ECLESIÁSTICO 23
23
1Señorniy, tatáy. Kausayniy makisniykipi kashan. Simiy ama atipawachunchu. Yanapaway, mana simiy urmachinawampaj.
2Pitaj yuyasqasniyta jasut'iykunman? Pitaj sonqoyman yachayta yaykuchinman? Pitaj jasut'iwanman, mana ch'inlla qhawaspa juchasniyta?
3Ajinamanta, manaña wist'uta purisajchu, nitaj juchasniy miranqachu. Manataj urmasajchu chejniwajkunaj makisninkuman. Manañataj chaykuna asipayawanqankuchu.
4Señorníy, tatáy. Kausayniy makisniykipi kashan. Yanapaway ama ñawisniy patamanta qhawanampaj runa masisniyta.
5Karunchay sonqoymanta sajra munapayayta.
6Ama sonqoy ch'ichikakuchun millaykunata ruwaspa. Jap'iway ama p'enqaykunata yuyanaypaj.
Simimanta
7Wawasníy, noqaj yachachisqayta uyariychej, Uyariwankichej chayqa, mana juchawan ch'ipachikunkichejchu.
8Juchasapaqa siminnejta jap'ichikun. Wapu wapu oqharikusqa runaqa kikin nisqampi misk'an.
9Ama simiyki yachasqachu kachun juramentosman. Amataj qhasillamanta oqhariychu Diospa sutintaqa.
10Sichus mayllapipis jayk'ajllapis kamachita rikullashankupuni, chay kamacheqa jasut'iymanta mana ayqenqachu. Ajinallataj, pichus sapa kuti Diospa sutinta oqharishampuni, juchachasqa kanqa.
11Anchata jurajqa, anchatataj juchallikun. Chayrayku jasut'iy mana karunchakonqachu wasinmanta. Pantajtin juchallikun. Mana yachashajtimpis imatachus ruwasqanta, iskayta juchallikun. Qhasimanta juranman chayqa, juchachasqapuni kanqa. Imaymana llakiytaj ayllunman chayamonqa.
12Khuchi simej nisqan wañuyman apan. Jacobpa ayllun ukhupi ama chaykunataqa nichunkuchu. Diosta munakojkunaqa mana jucha chaupipi lat'aykachankuchu.
13Simiyki mana yachasqachu kachun khuchi palabrasman. Yachasqa kanman chayqa, juchaman urmawaj.
14Qhapajkunawan tiyashajtiyki, tata mamaykimanta yuyarikuy. Pajtataj imallatapis niwaj, mana umayojta jina qhawachikuspa. Maldicinkitaj nacekusqayki diata.
15Sajra sutista churayta yachajqa, chayllatapuni ruwanqa tukuy kausaynimpi.
Qhenchachakuymanta
16Iskay laya runas juchasninkuta mirachinku. Kallantaj kinsa kaj laya. Chay runasqa Diosta phiñachinku.
17Imaynachus ninaqa larwarishampuni llant'a tukuchisqa kanankama, ajinallataj runaj millay munapayaynin larwarishampuni, munasqan ruwasqa kanankama. Warmita munapayajqa larwarishampuni, larwaynin wañusqa kanankama. Warmista qhatiykachajqa rijch'akun ima t'antallatapis mikhojman. Mana sajsakonqachu larwaynin tukuchinankama.
18Warminta wasanchaspa qhenchachakoj qhareqa sonqompi nishan: Pitaj rikuwashanri?, nispa. Laqhapi kashani. Perqaslla muyuyniypi. Ni pi rikuwashanchu. Imamanta manchachikusajri? Patapi kaj Diosqa juchasniymanta mana yuyarikonqachu, nispa nishan.
19Payqa runaspa ñawisninkullamanta manchachikushan. Mana yachanchu Señorpa ñawin intimanta nisqaqa aswan k'anchayniyoj kasqanta waranqa kutita. Mana yachanchu Señorpa ñawin rikusqanta runaj tukuy purikusqasninta, chayasqantataj aswan pakasqa k'uchusmampis.
20Manaraj tukuy imata ruwashaspa, Señorqa chaykunata rejserqaña. Tukuytawantaj, rejsillashampuni.
21Qhenchachakoj runaqa, mana cuentata qokuspalla jap'ichikonqa. Tukuy runas rikushajtinkutaj castigachikonqa.
22Kikillantaj kanqa warmiwan pichus qhenchachakun qosanta wasanchaspa, nacechikuntaj uj wawata waj qharipaj.
23Ñaupajtaraj chay warmeqa patapi kaj Diospa kamachisqanta mana junt'arqachu. Chaymantataj, qosampa contranta juchallikorqa. Chantaqa, qhenchachakuspa ch'ichichakorqa, wawatataj nacechikorqa waj qharipaj.
24Chay warmeqa pusasqa kanqa runaspa ñaupaqenkuman. Juchantaj wawasnimpa patankumampis urmanqa.
25Wawasnin mana saphiyoj sach'a jina kanqanku. Manataj poqoyniyojchu.
26Sutin maldicisqa qhepakonqa. P'enqaynintaj mana pichasqachu kanqa.
27Ajinamanta, tukuy runas yachanqanku Señorqa respetanata tukuy imamanta astawan. Yachallanqankutaj kamachisqasninta junt'ayqa aswan misk'i kasqanta tukuy imamanta nisqaqa.
