SANTIAGO 1
1
Santiagoj napaykuynin
1Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.
Yachayqa Diosmanta jamun
2Hermanosníy, qankunaqa may sonqo junt'asqa kaychej, imaymana llakiykuna jamusojtiykichej. 3Creesqaykichejpi pruebaman churasqas kaspaqa, pacienciata tarinkichej. 4Chay pacienciataj sumaj wiñasqa kachun, tukuy imapi junt'asqas, allinchasqastaj kanaykichejpaj; ajinapi ni ima pisisonqachejchu.
5Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa. 6Mañakuchun fewan, ama imapi iskayrayaspa, imaraykuchus iskayrayajqa rijch'akun mar qochapi yaku qhollchoqeyajman, wayraj kayman jaqayman apaykachasqanman. 7Pichus ajinata ruwajqa, ama yuyachunchu imatapis Señormanta jap'inanta. 8Chay jina iskay yuyayniyoj runaqa, tukuy ñankunasnimpi mana sayayta atinchu.
9Mana allimpaj qhawasqa hermanoqa, kusikuchun jatunchasqa kasqanmanta. 10Qhapajrí kusikuchin k'umuykukuynimpi; imaraykuchus qhapajqa qhora t'ika jina t'akakaponqa. 11Inti llojsimuspa sinch'ita ruphajtin, qhora ch'akipun, t'ikantaj urmapun, k'acha rijch'aynimpis chinkapun; ajinallatataj qhapajpis chinkaponqa tukuy ima ruwasqasnimpi.
Tentaciones
12Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman. 13Mayqellampis tentasqa kaspa, ama nichunchu Diosmanta tentasqa kasqanta, imaraykuchus Diosqa sajrawan mana tentasqa kayta atinchu, nitaj payqa pitapis tentanchu. 14Astawanqa sapa uj tentasqa, maypachachus sajra munaynin payta pusan sonqonta suwaspa; chaypacha aysachikun, atipachikuntaj. 15Kay sajra munaykunamanta jamun juchaqa; jucha junt'akojtintaj wañuy jamun.
16Munasqa hermanosníy, ama pantaychejchu. 17Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu. 18Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.
Diospa palabranta junt'ajkuna
19Chayrayku, munakusqa hermanosníy, sapa ujniykichej usqhayta uyariychej, pisita parlaychej, amataj usqhayta phiñakuychejchu. 20Runaj phiñakuynenqa mana Diospa cheqan kayninman jinachu ruwan. 21Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.
22Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej. 23Pichus Diospa palabranta uyarispa mana kasunchu chayqa, rijch'akun espejopi uyanta qhawarikoj runaman. 24Chay runaqa uyanta qhawarikuspa usqhayta ripun. Chaymanta qonqapun imaynachus uyan kasqanta. 25Pichus allinta qhawakun chayqa allinchasqa, kacharichej leypitaj sayaykun; manataj uyarisqanta qonqapojllachu kaspa, leypa kamachisqanta junt'an chayqa, chay runaqa kusikuyniyojmin ruwasqampi.
26Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj. 27Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.
Currently Selected:
SANTIAGO 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SANTIAGO 1
1
Santiagoj napaykuynin
1Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.
Yachayqa Diosmanta jamun
2Hermanosníy, qankunaqa may sonqo junt'asqa kaychej, imaymana llakiykuna jamusojtiykichej. 3Creesqaykichejpi pruebaman churasqas kaspaqa, pacienciata tarinkichej. 4Chay pacienciataj sumaj wiñasqa kachun, tukuy imapi junt'asqas, allinchasqastaj kanaykichejpaj; ajinapi ni ima pisisonqachejchu.
5Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa. 6Mañakuchun fewan, ama imapi iskayrayaspa, imaraykuchus iskayrayajqa rijch'akun mar qochapi yaku qhollchoqeyajman, wayraj kayman jaqayman apaykachasqanman. 7Pichus ajinata ruwajqa, ama yuyachunchu imatapis Señormanta jap'inanta. 8Chay jina iskay yuyayniyoj runaqa, tukuy ñankunasnimpi mana sayayta atinchu.
9Mana allimpaj qhawasqa hermanoqa, kusikuchun jatunchasqa kasqanmanta. 10Qhapajrí kusikuchin k'umuykukuynimpi; imaraykuchus qhapajqa qhora t'ika jina t'akakaponqa. 11Inti llojsimuspa sinch'ita ruphajtin, qhora ch'akipun, t'ikantaj urmapun, k'acha rijch'aynimpis chinkapun; ajinallatataj qhapajpis chinkaponqa tukuy ima ruwasqasnimpi.
Tentaciones
12Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman. 13Mayqellampis tentasqa kaspa, ama nichunchu Diosmanta tentasqa kasqanta, imaraykuchus Diosqa sajrawan mana tentasqa kayta atinchu, nitaj payqa pitapis tentanchu. 14Astawanqa sapa uj tentasqa, maypachachus sajra munaynin payta pusan sonqonta suwaspa; chaypacha aysachikun, atipachikuntaj. 15Kay sajra munaykunamanta jamun juchaqa; jucha junt'akojtintaj wañuy jamun.
16Munasqa hermanosníy, ama pantaychejchu. 17Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu. 18Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.
Diospa palabranta junt'ajkuna
19Chayrayku, munakusqa hermanosníy, sapa ujniykichej usqhayta uyariychej, pisita parlaychej, amataj usqhayta phiñakuychejchu. 20Runaj phiñakuynenqa mana Diospa cheqan kayninman jinachu ruwan. 21Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.
22Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej. 23Pichus Diospa palabranta uyarispa mana kasunchu chayqa, rijch'akun espejopi uyanta qhawarikoj runaman. 24Chay runaqa uyanta qhawarikuspa usqhayta ripun. Chaymanta qonqapun imaynachus uyan kasqanta. 25Pichus allinta qhawakun chayqa allinchasqa, kacharichej leypitaj sayaykun; manataj uyarisqanta qonqapojllachu kaspa, leypa kamachisqanta junt'an chayqa, chay runaqa kusikuyniyojmin ruwasqampi.
26Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj. 27Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.