SAN MATEO 15
15
Imachus runata ch'ichichan
(Mr 7.1-23)
1-2Wakin fariseos, leymanta yachachejkuna ima, Jerusalenmanta jamuspa Jesusman qayllaykorqanku, taporqankutaj: Imaraykutaj yachachisqasniyki p'akinku tataspa ñaupa usunkutari? Paykunaqa makinkuta mana mayllakunkuchu mikhunankupaj.
3Jesustaj kuticherqa: Imaraykutaj qankunapis Diospa kamachiyninta p'akinkichej, qankunaj usuykichejta ruwanaykichejrayku? 4Diosqa kamacherqa: Tataykita, mamaykitawan respetanki. Pichus tatanta, chayrí mamanta maldicejqa, wañuchun. 5Qankunaqa ninkichej: Pillapis tatanta, chayrí mamanta niyta atin: Mana yanapayta atiykichu, imaraykuchus tukuy kapuwasqanta Diosmanña qopuni. 6Jinapeqa, mana tatanta, nitaj mamantapis respetanqañachu. Ajinamanta qankunaqa Diospa kamachisqanta p'akinkichej, chay ñaupa usuykichejrayku. 7Puraj uyas! Allinta Isaías qankunamanta nerqa: 8Kay runasqa simillankuwan yupaychawanku, sonqonkurí noqamanta karupi kashan. 9Qhasillata yupaychawanku. Paykunaqa Diospa yachachiyninta jina, runaspa kamachisqallanta, yachachinku.
10Runasta wajyaspataj nerqa: Uyariychej, entiendeychejtaj. 11Imachus simiman yaykojqa, mana ch'ichichanchu runataqa; simimanta llojsimojmá runataqa ch'ichichan.
12Yachachisqasnintaj qayllaykuspa nerqanku: Yachankichu, fariseos, nisqaykita uyarispa mana allimpaj jap'isqankuta?
13Jesustaj kuticherqa: Ima yurallapis, janaj pacha Tataypa mana plantasqanqa, saphinmantapacha sik'isqa kanqa. 14Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.
15Chaymanta, Jesusman Pedro nerqa: Sut'inchawayku kay rijch'anachinamanta.
16Paytaj kuticherqa: Manarajchu qankunapis entiendenkichej? 17Manachu unanchankichej, tukuy ima siminejta yaykojqa wijsaman risqanta, chaymantataj wijch'usqa kasqanta? 18Siminejta llojsejqa sonqomanta llojsimun; chaymá runataqa ch'ichichan. 19Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima. 20Kay imasmá runastaqa ch'ichichanku; mana mayllasqa makiswan mikhoyqa mana runastaqa ch'ichichanchu.
Cananea warmi Jesuspi creen
(Mr 7.24-30)
21Jesusqa jaqaymanta llojsispa, Tironejman, Sidonnejmanwan rerqa. 22Chaynejmantataj uj cananea warmi llojsimorqa, qhaparispataj Jesusmanta mañakorqa: Señor, Davidpa Churin, khuyarikuway ari! Warmi wawayta anchataña supay ñak'arichishan.
23Jesustaj mana imata kuticherqachu warmiman. Chantá yachachisqasnin Jesusman qayllaykuspa nerqanku: Kachapuy, imaraykuchus qhepanchejta qhaparispa jamushan.
24Paytaj kutichispa nerqa: Diosqa kachamuwan, Israel ayllumanta chinkasqa ovejasllaman.
25Chaywampis warmeqa, qayllaykuspa Jesusman k'umuykukorqa, nerqataj: Señor, yanaparillaway ari!
26Jesustaj kuticherqa: Mana allinchu, wawaspa t'antanta qhechuspa alqetusman qaranaqa.
27Warmitaj nerqa: Arí, Señor alqetuspis mikhullankutaj, dueñosninkoj mesanmanta, t'anta t'unas t'akakojta.
28Jesustaj payman nerqa: Warmi, feniykeqa ancha jatun. Munasqaykiman jina ruwasqa kachun.
Chaymantapacha ususenqa thañikaporqa.
