SANTIAGO 2
2
Ama runastaqa ajllankichu may kasqankuta
1Hermanosníy, feniykichej janaj pachapi kaj Señorninchej Jesucristopi kachun; ama runasta imaynachus kasqankuta qhawaspalla. 2Qhawariychej pi runallapis yaykumunman tantakunaykichej wasiman qori anilloyoj, sumaj p'achayoj, chanta uj wajcha yaykumullanmantaj thanta p'achayoj. 3Sumaj p'achayoj runataqa allinta qhawawajchej, niwajchejtaj: Kay allinnejpi tiyakuy; wajcha kajtarí niwajchej: Qanqa jaqaynejpi sayakamuy, chayrí kay chakisniynejpi tiyakuy, nispa. 4Manachu chayta ruwaspaqa, qankunapura ajllashankichej? Manachu jueces jina kankichej sajra yuyaykunamantaqa?
5Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman? 6Qankunaqa wajchata p'enqacherqankichej, manachu qhapajkunaqa atiyninkuwan llank'achisorqachej, llakichisorqachej? Manachu paykunallataj juecespaman qhatatisorqachej? 7Manachu paykunaqa jaqay allin sutipaj sajrata rimanku? Chaykunata qankuna qhaparikorqankichej.
8Cheqamantachus junt'awajchej jatun leypa nisqanta, imaynatachus Escriturapi nin: Runa masiykita munakuy qan kikiykita jina, nispa. Chayta ruwawajchej chayqa, allinta ruwankichej. 9Runasta imaynachus kasqankuta ajllankichej chayqa, juchallinkichej. Diospa leynimpa ñaupaqempitaj juchachasqas kankichej, leyta p'akejkuna jina. 10Pillapis tukuynin leyta junt'anman, leypa ujnin kamachiynimpitaj pantanman chayqa, tukuyninmanta juchachasqa rikhurin. 11Dios nerqa: Ama qhenchachakunkichu. Nillarqataj: Ama wañuchinkichu. Kunanqa qhawariy, qan amapis qhenchachakuychu; chaywampis wañuchiwaj chayqa, leyta p'akinkiña. 12Qankunaqa ajinata parlaychej, ajinallatataj ruwaychej, imaraykuchus kacharichej leynejta juzgasqas kankichej. 13Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.
Feqa mana ruwaykunawan wañusqa
14Hermanosníy, ima walejtaj kanman sichus pipis ninman feniyoj kani, nispa. Manataj ruwasqasnin kanmanchu chayqa, atinmanchu fenillan salvayta? 15-16Sichus uj hermano, chayri hermanapis, mana p'achayoj kankuman, sapa p'unchaytaj mikhunamanta pisichikunkuman; qankunamanta ujniykichejtaj ninman: Walejlla risuchun, chirimanta q'oñikamuy, sajsakamuytaj, nispa; manataj imatapis qospa ima allintataj ruwanqa? 17Ajina ari fewanqa. Pichus mana rikuchinmanchu ruwasqasninta chayqa, feqa wañusqa pay kikimpi.
18Chaywampis pipis ninman: Qan feniyoj kanki, noqajtataj ruwasqasniy kapuwan. Rikuchiway feniykita mana ruwasqaswan, noqataj rikuchisqayki feniyta ruwasqasniywan. 19Qan creenki chayqa Diosqa ujlla kasqanta, allinta ruwanki. Jinallatataj supaykunapis creenkoqa, kharkatitinkutaj. 20Mana yuyayniyoj runa, munankichu yachayta feqa mana ima ruwayniyoj wañusqa kasqanta? 21Manachu Abraham tatanchejqa cheqan runa jina rejsisqa karqa ruwasqasninrayku, maypachachus wawan Isaacta jaywarqa altar patapi, chaypacha? 22Rikunki jina, Abrahampa fenenqa ruwasqanwan khuska rikuchikorqa. Chaywantaj fenin junt'asqa karqa. 23Ajinapi junt'akorqa Escrituraj nisqan: Abraham creerqa Diospi. Chayraykutaj cheqan runapaj qhawasqa karqa, Diospa kausaqen nisqataj karqa.
24Rikusqaykichej jina, runaqa cheqampaj qhawasqa kanqa ruwasqasninrayku, mana feraykullachu. 25Ajinallatataj, manachu Rahab qhenchachakoj warmipis cheqampaj qhawasqa karqa allinta ruwasqanrayku, kachasta wasinman wajyarisqanrayku, yanapasqanraykutaj waj ñannejta ripunankupaj? 26Imaynatachus cuerpoqa mana espirituyoj wañusqa kashan, ajinallatataj fepis mana ima ruwasqasniyojqa wañusqa kashan.
