2 MACABEOS 6
6
Judiosqa mana munankuchu religionninkuta saqerpariyta
[1 Mac. 1.41-64]
1Pisi tiempomantawan rey kachamorqa Atenas llajtayoj kamachejta kamachinampaj judiosta, ñaupa tatasninkoj leyesninkuta p'akinankuta kausanankutataj Diospa leyninta wasanchaspa. 2Chantaqa, chay runa churanan karqa Jerusalén templopi Zeus Olímpicoj lantinta, ajinamanta templota ch'ichiyachispa. Chantapis, Zeus Hospitalarioj lantinta churanan karqa Garizim orqopi. Chaytaqa mañakusqanku chay cheqapi tiyakoj runas. 3Tukuy chaykunaqa llakiy karqa runaspaj, manataj aguantayta atisharqankuchu. 4Kikin templopi mana creejkunaqa imaymana laya fiestasta ruwaj kanku. Templo patiospipis juchasapa warmiswan juchallikoj kanku. Chantaqa, temploman apaj kanku mana temploman apana imasta.
5Chaymantataj, altarman apaj kanku ñak'ana animalestapis. 6Nitaj samarina diatapis atikorqañachu respetayta. Nitaj fiestaspipis ruwayta atikorqachu costumbresman jina. Nillataj judíos kasqankutapis willakuyta aterqankuchu. 7Mana munashajtinkupis runasqa mikhunankupuni karqa aychata, imatachus sapa killa mana creejkuna runas jaywaj kanku reypa diachakunmanta yuyarikuspa. Baco sutiyoj diospa fiestanman rinanku karqa runasqa procesionman, umasninku qhorawan pilluchasqas.
8Tolemaida llajtayoj runasqa mañakusqanku reymanta tukuy qaylla griego llajtaspi judíos mikhunankutapuni animalesta, rikuchikupaj jaywasqa kanku chaykunata. 9Reytaj chayta kamachisqa. Nisqataj qholuchisqas kanankuta pikunachus mana munanqanku kasukuyta chaykuna. Chaywanqa runasqa manchachikusharqankuña yuyaspa aswan jatun llakiy jamunanta. 10Chantaqa, iskay warmis juezpaman pusachikusqanku, wawasninkuta circuncidachisqankurayku. Chay warmistaqa wawa warkhusqasta pusarqanku callesman, tukuynejpi purichispa. Chaymantataj, llajta perqamanta jawaman wijch'umorqanku. 11Wakin runas qaqa jusk'usman ayqesqanku samarina diata pakayllamanta waqaychayta munasqankurayku. Pichá willasqa Filipoman chaypi kasqankuta. Chayta yachaytawantaj Filipoqa ordenta qosqa tukuy chaykuna presochasqas kanankupaj. Chantaqa, ujllapi tukuy paykunata enqhaykorqanku. Paykunataj, samarikuna diata respetayta munaspa, mana jark'akorqankuchu.
12Kay librota leejkuna, ama musphaychejchu kay llakiykunata yachaspa. Tukuy kay llakiy jamorqa ayllunchej wananampaj. Mana jamorqachu chinkachisqa kanampajqa. 13Diosninchej k'acha sonqo kasqanrayku, usqhayllata castigota apachimun juchasapasman. 14Waj llajtayoj runastaqa castigayta munaspa, Señor pacienciakullanraj suyaspa juchasninkuwan medidate junt'achinankuta. Noqanchejwanqa mana ajinachu. 15Noqanchejtaqa Señor castigawanchej menaraj juchasninchej ashkhayashajtin. 16Señorqa khuyakuyninta mana karunchanchu noqanchejmanta. Llakiywan nanaykuchiwanchejtimpis, pay mana saqerpariwanchejchu. 17Tukuy kaytaqa nini yuyarikunallanchejpaj. Chayta niytawanqa, nishasqanchejta siguillasun.