Jesús thañichin ashkha onqosqasta
29Jesús jaqaymanta llojsispa, Galilea qocha cantoman rerqa; orqoman wicharispataj, chaypi tiyaykukorqa. 30Ashkha runastaj Jesusman qayllaykorqanku; pusamorqankutaj cojosta, ciegosta, opasta, ñuk'usta, waj ashkha onqosqastawan. Jesuspa ñaupaqenman churaykukojtinkutaj, paykunata thañicherqa. 31Runastaj mayta t'ukorqanku, rikuspa opasta parlajta, ñuk'usta thañejta, cojosta purirejta, ciegostataj rikojta. Paykunataj Israelpa Diosninta yupaycharqanku.
Jesús tawa waranqa qharisman mikhuchin
(Mr 8.1-10)
32Jesustaj yachachisqasninta wajyaspa, nerqa: Sonqoy nanawan kay runasmanta, imaraykuchus kinsa p'unchaytaña noqawan kashanku, mana ima mikhunayoj. Manataj munanichu mana mikhusqasta kachapuyta, ama ñampi llauchhuyanankupaj.
33Yachachisqasnintaj nerqanku: Maymantataj, noqanchej chay chhika t'antata kay ch'impi tarisunman, tukuynin runata sajsachinapajri?
34Jesustaj taporqa: Mashkha t'antastaj tiyapusunkichejri? Paykunataj nerqanku: Qanchus t'antalla, pisi challwitaswan.
35Chaymantataj, runasta kamacherqa pampapi tiyarakunankuta. 36Qanchis t'antasta, challwastawan makimpi jap'ispa, graciasta qorqa. Partispataj yachachisqasninman jaywarqa; paykunataj runakunaman jaywarqanku. 37Tukuyninku mikhorqanku, sajsakorqankutaj. Puchoj t'antatataj, qanchis kanasta junt'ata oqharerqanku. 38Mikhojkunataj, tawa waranqa qharis karqanku; mana yupaspa warmista, nitaj wawasta. 39Runasta kacharpayaspataj, payqa boteman wicharispa, Magdala llajta chaynejman rerqa.
Currently Selected:
SAN MATEO 15: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 15
15
Imachus runata ch'ichichan
(Mr 7.1-23)
1-2Wakin fariseos, leymanta yachachejkuna ima, Jerusalenmanta jamuspa Jesusman qayllaykorqanku, taporqankutaj: Imaraykutaj yachachisqasniyki p'akinku tataspa ñaupa usunkutari? Paykunaqa makinkuta mana mayllakunkuchu mikhunankupaj.
3Jesustaj kuticherqa: Imaraykutaj qankunapis Diospa kamachiyninta p'akinkichej, qankunaj usuykichejta ruwanaykichejrayku? 4Diosqa kamacherqa: Tataykita, mamaykitawan respetanki. Pichus tatanta, chayrí mamanta maldicejqa, wañuchun. 5Qankunaqa ninkichej: Pillapis tatanta, chayrí mamanta niyta atin: Mana yanapayta atiykichu, imaraykuchus tukuy kapuwasqanta Diosmanña qopuni. 6Jinapeqa, mana tatanta, nitaj mamantapis respetanqañachu. Ajinamanta qankunaqa Diospa kamachisqanta p'akinkichej, chay ñaupa usuykichejrayku. 7Puraj uyas! Allinta Isaías qankunamanta nerqa: 8Kay runasqa simillankuwan yupaychawanku, sonqonkurí noqamanta karupi kashan. 9Qhasillata yupaychawanku. Paykunaqa Diospa yachachiyninta jina, runaspa kamachisqallanta, yachachinku.
10Runasta wajyaspataj nerqa: Uyariychej, entiendeychejtaj. 11Imachus simiman yaykojqa, mana ch'ichichanchu runataqa; simimanta llojsimojmá runataqa ch'ichichan.
12Yachachisqasnintaj qayllaykuspa nerqanku: Yachankichu, fariseos, nisqaykita uyarispa mana allimpaj jap'isqankuta?
13Jesustaj kuticherqa: Ima yurallapis, janaj pacha Tataypa mana plantasqanqa, saphinmantapacha sik'isqa kanqa. 14Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.
