2 MACABEOS 7
7
Rey wañuchin uj warmita qanchis wawasnintinta
1Chaymanta, presochasqanku uj warmita, qanchis qhari wawasninta ima. Reytaj nisqa paykunataqa khuchi aychata mikhuchinankutapuni. Judiosqa, Diospa leyninman jina, mana atinkuchu khuchi aychata mikhuyta. Rey nisqa paykunata jasut'inankuta chicoteswan waka ankuswan ima, khuchi aychata mikhuchinankupaj. 2Chay waynasmantaqa ujnin, tukuyninkoj sutinkupi reyta nisqa: Imatataj tapuyta munanki? Imatataj yachayta munanki noqaykumanta?, nispa. Nillasqataj: Noqaykoqa ñaupa tatasniykoj kamachisqasninkuta junt'asqaykupuni. Chay leyta p'akiymantaqa, wañuyman rinaykupaj wakichisqas kayku, nispa. 3Chayta uyariytawan reyqa mayta phiñaykukusqa. Nisqataj kamachisninman ninaman churanankuta mankastawan paylastawan. 4Mankaspis paylaspis ruphaña kajtin, rey kamachisqa chay waynaj qallunta sik'irparimunankuta. Chantá, nisqa chujchasninta, uma qarantinta lluch'unankuta. Chantataj, makisninta chakisninta qholurparichisqa. Tukuy chaytaqa, mamantapis wauqesnintapis qhawacherqanku. 5-6Q'alla mut'uña kaspapis, samaynin karqaraj. Chaymantataj, reyqa kamachisninman nisqa chay waynata ninaman apanankuta kankasqa kanampaj. Q'osñi wasaykamushajtin, chay waynas mamankuwan khuska kallpata qokushasqanku paykunapura kay jinata nispa: Señor Diosninchej qhawawashanchej. Pay khuyakuwanchej. Chayta nerqa ari Moisés takiynimpi kay jinata: Paymin kamachisninmanta khuyakonqa, nispa.
7Ñaupaj kajta wañuchisqankumanta, iskay kajtañataj pusarqanku wañuchej. Uma qaranta lluch'uykullasqankutaj. Chayta ruwaspataj nisqanku: Mana mikhuyta munanki chayqa, pisimanta pisi ñak'asusqayku. Kunanqa, khuchi aychata mikhunkichu?, nispa nisqanku. 8Chay waynataj, kikin paypa parlaynimpi parlaspa kutichikusqa: Manapuni. Chayta nisqanrayku, paytapis ñak'arichisqanku. 9Wañupunaya shajtinña, reyta nisqa: Runa wañuchi! Qanqa kay pacha kausayllata qhechupuwayku. Kay mundoj reynintaj qowasqayku mana tukukoj kausayta, kamachisqasninrayku wañusqaykumanta, nispa.
10Chaymantataj, kinsa kajta wañuchisqanku. Payta ninku qallunta orqhonanta. Qhajpacha sik'imusqa qallunta, makisnintapis jaywallasqa. 11Chantaqa nisqa jatun sonqo: Tukuy kaytaqa Dios qowarqa. Paypa kamachisqasninta munakusqayrayku qankuna k'utupuwankichej. Diosniy qopullawanqataj, nispa. 12Chayta uyarispa, reypis kamachisnimpis t'ukusqanku chay jina sinch'ita sayasqanmanta nanayta qhesachaspa. 13Pay wañupojtin, chaymanta tawa kajta kikillantataj ñak'aricharqanku. 14Wañupushajtintaj pay nerqa: Wañullasaj runaspa makisnimpi suyaspa Diosqa kausarichinawanta, nisqanman jina. Qanrí, mana watejmanta kausankichu, nispa.
