SAN MATEO 16
16
Fariseos mañanku señalta
(Mr 8.11-13; Lc 12.54-56)
1Chaymantataj, fariseos saduceoswan Jesusman qayllaykorqanku, imaynallapipis urmachiyta munaspa; mañarqankutaj, janaj pachamanta ima señaltapis rikuchinanta.
2Paytaj kutichispa nerqa: Qankunaqa, ch'isiyaykushajtin ninkichej: Sumaj p'unchayta ruwanqa; imaraykuchus phuyu pukata antawaramushan. 3Tutamantataj ninkichej: Kunanqa llojlla para kanqa. Puka yanata phuyuykamushan. Puraj uyas! Qankunaqa phuyusta qhawarispa yachankichej imayna diachus kananta, manataj rejsiyta atinkichejchu tiempospa señalesninta. 4Kay sajra, qhenchachakoj runaj miraynenqa, mañan uj señalta. Manataj ima señalpis qosqachu kanqa, Jonaspa señalninmanta astawanqa.
Paykunata pachanman saqerpayaspataj riporqa.
Fariseospa levaduran
(Mr 8.14-21)
5Yachachisqasnintaj, qocha chimpaman chayaspa, yuyarikorqanku t'antata mana apakusqankumanta. 6Jesustaj nerqa: Qhawakuychej, karunchakuychejtaj fariseospa levaduranmanta saduceospamantawan.
7Yachachisqasnintaj, paykunapura ninakorqanku: Kaytaqa niwanchej t'antata mana apakamusqanchejrayku.
8Jesustaj, chay nisqankuta yachaspa nerqa: Pisi feniyoj runas! Imaraykutaj qankunapura ninakunkichej mana t'antaykichej kasqanta? 9Manarajchu entiendenkichej, nitajchu yuyarikunkichej, phishqa t'antasmanta, phishqa waranqa runas mikhusqankuta: puchoj t'antastataj mashkha canastastarajchus oqharisqaykichejta? 10Nitajchu yuyarinkichej qanchis t'antasmanta, tawa waranqa qharis mikhusqankuta, mashkha canastastarajchus oqharisqaykichejta? 11Imajtintaj mana entiendenkichejchu, mana t'antamantachu qankunaman parlasqayta? Astawanqa, allinta qhawakuychej fariseospa levaduranmanta, saduceospamantawan.
12Chaymantaña yuyayninkuman churakorqanku, Jesusqa mana t'anta levaduramantachu parlasqanta; manachayqa, fariseospa yachachiyninmanta, saduceospamantawan, allinta qhawakunankuta.
Pedro sut'inchan Jesusmanta
(Mr 8.27-30; Lc 9.18-21)
13Filipoj Cesareannejman chayaspa, Jesús yachachisqasninta taporqa: Runasrí, Runaj Churinta pi kasqantataj ninku?, nispa.
14Paykunataj nerqanku: Wakin ninku Juan Bautista kasqanta; ujkunataj Elías kasqanta; wajkunatajrí Jeremías kasqanta; chayrí profetasmanta ujnin kaj, nispa.
15Jesustaj paykunaman nerqa: Qankunarí, pi kasqaytataj niwankichej?
16Simón Pedrotaj kutichispa nerqa: Qanqa Cristo kanki, kausaj Diospa Churin.
17Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki. 18Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu. 19Qanman qosqayki janaj pacha reinoj llavesninta; imallatapis kay pachapi watanki chayqa, janaj pachapi watasqallataj kanqa. Imatachus phaskaranki chaypis, janaj pachapi phaskarasqallataj kanqa.
20Chaymantataj yachachisqasninta allinta kamacherqa, ama pimampis willanankuta pay Cristo kasqanta.
Jesús willan wañunanmanta
(Mr 8.31–9.1; Lc 9.22-27)
21Chaypachamanta, Jesús yachachisqasninman willayta qallarerqa Jerusalenman rinampuni kasqanta, chaypitaj kurajkuna, leymanta yachachejkuna, kuraj sacerdotes ima, anchatapuni ñak'arichinankuta, wañuchinankuta ima; kinsa p'unchaymantataj kausarimunanta. 22Pedrotaj, Jesusta sapallanta wajnejman pusaspa k'amiyta qallarerqa: Señor, chay nisqaykeqa karunchakuchun qanmanta. Ama jinaqa kachunchu, nispa.
23Jesustaj kutirikuspa Pedroman nerqa: Riy kaymanta Satanás. Qanqa misk'achiyta munawanki. Imaraykutaj mana Diospa imasnimpi yuyankichu? Qanqa runakunaj imasnillampi yuyashanki.
24Chaypacha, Jesusqa yachachisqasninman nerqa: Pillapis noqawan riyta munajqa, pay kikinta qhesachakuchun, cruznin oqharisqataj qhatiwachun. 25Pillapis kausayninta salvayta munajqa, kausayninta chinkachenqa; kausayninta noqarayku chinkachejrí, tarikaponqa. 26Ima allintaj runapaj kanman, sichus mundontinta gananman, kausaynintataj chinkachinman chayqa? Chayrí, imatataj runa qonman almanrayku? 27Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina. 28Cheqamanta niykichej, wakin kaypi kajkunamanta mana wañonqankuchu, Runaj Churinta reinompi jamojta rikunankukama.
