BARUC 5
5
1Jerusalén, lluch'ukullayña llakikuy p'achaykita. Fiesta p'achata churakuy. Churakuytaj Dios qosunki chay k'anchayta.
2Diospa atipayninwan qhatakuy. Umaykiman churakuy wiñay kausajpa kusikuy pillunta.
3Diosqa tukuynejpi rikuchenqa lliphipiyniykita.
4Diosqa uj wiñay sutita qosonqa. Chay suteqa kaymin: Cheqan kajta ruwajman allin kay kachun. Diosta sirvejpaj kusikuy kanqa.
5Jatariy, Jerusalén. Pataman wichariy. Inti llojsimuy ladomantawan, inti yaykuy ladomantawan wawasniyki jamonqanku. Inti llojsimuy ladota rikuspa, rikunki paykuna jamushajta. Paykunataqa Dios tantaykamorqa. Kusisqas kanku yachasqankurayku Diosninchej paykunamanta yuyarikusqanta.
6Qanmanta karunchakushajtinku, chakillapi risharqanku, enemigosninkuwan pusachikuspa. Diosqa kutirichipusonqa k'anchayniykita, imaynatachus reyes tiyanasninkupi kashanku, ajinata.
7Diosqa nerqa pampachasqas kanankuta pata orqos, mana tukukoj lomaspis. Nillarqataj wayq'os junt'achisqas kanankuta. Chantapis, nillarqataj kay pachaqa pampaman tukunanta, Israel runas allinllamanta pasanankupaj, Diospa atiyninwan pusachikuspa.
8Chantapis, Diosqa nillarqataj tukuy q'apayniyoj sach'as israelitasta llanthumunankuta.
9Payqa Israel runasta kusikuywan pusanqa, k'anchayninwan k'anchachispa. Chaymantataj, Israel aylluman rikuchenqa munakuyninta cheqan kaynintataj.
Jeremiaspa cartan
Jeremiasqa kay cartata apachimorqa israelitasman, pikunachus Babilonia rey apakapunan karqa presochasqasta llajtanman, chaykunaman. Chay cartampi Jeremiasqa willasqa imatachus Dios payman nerqa chayta.
Currently Selected:
BARUC 5: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.