SAN MATEO 21
21
Jesús Jerusalenman yaykun
(Mr 11.1-11; Lc 19.28-40; Jn 12.12-19)
1-2Jerusalenman qayllashaspa, Olivos orqoj chimpampi Betfagé llajtaman chayarqanku. Chaymantataj Jesusqa iskay yachachisqasninta kacharqa, nispa: Jaqay chimpa ranchoman riychej; chaypitaj tarinkichej uj china burrota uñanwan khuska watasqata; phaskaraspataj aysamuychej. 3Pillapis ima nisunkichejman chayqa, niychej: Señor necesitan kay burrosta. Chantá kutichimponqapacha.
4-5Kaytaj karqa profetaj nisqan junt'akunampaj. Kay jinatataj nerqa: Jerusalén llajtata niychej: Reyniyki jamushasunki, llamp'u sonqoyoj, uj burropi tiyasqa, chaytaj uña burro, chajnana uywa.
6Yachachisqasnintaj rispa, Jesuspa kamachisqanman jina ruwarqanku. 7Burrota uñantinta aysamuspa, p'achasninkuwan caronaykorqanku; Jesustaj chayman tiyaykorqa. 8Runastaj p'achasninkuta ñanman mast'arqanku; wakintaj sach'a ramasta k'utuspa ñanman mast'allarqankutaj. 9Ñaupaqenta qhepanta ima rejkunataj qhaparisharqanku, nispa: Yupaychasqa kachun Davidpa Churenqa! Señorpa sutimpi jamojqa, jatunchasqa kachun! Janaj pachakunapipis yupaychasqallataj kachun!
10Jerusalenman Jesús yaykusqantawantaj, tukuy llajtantin maytapuni aywirispa qhollpikorqanku. Pitaj kayri?, nispa.
11Kuticherqankutaj: Kayqa profeta Jesús, galileo, Nazaret llajtamanta.
Jesús qharqon templomanta vendejkunata
(Mr 11.15-19; Lc 19.45-48; Jn 2.13-22)
12Jesusqa temploman yaykuspa, tukuy vendejkunata, rantejkunata ima, jawaman qharqorqa. Jinallataj qolqe trocajkunaj mesasninkuta, palomasta vendejkunaj tiyanasninkutapis tijrararqa. 13Nerqataj: Escribisqa kashan: Waseyqa Diosmanta mañakunapaj wasi sutichasqa kanqa; qankunarí, suwaj cuevanman tukuchisqankichej.
14Ajina Jesús templopi kashajtintaj, jamorqanku ciegos, cojos ima. Paykunatataj thañicherqa. 15Kuraj sacerdotes, leymanta yachachejkuna ima, Jesuspa milagrosninta rikuspa, wawastapis: Yupaychasqa, Davidpa Churin!, nejta uyarispa, maytapuni phiñakorqanku. 16Nerqankutaj Jesusman: Uyarinkichu kaykuna imatachus nisqankuta?
Jesustaj kuticherqa: Arí, uyarini. Qankunarí, manachu jayk'ajpis Escrituraspi leerqankichej: Wawaspa siminwan ñuñojkunawan ima, allinta yupaychasqankuta?
17Paykunata llajtapi saqerpayaspataj, Betaniaman rerqa. Chay tutataj chaypi qhepakorqa.
Higos sach'ata maldicin
(Mr 11.12-14, 20-26)
18Q'ayantin paqarintaj, Jerusalenman kutishaspa, yarqhachikorqa. 19Ñan patapitaj uj higo sach'ata rikorqa, qayllaykuspataj laqhesllata tarerqa, chay sach'amantaj nerqa: Kunanmantapacha, ama jayk'aj poqoyniyki p'utuchunchu.
Sach'ataj chay kikimpacha ch'akiporqa.
20Yachachisqasnintaj chayta rikuspa t'ukorqanku, nerqankutaj: Imaraykutaj higos sach'a, chay kikimpacha ch'akipunri?
21Jesustaj kuticherqa: Noqaqa cheqata niykichej: Feniyojchus kawajchej chayqa, mana higos sach'awan ruwasqallaytachu ruwawajchej. Astawanqa, mana iskayrayaspa, kay orqotapis niwajchej: Ithiriy kaymanta, qochaman wijch'uykukuy, nispa. Ajinatataj ruwakunman. 22Creespatajchus tukuy imata mañakuwajchej chayqa, mañakusqaykichejta jap'inkichej.
Jesusta atiyninmanta tapunku
(Mr 11.27-33; Lc 20.1-8)
23Jesús temploman kutiykuspa yachachishajtintaj, kuraj sacerdotes, llajtapi kuraj runas ima, payman qayllaykuspa taporqanku: Ima atiywantaj kay imasta ruwankiri? Pitaj kay atiyta qosorqa?
