ECLESIÁSTICO 3
3
Runaqa tata mamanta respetanan tiyan
1Noqa tataykichejta uyariwaychej, wawasniy. Chayta ruwaspataj, wiñay kausayniyoj kankichej.
2Señorqa munan runaqa tatanta respetananta, kasukunantataj mamanta.
3Tatanta respetakojqa, perdonasqa kanqa juchasninmanta.
4Mamanta respetakojqa qhapaj jina.
5Tatanta respetajqa kusikuyniyoj kanqa, imaraykuchus kikin wawasninwan respetachikullanqataj. Diosmanta mañakusqanqa uyarisqa kanqa.
6Tatanta respetajqa unayta kausanqa. Señorta kasukojqa sonqochan mamanta.
7Señorta munakojqa tata mamanta respetakun, paykunatataj sirvin kikin Señorta jina.
8Wawáy, kausayniykiwampis, simiykiwampis tataykita respetanayki tiyan. Chayta ruwaspa, paypa bendicionnin chayamusonqa.
9Tataj bendicionnin familiapajqa sinch'i saphi jina. Mamaj maldicionnintaj chay saphitaqa sik'irparin.
10Ama kusirikuychu tataykej p'enqayninmanta. P'enqaynenqa p'enqayniykillataj.
11Tatanta respetasqata rikuspa, runaqa kusikun. Mamanta p'enqaypi urmasqata rikuspa, runaqa llakikun.
12Wawáy, qhawaypuni tataykita machuyaynimpi. Amapuni kausaynimpi llakichiychu.
13Yuyayninta chinkachishajtimpis, pacienciakullay. Ama qhesachaychu kallpayoj kasqaykirayku.
14Tatanta khuyakoj runamantaqa, Dios yuyarikonqapuni. Chayqa juchasta pampachachin.
15Llakiyniykipi Diosqa qanmanta yuyarikonqa. Imaynachus ruphay qhasata unuyachin, ajina Diosta juchasniykita pampachanqa.
16Tatanta saqerparejqa Diosta phiñachin. Mamanta llakichejtaqa Dios maldicin.
Llamp'u sonqo kay
17Wawáy, tukuy imata llamp'u sonqowan ruway. Chayta ruwanki chayqa, Diosta munakojkuna munakullasonqankutaj.
18Aswan patapi kashaspa, astawan pampaman k'umuykukunayki tiyan. Ajina, Diosqa munakuywan qhawasonqa.
19Señorpa atiynin jatunmin. Llamp'u sonqoyojkuna Diosta yupaychanku.
20Mana ruwayta atisqaykitaqa, ama ruwayta munaychu. Umaykiman mana yaykojtaqa, ama yachayta munaychu.
21Imatachus Dios kamachisorqa chayta unanchay. Ama ni ima dakuychu pakasqa kajmantaqa.
22Mana entiendeyta atisqaykitaqa ama yachayta munaychu. Imachus rikusqayki anchaña qampajqa.
23Ashkha runasqa yuyasqankunejta pantarqanku. Mana cheqantachu yuyasqankurayku yuyayninkuta chinkacherqanku.
24Pichus mana munanchu wajkunatapis uyariyta, chinkayman chayallanqa. Mana wañuyta manchachikojqa wañullanqa. Juchaspataj juchata patampi patampi yapan.
25Wapu wapoqa llakiyninmanta mana llojsinmanñachu. Llakiynin ismusqa mujumanta llojsishan.
26Yachayniyojqa entiendellan waj yachayniyojkunaj nisqasninkuta. Allinta uyarikojqa chay yachakusqanwan mayta kusikun.
Runa masiykita yanapanayki tiyan
27Yakoqa larwaj ninata thasnun. Wajchasman qojqa juchasninmanta perdonachikun.
28Runasqa yuyarikullanqanku sumaj kajta ruwajmanta. Llusk'ajtimpis yanaparillanqanku.
Currently Selected:
ECLESIÁSTICO 3: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.