ECLESIÁSTICO 22
22
Sonsomantawan qhellamantawan
1Qhella runaqa ch'ichi rumi jina. Payta rikojkuna millachikunku.
2Runaqa wanuta jap'iytawanqa, makinta thalaykun. Ajinallataj qhellawampis.
3Qhella qhari wawaqa tatampaj p'enqay. Qhella warmi wawataj tatanta wajchaman tukuchin.
4Umayoj warmeqa qosampaj qori jina. Mana umayoj ususi tatanta llakichin.
5Mana p'enqayoj warmeqa tatantataj qosantataj p'enqachin. Iskayninkutaj payta qhesachanqanku.
6Mana tiempompi parlajqa rijch'akun entierropi kusiywan takejman. Jasut'eyqa runata unanchayman churan.
7K'askachiymá p'akisqa k'anallasta. Rijch'arichiymá sinch'i puñuywan atipachikoj runata. Kikin kanman uj sonsota yachacheyqa.
8Sonsowan parlaymá. Machasqa jina nisonqa: Imataj chayri?, nispa.
9Wañusqamanta waqana, mana k'anchayniyoj kasqanrayku. Sonsomanta waqana, mana umayoj kasqanrayku.
10Wañusqamanta mana anchatachu waqay. Samarikushanña. Sonsopajtaj kausaymantaqa aswan allin wañuy.
11Wañusqamanta qanchis diallata waqanku. Sonsomantataj sajrasmantataj tukuy kausayninkupi waqanku.
12Ama anchata parlaychu uj sonsowan. Amataj watukuychu mana umayojta.
13Paymanta karunchakullay. Ajinamanta, mana llakiyniyojchu kanki. Paywan puriwaj chayqa, ch'ichichasunkiman.
14Paymanta karunchakuspaqa, allillanta kausanki. Locoyaynintaj mana phiñachisonqachu.
15Imataj titimanta aswan llasa? Uj sonso runa.
16Sonsota astaymantaqa, aswan walej t'iyuta kachitapis, fierrotapis astayqa.
17Sichus kurkus allinta churasqa kanku, pampa ikhakunman chaypis, waseqa mana kuyonqachu. Ajinallataj, sichus imallatapis yuyarqanki sumajta unanchakusparaj, llakiy chayamojtin, yuyasqayki sayallanqaraj.
18Rikuymá uj llusk'a perqata sumaj llut'asqata. Ajina kanqa yuyasqayki sichus ñaupajta sumajta unanchakorqankiraj.
19Wayraqa apakapullan perqa patapi churasqa rumista. Ajinallataj, pajtataj ninki chayqa uj pisi sonqoyojman, locoyaynimpi yuyasqanta mana ruwanqañachu.
Amigosniyoj kaymanta
20Runaj ñawinta nanaykuchinki chayqa, waqachinki. Runaj sonqonta nanaykuchinki chayqa, llakichinki.
21Choqaymá rumista p'isqosman. Phawachinki. Rimarpariymá amigoykita. Munanakusqaykichejta wañuchinki.
22Sichus espadaykita jap'ispa amigoykej contranman oqharikorqanki chayqa, ama llakikuychu. Allinyakullankichej. Sichus amigoykita rimarillarqanki, ama llakikuychu. Allinyakullankichej.
23Sichus amigoykiman sajra sutista churarqanki. Chantapis, sichus qhesacharqanki, sichus paymanta yachasqaykita willarqanki chayqa, sichus wasanmanta paypaj parlarqanki chayqa, amigoyki qanmanta karunchakonqa.
24Runa masiykita qhawaykuy wajcha kaynimpi. Paytaj, qhapaj kajtin yanapasonqa. Llakisqa kajtin, payta watukuy. Paytaj chayaqeta qosonqa.
25Wausitaraj q'osñitaraj rikunki. Chaymantaraj ninata. Ajinallataj, runasqa ñaupajtaraj rimankunku. Qhepantaraj wañuchinakunku.
26Noqaqa amigoyta yanapallasajpuni. Chaymanta mana p'enqakusajchu. Noqaqa manapuni paymanta pakakusajchu.
27Sichus ima sajratapis pay ruwawanman chayqa, chayta yachajkuna paymanta karunchakuchunku.
Diosmanta mañakuy
28Pitaj churapuwanman uj jark'ajta simiyman? Pitaj qowanman uj unanchakuy llaveta simiypaj, ama uramanaypaj, ama qalluy chinkachinawampaj?
