BARUC 3
3
1Tukuy Atiyniyoj Señor, Israelpa Diosnin, qhapariyki llakisqa sonqoywan, pampaman k'umuykusqa. 2Uyariwayku, Señor, khuyakuwaykutaj. Noqaykoqa ñaupaqeykipi juchallikorqayku. 3Qanqa wiñaypaj tiyanaykipi tiyakunki. Noqaykurí wañuy patapipuni kashayku. 4Tukuy Atiyniyoj Señor, Israelpa Diosnin, uyariy mañakususqankuta israelitas, wañuy patapiña kajkuna. Noqayku chay israelitaspa wawasninku kayku. Paykunaqa contraykipi juchallikorqanku, mana kasususpa, qanta Señor Diosninkuta. Chayrayku, kay llakiy k'askaykuwayku. 5Ama yuyarikuychu ñaupa tatasniykoj juchasninkumanta. Kunanqa yuyarikuy atiyniykimanta sutiykimantataj. 6Arí, qan kanki Señor Diosniyku. Noqaykoqa qanta yupaychayta munayku, Señor. 7Munayniykirayku sonqosniyku qanman k'askasqaspuni kashanku, Señor, qanman qhaparikunaykupaj. Kunan, karu llajtapi kashaspa, qanta yupaychayku. Sonqosniykupi mana kanñachu ñaupa tatasniykoj juchanku, contraykipi juchallikorqanku chaykunajta. 8Kashaykuraj kay karu llajtapi, maypichus qan ch'eqerachiwarqayku chaypi. Qhesachasqas kayku. Maldicisqas kayku. Ñaupa tatasniykoj juchasninkumanta castigasqas kayku. Paykunaqa qanmanta karunchakorqanku. Señor Diosniyku.
Israelqa, yachayniyoj ayllu
9Uyariy, Israel, imatachus nisqayki kausanaykipaj. Sonqoykiwan uyariy, yachayniyoj kayman chayanaykipaj.
10Israel, imaraykutaj enemigo naciompi kashankiri? Imaraykutaj ajeno llajtapi machuyashankiri?
11Imarayku ch'ichichakushanki ayas qayllapi, wañuyman rejkunawan khuska?
12Noqa nisqayki: Chayta ruwarqanki yachay juturimanta karunchakusqaykirayku.
13Jap'iwajchus ñanta, Señor rikuchisorqa chayta, wiñaypaj sonqo tiyasqa kausakuwaj.
14Kunan, yachay ari maypichus yachay, maypichus kallpa. Yachallaytaj maypichus kashan unanchakuy. Chayta yachaspa yachanki maypichus mana tukukoj kausay, yachallankitaj maypichus kashan ñawispaj k'anchay, sonqo tiyasqa kaytaj.
15Maypitaj chay yachayta tariwajri? Imaynamantataj waqaychananman yaykuwajri?
16Maypitaj kashanku nacionesta kamachejkuna? Maypitaj kashanku fiero animalkunata atipajkunari?
17Maypi kashanku cielo p'isqoswan phujllajkunari? Chantaqa, maypitaj kashanku qolqetawan qoritawan tantakamojkuna, runas munakunku chaykunata? Maypitaj kashankuri chay runas pikunachus manapuni sayk'ojchu kanku qolqetawan qoritawan tantasqankumanta?
18Maypitaj kashankuri qolqe imasta ruwajkuna, mana kashankuña chaykunamanta?
19Chinkankupacha. Wañuy ukhuman yaykorqanku. Cuentankumanta waj runas rikhurimunku.
20Paykunamanta aswan waynas jamunku kausankutaj kay pachapi. Chaykunapis mana rejsinkuchu yachayman pusaj ñanta.
21Paykuna mana yacharqankuchu mayninta chayayta yachaymanqa. Wawasninkupis yachaymantaqa mana dakorqankuchu. Chayrayku, yachayman pusaj ñanmanta karupi qhepakorqanku.
22Canaampi yachaymanta mana parlayta uyarerqankuchu. Temampipis yachayta mana rikorqankuchu.
23Yachayman pusaj ñanta, chantapis chay ñanman pusaj cheqanchanasta, mana rikorqankuchu Agarpa wawasnin, kay pachapi unanchakuyta mask'ajkuna. Ajinallataj, nitaj rikorqankupischu Madián llajtayoj qhatukojkuna. Temá llajtayoj qhatukojkuna ima. Chaymantataj, mana rejserqankuchu willanasta ruwajkunapis, unanchakojkunapis.