Currently Selected:
SANTIAGO 2: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SANTIAGO 2
2
Ama runastaqa ajllankichu may kasqankuta
1Hermanosníy, feniykichej janaj pachapi kaj Señorninchej Jesucristopi kachun; ama runasta imaynachus kasqankuta qhawaspalla. 2Qhawariychej pi runallapis yaykumunman tantakunaykichej wasiman qori anilloyoj, sumaj p'achayoj, chanta uj wajcha yaykumullanmantaj thanta p'achayoj. 3Sumaj p'achayoj runataqa allinta qhawawajchej, niwajchejtaj: Kay allinnejpi tiyakuy; wajcha kajtarí niwajchej: Qanqa jaqaynejpi sayakamuy, chayrí kay chakisniynejpi tiyakuy, nispa. 4Manachu chayta ruwaspaqa, qankunapura ajllashankichej? Manachu jueces jina kankichej sajra yuyaykunamantaqa?
5Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman? 6Qankunaqa wajchata p'enqacherqankichej, manachu qhapajkunaqa atiyninkuwan llank'achisorqachej, llakichisorqachej? Manachu paykunallataj juecespaman qhatatisorqachej? 7Manachu paykunaqa jaqay allin sutipaj sajrata rimanku? Chaykunata qankuna qhaparikorqankichej.
8Cheqamantachus junt'awajchej jatun leypa nisqanta, imaynatachus Escriturapi nin: Runa masiykita munakuy qan kikiykita jina, nispa. Chayta ruwawajchej chayqa, allinta ruwankichej. 9Runasta imaynachus kasqankuta ajllankichej chayqa, juchallinkichej. Diospa leynimpa ñaupaqempitaj juchachasqas kankichej, leyta p'akejkuna jina. 10Pillapis tukuynin leyta junt'anman, leypa ujnin kamachiynimpitaj pantanman chayqa, tukuyninmanta juchachasqa rikhurin. 11Dios nerqa: Ama qhenchachakunkichu. Nillarqataj: Ama wañuchinkichu. Kunanqa qhawariy, qan amapis qhenchachakuychu; chaywampis wañuchiwaj chayqa, leyta p'akinkiña. 12Qankunaqa ajinata parlaychej, ajinallatataj ruwaychej, imaraykuchus kacharichej leynejta juzgasqas kankichej. 13Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.
Feqa mana ruwaykunawan wañusqa
14Hermanosníy, ima walejtaj kanman sichus pipis ninman feniyoj kani, nispa. Manataj ruwasqasnin kanmanchu chayqa, atinmanchu fenillan salvayta? 15-16Sichus uj hermano, chayri hermanapis, mana p'achayoj kankuman, sapa p'unchaytaj mikhunamanta pisichikunkuman; qankunamanta ujniykichejtaj ninman: Walejlla risuchun, chirimanta q'oñikamuy, sajsakamuytaj, nispa; manataj imatapis qospa ima allintataj ruwanqa? 17Ajina ari fewanqa. Pichus mana rikuchinmanchu ruwasqasninta chayqa, feqa wañusqa pay kikimpi.
18Chaywampis pipis ninman: Qan feniyoj kanki, noqajtataj ruwasqasniy kapuwan. Rikuchiway feniykita mana ruwasqaswan, noqataj rikuchisqayki feniyta ruwasqasniywan. 19Qan creenki chayqa Diosqa ujlla kasqanta, allinta ruwanki. Jinallatataj supaykunapis creenkoqa, kharkatitinkutaj. 20Mana yuyayniyoj runa, munankichu yachayta feqa mana ima ruwayniyoj wañusqa kasqanta? 21Manachu Abraham tatanchejqa cheqan runa jina rejsisqa karqa ruwasqasninrayku, maypachachus wawan Isaacta jaywarqa altar patapi, chaypacha? 22Rikunki jina, Abrahampa fenenqa ruwasqanwan khuska rikuchikorqa. Chaywantaj fenin junt'asqa karqa. 23Ajinapi junt'akorqa Escrituraj nisqan: Abraham creerqa Diospi. Chayraykutaj cheqan runapaj qhawasqa karqa, Diospa kausaqen nisqataj karqa.
24Rikusqaykichej jina, runaqa cheqampaj qhawasqa kanqa ruwasqasninrayku, mana feraykullachu. 25Ajinallatataj, manachu Rahab qhenchachakoj warmipis cheqampaj qhawasqa karqa allinta ruwasqanrayku, kachasta wasinman wajyarisqanrayku, yanapasqanraykutaj waj ñannejta ripunankupaj? 26Imaynatachus cuerpoqa mana espirituyoj wañusqa kashan, ajinallatataj fepis mana ima ruwasqasniyojqa wañusqa kashan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.