24Jesustaj paykunaman kuticherqa: Noqapis ujta tapurillasqaykichejtaj; kutichiwankichej chayqa, noqapis nisqaykichej ima atiywanchus kayta ruwasqayta. 25Pitaj Juanta bautizanampaj churarqa, Dioschu, chayrí runaschu?
Tapojkunataj ninakorqanku: Dios kamacherqa nejtinchejqa, imaraykutaj chantá mana paypi creerqankichejchu?, niwasun. 26Juanta runas churanku nejtinchejrí, runastañataj manchachikunchej; tukuy yachanku Juanqa profeta kasqantaqa. 27Chaymantataj Jesusman nerqanku: Mana yachaykuchu, nispa.
Jesustaj kuticherqa: Noqapis manallataj niykichejmanchu ima atiywanchus kaykunata ruwasqayta.
Iskay churismanta yachana
28Nillarqataj: Imaynataj rijch'asunkichej? Uj runa iskay wawasniyoj karqa; ujninmantaj nerqa: Wawáy, kunan p'unchay riy uvas chajraman llank'aj. 29Paytaj, mana riymanchu, nerqa. Chantaqa sonqonta nanachikuspa rerqa uvas chajraman. 30Ujninmantaj kikillantataj nerqa: Qampis riy llank'aj. Paytaj, risaj nerqa; chantá manataj rerqachu. 31Mayqentaj tatampa munayninta ruwarqa? Paykunataj kuticherqanku: Ñaupaj kaj, nispa.
Jesustaj nerqa: Cheqamanta niykichej, impuestota orqhojkuna millay puriyniyoj warmis ima, Diospa reinonman ñaupaqeykichejta yaykushanku. 32Juanqa ñaupajta jamorqa cheqa kajta yachachej. Qankunataj paypa nisqanta mana creerqankichejchu. Impuestota orqhojkunataj, millay puriyniyoj warmis ima, payta creerqanku. Qankunarí, kay imasta rikushaspapis manapuni creerqankichejchu, Diosman kutirikunaykichejpaj.
Runa wañuchis
(Mr 12.1-12; Lc 20.9-19)
33Uyariychej waj rijch'anachinata: Uj patrón uvasta plantarqa jallp'ampi; perqawantaj muyuykucherqa. Chaupimpitaj uvas ch'irwanata wakicherqa. Qhawana torretataj perqarqa. Chaymantataj llank'ajkunaman partidopi qospa, karuman ch'usarqa. 34Uvas pallaypitaj, wakin kamachisninta kacharqa, paypa partenta qopunankupaj. 35Llank'ajkunataj, kamachista jap'iytawan, ujninta jasut'erqanku, ujnintataj wañucherqanku, ujnintatajrí rumiswan ch'anqaykorqanku. 36Ujtawan patronqa, aswan ashkha kamachisninta kacharqa; chaykunatapis kikillantataj ruwarqanku.
37Qhepatarí, churintañataj kacharqa. Paytaqa respetanqankupuni, nispa. 38Llank'ajkunataj, churinta jamojta rikuspa, paykuna pura ninakorqanku: Kayqa chayaqeta jap'ej. Jamuychej, wañuchisun; jallp'antataj jap'ikapusunchej. 39Jap'iytawantaj, chajramanta jawaman orqhospa wañucherqanku.
40Chaymantataj Jesús taporqa: Uvas chajrayoj kutimuspaqa, imatataj llank'ajkunata ruwanqari?
41Paykunataj kuticherqanku: Chay sajra llank'ajkunataqa, mana khuyaspa wañurachenqa; jallp'antataj waj llank'ajkunaman qonqa, cosechapi partenta qopunankupaj.
42Jesustaj nerqa: Manachu jayk'ajpis Escriturapi leerqankichej? Ajinata nin: Wasi ruwajkunaj qhesachasqanku rumeqa, aswan sumaj wasi esquina rumi kapun. Chaytaqa Señor ruwasqa t'ukunanchejpaj jina.
43Chayrayku niykichej: Diospa reinontaqa qhechusonqachej, qoponqataj Diospa munayninta ruwajkunaman. [ 44Pillapis kay rumi pataman urmajqa, t'unasqa kanqa. Chantá, pejpa patanmanchus kay rumi urmaykunman chaytaj, phirisqa kanqa.]
45Kuraj sacerdotestaj, fariseos ima yacharqanku, Jesusqa rijch'anachinaswan paykunaman parlasqanta. 46Chayrayku payta jap'iykuyta munarqanku; runasta manchachikuspataj, mana imanayta aterqankuchu; imaraykuchus runas Jesusqa profeta kasqanta yacharqanku.