24Israel, may jatunmin Diospa wasin, maypichus tiyakun chay cheqapis.
25Diospa wasenqa jatun, mana lindesniyojchu. Manataj yachakunchu maypichus tukukun.
26Chaymanta kanku chay jatuchaj ñaupa runas, maqanakupi wapu wapus.
27Mana chaykunatachus Dios ajllakorqa yachayman pusaj ñanta rikuchinampaj.
28Paykunaqa wañunku mana umayoj kasqankurayku. T'ojpikusqankurayku wañunku.
29Pitaj janaj pachaman wicharerqari yachayta jap'ej? Pitaj yachaytaqa phuyusmanta uraykuchimorqari?
30Pitaj jatun qochanta rerqari taripaj? Pitaj atinman yachayta apamuyta qoriwan cambiaspa?
31Mana ni pi rikunchu yachayman pusaj ñantaqa. Mana ni pi yuyanchu mayninta ripun yachayman.
32Tukuy imata yachajqa yachayta rejsin. Payqa unanchakuyninwan jap'iykorqa. Payqa ari kay pachata wakicherqa wiñaypaj, chayman animalkunata churaspa.
33Sichus pay ninman: K'anchay kachun, nispa, k'anchayqa rikhurimun. Sichus pay, k'anchaytaqa: Jamuy, nispa ninman, k'anchayqa kasukunman.
34Qoyllurkuna lliphipinku jark'anasninkupi kusikuywan.
35Pay, jamuychej, niytawanqa, paykuna: Kaypi kashayku, nispa ninku. Ajina, kusikuywan lliphipinku ruwaj Diospaj.
36Chaymin Diosninchej. Mana waj dioskuna paywan ninakunkumanchu.
37Payqa tarerqa tukuy yachayman pusaj ñankunata. Payqa yachayta qorqa kamachin Jacobman, munakusqan Israel ayllumampis. 38Chaymantataj, yachay rikhurimorqa kay pachapi, kausarqataj runas ukhupi.
Currently Selected:
BARUC 3: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
BARUC 3
3
1Tukuy Atiyniyoj Señor, Israelpa Diosnin, qhapariyki llakisqa sonqoywan, pampaman k'umuykusqa. 2Uyariwayku, Señor, khuyakuwaykutaj. Noqaykoqa ñaupaqeykipi juchallikorqayku. 3Qanqa wiñaypaj tiyanaykipi tiyakunki. Noqaykurí wañuy patapipuni kashayku. 4Tukuy Atiyniyoj Señor, Israelpa Diosnin, uyariy mañakususqankuta israelitas, wañuy patapiña kajkuna. Noqayku chay israelitaspa wawasninku kayku. Paykunaqa contraykipi juchallikorqanku, mana kasususpa, qanta Señor Diosninkuta. Chayrayku, kay llakiy k'askaykuwayku. 5Ama yuyarikuychu ñaupa tatasniykoj juchasninkumanta. Kunanqa yuyarikuy atiyniykimanta sutiykimantataj. 6Arí, qan kanki Señor Diosniyku. Noqaykoqa qanta yupaychayta munayku, Señor. 7Munayniykirayku sonqosniyku qanman k'askasqaspuni kashanku, Señor, qanman qhaparikunaykupaj. Kunan, karu llajtapi kashaspa, qanta yupaychayku. Sonqosniykupi mana kanñachu ñaupa tatasniykoj juchanku, contraykipi juchallikorqanku chaykunajta. 8Kashaykuraj kay karu llajtapi, maypichus qan ch'eqerachiwarqayku chaypi. Qhesachasqas kayku. Maldicisqas kayku. Ñaupa tatasniykoj juchasninkumanta castigasqas kayku. Paykunaqa qanmanta karunchakorqanku. Señor Diosniyku.
Israelqa, yachayniyoj ayllu
9Uyariy, Israel, imatachus nisqayki kausanaykipaj. Sonqoykiwan uyariy, yachayniyoj kayman chayanaykipaj.
10Israel, imaraykutaj enemigo naciompi kashankiri? Imaraykutaj ajeno llajtapi machuyashankiri?
11Imarayku ch'ichichakushanki ayas qayllapi, wañuyman rejkunawan khuska?
