ECLESIÁSTICO 17
17
1Señorqa runata ruwarqa jallp'amanta. Señorqa watejmanta runata jallp'aman kutichillarqataj.
2Nerqataj pisillata kausananta kay pachapi. Nillarqataj watejmanta jallp'aman kutirinanta.
3Señorqa runata kallpawan p'achallicherqa, pay kikinta jina. Atiytataj payman qorqa tukuy ima patapi kay pachapi.
4Nerqataj tukuy kausajkuna runata manchachikunankuta. Nerqataj runa atipananta uywastapis p'isqostapis.
5Señorqa ruwarqa runaj qallunta, ñawisninta, ningrisninta ima. Paymantaj qorqa unanchakoj sonqota.
6Señorqa runata ruwarqa yachayniyojta umayojtataj. Atiytataj qorqa yachanampaj imachus allin, yachanampajtaj imachus sajra.
7Señorpa ñawin k'anchaykun runaj sonqonta, rikunampaj Diospa jatuchaj ruwasqasninta.
8Runaqa yupaychanqa Diospa santo sutinta, willanqataj jatuchaj ruwasqasninta.
9Diosqa runaman yachayta qorqa. Chantapis, kausayta qollarqataj.
10Diosqa runaswan ruwarqa uj mana tukukoj tratota. Paykunamantaj willanqa paypa kamachisqasninta.
11Runaspa ñawisninku rikorqanku Diospa jatun kayninta. Runaspa ningrisninku uyarerqanku paypa yupaychana nisqasninta.
12Señorqa paykunaman nerqa: Amapuni ruwaychejchu ni imallatapis mana allin kajta, nispa. Nerqataj imaynatachus sapa uj kausanan tiyan runa masinwan.
13Diosqa rikumpuni runaj puriyninta. Runasqa manapuni ayqenkumanchu ñawisninmanta.
14Diosqa churan kamachejta sapa nacionman. Señorpa kikin ayllun Israelmin.
15Runaj ruwasqasnenqa Señorpa ñaupaqempi sut'ipuni inti jina. Señorpa ñawisnin rikun runaj purisqanta.
16Runaj sajra ruwasqasnenqa mana paymanta pakakunkumanchu. Runaj juchasnin tukuyninku Diospa ñaupaqempi kashanku.
17Yuyarikumpuni payqa runaj qosqanmanta wajchasman. Imaynachus runaqa ima onqoyllamantapis ñawinta jark'an, ajinata Diosqa munakun cheqan sonqoyoj runata.
18Uj kuti Señorqa sayarispa, t'inkata qoponqa. Sapa ujmantaj qoponqa kausakusqanman jina.
Diosman kutiriychej
19Juchasninkumanta llakikojkunata saqellan payman kutirinankuta. Sonqochantaj mana ni imataña suyajkunata.
20Señorman kutiriy juchasniykita saqespa. Paymanta mañakuy, amataj juchallikuyñachu.
21Kutiriy patapi kajman. Sajrata ruwaymanta karunchakuy. Chejniytaj tukuy sonqoykiwan mana allin kajta.
22Wañuypachapi mana ni pi alabayta atinñachu patapi kajta. Kausajkunalla agradecekuyta atinku.
23Wañusqasta manaña atinkuchu Señorta alabayta, manapis kankumanchu jina.
24Señorpa khuyakuynenqa may jatun. Payman kutirimojpa juchasninta pampachallan.
25Runaqa mana atinmanchu tukuy imayoj kayta. Payqa mana wiñay kausayniyojchu.
26Kanchu imallapis aswan atiyniyoj intimanta? Jinapis, k'anchaynin laqhayallan. Runaj yuyasqasnenqa laqhallaqa.
27Diosqa qhawaykun janaj pachapi kajkunata. Runasqa jallp'allataj ushphallataj kanku.
Currently Selected:
ECLESIÁSTICO 17: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.