Currently Selected:
ECLESIÁSTICO 22: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 22
22
Sonsomantawan qhellamantawan
1Qhella runaqa ch'ichi rumi jina. Payta rikojkuna millachikunku.
2Runaqa wanuta jap'iytawanqa, makinta thalaykun. Ajinallataj qhellawampis.
3Qhella qhari wawaqa tatampaj p'enqay. Qhella warmi wawataj tatanta wajchaman tukuchin.
4Umayoj warmeqa qosampaj qori jina. Mana umayoj ususi tatanta llakichin.
5Mana p'enqayoj warmeqa tatantataj qosantataj p'enqachin. Iskayninkutaj payta qhesachanqanku.
6Mana tiempompi parlajqa rijch'akun entierropi kusiywan takejman. Jasut'eyqa runata unanchayman churan.
7K'askachiymá p'akisqa k'anallasta. Rijch'arichiymá sinch'i puñuywan atipachikoj runata. Kikin kanman uj sonsota yachacheyqa.
8Sonsowan parlaymá. Machasqa jina nisonqa: Imataj chayri?, nispa.
9Wañusqamanta waqana, mana k'anchayniyoj kasqanrayku. Sonsomanta waqana, mana umayoj kasqanrayku.
10Wañusqamanta mana anchatachu waqay. Samarikushanña. Sonsopajtaj kausaymantaqa aswan allin wañuy.
11Wañusqamanta qanchis diallata waqanku. Sonsomantataj sajrasmantataj tukuy kausayninkupi waqanku.
12Ama anchata parlaychu uj sonsowan. Amataj watukuychu mana umayojta.
13Paymanta karunchakullay. Ajinamanta, mana llakiyniyojchu kanki. Paywan puriwaj chayqa, ch'ichichasunkiman.
14Paymanta karunchakuspaqa, allillanta kausanki. Locoyaynintaj mana phiñachisonqachu.
15Imataj titimanta aswan llasa? Uj sonso runa.
16Sonsota astaymantaqa, aswan walej t'iyuta kachitapis, fierrotapis astayqa.
17Sichus kurkus allinta churasqa kanku, pampa ikhakunman chaypis, waseqa mana kuyonqachu. Ajinallataj, sichus imallatapis yuyarqanki sumajta unanchakusparaj, llakiy chayamojtin, yuyasqayki sayallanqaraj.
18Rikuymá uj llusk'a perqata sumaj llut'asqata. Ajina kanqa yuyasqayki sichus ñaupajta sumajta unanchakorqankiraj.
19Wayraqa apakapullan perqa patapi churasqa rumista. Ajinallataj, pajtataj ninki chayqa uj pisi sonqoyojman, locoyaynimpi yuyasqanta mana ruwanqañachu.
Amigosniyoj kaymanta
20Runaj ñawinta nanaykuchinki chayqa, waqachinki. Runaj sonqonta nanaykuchinki chayqa, llakichinki.
21Choqaymá rumista p'isqosman. Phawachinki. Rimarpariymá amigoykita. Munanakusqaykichejta wañuchinki.
22Sichus espadaykita jap'ispa amigoykej contranman oqharikorqanki chayqa, ama llakikuychu. Allinyakullankichej. Sichus amigoykita rimarillarqanki, ama llakikuychu. Allinyakullankichej.
23Sichus amigoykiman sajra sutista churarqanki. Chantapis, sichus qhesacharqanki, sichus paymanta yachasqaykita willarqanki chayqa, sichus wasanmanta paypaj parlarqanki chayqa, amigoyki qanmanta karunchakonqa.
24Runa masiykita qhawaykuy wajcha kaynimpi. Paytaj, qhapaj kajtin yanapasonqa. Llakisqa kajtin, payta watukuy. Paytaj chayaqeta qosonqa.
25Wausitaraj q'osñitaraj rikunki. Chaymantaraj ninata. Ajinallataj, runasqa ñaupajtaraj rimankunku. Qhepantaraj wañuchinakunku.
26Noqaqa amigoyta yanapallasajpuni. Chaymanta mana p'enqakusajchu. Noqaqa manapuni paymanta pakakusajchu.
27Sichus ima sajratapis pay ruwawanman chayqa, chayta yachajkuna paymanta karunchakuchunku.
Diosmanta mañakuy
28Pitaj churapuwanman uj jark'ajta simiyman? Pitaj qowanman uj unanchakuy llaveta simiypaj, ama uramanaypaj, ama qalluy chinkachinawampaj?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.