12Noqa nisqayki: Chayta ruwarqanki yachay juturimanta karunchakusqaykirayku.
13Jap'iwajchus ñanta, Señor rikuchisorqa chayta, wiñaypaj sonqo tiyasqa kausakuwaj.
14Kunan, yachay ari maypichus yachay, maypichus kallpa. Yachallaytaj maypichus kashan unanchakuy. Chayta yachaspa yachanki maypichus mana tukukoj kausay, yachallankitaj maypichus kashan ñawispaj k'anchay, sonqo tiyasqa kaytaj.
15Maypitaj chay yachayta tariwajri? Imaynamantataj waqaychananman yaykuwajri?
16Maypitaj kashanku nacionesta kamachejkuna? Maypitaj kashanku fiero animalkunata atipajkunari?
17Maypi kashanku cielo p'isqoswan phujllajkunari? Chantaqa, maypitaj kashanku qolqetawan qoritawan tantakamojkuna, runas munakunku chaykunata? Maypitaj kashankuri chay runas pikunachus manapuni sayk'ojchu kanku qolqetawan qoritawan tantasqankumanta?
18Maypitaj kashankuri qolqe imasta ruwajkuna, mana kashankuña chaykunamanta?
19Chinkankupacha. Wañuy ukhuman yaykorqanku. Cuentankumanta waj runas rikhurimunku.
20Paykunamanta aswan waynas jamunku kausankutaj kay pachapi. Chaykunapis mana rejsinkuchu yachayman pusaj ñanta.
21Paykuna mana yacharqankuchu mayninta chayayta yachaymanqa. Wawasninkupis yachaymantaqa mana dakorqankuchu. Chayrayku, yachayman pusaj ñanmanta karupi qhepakorqanku.
22Canaampi yachaymanta mana parlayta uyarerqankuchu. Temampipis yachayta mana rikorqankuchu.
23Yachayman pusaj ñanta, chantapis chay ñanman pusaj cheqanchanasta, mana rikorqankuchu Agarpa wawasnin, kay pachapi unanchakuyta mask'ajkuna. Ajinallataj, nitaj rikorqankupischu Madián llajtayoj qhatukojkuna. Temá llajtayoj qhatukojkuna ima. Chaymantataj, mana rejserqankuchu willanasta ruwajkunapis, unanchakojkunapis.
24Israel, may jatunmin Diospa wasin, maypichus tiyakun chay cheqapis.
25Diospa wasenqa jatun, mana lindesniyojchu. Manataj yachakunchu maypichus tukukun.
26Chaymanta kanku chay jatuchaj ñaupa runas, maqanakupi wapu wapus.
27Mana chaykunatachus Dios ajllakorqa yachayman pusaj ñanta rikuchinampaj.
28Paykunaqa wañunku mana umayoj kasqankurayku. T'ojpikusqankurayku wañunku.
29Pitaj janaj pachaman wicharerqari yachayta jap'ej? Pitaj yachaytaqa phuyusmanta uraykuchimorqari?
30Pitaj jatun qochanta rerqari taripaj? Pitaj atinman yachayta apamuyta qoriwan cambiaspa?
31Mana ni pi rikunchu yachayman pusaj ñantaqa. Mana ni pi yuyanchu mayninta ripun yachayman.
32Tukuy imata yachajqa yachayta rejsin. Payqa unanchakuyninwan jap'iykorqa. Payqa ari kay pachata wakicherqa wiñaypaj, chayman animalkunata churaspa.
33Sichus pay ninman: K'anchay kachun, nispa, k'anchayqa rikhurimun. Sichus pay, k'anchaytaqa: Jamuy, nispa ninman, k'anchayqa kasukunman.
34Qoyllurkuna lliphipinku jark'anasninkupi kusikuywan.
35Pay, jamuychej, niytawanqa, paykuna: Kaypi kashayku, nispa ninku. Ajina, kusikuywan lliphipinku ruwaj Diospaj.
36Chaymin Diosninchej. Mana waj dioskuna paywan ninakunkumanchu.
37Payqa tarerqa tukuy yachayman pusaj ñankunata. Payqa yachayta qorqa kamachin Jacobman, munakusqan Israel ayllumampis. 38Chaymantataj, yachay rikhurimorqa kay pachapi, kausarqataj runas ukhupi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.