntix Diosax siski uka arunakampiw jakarakini’ —sasa.#4.4 Jesusax kimsa kutiw supayarux Deuteronomio qillqatan arunakapampi saykatäna (Dt 8.3) uka qillqatansti Israel markan wasaran sarnaqatapat parli.
5Ukatsti supayax Jerusalén qullan markaruw irpäna, Tatitun utap patar irpsusinsti,#4.5 Jerusalén: uka markax judionakatakix qullan markänwa, Tatitun utapan ukankatap layku. 6sarakïnwa:
—Jumatix Diosan yuqapästaxa, aka patat jaquqtam; Qillqatax siwa:
‘Diosasti angelanakaparuw jumar uñjir khithanini.
Jupanakaw amparapar katuqapxätam,
kayunakam qalanakar jan usuchjasiñamataki’ sasa.#4.6 Sal 91.11-12.
7Jesusasti ukxarux sänwa:
—Diosan arupan qillqatarakiwa: ‘Janiw Tatitu Diosamarux yant'ätati’ —sasa.#4.7 Dt 6.16.
8Tukuyarusti supayax mä jach'a qullu pataruw Jesusar irpäna, ukatsti aka uraqin taqi qamir markanaka, kunja jach'äkäntix uka markanak uñacht'ayäna, 9akham sasa:
—Jumatix killt'asisin nayar yupaychitäta ukax taqi aka markanak churäma —sasa.
10Jesusasti juparux sänwa:
—Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.#4.10 Dt 6.13.
11Ukat supayax sarawayxäna, Jesusarusti angelanakaw luqtir jutapxäna.
Jesusax Galilea uraqin lurañanakap qallti
(Mc 1.14-15; Lc 4.14-15)
12Bautisir Juanan carcelankatap ist'asinxa,#4.12 Lc 3.19-20. Jesusax Galilearuw sarxäna. 13Ukampis janiw Nazaret markar qhiparkänti, jan ukasti Cafarnaúm markar jakiriw sarxäna; uka markasti Galilea quta thiyankänwa, Zabulón, Neftalí#4.13 Zabulón, Neftalí: Israelan nayra ayllunakapawa, jupanakax Galilea uraqin amsta tuqin jakapxäna. uka ayllunakan uraqipana. 14Taqi akanakasti, Isaías profetan arsutaparjamaw phuqhasiskäna:
15“Zabulón uraqi, Neftalí uraqi,
Jordán jawirat khurkatana,
quta thiyankir uraqi:
jan judionakan utjasiñ Galilea uraqi.
16Ch'amakankir jaqinakax
mä jach'a qhan uñjapxi;
mä suma qhanaw qhanti
jiwañ ch'amakan jakapki ukanakataki” sasa.
17Jesusax ukapachat Diosan arunakap parlañ qalltäna: “Diosan ukar kuttanxapxam, qhapaq markapax jak'ankxiwa” sasa.
Jesusax chawlla katuri pusi jaqinakaruw jawsi
(Mc 1.16-20; Lc 5.1-11)
18Ukatsti Jesusax Galilea quta thiyanjam sarkasaw pani jila sullkar uñjäna: maynïrix Simón Pedro satänwa, maynïristi Andrés satarakïnwa. Jupanakax chawlla katurïnwa, qänap qutar jaquntasipkäna. 19Jesusasti jupanakarux sänwa:
—Nayar arkapxita, nayasti jaqi katur tukuyapxäma —sasa.
20Jupanakasti ukspachaw qänanak jaytarpäwayasax Jesusar arkxapxäna.#4.20 Jn 1.35-42.
21Mä juk'a nayrar sartasinsti, Jesusax yaqha pani jila sullkaruw uñjäna. Santiagompiru, Juanampiru, jupanakax Zebedeon yuqanakapänwa. Jupanakasti awkipampiw qänanakap boten askichasipkäna. Jesusasti jupanakaruw jawsäna, 22ukspachaw awkipampiru, botempir jaytanukuwayasax Jesusar arkxapxäna.
Jesusax walja jaqinakaruw yatichi
(Lc 6.17-19)
23Jesusax Galilea uraqpach muytäna, sinagoganakan Diosan qhispiyasiñ arunakap yatiyasa, usutanakar k'umaraptayasa, ayquñanakap apaqasa. 24Jesusan luratapasti Siria uraqpachan yatisïna, jupan ukarusti kunayman usutanakaru, ñanqha ajayun mantatanakaru, t'uku usuninakaru, suchunakaruw irpanipxäna. Jesusasti jupanakarux k'umaraptayänwa.
25Walja jaqinakaw juparux arkapxäna, Galileata, Decápolis uraqin utjir markanakata,#4.25 Decápolis: uka sutix Tunka markanaka sañ muni. Jerusalenata, Judeata, Jordán inti jalsu tuqinakata.
Currently Selected:
MATEO 4: AYOPD
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
MATEO 4
4
Jesusax supayan yant'ataw uñjasi
(Mc 1.12-13; Lc 4.1-13)
1Ukatsti Jesusax Ajayumpi wasarar irpataw uñjasïna, ukan supayan yant'atäñapataki.