15Chaymanta, Jesusman Pedro nerqa: Sut'inchawayku kay rijch'anachinamanta.
16Paytaj kuticherqa: Manarajchu qankunapis entiendenkichej? 17Manachu unanchankichej, tukuy ima siminejta yaykojqa wijsaman risqanta, chaymantataj wijch'usqa kasqanta? 18Siminejta llojsejqa sonqomanta llojsimun; chaymá runataqa ch'ichichan. 19Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima. 20Kay imasmá runastaqa ch'ichichanku; mana mayllasqa makiswan mikhoyqa mana runastaqa ch'ichichanchu.
Cananea warmi Jesuspi creen
(Mr 7.24-30)
21Jesusqa jaqaymanta llojsispa, Tironejman, Sidonnejmanwan rerqa. 22Chaynejmantataj uj cananea warmi llojsimorqa, qhaparispataj Jesusmanta mañakorqa: Señor, Davidpa Churin, khuyarikuway ari! Warmi wawayta anchataña supay ñak'arichishan.
23Jesustaj mana imata kuticherqachu warmiman. Chantá yachachisqasnin Jesusman qayllaykuspa nerqanku: Kachapuy, imaraykuchus qhepanchejta qhaparispa jamushan.
24Paytaj kutichispa nerqa: Diosqa kachamuwan, Israel ayllumanta chinkasqa ovejasllaman.
25Chaywampis warmeqa, qayllaykuspa Jesusman k'umuykukorqa, nerqataj: Señor, yanaparillaway ari!
26Jesustaj kuticherqa: Mana allinchu, wawaspa t'antanta qhechuspa alqetusman qaranaqa.
27Warmitaj nerqa: Arí, Señor alqetuspis mikhullankutaj, dueñosninkoj mesanmanta, t'anta t'unas t'akakojta.
28Jesustaj payman nerqa: Warmi, feniykeqa ancha jatun. Munasqaykiman jina ruwasqa kachun.
Chaymantapacha ususenqa thañikaporqa.
Jesús thañichin ashkha onqosqasta
29Jesús jaqaymanta llojsispa, Galilea qocha cantoman rerqa; orqoman wicharispataj, chaypi tiyaykukorqa. 30Ashkha runastaj Jesusman qayllaykorqanku; pusamorqankutaj cojosta, ciegosta, opasta, ñuk'usta, waj ashkha onqosqastawan. Jesuspa ñaupaqenman churaykukojtinkutaj, paykunata thañicherqa. 31Runastaj mayta t'ukorqanku, rikuspa opasta parlajta, ñuk'usta thañejta, cojosta purirejta, ciegostataj rikojta. Paykunataj Israelpa Diosninta yupaycharqanku.
Jesús tawa waranqa qharisman mikhuchin
(Mr 8.1-10)
32Jesustaj yachachisqasninta wajyaspa, nerqa: Sonqoy nanawan kay runasmanta, imaraykuchus kinsa p'unchaytaña noqawan kashanku, mana ima mikhunayoj. Manataj munanichu mana mikhusqasta kachapuyta, ama ñampi llauchhuyanankupaj.
33Yachachisqasnintaj nerqanku: Maymantataj, noqanchej chay chhika t'antata kay ch'impi tarisunman, tukuynin runata sajsachinapajri?
34Jesustaj taporqa: Mashkha t'antastaj tiyapusunkichejri? Paykunataj nerqanku: Qanchus t'antalla, pisi challwitaswan.
35Chaymantataj, runasta kamacherqa pampapi tiyarakunankuta. 36Qanchis t'antasta, challwastawan makimpi jap'ispa, graciasta qorqa. Partispataj yachachisqasninman jaywarqa; paykunataj runakunaman jaywarqanku. 37Tukuyninku mikhorqanku, sajsakorqankutaj. Puchoj t'antatataj, qanchis kanasta junt'ata oqharerqanku. 38Mikhojkunataj, tawa waranqa qharis karqanku; mana yupaspa warmista, nitaj wawasta. 39Runasta kacharpayaspataj, payqa boteman wicharispa, Magdala llajta chaynejman rerqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.