ECLESIÁSTICO 51
51
Diosta yupaychana
1Noqaqa qanta yupaychayki, Señor, salvadorníy. Agradecekuyki, Diosníy, tatáy. Noqaqa sutiykita qhaparisaj.
2Noqaqa, llakisqa kashajtiy, qanman qayllani. Qanqa wañuymanta kacharichiwarqanki. Qanqa jark'awanki sepulturaman chayanaymanta. Qanqa mana munarqankichu wañuyman jap'ichikunayta. Qanqa mana saqerqankichu sajra simi noqamanta parlananta. Llulla runa tumpajmanta karunchawarqanki.
3Jatun munakuyniykiwan yanapawarqanki. Noqaj ladoypi sayarerqanki chejniwajkuna jamushawajtinku. Chaykunaqa wañuchiwayta munasharqanku. Sinch'i llakiymanta qan librawarqanki.
4Llakiytaj phutiytaj muyuyniypi kasharqa nina jina. Chay ninataqa mana thasnuyta atisharqanichu.
5Qanqa may ukhumanta llojsichiwarqanki. Jark'awarqankitaj llulla simismanta.
6Chejniwajkuna runasqa simisninkuwan t'ojsiwaj kanku wasaymanta. Noqaqa wañuy patapiña kasharqani. May ukhupiña kasharqani noqaqa.
7Muyuyniyman rikorqani. Manataj ni pi karqachu yanapawaj. Mask'arqanitaj maymantachus jap'ikunayta, manataj karqachu.
8Chaypacha, yuyarikorqani Señor khuyakoj kasqanmanta. Yuyarikorqanitaj paypa munakuynin mana tukukoj kasqanta. Señorqa salvan pikunatachus payman qayllanku chaykunata, tukuy mana allin kajmantataj jark'an.
9Noqaqa kay pachamanta qhaparerqani. Sepultura punkumantapacha sinch'ita qhaparerqani.
10Kay jinatataj Diosmanta mañarikorqani: Señorníy, qan tatay kanki. Qanqa atiyniyoj kanki salvanawaykipaj. Ama saqerpariwaychu llakiy horapi. Ama saqerpariwaychu manchachikuywan junt'asqa kashajtiy, sapallay kasqayta yachaspa. Noqaqa tuta p'unchay yupaychasqayki, qanmantataj mañarikullasaj sapa kuti.
11Chaypachataj Señorqa qhaparikusqayta uyarerqa. Mañakusqayta uyarispa tukuy ima mana allin kajmanta librawarqa. Wañuy patapiña kashajtiy salvawarqa.
12Chayrayku, payman graciasta qoni. Señorpa sutintaj yupaychani, bendicinitaj.
12a Señorman graciasta qoychej sumaj sonqoyoj kasqanrayku, imaraykuchus paypa munakuynenqa mana tukukunchu.
12b Agradecekuychej Israel aylluta yanapajta, imaraykuchus paypa munakuynenqa mana tukukunchu.
12c Agradecekuychej kay pachata ruwajta, imaraykuchus paypa munakuynenqa mana tukukunchu.
12d Agradecekuychej Israel aylluta salvajta, imaraykuchus paypa munakuynenqa mana tukukunchu.
12e Agradecekuychej ch'eqerasqa israelitasta tantaykamojta, imaraykuchus paypa munakuynenqa mana tukukunchu.
12f Agradecekuychej watejmanta sayarichejta llajtatawan templotawan, imaraykuchus paypa munakuynenqa mana tukukunchu.
12g Agradecekuychej mosojyachejta David aylloj atiyninta, imaraykuchus paypa munakuynenqa mana tukukunchu.
12h Agradecekuychej Sadoc ayllumanta runasta sacerdotesnimpaj ajllakusqanta, imaraykuchus paypa munakuynenqa mana tukukunchu.
12i Agradekakuychej Abrahamta yanapajta, imaraykuchus paypa munakuynenqa mana tukukunchu.
12j Agradecekuychej Isaacta waqaychajta, imaraykuchus paypa munakuynenqa mana tukukunchu.
12k Agradacekuychej Jacobpa atiyniyoj Diosninta, imaraykuchus paypa munakuynenqa mana tukukunchu.
12l Agradecekuychej Sionta ajllakojta, imaraykuchus paypa munakuynenqa mana tukukunchu.
12m Agradecekuychej reykunaj reyninta, imaraykuchus paypa munakuynenqa mana tukukunchu.
Payqa ayllunman atiyta qorqa. Tukuy wawasnin payta yupaychachunku. Señorqa yupaychasqa kachun.
Yachayniyoj kayta munana
13Waynallaraj kashajtiy, manaraj mundota rejsej kachaykukojtiy, yachayniyoj kaytaqa anchatapuni munarqani.
14Yachaytaj jamuwarqa k'acha kaynimpi. Paytaqa mask'aj kani taripanaykama.