15Chantaqa, phishqa kajta pusamuspa, paytapis ñak'arichillarqankutaj. 16Chay waynaqa, reyta qhawaykuspa nerqa: Wañoj runa kaspapis, qanqa imatachus munanki ruwallanki, atiyniyoj kasqaykirayku runas ukhupi. Jinapis, ama yuyaychu Diosqa aylluykuta saqerparisqanta. 17Rikullanki imaynatachus Diosqa jatun atiyninwan qantapis wawasniykitapis llakichisonqachej.
18Chaymantataj, sojta kajta pusamusqanku. Paytaj, wañuy patapiña kashaspa nisqa: Pajtataj, noqaykoqa ñak'arisqayku imaraykuchus Diosniykoj ñaupaqempi juchallikorqayku. Chayrayku, kay jina t'ukunas chayamuwayku. 19Ama yuyaychu ñak'ariymanta ayqeyta atisqaykita. Qanqa Dioswan maqanakoj sayarqanki, nispa.
20Chay waynaspa mamankumantaqa mayta t'ukuspa yuyarikunanchejpuni tiyan. Chay warmeqa ujllapi rikun qanchis wawasninta wañuchisqasta. Paymin sinch'ita sayarqa, sonqon Diospi kasqanrayku. 21-22Chay warmeqa sapa ujman sonqochaj, kikin parlayinkupi parlaspa. Chay k'acha sonqo warmi, mama kayninman qhari kallpata yapaykorqa. Wawasninmantaj kay jinata parlarqa: Noqaqa mana yachanichu imaynamantachus wijsaypi rikhurimorqankichej. Mana noqachu qorqaykichej samayta kausaytataj. Mana noqachu ukhuykichejpa sapa partasninta cheqampi churarqani. 23Kay mundota ruwajqa runata ruwarqa nacekusqampi. Paymin, khuyakuspa, samayta kausaytataj qopullasonqachejtaj. Qankunaqa, mana qankunallapichu yuyashankichej, manachayqa Diospa kamachisqasnimpi.
24Antiocotaj yuyashasqa chay warmi paymanta asirikushasqanta. Sullk'a wawaqa kausakushallarqaraj. Reyqa juraspa nisqa chay waynamanqa, qhapajyananta, kusisqa runaman tukuchinantataj, sichus karunchakunman chayqa tatasnimpa kamachisqasninmanta. Nisqataj reypa amigon kananta, may patapi churasqa kanantataj. 25Waynataj manapuni reyta uyarisqachu. Chaymantataj reyqa chay waynaj mamanta wajyachimusqa, nisqataj wawanta parlaykurinanta salvasqa kanampaj. 26Anchatapuni rey parlasqanraykutaj, chay waynaj mamanqa risqa wawanwan parlaj. 27Asirikuspataj chay rumi sonqo reymanta, wawanman k'umuykukuspa, kay jinata nisqa kikin parlayninkupi:
Wawáy, khuyakuwan. Noqaqa wijsaypi aparqayki isq'on killata. Ñuñucherqaykitaj kinsa watata. Noqaqa uywarqayki qhawarqaykitaj kunankama. 28Wawáy, qhaway janaj pachatawan kay pachatawan, tukuy ima chaypi kajtawantaj. Chayta rikuspa unanchanki Diosninchejqa tukuy imata mana kajllamanta ruwasqanta. Ajinallataj, Diosninchej runastapis ruwarqa. 29Ama manchachikuychu kay runa wañuchimanta. Manachayqa, wauqesniykej qhepampi purillay wañuyman. Ajinamanta, Diospa khuyakuynin chayamojtin, noqaqa qanta tarisqayki wauqesniykiwan khuska, nispa.