Currently Selected:
SAN MATEO 21: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 21
21
Jesús Jerusalenman yaykun
(Mr 11.1-11; Lc 19.28-40; Jn 12.12-19)
1-2Jerusalenman qayllashaspa, Olivos orqoj chimpampi Betfagé llajtaman chayarqanku. Chaymantataj Jesusqa iskay yachachisqasninta kacharqa, nispa: Jaqay chimpa ranchoman riychej; chaypitaj tarinkichej uj china burrota uñanwan khuska watasqata; phaskaraspataj aysamuychej. 3Pillapis ima nisunkichejman chayqa, niychej: Señor necesitan kay burrosta. Chantá kutichimponqapacha.
4-5Kaytaj karqa profetaj nisqan junt'akunampaj. Kay jinatataj nerqa: Jerusalén llajtata niychej: Reyniyki jamushasunki, llamp'u sonqoyoj, uj burropi tiyasqa, chaytaj uña burro, chajnana uywa.
6Yachachisqasnintaj rispa, Jesuspa kamachisqanman jina ruwarqanku. 7Burrota uñantinta aysamuspa, p'achasninkuwan caronaykorqanku; Jesustaj chayman tiyaykorqa. 8Runastaj p'achasninkuta ñanman mast'arqanku; wakintaj sach'a ramasta k'utuspa ñanman mast'allarqankutaj. 9Ñaupaqenta qhepanta ima rejkunataj qhaparisharqanku, nispa: Yupaychasqa kachun Davidpa Churenqa! Señorpa sutimpi jamojqa, jatunchasqa kachun! Janaj pachakunapipis yupaychasqallataj kachun!
10Jerusalenman Jesús yaykusqantawantaj, tukuy llajtantin maytapuni aywirispa qhollpikorqanku. Pitaj kayri?, nispa.
11Kuticherqankutaj: Kayqa profeta Jesús, galileo, Nazaret llajtamanta.
Jesús qharqon templomanta vendejkunata
(Mr 11.15-19; Lc 19.45-48; Jn 2.13-22)
12Jesusqa temploman yaykuspa, tukuy vendejkunata, rantejkunata ima, jawaman qharqorqa. Jinallataj qolqe trocajkunaj mesasninkuta, palomasta vendejkunaj tiyanasninkutapis tijrararqa. 13Nerqataj: Escribisqa kashan: Waseyqa Diosmanta mañakunapaj wasi sutichasqa kanqa; qankunarí, suwaj cuevanman tukuchisqankichej.
14Ajina Jesús templopi kashajtintaj, jamorqanku ciegos, cojos ima. Paykunatataj thañicherqa. 15Kuraj sacerdotes, leymanta yachachejkuna ima, Jesuspa milagrosninta rikuspa, wawastapis: Yupaychasqa, Davidpa Churin!, nejta uyarispa, maytapuni phiñakorqanku. 16Nerqankutaj Jesusman: Uyarinkichu kaykuna imatachus nisqankuta?
Jesustaj kuticherqa: Arí, uyarini. Qankunarí, manachu jayk'ajpis Escrituraspi leerqankichej: Wawaspa siminwan ñuñojkunawan ima, allinta yupaychasqankuta?
17Paykunata llajtapi saqerpayaspataj, Betaniaman rerqa. Chay tutataj chaypi qhepakorqa.
Higos sach'ata maldicin
(Mr 11.12-14, 20-26)
18Q'ayantin paqarintaj, Jerusalenman kutishaspa, yarqhachikorqa. 19Ñan patapitaj uj higo sach'ata rikorqa, qayllaykuspataj laqhesllata tarerqa, chay sach'amantaj nerqa: Kunanmantapacha, ama jayk'aj poqoyniyki p'utuchunchu.
Sach'ataj chay kikimpacha ch'akiporqa.
20Yachachisqasnintaj chayta rikuspa t'ukorqanku, nerqankutaj: Imaraykutaj higos sach'a, chay kikimpacha ch'akipunri?
21Jesustaj kuticherqa: Noqaqa cheqata niykichej: Feniyojchus kawajchej chayqa, mana higos sach'awan ruwasqallaytachu ruwawajchej. Astawanqa, mana iskayrayaspa, kay orqotapis niwajchej: Ithiriy kaymanta, qochaman wijch'uykukuy, nispa. Ajinatataj ruwakunman. 22Creespatajchus tukuy imata mañakuwajchej chayqa, mañakusqaykichejta jap'inkichej.
Jesusta atiyninmanta tapunku
(Mr 11.27-33; Lc 20.1-8)
23Jesús temploman kutiykuspa yachachishajtintaj, kuraj sacerdotes, llajtapi kuraj runas ima, payman qayllaykuspa taporqanku: Ima atiywantaj kay imasta ruwankiri? Pitaj kay atiyta qosorqa?