Currently Selected:
SAN MATEO 16: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 16
16
Fariseos mañanku señalta
(Mr 8.11-13; Lc 12.54-56)
1Chaymantataj, fariseos saduceoswan Jesusman qayllaykorqanku, imaynallapipis urmachiyta munaspa; mañarqankutaj, janaj pachamanta ima señaltapis rikuchinanta.
2Paytaj kutichispa nerqa: Qankunaqa, ch'isiyaykushajtin ninkichej: Sumaj p'unchayta ruwanqa; imaraykuchus phuyu pukata antawaramushan. 3Tutamantataj ninkichej: Kunanqa llojlla para kanqa. Puka yanata phuyuykamushan. Puraj uyas! Qankunaqa phuyusta qhawarispa yachankichej imayna diachus kananta, manataj rejsiyta atinkichejchu tiempospa señalesninta. 4Kay sajra, qhenchachakoj runaj miraynenqa, mañan uj señalta. Manataj ima señalpis qosqachu kanqa, Jonaspa señalninmanta astawanqa.
Paykunata pachanman saqerpayaspataj riporqa.
Fariseospa levaduran
(Mr 8.14-21)
5Yachachisqasnintaj, qocha chimpaman chayaspa, yuyarikorqanku t'antata mana apakusqankumanta. 6Jesustaj nerqa: Qhawakuychej, karunchakuychejtaj fariseospa levaduranmanta saduceospamantawan.
7Yachachisqasnintaj, paykunapura ninakorqanku: Kaytaqa niwanchej t'antata mana apakamusqanchejrayku.
8Jesustaj, chay nisqankuta yachaspa nerqa: Pisi feniyoj runas! Imaraykutaj qankunapura ninakunkichej mana t'antaykichej kasqanta? 9Manarajchu entiendenkichej, nitajchu yuyarikunkichej, phishqa t'antasmanta, phishqa waranqa runas mikhusqankuta: puchoj t'antastataj mashkha canastastarajchus oqharisqaykichejta? 10Nitajchu yuyarinkichej qanchis t'antasmanta, tawa waranqa qharis mikhusqankuta, mashkha canastastarajchus oqharisqaykichejta? 11Imajtintaj mana entiendenkichejchu, mana t'antamantachu qankunaman parlasqayta? Astawanqa, allinta qhawakuychej fariseospa levaduranmanta, saduceospamantawan.
12Chaymantaña yuyayninkuman churakorqanku, Jesusqa mana t'anta levaduramantachu parlasqanta; manachayqa, fariseospa yachachiyninmanta, saduceospamantawan, allinta qhawakunankuta.
Pedro sut'inchan Jesusmanta
(Mr 8.27-30; Lc 9.18-21)
13Filipoj Cesareannejman chayaspa, Jesús yachachisqasninta taporqa: Runasrí, Runaj Churinta pi kasqantataj ninku?, nispa.
14Paykunataj nerqanku: Wakin ninku Juan Bautista kasqanta; ujkunataj Elías kasqanta; wajkunatajrí Jeremías kasqanta; chayrí profetasmanta ujnin kaj, nispa.
15Jesustaj paykunaman nerqa: Qankunarí, pi kasqaytataj niwankichej?
16Simón Pedrotaj kutichispa nerqa: Qanqa Cristo kanki, kausaj Diospa Churin.
17Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki. 18Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu. 19Qanman qosqayki janaj pacha reinoj llavesninta; imallatapis kay pachapi watanki chayqa, janaj pachapi watasqallataj kanqa. Imatachus phaskaranki chaypis, janaj pachapi phaskarasqallataj kanqa.
20Chaymantataj yachachisqasninta allinta kamacherqa, ama pimampis willanankuta pay Cristo kasqanta.
Jesús willan wañunanmanta
(Mr 8.31–9.1; Lc 9.22-27)
21Chaypachamanta, Jesús yachachisqasninman willayta qallarerqa Jerusalenman rinampuni kasqanta, chaypitaj kurajkuna, leymanta yachachejkuna, kuraj sacerdotes ima, anchatapuni ñak'arichinankuta, wañuchinankuta ima; kinsa p'unchaymantataj kausarimunanta. 22Pedrotaj, Jesusta sapallanta wajnejman pusaspa k'amiyta qallarerqa: Señor, chay nisqaykeqa karunchakuchun qanmanta. Ama jinaqa kachunchu, nispa.
23Jesustaj kutirikuspa Pedroman nerqa: Riy kaymanta Satanás. Qanqa misk'achiyta munawanki. Imaraykutaj mana Diospa imasnimpi yuyankichu? Qanqa runakunaj imasnillampi yuyashanki.
24Chaypacha, Jesusqa yachachisqasninman nerqa: Pillapis noqawan riyta munajqa, pay kikinta qhesachakuchun, cruznin oqharisqataj qhatiwachun. 25Pillapis kausayninta salvayta munajqa, kausayninta chinkachenqa; kausayninta noqarayku chinkachejrí, tarikaponqa. 26Ima allintaj runapaj kanman, sichus mundontinta gananman, kausaynintataj chinkachinman chayqa? Chayrí, imatataj runa qonman almanrayku? 27Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina. 28Cheqamanta niykichej, wakin kaypi kajkunamanta mana wañonqankuchu, Runaj Churinta reinompi jamojta rikunankukama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.