Eleazarqa wañuchisqa karqa
18Kasqa nin uj runa, Eleazar sutiyoj, Diospa leyninta yachachej, may rejsisqa. Chay runaqa hombreña karqa, respetasqa. Ujta, munasqanku Eleazarqa khuchita mikhunanta, siminta kicharichispa. 19Paytaj, cheqallanta payllamanta risqa maypichus runasta wañuchinku chayman. Unanchasqa ari aswan walej kasqanta wañuyman riyta uman oqharisqa, p'enqaywan kausakuymanta nisqaqa. 20Chay khuchi aychata siminman sat'iykusqanku chayta, thoqaykusqa Eleazarqa. Kikillantataj ruwananku tiyan kamachisqa kasqanta junt'ayta munajkuna, wañuchisqas kajtinkupis. 21Chaymanta, pikunachus qhawasharqanku chaypi, unaymantapacha rejsisqanku Eleazartaqa. Payta wajyachispataj, k'amisqanku nispa wakichikunanta mikhuyta atina aychata. Nisqankutaj chayta mikhunanta creechispa mikhusqanta lantisman jaywasqa chay aychamanta, reypa kamachisqanman jina. 22Nisqankutaj ajinamanta manaña wañuyman rinan kasqanta. Nisqankutaj paykunaqa unaymantapacha rejsisqankurayku, payta k'acha sonqowan qhawanankuta. 23Eleazartaj umachakuspa yuyasqa maychus kajta machu mitanman jina, yuraj chujchasninman jina ima. Cheqantapuni kausakusqa ari wawa kasqanmantapacha. Chantapis, anchata munakusqanrayku Diospa leyninta, nisqa: Wañuchillawaychej, nispa. 24Nillasqataj: Machu kayniypi manapuni allinchu ch'aukiyayqa. Manapuni munaymanchu waynas yuyanankuta noqa Eleazar isq'on chunka watayojña kaspa, cheqan Diosta wasanchasqayta. 25Nisqataj: Ichapis paykuna rikuspa chayta ruwasqayta, munasqayrayku kausakuytaraj pisi watasllatapis, juchayrayku kikillantataj ruwankuman. Noqataj p'enqayta apachimuyman machu watasniyman, nispa. 26Chaymantataj, kunan runaspa makisninkumanta kacharichikuymampis, manapuni ayqeyta atiymanchu Diospa makisninmantaqa. 27Chayrayku, kunanqa umay oqharisqa llojsillasaj kay kausaymanta. Ajinamanta ruwasaj imatachus allinmin machu runapajqa. 28Chayta ruwaspataj waynasqa rikuwanqanku wañuyman rejta mana munasqayrayku Diospa leyninta qhesachayta. Paykunataj imatachus ruwarqani rikuspa, kikillantataj ruwanqanku, nispa nisqa. Chayta niytawankamataj, cheqallanta risqa maypichus runasta wañuchinku chayman.
29Payta pusasharqanku chay runastaj manaña misk'i simiwan parlasqankuchu paytaqa. Yuyasqanku ari yuyayninta chinkachisqanta. 30Eleazerqa wañuy patapiña kashasqa anchatapuni maqaykusqankurayku. Ansaqeyaspataj kay jinata nisqa: Señorqa tukuy imata allintapuni yachan. Yachampuni wañuymanta ayqerparikojtiypis, imaymana laya nanaywan ñak'arisqayta jasut'iwasqankumanta. Señorqa yachallantaj sonqoypi kusisqa kasqayta, payta munakusqayrayku. 31Chayta niytawantaj Eleazarqa wañupusqa. Ajinamanta, Eleazarqa waynasmampis, tukuy llajta masisninmampis yachacherqa sinch'ita sayayta, kallpayoj kayta ima.
Currently Selected:
2 MACABEOS 6: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
2 MACABEOS 6
6
Judiosqa mana munankuchu religionninkuta saqerpariyta
[1 Mac. 1.41-64]
1Pisi tiempomantawan rey kachamorqa Atenas llajtayoj kamachejta kamachinampaj judiosta, ñaupa tatasninkoj leyesninkuta p'akinankuta kausanankutataj Diospa leyninta wasanchaspa. 2Chantaqa, chay runa churanan karqa Jerusalén templopi Zeus Olímpicoj lantinta, ajinamanta templota ch'ichiyachispa. Chantapis, Zeus Hospitalarioj lantinta churanan karqa Garizim orqopi. Chaytaqa mañakusqanku chay cheqapi tiyakoj runas. 3Tukuy chaykunaqa llakiy karqa runaspaj, manataj aguantayta atisharqankuchu. 4Kikin templopi mana creejkunaqa imaymana laya fiestasta ruwaj kanku. Templo patiospipis juchasapa warmiswan juchallikoj kanku. Chantaqa, temploman apaj kanku mana temploman apana imasta.
5Chaymantataj, altarman apaj kanku ñak'ana animalestapis. 6Nitaj samarina diatapis atikorqañachu respetayta. Nitaj fiestaspipis ruwayta atikorqachu costumbresman jina. Nillataj judíos kasqankutapis willakuyta aterqankuchu. 7Mana munashajtinkupis runasqa mikhunankupuni karqa aychata, imatachus sapa killa mana creejkuna runas jaywaj kanku reypa diachakunmanta yuyarikuspa. Baco sutiyoj diospa fiestanman rinanku karqa runasqa procesionman, umasninku qhorawan pilluchasqas.
8Tolemaida llajtayoj runasqa mañakusqanku reymanta tukuy qaylla griego llajtaspi judíos mikhunankutapuni animalesta, rikuchikupaj jaywasqa kanku chaykunata. 9Reytaj chayta kamachisqa. Nisqataj qholuchisqas kanankuta pikunachus mana munanqanku kasukuyta chaykuna. Chaywanqa runasqa manchachikusharqankuña yuyaspa aswan jatun llakiy jamunanta. 10Chantaqa, iskay warmis juezpaman pusachikusqanku, wawasninkuta circuncidachisqankurayku. Chay warmistaqa wawa warkhusqasta pusarqanku callesman, tukuynejpi purichispa. Chaymantataj, llajta perqamanta jawaman wijch'umorqanku. 11Wakin runas qaqa jusk'usman ayqesqanku samarina diata pakayllamanta waqaychayta munasqankurayku. Pichá willasqa Filipoman chaypi kasqankuta. Chayta yachaytawantaj Filipoqa ordenta qosqa tukuy chaykuna presochasqas kanankupaj. Chantaqa, ujllapi tukuy paykunata enqhaykorqanku. Paykunataj, samarikuna diata respetayta munaspa, mana jark'akorqankuchu.