24Jesustaj paykunaman kuticherqa: Noqapis ujta tapurillasqaykichejtaj; kutichiwankichej chayqa, noqapis nisqaykichej ima atiywanchus kayta ruwasqayta. 25Pitaj Juanta bautizanampaj churarqa, Dioschu, chayrí runaschu?
Tapojkunataj ninakorqanku: Dios kamacherqa nejtinchejqa, imaraykutaj chantá mana paypi creerqankichejchu?, niwasun. 26Juanta runas churanku nejtinchejrí, runastañataj manchachikunchej; tukuy yachanku Juanqa profeta kasqantaqa. 27Chaymantataj Jesusman nerqanku: Mana yachaykuchu, nispa.
Jesustaj kuticherqa: Noqapis manallataj niykichejmanchu ima atiywanchus kaykunata ruwasqayta.
Iskay churismanta yachana
28Nillarqataj: Imaynataj rijch'asunkichej? Uj runa iskay wawasniyoj karqa; ujninmantaj nerqa: Wawáy, kunan p'unchay riy uvas chajraman llank'aj. 29Paytaj, mana riymanchu, nerqa. Chantaqa sonqonta nanachikuspa rerqa uvas chajraman. 30Ujninmantaj kikillantataj nerqa: Qampis riy llank'aj. Paytaj, risaj nerqa; chantá manataj rerqachu. 31Mayqentaj tatampa munayninta ruwarqa? Paykunataj kuticherqanku: Ñaupaj kaj, nispa.
Jesustaj nerqa: Cheqamanta niykichej, impuestota orqhojkuna millay puriyniyoj warmis ima, Diospa reinonman ñaupaqeykichejta yaykushanku. 32Juanqa ñaupajta jamorqa cheqa kajta yachachej. Qankunataj paypa nisqanta mana creerqankichejchu. Impuestota orqhojkunataj, millay puriyniyoj warmis ima, payta creerqanku. Qankunarí, kay imasta rikushaspapis manapuni creerqankichejchu, Diosman kutirikunaykichejpaj.
Runa wañuchis
(Mr 12.1-12; Lc 20.9-19)
33Uyariychej waj rijch'anachinata: Uj patrón uvasta plantarqa jallp'ampi; perqawantaj muyuykucherqa. Chaupimpitaj uvas ch'irwanata wakicherqa. Qhawana torretataj perqarqa. Chaymantataj llank'ajkunaman partidopi qospa, karuman ch'usarqa. 34Uvas pallaypitaj, wakin kamachisninta kacharqa, paypa partenta qopunankupaj. 35Llank'ajkunataj, kamachista jap'iytawan, ujninta jasut'erqanku, ujnintataj wañucherqanku, ujnintatajrí rumiswan ch'anqaykorqanku. 36Ujtawan patronqa, aswan ashkha kamachisninta kacharqa; chaykunatapis kikillantataj ruwarqanku.
37Qhepatarí, churintañataj kacharqa. Paytaqa respetanqankupuni, nispa. 38Llank'ajkunataj, churinta jamojta rikuspa, paykuna pura ninakorqanku: Kayqa chayaqeta jap'ej. Jamuychej, wañuchisun; jallp'antataj jap'ikapusunchej. 39Jap'iytawantaj, chajramanta jawaman orqhospa wañucherqanku.
40Chaymantataj Jesús taporqa: Uvas chajrayoj kutimuspaqa, imatataj llank'ajkunata ruwanqari?
41Paykunataj kuticherqanku: Chay sajra llank'ajkunataqa, mana khuyaspa wañurachenqa; jallp'antataj waj llank'ajkunaman qonqa, cosechapi partenta qopunankupaj.
42Jesustaj nerqa: Manachu jayk'ajpis Escriturapi leerqankichej? Ajinata nin: Wasi ruwajkunaj qhesachasqanku rumeqa, aswan sumaj wasi esquina rumi kapun. Chaytaqa Señor ruwasqa t'ukunanchejpaj jina.
43Chayrayku niykichej: Diospa reinontaqa qhechusonqachej, qoponqataj Diospa munayninta ruwajkunaman. [ 44Pillapis kay rumi pataman urmajqa, t'unasqa kanqa. Chantá, pejpa patanmanchus kay rumi urmaykunman chaytaj, phirisqa kanqa.]
45Kuraj sacerdotestaj, fariseos ima yacharqanku, Jesusqa rijch'anachinaswan paykunaman parlasqanta. 46Chayrayku payta jap'iykuyta munarqanku; runasta manchachikuspataj, mana imanayta aterqankuchu; imaraykuchus runas Jesusqa profeta kasqanta yacharqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.