ECLESIÁSTICO 7
7
Juchamanta karunchakuy
1Sajra kajtaqa ama ruwaychu. Ajinamanta, sajra kajqa mana atipasonqachu.
2Karunchakuy sajra runamanta. Sajra runataj qanmanta karunchakonqa.
3Wawáy, ama tarpuychu mana cheqan sinrupi, runata llakichin chaypi. Pajtataj sapa mujumanta qanchista pallawaj.
4Ama Señormanta mañakuychu ñaupajpi churasunankuta. Amataj reymanta mañakuychu jatunchasunankuta.
5Ama munaychu Señorta ch'aukiyayta. Amataj rikhuriychu yachayniyoj jina reypa ñaupaqempi.
6Ama munaychu kamachejman tukuyta, mana atinki chayqa sajra kajta sik'iyta. Ichapis atiyniyojkunaman k'umuykukuwaj, cheqan kayniykitataj qolqerayku chinkachiwaj.
7Runaspa ñaupaqempi ama juchayoj rikhuriychu. Ama pampaman k'umuykukuychu runaspa ñaupaqenkupi.
8Ama juchaman urmaychu iskay kutita. Uj kutillawanqa jap'ichikunkiña.
9Ama niychu: Diosqa yuyarikonqa ashkhata qosqaymanta. Jaywashajtiy rikuchikusniyta patapi kaj Diosman, payqa jap'ikonqa.
10Diosmanta mañakojtiyki, pacienciakullay. Amapuni qonqaychu qolqeta qoyta wajchasman.
11Amapuni asirikuychu llakisqa runamanta. Yuyarikuy Diosqa atisqanmanta sayarichiytataj k'umuykuchiytataj.
12Amapuni runa masiykipaj llullakuychu. Amataj llullakuychu kausaqeykipaj.
13Amapuni ni ima llullatapis parlaychu. Llullakuymantaqa tukuy ima llakiy chayamun.
14Ama ch'ajwaychu machu runaspa ñaupaqenakupi, Diosmanta mañakuspataj ama thautiyakuychu.
15Ama q'allikuychu sinch'ita llank'aymanta. Amataj qhellakuychu chajraspi llank'aymantaqa. Chay chajrastaqa, patapi kaj Diosninchej ruwarqa.
16Ama pataman oqharikuychu. Yuyarikuy Diospa phiñakuynin jamunampuni kasqanta.
17Tukuy sonqo pampaman k'umuykukuy. Rumi sonqoyoj runaqa ninawantaj khuruswantaj mikhuchikonqa.
Runa masiykita munakuy
18Ama amigoykita kachariychu qolqerayku. Munakusqayki wauqeykita ama jaywaychu Ofir qorirayku.
19Ama qhesachaychu umayoj warmita. Sonqonqa qorimanta aswan sumaj.
20Ama jasut'iychu llank'aj kamachiykita, nitaj mana qhellakoj uywaqeykitapis.
21Umayoj kamachiykita qan kikiykita jina munakuy. Saqellay libre runaman tukunanta.
22Uywasniyojchu kanki? Chay uywasniykitaqa allinta qhaway. Sirvisunku chayqa, waqaychay paykunata.
23Wawasniyojchu kanki? Educacionta qoy. Wawas kasqankumantapacha kasukuyta yachachunku.
24Ususisniyki kanchu? Qhaway llimphu sonqoyoj purinankuta. K'amispataj rikuchiy imaynatachus kausananku tiyan.
25Ususiykita casarachiy. Chayqa sumajmin. Qosampajqa yuyayniyoj runata ajllay.
26Warmiyki sonqoykiman jina kajtenqa, payta munakuy. Mana payta munakunki chayqa, ama imallatapis willakuychu.
27Tataykita respetay tukuy sonqo. Amapuni qonqaychu mamaykej nanayninta.
28Yuyarikuy paykuna nacechikususqankuta. Imatataj paykunaman qowaj qanrayku ruwasqankumantari?
29Tukuy sonqoykiwan Señorman k'askay. Paypa sacerdotesnintataj respetowan qhaway.
30Tukuy kallpaykiwan munakuy qanta ruwaj Diosta, amataj saqerpariychu payta sirvejkunata.
31Diosta yupaychay, sacerdotestataj respetay. Kamachisqa kasqanman jina, qollay imatachus paykunapaj kajta: t'antata, waka uñasta, rikuchikusta atisqaykiman jina, ñak'ana uywasta, santo jaywantapis.
32Wajchamampis qollay. Ajinamanta, sumaj bendicisqa kanki.
33K'acha sonqoyki kicharisqa kachun tukuy kausakojkunaman. Wañusqasmantapis yuyarikullay.
34Ama karunchakuychu waqajkunamanta. Llakisqaswan khuska qampis llakikuy.
35Onqosqastapis qhawakullay. Chayta ruwajtiyki, onqosqa runaqa munakusonqa.
36Imallatapis ruwaspa, unanchay maymanchus chayanayki tiyan. Chayta ruwaspaqa, mana juchallikunkichu.