30Maman parlashajtillanraj, chay waynaqa nisqa: Imatataj suyashankichejri? Noqaqa kasukuni imatachus Dios ñaupa tatasniykuman Moisesnejta kamacherqa chayllata. 31Rey, qanqa tukuy ima llakiyta apachimunki hebreospa patankuman. Manapuni ayqenkichu Diospa makinmanta. 32Noqaykoqa juchasniykurayku ñak'arishayku. 33Kausaj Diosniyku kunanqa phiñasqa kashan noqaykuwan castiganawaykupaj cheqanyachinawaykupajtaj. Jinapis, watejmanta kamachisninwan allinyakapullanqataj. 34Qan, mana creej, tukuy runasmanta aswan sajra, ama qhasillamanta wapuyaychu, amataj qhasi mana kajta suyaychu. Ama makiykita oqhariychu Diospa wawasnimpa contrampi. 35Mana ayqenkirajchu Diospa makinmanta. Paymin tukuy atiyniyoj, tukuy imatataj rikun. 36Wauqesniy tukukoj ñak'ariywan wañorqanku. Kunantaj, mana tukukoj kausayniyojña kanku, Diospa nisqanman jina. Qantarí, Dios ñak'arichisonqa wapu kayniykiman jina. 37Noqarí, wauqesniy jina, kay kausayniyta qollani tatasniykoj kamachisqasninta junt'aspa. Diosmanta mañakuni ayllunmanta khuyakunanta. Mañakullanitaj pataykiman apachimunanta nanaykunatawan llakiykunatawan, ninaykikama paylla Dios kasqanta. 38Tukuy atiyniyojpa phiñakuynin, maychus kajman jina urmamorqa aylluykoj patanman. Kunanqa, qhapaypitaj, wauqesniypa qhapankupitaj, chay phiñakuynenqa thasnukapullachunña, nispa. 39Reytaj, chayta uyarispa anchatapuni phiñakorqa, chay waynata ñak'aricherqataj wajkunamanta astawan, p'enqachisqanrayku. 40Ajinamanta, chay waynapis llimphu sonqolla wañuyman rerqa, sonqonta Señorpi churaspa. 41Tukuy wawasnimpa qhepankupitaj, mamankupis wañullarqataj. 42Kayllata niyta munarqaykichej mana llimphu mikhuna rikuchikusmanta chay jina millay ñak'arinasmantawan.
Currently Selected:
2 MACABEOS 7: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
2 MACABEOS 7
7
Rey wañuchin uj warmita qanchis wawasnintinta
1Chaymanta, presochasqanku uj warmita, qanchis qhari wawasninta ima. Reytaj nisqa paykunataqa khuchi aychata mikhuchinankutapuni. Judiosqa, Diospa leyninman jina, mana atinkuchu khuchi aychata mikhuyta. Rey nisqa paykunata jasut'inankuta chicoteswan waka ankuswan ima, khuchi aychata mikhuchinankupaj. 2Chay waynasmantaqa ujnin, tukuyninkoj sutinkupi reyta nisqa: Imatataj tapuyta munanki? Imatataj yachayta munanki noqaykumanta?, nispa. Nillasqataj: Noqaykoqa ñaupa tatasniykoj kamachisqasninkuta junt'asqaykupuni. Chay leyta p'akiymantaqa, wañuyman rinaykupaj wakichisqas kayku, nispa. 3Chayta uyariytawan reyqa mayta phiñaykukusqa. Nisqataj kamachisninman ninaman churanankuta mankastawan paylastawan. 4Mankaspis paylaspis ruphaña kajtin, rey kamachisqa chay waynaj qallunta sik'irparimunankuta. Chantá, nisqa chujchasninta, uma qarantinta lluch'unankuta. Chantataj, makisninta chakisninta qholurparichisqa. Tukuy chaytaqa, mamantapis wauqesnintapis qhawacherqanku. 5-6Q'alla mut'uña kaspapis, samaynin karqaraj. Chaymantataj, reyqa kamachisninman nisqa chay waynata ninaman apanankuta kankasqa kanampaj. Q'osñi wasaykamushajtin, chay waynas mamankuwan khuska kallpata qokushasqanku paykunapura kay jinata nispa: Señor Diosninchej qhawawashanchej. Pay khuyakuwanchej. Chayta nerqa ari Moisés takiynimpi kay jinata: Paymin kamachisninmanta khuyakonqa, nispa.
