ECLESIÁSTICO 6
6
1Runa misiykej amigon kaspa, ama enemigonman tukuychu. Chayta ruwanki chayqa, sutiyki chejnisqa kanqa. Ajina ari, puraj uyaqa chejnichikun.
2Ama munapayasqaykiwan atipachikuychu. Atipachikunki chayqa, chay munapayasqayki uj phiña waka jina t'unarparichisonqa.
3Uj sach'aj laqhesnin ismusqa, poqoynin t'akasqa, sach'ataj ch'aki k'ulluman tukusqa. Pajtataj kikillantaj qanwampis kanman.
4Sinch'i munapayay runata chinkayman apan. Enemigosnintaj payta asipayanku.
Cheqan munakuymanta
5K'acha sonqo parlaj runaqa ashkha amigosniyojmin. Allinta parlakojqa allinllatataj kutichikun.
6Ashkha kachunku qanman qayllajkuna. Sonqoykita kicharinaykipajtaj, waranqa ukhupi ujsitullata ajllakuy.
7Uj runa amigoykiman tukunampaj, ñaupajta yachallayraj imaynachus, amataj chaypachalla sonqoykita kichariychu.
8Wakinku mana wiñay amigoschu kanku. Chaykunaqa llakiyniykipi mana qanwanchu kanqanku.
9Wakinku, amigos kaspa enemigosniykiman tukunku, p'enqaypitaj rikhurichisonqanku, maqanakusqasniykichejta willaraspa.
10Wakinkutaj amigosniyki kanku mikhunankurayku. Llakiyniykipitaj mana ladoykipichu sayanku.
11Chaykunaqa allin risojtin qanwan khuska kanku. Mana allin risojtintaj, qanmanta karunchakunku.
12Llakiyniykipi wasanchasonqanku. Paykunataqa mana rikunkiñachu.
13Enemigosniykiwan amapuni kaychu. Amigosniykiwan kajtiyki, ñawisniykita kichariy.
14Cheqamanta amigoyki yanapasonqapuni. Pichus tarin chay jina amigota, qorita tarin.
15Cheqamanta kaj amigotaqa mana rantikuwajchu. Valesqanqa mana qolqewanchu yachakun.
16Cheqamanta amigoqa amigonta tukuy mana allinmanta jark'an. Diosta munakojqa, chay jina amigota tarenqa.
17Señorta munakojqa cheqamanta amigosniyoj. Imaynachus qan kanki, ajinallataj amigoykipis.
Yachaymanta
18Wawáy, wawamantapacha yachayniyoj kayta munay. Machuyaspataj may umayoj kanki.
19Imaynachus llank'aj runaqa tarpuntaj pallantaj sumaj cosechata suyaspa, ajinallataj qampis yachayman qayllay. Kunan pisillata jump'ispa, q'aya poqoyninmanta mikhunki.
20Sonso runaqa yachaymanta millachikun. Mana umayoj runaqa yachayman ni chimpaytapis munanchu.
21Chay runapajqa yachay uj llasa rumi jina. Chaypachalla kachaykun.
22Yachayqa pisi runasllapaj.
23Uyariway, wawáy, nisusqaytaqa ama qhesachaychu.
24Yachaywan mat'iykuchikuy chakisniykitawan kunkaykitawan.
25Yachayta q'epirikullay. Yachaywan phaskasqa kaspataj, ama phaskarakuychu.
26Yachayman qayllay tukuy sonqo. Ñannintataj jap'iy tukuy kallpaykiwan.
27Cheqampi purillay. Yachayta mask'anki chayqa, tarillanki. Tariytawantaj ama kachariyñachu.
28Yachayqa samarichisonqa, kusikuyniykimantaj tukonqa.
29Watusnin jark'asonqa, walqantaj k'achanchasonqa.
30Yugon qori yugo jina kanqa qampaj. Watusnintaj tukuy watusmanta aswan sumaj.
31Yachayqa fiesta p'achayki kanqa. Umaykipajtaj pilluyki kanqa.
32Munaspaqa, wawáy, yachayniyojman tukunki. Sonqoykita churanki chayqa yachakuyman, tukuy imatapuni entiendenki.
33Mana sayk'unkichu chayqa uyarikuspa, yachallanki. Ningrisniykita kicharinki chayqa, yachaysapa kanki.
34Machu runas tantakojtinku, qampis qayllallay. Uj yachajta rikuspa, chimpaykamuy.
35Tukuy nisqankuta uyarillay. Allin nisqata ama saqeychu ayqejta.
36Uj yachayniyojta rikuytawanqa, chhaputa sayariy paywan tinkukoj. Chakisniyki yachachisqasña kachunku punkunwan.
37Señorpa kamachisqampi yuyay. Paypa nisqanmanta tuta p'unchay unanchakuy. Paymin sonqoykita kallpachapusonqa. Ajinamanta, chay munasqayki yachayqa qanman jamusonqa.