Currently Selected:
ECLESIÁSTICO 23: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 23
23
1Señorniy, tatáy. Kausayniy makisniykipi kashan. Simiy ama atipawachunchu. Yanapaway, mana simiy urmachinawampaj.
2Pitaj yuyasqasniyta jasut'iykunman? Pitaj sonqoyman yachayta yaykuchinman? Pitaj jasut'iwanman, mana ch'inlla qhawaspa juchasniyta?
3Ajinamanta, manaña wist'uta purisajchu, nitaj juchasniy miranqachu. Manataj urmasajchu chejniwajkunaj makisninkuman. Manañataj chaykuna asipayawanqankuchu.
4Señorníy, tatáy. Kausayniy makisniykipi kashan. Yanapaway ama ñawisniy patamanta qhawanampaj runa masisniyta.
5Karunchay sonqoymanta sajra munapayayta.
6Ama sonqoy ch'ichikakuchun millaykunata ruwaspa. Jap'iway ama p'enqaykunata yuyanaypaj.
Simimanta
7Wawasníy, noqaj yachachisqayta uyariychej, Uyariwankichej chayqa, mana juchawan ch'ipachikunkichejchu.
8Juchasapaqa siminnejta jap'ichikun. Wapu wapu oqharikusqa runaqa kikin nisqampi misk'an.
9Ama simiyki yachasqachu kachun juramentosman. Amataj qhasillamanta oqhariychu Diospa sutintaqa.
10Sichus mayllapipis jayk'ajllapis kamachita rikullashankupuni, chay kamacheqa jasut'iymanta mana ayqenqachu. Ajinallataj, pichus sapa kuti Diospa sutinta oqharishampuni, juchachasqa kanqa.
11Anchata jurajqa, anchatataj juchallikun. Chayrayku jasut'iy mana karunchakonqachu wasinmanta. Pantajtin juchallikun. Mana yachashajtimpis imatachus ruwasqanta, iskayta juchallikun. Qhasimanta juranman chayqa, juchachasqapuni kanqa. Imaymana llakiytaj ayllunman chayamonqa.
12Khuchi simej nisqan wañuyman apan. Jacobpa ayllun ukhupi ama chaykunataqa nichunkuchu. Diosta munakojkunaqa mana jucha chaupipi lat'aykachankuchu.
13Simiyki mana yachasqachu kachun khuchi palabrasman. Yachasqa kanman chayqa, juchaman urmawaj.
14Qhapajkunawan tiyashajtiyki, tata mamaykimanta yuyarikuy. Pajtataj imallatapis niwaj, mana umayojta jina qhawachikuspa. Maldicinkitaj nacekusqayki diata.
15Sajra sutista churayta yachajqa, chayllatapuni ruwanqa tukuy kausaynimpi.
Qhenchachakuymanta
16Iskay laya runas juchasninkuta mirachinku. Kallantaj kinsa kaj laya. Chay runasqa Diosta phiñachinku.
17Imaynachus ninaqa larwarishampuni llant'a tukuchisqa kanankama, ajinallataj runaj millay munapayaynin larwarishampuni, munasqan ruwasqa kanankama. Warmita munapayajqa larwarishampuni, larwaynin wañusqa kanankama. Warmista qhatiykachajqa rijch'akun ima t'antallatapis mikhojman. Mana sajsakonqachu larwaynin tukuchinankama.
18Warminta wasanchaspa qhenchachakoj qhareqa sonqompi nishan: Pitaj rikuwashanri?, nispa. Laqhapi kashani. Perqaslla muyuyniypi. Ni pi rikuwashanchu. Imamanta manchachikusajri? Patapi kaj Diosqa juchasniymanta mana yuyarikonqachu, nispa nishan.
19Payqa runaspa ñawisninkullamanta manchachikushan. Mana yachanchu Señorpa ñawin intimanta nisqaqa aswan k'anchayniyoj kasqanta waranqa kutita. Mana yachanchu Señorpa ñawin rikusqanta runaj tukuy purikusqasninta, chayasqantataj aswan pakasqa k'uchusmampis.
20Manaraj tukuy imata ruwashaspa, Señorqa chaykunata rejserqaña. Tukuytawantaj, rejsillashampuni.
21Qhenchachakoj runaqa, mana cuentata qokuspalla jap'ichikonqa. Tukuy runas rikushajtinkutaj castigachikonqa.
22Kikillantaj kanqa warmiwan pichus qhenchachakun qosanta wasanchaspa, nacechikuntaj uj wawata waj qharipaj.
23Ñaupajtaraj chay warmeqa patapi kaj Diospa kamachisqanta mana junt'arqachu. Chaymantataj, qosampa contranta juchallikorqa. Chantaqa, qhenchachakuspa ch'ichichakorqa, wawatataj nacechikorqa waj qharipaj.
24Chay warmeqa pusasqa kanqa runaspa ñaupaqenkuman. Juchantaj wawasnimpa patankumampis urmanqa.
25Wawasnin mana saphiyoj sach'a jina kanqanku. Manataj poqoyniyojchu.
26Sutin maldicisqa qhepakonqa. P'enqaynintaj mana pichasqachu kanqa.
27Ajinamanta, tukuy runas yachanqanku Señorqa respetanata tukuy imamanta astawan. Yachallanqankutaj kamachisqasninta junt'ayqa aswan misk'i kasqanta tukuy imamanta nisqaqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.