BARUC 1
1
Babiloniapi tantakuy
1Kay librota qelqarqa Neriaspa wawan Baruc. Neriasqa Maasiaspa wawan karqa. Maasiastaj Sedequiaspa wawan. Sedequiastaj Hasadiaspa wawan. Hasadiasrí Hilciaspa wawan. 2Barucqa kay librota qelqarqa Babiloniapi phishqa kaj watapi, phishqa kaj killapitaj, qanchis kaj diapi, caldeos jap'ikapusqankumanta Jerusalén llajtata larwachispa.
3Baruc kay librota leerqa Joacimpa wawan Jeconiaspa ñaupaqempi. Joacenqa chaypacha Judamanta rey karqa. Reywan khuska ashkha runaspis tantakusqanku uyarej. 4Kurajkunapis uyarisqanku. Chantaqa, reypa ayllusnin, machu runas, tukuy laya runaspis. Tukuypuni uyarisqanku, tukuy Babiloniapi tiyakojkuna Sud mayoj chimpampi. 5Uyarispataj, runas waqarqanku. Mana ni imata mikhuspataj, Diosmanta mañukusharqanku. 6Chaymanta, qolqeta tantamorqanku, sapa uj qoyta atisqanman jina. 7Chay qolqetaqa Jerusalenman apachimorqanku, kuraj sacerdote Joacinman. Chay sacerdoteqa Hilciaspa wawan karqa. Jatun tatantaj Salom karqa. Ajinallataj, apachimorqa waj sacerdotesmampis, Jerusalempi qhepakojkunamampis. 8Chay qolqeta kachamorqanku Siván killapi, chunka kaj diapi, maypachachus Barucman qosqanku temploj imasninta, Judá jallp'aman kutiripunankupaj. Judamanta rey, Josiaspa wawan Sedequías chay imasta ruwachisqa qolqemanta. 9Chay reyqa chayta ruwachisqa maypachachus Nabucodonosor, Babiloniamanta rey, qharqosqa rey Jeconiasta Jerusalenmanta, pusachisqataj Babiloniaman, kamachejkunasnintinta, kurajkunasnintinta, ashkha runasnintinta ima.
10Chay qolqeta apacherqanku kayta nichimuspa: Kay qolqeta apachimuyku, chaywan rikuchikusta jaywanaykichejpaj, ajinallataj ñak'anaykichejpaj juchasrayku, inciensota q'osñichinaykichejpajtaj. Rikuchikusta wakichiychej Señor Diosninchejpa altarnin patapi. 11Babiloniamanta rey Nabucodonosorpaj Diosmanta mañakuychej, ajinallataj wawan Baltasarpajpis, kay pachapi kausanankupaj wiñayta. 12Señorninchej kallpachawasqayku k'anchaynintataj qowasqayku, rey Nabucodonosor, Baltasar wawampis qhawanawaykupaj. Chantapis, atinaykupaj paykunata sirviyta unayta, ajinamanta allinta qhawanawaykupaj. 13Mañapuwaykutaj Señor Diosninchejmanta noqaykupaj, paypaj contrampi juchallikusqaykurayku. Chayraykumá, kunankama Señorqa mana karuncharqachu noqaykumanta k'ajaj phiñakuyninta.
Israelqa willakun Diosman juchasninta
14Templopi tantakushajtiykichej Ramadas nisqa fiestapajqa, waj diaspis, kay kachamusqayku librota leeychejpuni. Chantaqa, juchasniykichejta willakuychej. 15Willakuspataj niychej kay jinata: Señor Diosninchej cheqanyachin, noqanchejtaj p'enqayniyoj uyasninchejta k'umuykuchinanchej tiyan, imaynachus rikushanchej kunan diapis ajinata ruwasqankuta Judamanta runas, Jerusalempi tiyakojkunapis. 16Ajinallataj, reyesninchejpis, sacerdotesninchejpis, profetasninchejpis, tatasninchej ima. 17Noqanchejqa Diospa ñaupaqempi juchallikorqanchej. 18Noqanchejqa payta mana kasukorqanchejchu. Mana junt'arqanchejchu imatachus ruwananchejta nerqa chaykunata. 19Chay kutimantapacha, maypachachus Señorqa orqhorqa ñaupa tatasninchejta Egiptomanta kunankama, mana kasukorqanchejchu Señor Diosninchejta. Manapuni munarqanchejchu paypa nisqanta uyarikuyta. 20Chayrayku, chay jina chhika llakiykuna jamuwarqanchej. Chayraykullataj kashanchej chay maldición urapi mayqentachus Diosninchej nerqa Moisesta ninanta llojsichishajtin Egiptomanta ñaupa tatasninchejta, qonawanchejpaj chay jallp'ata, lechetawan misk'itawan p'utuchimoj chayta. 21Nitaj uyarikorqanchejchu imatachus Diosninchej willachimuwarqanchej profetasnejta. 22Sapa uj ruwallarqa imatachus sonqon nisharqa chayta, sajra kajta. K'umuykukorqanchej ajeno dioskunaman. Ruwarqanchejtaj imachus mana allin Diospa ñaupaqempi chayta.