2Jesusasti pusi tunka urumpi, pusi tunka arumampiw jan manq'at sarnaqäna, ukatsti manq'at awtjayasïna. 3Supayasti Jesusar yant'añatakiw jak'achasïna, akham sasa:
—Jumatix Diosan Yuqapästa ukaxa, aka qalanakar t'ant'ar tukuyam —sasa.
4Jesusasti juparux sänwa:
—Diosan qillqatapax siwa: ‘Janiw jaqix t'ant'a sapampikit jakkani, jan ukasti taqi kuntix Diosax siski uka arunakampiw jakarakini’ —sasa.#4.4 Jesusax kimsa kutiw supayarux Deuteronomio qillqatan arunakapampi saykatäna (Dt 8.3) uka qillqatansti Israel markan wasaran sarnaqatapat parli.
5Ukatsti supayax Jerusalén qullan markaruw irpäna, Tatitun utap patar irpsusinsti,#4.5 Jerusalén: uka markax judionakatakix qullan markänwa, Tatitun utapan ukankatap layku. 6sarakïnwa:
—Jumatix Diosan yuqapästaxa, aka patat jaquqtam; Qillqatax siwa:
‘Diosasti angelanakaparuw jumar uñjir khithanini.
Jupanakaw amparapar katuqapxätam,
kayunakam qalanakar jan usuchjasiñamataki’ sasa.#4.6 Sal 91.11-12.
7Jesusasti ukxarux sänwa:
—Diosan arupan qillqatarakiwa: ‘Janiw Tatitu Diosamarux yant'ätati’ —sasa.#4.7 Dt 6.16.
8Tukuyarusti supayax mä jach'a qullu pataruw Jesusar irpäna, ukatsti aka uraqin taqi qamir markanaka, kunja jach'äkäntix uka markanak uñacht'ayäna, 9akham sasa:
—Jumatix killt'asisin nayar yupaychitäta ukax taqi aka markanak churäma —sasa.
10Jesusasti juparux sänwa:
—Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.#4.10 Dt 6.13.
11Ukat supayax sarawayxäna, Jesusarusti angelanakaw luqtir jutapxäna.
Jesusax Galilea uraqin lurañanakap qallti
(Mc 1.14-15; Lc 4.14-15)
12Bautisir Juanan carcelankatap ist'asinxa,#4.12 Lc 3.19-20. Jesusax Galilearuw sarxäna. 13Ukampis janiw Nazaret markar qhiparkänti, jan ukasti Cafarnaúm markar jakiriw sarxäna; uka markasti Galilea quta thiyankänwa, Zabulón, Neftalí#4.13 Zabulón, Neftalí: Israelan nayra ayllunakapawa, jupanakax Galilea uraqin amsta tuqin jakapxäna. uka ayllunakan uraqipana. 14Taqi akanakasti, Isaías profetan arsutaparjamaw phuqhasiskäna:
15“Zabulón uraqi, Neftalí uraqi,
Jordán jawirat khurkatana,
quta thiyankir uraqi:
jan judionakan utjasiñ Galilea uraqi.
16Ch'amakankir jaqinakax
mä jach'a qhan uñjapxi;
mä suma qhanaw qhanti
jiwañ ch'amakan jakapki ukanakataki” sasa.
17Jesusax ukapachat Diosan arunakap parlañ qalltäna: “Diosan ukar kuttanxapxam, qhapaq markapax jak'ankxiwa” sasa.
Jesusax chawlla katuri pusi jaqinakaruw jawsi
(Mc 1.16-20; Lc 5.1-11)
18Ukatsti Jesusax Galilea quta thiyanjam sarkasaw pani jila sullkar uñjäna: maynïrix Simón Pedro satänwa, maynïristi Andrés satarakïnwa. Jupanakax chawlla katurïnwa, qänap qutar jaquntasipkäna. 19Jesusasti jupanakarux sänwa:
—Nayar arkapxita, nayasti jaqi katur tukuyapxäma —sasa.
20Jupanakasti ukspachaw qänanak jaytarpäwayasax Jesusar arkxapxäna.#4.20 Jn 1.35-42.
21Mä juk'a nayrar sartasinsti, Jesusax yaqha pani jila sullkaruw uñjäna. Santiagompiru, Juanampiru, jupanakax Zebedeon yuqanakapänwa. Jupanakasti awkipampiw qänanakap boten askichasipkäna. Jesusasti jupanakaruw jawsäna, 22ukspachaw awkipampiru, botempir jaytanukuwayasax Jesusar arkxapxäna.
Jesusax walja jaqinakaruw yatichi
(Lc 6.17-19)
23Jesusax Galilea uraqpach muytäna, sinagoganakan Diosan qhispiyasiñ arunakap yatiyasa, usutanakar k'umaraptayasa, ayquñanakap apaqasa. 24Jesusan luratapasti Siria uraqpachan yatisïna, jupan ukarusti kunayman usutanakaru, ñanqha ajayun mantatanakaru, t'uku usuninakaru, suchunakaruw irpanipxäna. Jesusasti jupanakarux k'umaraptayänwa.
25Walja jaqinakaw juparux arkapxäna, Galileata, Decápolis uraqin utjir markanakata,#4.25 Decápolis: uka sutix Tunka markanaka sañ muni. Jerusalenata, Judeata, Jordán inti jalsu tuqinakata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996