Currently Selected:
ECLESIÁSTICO 6: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 6
6
1Runa misiykej amigon kaspa, ama enemigonman tukuychu. Chayta ruwanki chayqa, sutiyki chejnisqa kanqa. Ajina ari, puraj uyaqa chejnichikun.
2Ama munapayasqaykiwan atipachikuychu. Atipachikunki chayqa, chay munapayasqayki uj phiña waka jina t'unarparichisonqa.
3Uj sach'aj laqhesnin ismusqa, poqoynin t'akasqa, sach'ataj ch'aki k'ulluman tukusqa. Pajtataj kikillantaj qanwampis kanman.
4Sinch'i munapayay runata chinkayman apan. Enemigosnintaj payta asipayanku.
Cheqan munakuymanta
5K'acha sonqo parlaj runaqa ashkha amigosniyojmin. Allinta parlakojqa allinllatataj kutichikun.
6Ashkha kachunku qanman qayllajkuna. Sonqoykita kicharinaykipajtaj, waranqa ukhupi ujsitullata ajllakuy.
7Uj runa amigoykiman tukunampaj, ñaupajta yachallayraj imaynachus, amataj chaypachalla sonqoykita kichariychu.
8Wakinku mana wiñay amigoschu kanku. Chaykunaqa llakiyniykipi mana qanwanchu kanqanku.
9Wakinku, amigos kaspa enemigosniykiman tukunku, p'enqaypitaj rikhurichisonqanku, maqanakusqasniykichejta willaraspa.
10Wakinkutaj amigosniyki kanku mikhunankurayku. Llakiyniykipitaj mana ladoykipichu sayanku.
11Chaykunaqa allin risojtin qanwan khuska kanku. Mana allin risojtintaj, qanmanta karunchakunku.
12Llakiyniykipi wasanchasonqanku. Paykunataqa mana rikunkiñachu.
13Enemigosniykiwan amapuni kaychu. Amigosniykiwan kajtiyki, ñawisniykita kichariy.
14Cheqamanta amigoyki yanapasonqapuni. Pichus tarin chay jina amigota, qorita tarin.
15Cheqamanta kaj amigotaqa mana rantikuwajchu. Valesqanqa mana qolqewanchu yachakun.
16Cheqamanta amigoqa amigonta tukuy mana allinmanta jark'an. Diosta munakojqa, chay jina amigota tarenqa.
17Señorta munakojqa cheqamanta amigosniyoj. Imaynachus qan kanki, ajinallataj amigoykipis.
Yachaymanta
18Wawáy, wawamantapacha yachayniyoj kayta munay. Machuyaspataj may umayoj kanki.
19Imaynachus llank'aj runaqa tarpuntaj pallantaj sumaj cosechata suyaspa, ajinallataj qampis yachayman qayllay. Kunan pisillata jump'ispa, q'aya poqoyninmanta mikhunki.
20Sonso runaqa yachaymanta millachikun. Mana umayoj runaqa yachayman ni chimpaytapis munanchu.
21Chay runapajqa yachay uj llasa rumi jina. Chaypachalla kachaykun.
22Yachayqa pisi runasllapaj.
23Uyariway, wawáy, nisusqaytaqa ama qhesachaychu.
24Yachaywan mat'iykuchikuy chakisniykitawan kunkaykitawan.
25Yachayta q'epirikullay. Yachaywan phaskasqa kaspataj, ama phaskarakuychu.
26Yachayman qayllay tukuy sonqo. Ñannintataj jap'iy tukuy kallpaykiwan.
27Cheqampi purillay. Yachayta mask'anki chayqa, tarillanki. Tariytawantaj ama kachariyñachu.
28Yachayqa samarichisonqa, kusikuyniykimantaj tukonqa.
29Watusnin jark'asonqa, walqantaj k'achanchasonqa.
30Yugon qori yugo jina kanqa qampaj. Watusnintaj tukuy watusmanta aswan sumaj.
31Yachayqa fiesta p'achayki kanqa. Umaykipajtaj pilluyki kanqa.
32Munaspaqa, wawáy, yachayniyojman tukunki. Sonqoykita churanki chayqa yachakuyman, tukuy imatapuni entiendenki.
33Mana sayk'unkichu chayqa uyarikuspa, yachallanki. Ningrisniykita kicharinki chayqa, yachaysapa kanki.
34Machu runas tantakojtinku, qampis qayllallay. Uj yachajta rikuspa, chimpaykamuy.
35Tukuy nisqankuta uyarillay. Allin nisqata ama saqeychu ayqejta.
36Uj yachayniyojta rikuytawanqa, chhaputa sayariy paywan tinkukoj. Chakisniyki yachachisqasña kachunku punkunwan.
37Señorpa kamachisqampi yuyay. Paypa nisqanmanta tuta p'unchay unanchakuy. Paymin sonqoykita kallpachapusonqa. Ajinamanta, chay munasqayki yachayqa qanman jamusonqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.