Currently Selected:
BARUC 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
BARUC 1
1
Babiloniapi tantakuy
1Kay librota qelqarqa Neriaspa wawan Baruc. Neriasqa Maasiaspa wawan karqa. Maasiastaj Sedequiaspa wawan. Sedequiastaj Hasadiaspa wawan. Hasadiasrí Hilciaspa wawan. 2Barucqa kay librota qelqarqa Babiloniapi phishqa kaj watapi, phishqa kaj killapitaj, qanchis kaj diapi, caldeos jap'ikapusqankumanta Jerusalén llajtata larwachispa.
3Baruc kay librota leerqa Joacimpa wawan Jeconiaspa ñaupaqempi. Joacenqa chaypacha Judamanta rey karqa. Reywan khuska ashkha runaspis tantakusqanku uyarej. 4Kurajkunapis uyarisqanku. Chantaqa, reypa ayllusnin, machu runas, tukuy laya runaspis. Tukuypuni uyarisqanku, tukuy Babiloniapi tiyakojkuna Sud mayoj chimpampi. 5Uyarispataj, runas waqarqanku. Mana ni imata mikhuspataj, Diosmanta mañukusharqanku. 6Chaymanta, qolqeta tantamorqanku, sapa uj qoyta atisqanman jina. 7Chay qolqetaqa Jerusalenman apachimorqanku, kuraj sacerdote Joacinman. Chay sacerdoteqa Hilciaspa wawan karqa. Jatun tatantaj Salom karqa. Ajinallataj, apachimorqa waj sacerdotesmampis, Jerusalempi qhepakojkunamampis. 8Chay qolqeta kachamorqanku Siván killapi, chunka kaj diapi, maypachachus Barucman qosqanku temploj imasninta, Judá jallp'aman kutiripunankupaj. Judamanta rey, Josiaspa wawan Sedequías chay imasta ruwachisqa qolqemanta. 9Chay reyqa chayta ruwachisqa maypachachus Nabucodonosor, Babiloniamanta rey, qharqosqa rey Jeconiasta Jerusalenmanta, pusachisqataj Babiloniaman, kamachejkunasnintinta, kurajkunasnintinta, ashkha runasnintinta ima.
10Chay qolqeta apacherqanku kayta nichimuspa: Kay qolqeta apachimuyku, chaywan rikuchikusta jaywanaykichejpaj, ajinallataj ñak'anaykichejpaj juchasrayku, inciensota q'osñichinaykichejpajtaj. Rikuchikusta wakichiychej Señor Diosninchejpa altarnin patapi. 11Babiloniamanta rey Nabucodonosorpaj Diosmanta mañakuychej, ajinallataj wawan Baltasarpajpis, kay pachapi kausanankupaj wiñayta. 12Señorninchej kallpachawasqayku k'anchaynintataj qowasqayku, rey Nabucodonosor, Baltasar wawampis qhawanawaykupaj. Chantapis, atinaykupaj paykunata sirviyta unayta, ajinamanta allinta qhawanawaykupaj. 13Mañapuwaykutaj Señor Diosninchejmanta noqaykupaj, paypaj contrampi juchallikusqaykurayku. Chayraykumá, kunankama Señorqa mana karuncharqachu noqaykumanta k'ajaj phiñakuyninta.
Israelqa willakun Diosman juchasninta
14Templopi tantakushajtiykichej Ramadas nisqa fiestapajqa, waj diaspis, kay kachamusqayku librota leeychejpuni. Chantaqa, juchasniykichejta willakuychej. 15Willakuspataj niychej kay jinata: Señor Diosninchej cheqanyachin, noqanchejtaj p'enqayniyoj uyasninchejta k'umuykuchinanchej tiyan, imaynachus rikushanchej kunan diapis ajinata ruwasqankuta Judamanta runas, Jerusalempi tiyakojkunapis. 16Ajinallataj, reyesninchejpis, sacerdotesninchejpis, profetasninchejpis, tatasninchej ima. 17Noqanchejqa Diospa ñaupaqempi juchallikorqanchej. 18Noqanchejqa payta mana kasukorqanchejchu. Mana junt'arqanchejchu imatachus ruwananchejta nerqa chaykunata. 19Chay kutimantapacha, maypachachus Señorqa orqhorqa ñaupa tatasninchejta Egiptomanta kunankama, mana kasukorqanchejchu Señor Diosninchejta. Manapuni munarqanchejchu paypa nisqanta uyarikuyta. 20Chayrayku, chay jina chhika llakiykuna jamuwarqanchej. Chayraykullataj kashanchej chay maldición urapi mayqentachus Diosninchej nerqa Moisesta ninanta llojsichishajtin Egiptomanta ñaupa tatasninchejta, qonawanchejpaj chay jallp'ata, lechetawan misk'itawan p'utuchimoj chayta. 21Nitaj uyarikorqanchejchu imatachus Diosninchej willachimuwarqanchej profetasnejta. 22Sapa uj ruwallarqa imatachus sonqon nisharqa chayta, sajra kajta. K'umuykukorqanchej ajeno dioskunaman. Ruwarqanchejtaj imachus mana allin Diospa ñaupaqempi chayta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.