15Yachayta uva jina poqorqaña. Yachaywanqa sonqoy kusikorqa. Noqaqa cheqan sonqoyoj ñanninta jap'ej kani. Noqaqa wawa kasqaymantapacha payman k'askakoj kani.
16Pisi tiempollanta niwasqanta uyarej kani. Jinapis, anchata yachaj kani.
17Tukuy sonqo payman k'umuykukoj kani. Chayrayku, graciasta qoni yachayta yachachiwajta.
18Munarqanipuni yachayniyoj kayta. Nerqanitaj chayta tinkuytawankamataj, ni imawan cambianayta.
19Yachayta munakoj kani. Yachayllatataj qhawaj kani. Paypa wasinta kicharerqani, ojllanaypaj, qhawanaypajtaj.
20Payta munakorqani tukuy sonqo. K'acha kaynimpitaj yachayta tarerqani. Rikuytawantaj, payta munakorqani. Chayrayku, mana payta saqesajchu.
21Sonqoy rupha karqa horno jina payta rikuspa. Chayrayku, payta jap'ikaporqani. Yachayqa noqapaj aswan sumaj qorimanta nisqaqa.
22Señorqa qowarqa imatachus mañakorqani chayta. Chayrayku, payta agradecekusaj qhaparispa:
23Mana yachayniyoj runas, noqata watukuwaychej, wasiypitaj tiyakuychej.
24Jayk'ajkama mana yachayniyojchu kankichejri? Jayk'ajkamataj ch'akichikuspa kankichejri?
25Kayta niykichej yachaymanta: Yachayta jap'iychej qhasillamanta.
26Payta kasuychej. Ruwanaykichejta nisqantapis ruwallaychej. Payqa payta mask'ajkunaj qayllampipuni kashan. Payta munakojqa payta tarillanqapuni.
27Kikin ñawisniykichejwan rikuychej pisita ruwasqayta. Rikuychejtaj samarikusqayta.
28Tukuyniykichej uyariychej imatachus yachakorqani waynallaraj kashajtiy. Ajinamantaqa, qoriyojtaj qolqeyojtaj kankichej.
29Yachay wasiypi kusirikuychej. Yachachisusqaykichejmanta ama p'enqakuychejchu.
30Cheqanta kausaychej. Diostaj allin kajta qosonqachej. Señorqa bendicisqa kachun wiñaypaj. Sutenqa yupaychasqapuni kachun.
Currently Selected:
ECLESIÁSTICO 51: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 51
51
Diosta yupaychana
1Noqaqa qanta yupaychayki, Señor, salvadorníy. Agradecekuyki, Diosníy, tatáy. Noqaqa sutiykita qhaparisaj.
2Noqaqa, llakisqa kashajtiy, qanman qayllani. Qanqa wañuymanta kacharichiwarqanki. Qanqa jark'awanki sepulturaman chayanaymanta. Qanqa mana munarqankichu wañuyman jap'ichikunayta. Qanqa mana saqerqankichu sajra simi noqamanta parlananta. Llulla runa tumpajmanta karunchawarqanki.
3Jatun munakuyniykiwan yanapawarqanki. Noqaj ladoypi sayarerqanki chejniwajkuna jamushawajtinku. Chaykunaqa wañuchiwayta munasharqanku. Sinch'i llakiymanta qan librawarqanki.
4Llakiytaj phutiytaj muyuyniypi kasharqa nina jina. Chay ninataqa mana thasnuyta atisharqanichu.
5Qanqa may ukhumanta llojsichiwarqanki. Jark'awarqankitaj llulla simismanta.
6Chejniwajkuna runasqa simisninkuwan t'ojsiwaj kanku wasaymanta. Noqaqa wañuy patapiña kasharqani. May ukhupiña kasharqani noqaqa.
7Muyuyniyman rikorqani. Manataj ni pi karqachu yanapawaj. Mask'arqanitaj maymantachus jap'ikunayta, manataj karqachu.
8Chaypacha, yuyarikorqani Señor khuyakoj kasqanmanta. Yuyarikorqanitaj paypa munakuynin mana tukukoj kasqanta. Señorqa salvan pikunatachus payman qayllanku chaykunata, tukuy mana allin kajmantataj jark'an.
9Noqaqa kay pachamanta qhaparerqani. Sepultura punkumantapacha sinch'ita qhaparerqani.
10Kay jinatataj Diosmanta mañarikorqani: Señorníy, qan tatay kanki. Qanqa atiyniyoj kanki salvanawaykipaj. Ama saqerpariwaychu llakiy horapi. Ama saqerpariwaychu manchachikuywan junt'asqa kashajtiy, sapallay kasqayta yachaspa. Noqaqa tuta p'unchay yupaychasqayki, qanmantataj mañarikullasaj sapa kuti.