12Kay librota leejkuna, ama musphaychejchu kay llakiykunata yachaspa. Tukuy kay llakiy jamorqa ayllunchej wananampaj. Mana jamorqachu chinkachisqa kanampajqa. 13Diosninchej k'acha sonqo kasqanrayku, usqhayllata castigota apachimun juchasapasman. 14Waj llajtayoj runastaqa castigayta munaspa, Señor pacienciakullanraj suyaspa juchasninkuwan medidate junt'achinankuta. Noqanchejwanqa mana ajinachu. 15Noqanchejtaqa Señor castigawanchej menaraj juchasninchej ashkhayashajtin. 16Señorqa khuyakuyninta mana karunchanchu noqanchejmanta. Llakiywan nanaykuchiwanchejtimpis, pay mana saqerpariwanchejchu. 17Tukuy kaytaqa nini yuyarikunallanchejpaj. Chayta niytawanqa, nishasqanchejta siguillasun.
Eleazarqa wañuchisqa karqa
18Kasqa nin uj runa, Eleazar sutiyoj, Diospa leyninta yachachej, may rejsisqa. Chay runaqa hombreña karqa, respetasqa. Ujta, munasqanku Eleazarqa khuchita mikhunanta, siminta kicharichispa. 19Paytaj, cheqallanta payllamanta risqa maypichus runasta wañuchinku chayman. Unanchasqa ari aswan walej kasqanta wañuyman riyta uman oqharisqa, p'enqaywan kausakuymanta nisqaqa. 20Chay khuchi aychata siminman sat'iykusqanku chayta, thoqaykusqa Eleazarqa. Kikillantataj ruwananku tiyan kamachisqa kasqanta junt'ayta munajkuna, wañuchisqas kajtinkupis. 21Chaymanta, pikunachus qhawasharqanku chaypi, unaymantapacha rejsisqanku Eleazartaqa. Payta wajyachispataj, k'amisqanku nispa wakichikunanta mikhuyta atina aychata. Nisqankutaj chayta mikhunanta creechispa mikhusqanta lantisman jaywasqa chay aychamanta, reypa kamachisqanman jina. 22Nisqankutaj ajinamanta manaña wañuyman rinan kasqanta. Nisqankutaj paykunaqa unaymantapacha rejsisqankurayku, payta k'acha sonqowan qhawanankuta. 23Eleazartaj umachakuspa yuyasqa maychus kajta machu mitanman jina, yuraj chujchasninman jina ima. Cheqantapuni kausakusqa ari wawa kasqanmantapacha. Chantapis, anchata munakusqanrayku Diospa leyninta, nisqa: Wañuchillawaychej, nispa. 24Nillasqataj: Machu kayniypi manapuni allinchu ch'aukiyayqa. Manapuni munaymanchu waynas yuyanankuta noqa Eleazar isq'on chunka watayojña kaspa, cheqan Diosta wasanchasqayta. 25Nisqataj: Ichapis paykuna rikuspa chayta ruwasqayta, munasqayrayku kausakuytaraj pisi watasllatapis, juchayrayku kikillantataj ruwankuman. Noqataj p'enqayta apachimuyman machu watasniyman, nispa. 26Chaymantataj, kunan runaspa makisninkumanta kacharichikuymampis, manapuni ayqeyta atiymanchu Diospa makisninmantaqa. 27Chayrayku, kunanqa umay oqharisqa llojsillasaj kay kausaymanta. Ajinamanta ruwasaj imatachus allinmin machu runapajqa. 28Chayta ruwaspataj waynasqa rikuwanqanku wañuyman rejta mana munasqayrayku Diospa leyninta qhesachayta. Paykunataj imatachus ruwarqani rikuspa, kikillantataj ruwanqanku, nispa nisqa. Chayta niytawankamataj, cheqallanta risqa maypichus runasta wañuchinku chayman.
29Payta pusasharqanku chay runastaj manaña misk'i simiwan parlasqankuchu paytaqa. Yuyasqanku ari yuyayninta chinkachisqanta. 30Eleazerqa wañuy patapiña kashasqa anchatapuni maqaykusqankurayku. Ansaqeyaspataj kay jinata nisqa: Señorqa tukuy imata allintapuni yachan. Yachampuni wañuymanta ayqerparikojtiypis, imaymana laya nanaywan ñak'arisqayta jasut'iwasqankumanta. Señorqa yachallantaj sonqoypi kusisqa kasqayta, payta munakusqayrayku. 31Chayta niytawantaj Eleazarqa wañupusqa. Ajinamanta, Eleazarqa waynasmampis, tukuy llajta masisninmampis yachacherqa sinch'ita sayayta, kallpayoj kayta ima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.