7Ñaupaj kajta wañuchisqankumanta, iskay kajtañataj pusarqanku wañuchej. Uma qaranta lluch'uykullasqankutaj. Chayta ruwaspataj nisqanku: Mana mikhuyta munanki chayqa, pisimanta pisi ñak'asusqayku. Kunanqa, khuchi aychata mikhunkichu?, nispa nisqanku. 8Chay waynataj, kikin paypa parlaynimpi parlaspa kutichikusqa: Manapuni. Chayta nisqanrayku, paytapis ñak'arichisqanku. 9Wañupunaya shajtinña, reyta nisqa: Runa wañuchi! Qanqa kay pacha kausayllata qhechupuwayku. Kay mundoj reynintaj qowasqayku mana tukukoj kausayta, kamachisqasninrayku wañusqaykumanta, nispa.
10Chaymantataj, kinsa kajta wañuchisqanku. Payta ninku qallunta orqhonanta. Qhajpacha sik'imusqa qallunta, makisnintapis jaywallasqa. 11Chantaqa nisqa jatun sonqo: Tukuy kaytaqa Dios qowarqa. Paypa kamachisqasninta munakusqayrayku qankuna k'utupuwankichej. Diosniy qopullawanqataj, nispa. 12Chayta uyarispa, reypis kamachisnimpis t'ukusqanku chay jina sinch'ita sayasqanmanta nanayta qhesachaspa. 13Pay wañupojtin, chaymanta tawa kajta kikillantataj ñak'aricharqanku. 14Wañupushajtintaj pay nerqa: Wañullasaj runaspa makisnimpi suyaspa Diosqa kausarichinawanta, nisqanman jina. Qanrí, mana watejmanta kausankichu, nispa.
15Chantaqa, phishqa kajta pusamuspa, paytapis ñak'arichillarqankutaj. 16Chay waynaqa, reyta qhawaykuspa nerqa: Wañoj runa kaspapis, qanqa imatachus munanki ruwallanki, atiyniyoj kasqaykirayku runas ukhupi. Jinapis, ama yuyaychu Diosqa aylluykuta saqerparisqanta. 17Rikullanki imaynatachus Diosqa jatun atiyninwan qantapis wawasniykitapis llakichisonqachej.
18Chaymantataj, sojta kajta pusamusqanku. Paytaj, wañuy patapiña kashaspa nisqa: Pajtataj, noqaykoqa ñak'arisqayku imaraykuchus Diosniykoj ñaupaqempi juchallikorqayku. Chayrayku, kay jina t'ukunas chayamuwayku. 19Ama yuyaychu ñak'ariymanta ayqeyta atisqaykita. Qanqa Dioswan maqanakoj sayarqanki, nispa.
20Chay waynaspa mamankumantaqa mayta t'ukuspa yuyarikunanchejpuni tiyan. Chay warmeqa ujllapi rikun qanchis wawasninta wañuchisqasta. Paymin sinch'ita sayarqa, sonqon Diospi kasqanrayku. 21-22Chay warmeqa sapa ujman sonqochaj, kikin parlayinkupi parlaspa. Chay k'acha sonqo warmi, mama kayninman qhari kallpata yapaykorqa. Wawasninmantaj kay jinata parlarqa: Noqaqa mana yachanichu imaynamantachus wijsaypi rikhurimorqankichej. Mana noqachu qorqaykichej samayta kausaytataj. Mana noqachu ukhuykichejpa sapa partasninta cheqampi churarqani. 23Kay mundota ruwajqa runata ruwarqa nacekusqampi. Paymin, khuyakuspa, samayta kausaytataj qopullasonqachejtaj. Qankunaqa, mana qankunallapichu yuyashankichej, manachayqa Diospa kamachisqasnimpi.