11Chaypachataj Señorqa qhaparikusqayta uyarerqa. Mañakusqayta uyarispa tukuy ima mana allin kajmanta librawarqa. Wañuy patapiña kashajtiy salvawarqa.
12Chayrayku, payman graciasta qoni. Señorpa sutintaj yupaychani, bendicinitaj.
12a Señorman graciasta qoychej sumaj sonqoyoj kasqanrayku, imaraykuchus paypa munakuynenqa mana tukukunchu.
12b Agradecekuychej Israel aylluta yanapajta, imaraykuchus paypa munakuynenqa mana tukukunchu.
12c Agradecekuychej kay pachata ruwajta, imaraykuchus paypa munakuynenqa mana tukukunchu.
12d Agradecekuychej Israel aylluta salvajta, imaraykuchus paypa munakuynenqa mana tukukunchu.
12e Agradecekuychej ch'eqerasqa israelitasta tantaykamojta, imaraykuchus paypa munakuynenqa mana tukukunchu.
12f Agradecekuychej watejmanta sayarichejta llajtatawan templotawan, imaraykuchus paypa munakuynenqa mana tukukunchu.
12g Agradecekuychej mosojyachejta David aylloj atiyninta, imaraykuchus paypa munakuynenqa mana tukukunchu.
12h Agradecekuychej Sadoc ayllumanta runasta sacerdotesnimpaj ajllakusqanta, imaraykuchus paypa munakuynenqa mana tukukunchu.
12i Agradekakuychej Abrahamta yanapajta, imaraykuchus paypa munakuynenqa mana tukukunchu.
12j Agradecekuychej Isaacta waqaychajta, imaraykuchus paypa munakuynenqa mana tukukunchu.
12k Agradacekuychej Jacobpa atiyniyoj Diosninta, imaraykuchus paypa munakuynenqa mana tukukunchu.
12l Agradecekuychej Sionta ajllakojta, imaraykuchus paypa munakuynenqa mana tukukunchu.
12m Agradecekuychej reykunaj reyninta, imaraykuchus paypa munakuynenqa mana tukukunchu.
Payqa ayllunman atiyta qorqa. Tukuy wawasnin payta yupaychachunku. Señorqa yupaychasqa kachun.
Yachayniyoj kayta munana
13Waynallaraj kashajtiy, manaraj mundota rejsej kachaykukojtiy, yachayniyoj kaytaqa anchatapuni munarqani.
14Yachaytaj jamuwarqa k'acha kaynimpi. Paytaqa mask'aj kani taripanaykama.
15Yachayta uva jina poqorqaña. Yachaywanqa sonqoy kusikorqa. Noqaqa cheqan sonqoyoj ñanninta jap'ej kani. Noqaqa wawa kasqaymantapacha payman k'askakoj kani.
16Pisi tiempollanta niwasqanta uyarej kani. Jinapis, anchata yachaj kani.
17Tukuy sonqo payman k'umuykukoj kani. Chayrayku, graciasta qoni yachayta yachachiwajta.
18Munarqanipuni yachayniyoj kayta. Nerqanitaj chayta tinkuytawankamataj, ni imawan cambianayta.
19Yachayta munakoj kani. Yachayllatataj qhawaj kani. Paypa wasinta kicharerqani, ojllanaypaj, qhawanaypajtaj.
20Payta munakorqani tukuy sonqo. K'acha kaynimpitaj yachayta tarerqani. Rikuytawantaj, payta munakorqani. Chayrayku, mana payta saqesajchu.
21Sonqoy rupha karqa horno jina payta rikuspa. Chayrayku, payta jap'ikaporqani. Yachayqa noqapaj aswan sumaj qorimanta nisqaqa.
22Señorqa qowarqa imatachus mañakorqani chayta. Chayrayku, payta agradecekusaj qhaparispa:
23Mana yachayniyoj runas, noqata watukuwaychej, wasiypitaj tiyakuychej.
24Jayk'ajkama mana yachayniyojchu kankichejri? Jayk'ajkamataj ch'akichikuspa kankichejri?
25Kayta niykichej yachaymanta: Yachayta jap'iychej qhasillamanta.
26Payta kasuychej. Ruwanaykichejta nisqantapis ruwallaychej. Payqa payta mask'ajkunaj qayllampipuni kashan. Payta munakojqa payta tarillanqapuni.
27Kikin ñawisniykichejwan rikuychej pisita ruwasqayta. Rikuychejtaj samarikusqayta.
28Tukuyniykichej uyariychej imatachus yachakorqani waynallaraj kashajtiy. Ajinamantaqa, qoriyojtaj qolqeyojtaj kankichej.
29Yachay wasiypi kusirikuychej. Yachachisusqaykichejmanta ama p'enqakuychejchu.
30Cheqanta kausaychej. Diostaj allin kajta qosonqachej. Señorqa bendicisqa kachun wiñaypaj. Sutenqa yupaychasqapuni kachun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.