Currently Selected:
ECLESIÁSTICO 7: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 7
7
Juchamanta karunchakuy
1Sajra kajtaqa ama ruwaychu. Ajinamanta, sajra kajqa mana atipasonqachu.
2Karunchakuy sajra runamanta. Sajra runataj qanmanta karunchakonqa.
3Wawáy, ama tarpuychu mana cheqan sinrupi, runata llakichin chaypi. Pajtataj sapa mujumanta qanchista pallawaj.
4Ama Señormanta mañakuychu ñaupajpi churasunankuta. Amataj reymanta mañakuychu jatunchasunankuta.
5Ama munaychu Señorta ch'aukiyayta. Amataj rikhuriychu yachayniyoj jina reypa ñaupaqempi.
6Ama munaychu kamachejman tukuyta, mana atinki chayqa sajra kajta sik'iyta. Ichapis atiyniyojkunaman k'umuykukuwaj, cheqan kayniykitataj qolqerayku chinkachiwaj.
7Runaspa ñaupaqempi ama juchayoj rikhuriychu. Ama pampaman k'umuykukuychu runaspa ñaupaqenkupi.
8Ama juchaman urmaychu iskay kutita. Uj kutillawanqa jap'ichikunkiña.
9Ama niychu: Diosqa yuyarikonqa ashkhata qosqaymanta. Jaywashajtiy rikuchikusniyta patapi kaj Diosman, payqa jap'ikonqa.
10Diosmanta mañakojtiyki, pacienciakullay. Amapuni qonqaychu qolqeta qoyta wajchasman.
11Amapuni asirikuychu llakisqa runamanta. Yuyarikuy Diosqa atisqanmanta sayarichiytataj k'umuykuchiytataj.
12Amapuni runa masiykipaj llullakuychu. Amataj llullakuychu kausaqeykipaj.
13Amapuni ni ima llullatapis parlaychu. Llullakuymantaqa tukuy ima llakiy chayamun.
14Ama ch'ajwaychu machu runaspa ñaupaqenakupi, Diosmanta mañakuspataj ama thautiyakuychu.
15Ama q'allikuychu sinch'ita llank'aymanta. Amataj qhellakuychu chajraspi llank'aymantaqa. Chay chajrastaqa, patapi kaj Diosninchej ruwarqa.
16Ama pataman oqharikuychu. Yuyarikuy Diospa phiñakuynin jamunampuni kasqanta.
17Tukuy sonqo pampaman k'umuykukuy. Rumi sonqoyoj runaqa ninawantaj khuruswantaj mikhuchikonqa.
Runa masiykita munakuy
18Ama amigoykita kachariychu qolqerayku. Munakusqayki wauqeykita ama jaywaychu Ofir qorirayku.
19Ama qhesachaychu umayoj warmita. Sonqonqa qorimanta aswan sumaj.
20Ama jasut'iychu llank'aj kamachiykita, nitaj mana qhellakoj uywaqeykitapis.
21Umayoj kamachiykita qan kikiykita jina munakuy. Saqellay libre runaman tukunanta.
22Uywasniyojchu kanki? Chay uywasniykitaqa allinta qhaway. Sirvisunku chayqa, waqaychay paykunata.
23Wawasniyojchu kanki? Educacionta qoy. Wawas kasqankumantapacha kasukuyta yachachunku.
24Ususisniyki kanchu? Qhaway llimphu sonqoyoj purinankuta. K'amispataj rikuchiy imaynatachus kausananku tiyan.
25Ususiykita casarachiy. Chayqa sumajmin. Qosampajqa yuyayniyoj runata ajllay.
26Warmiyki sonqoykiman jina kajtenqa, payta munakuy. Mana payta munakunki chayqa, ama imallatapis willakuychu.
27Tataykita respetay tukuy sonqo. Amapuni qonqaychu mamaykej nanayninta.
28Yuyarikuy paykuna nacechikususqankuta. Imatataj paykunaman qowaj qanrayku ruwasqankumantari?
29Tukuy sonqoykiwan Señorman k'askay. Paypa sacerdotesnintataj respetowan qhaway.
30Tukuy kallpaykiwan munakuy qanta ruwaj Diosta, amataj saqerpariychu payta sirvejkunata.
31Diosta yupaychay, sacerdotestataj respetay. Kamachisqa kasqanman jina, qollay imatachus paykunapaj kajta: t'antata, waka uñasta, rikuchikusta atisqaykiman jina, ñak'ana uywasta, santo jaywantapis.
32Wajchamampis qollay. Ajinamanta, sumaj bendicisqa kanki.
33K'acha sonqoyki kicharisqa kachun tukuy kausakojkunaman. Wañusqasmantapis yuyarikullay.
34Ama karunchakuychu waqajkunamanta. Llakisqaswan khuska qampis llakikuy.
35Onqosqastapis qhawakullay. Chayta ruwajtiyki, onqosqa runaqa munakusonqa.
36Imallatapis ruwaspa, unanchay maymanchus chayanayki tiyan. Chayta ruwaspaqa, mana juchallikunkichu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.