24Antiocotaj yuyashasqa chay warmi paymanta asirikushasqanta. Sullk'a wawaqa kausakushallarqaraj. Reyqa juraspa nisqa chay waynamanqa, qhapajyananta, kusisqa runaman tukuchinantataj, sichus karunchakunman chayqa tatasnimpa kamachisqasninmanta. Nisqataj reypa amigon kananta, may patapi churasqa kanantataj. 25Waynataj manapuni reyta uyarisqachu. Chaymantataj reyqa chay waynaj mamanta wajyachimusqa, nisqataj wawanta parlaykurinanta salvasqa kanampaj. 26Anchatapuni rey parlasqanraykutaj, chay waynaj mamanqa risqa wawanwan parlaj. 27Asirikuspataj chay rumi sonqo reymanta, wawanman k'umuykukuspa, kay jinata nisqa kikin parlayninkupi:
Wawáy, khuyakuwan. Noqaqa wijsaypi aparqayki isq'on killata. Ñuñucherqaykitaj kinsa watata. Noqaqa uywarqayki qhawarqaykitaj kunankama. 28Wawáy, qhaway janaj pachatawan kay pachatawan, tukuy ima chaypi kajtawantaj. Chayta rikuspa unanchanki Diosninchejqa tukuy imata mana kajllamanta ruwasqanta. Ajinallataj, Diosninchej runastapis ruwarqa. 29Ama manchachikuychu kay runa wañuchimanta. Manachayqa, wauqesniykej qhepampi purillay wañuyman. Ajinamanta, Diospa khuyakuynin chayamojtin, noqaqa qanta tarisqayki wauqesniykiwan khuska, nispa.
30Maman parlashajtillanraj, chay waynaqa nisqa: Imatataj suyashankichejri? Noqaqa kasukuni imatachus Dios ñaupa tatasniykuman Moisesnejta kamacherqa chayllata. 31Rey, qanqa tukuy ima llakiyta apachimunki hebreospa patankuman. Manapuni ayqenkichu Diospa makinmanta. 32Noqaykoqa juchasniykurayku ñak'arishayku. 33Kausaj Diosniyku kunanqa phiñasqa kashan noqaykuwan castiganawaykupaj cheqanyachinawaykupajtaj. Jinapis, watejmanta kamachisninwan allinyakapullanqataj. 34Qan, mana creej, tukuy runasmanta aswan sajra, ama qhasillamanta wapuyaychu, amataj qhasi mana kajta suyaychu. Ama makiykita oqhariychu Diospa wawasnimpa contrampi. 35Mana ayqenkirajchu Diospa makinmanta. Paymin tukuy atiyniyoj, tukuy imatataj rikun. 36Wauqesniy tukukoj ñak'ariywan wañorqanku. Kunantaj, mana tukukoj kausayniyojña kanku, Diospa nisqanman jina. Qantarí, Dios ñak'arichisonqa wapu kayniykiman jina. 37Noqarí, wauqesniy jina, kay kausayniyta qollani tatasniykoj kamachisqasninta junt'aspa. Diosmanta mañakuni ayllunmanta khuyakunanta. Mañakullanitaj pataykiman apachimunanta nanaykunatawan llakiykunatawan, ninaykikama paylla Dios kasqanta. 38Tukuy atiyniyojpa phiñakuynin, maychus kajman jina urmamorqa aylluykoj patanman. Kunanqa, qhapaypitaj, wauqesniypa qhapankupitaj, chay phiñakuynenqa thasnukapullachunña, nispa. 39Reytaj, chayta uyarispa anchatapuni phiñakorqa, chay waynata ñak'aricherqataj wajkunamanta astawan, p'enqachisqanrayku. 40Ajinamanta, chay waynapis llimphu sonqolla wañuyman rerqa, sonqonta Señorpi churaspa. 41Tukuy wawasnimpa qhepankupitaj, mamankupis wañullarqataj. 42Kayllata niyta munarqaykichej mana llimphu mikhuna rikuchikusmanta chay jina millay ñak'arinasmantawan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.