Nziyo 122
122
Rumbo rwokurumbidza narwo Jerusaremu
Rwiyo rwokukwira narwo kumusoro.
1Ndakafara pavakanditi,
“Handei kuimba yaTENZI.”
2Zvino tsoka dzedu
dzatsika pamisuo yako iwe Jerusaremu
3Jerusaremu yakavakwa seguta rakabatana,
rakasungana pamwechete.
4Ndiko kunokwira marudzi,
marudzi aTENZI
sokutemwa kwazvakaitirwa Isiraeri
kundotenda zita raTENZI.
5Imomo ndimo makagadzikwa
zvigaro zvokutongera,
zvigaro zvoumambo zvemba yokwaDhavhidhi.
6Kumbirirai Jerusaremu rugare,
vanokuda ngavabudirire.
7Murusvingo rwako ngamuve norugare
uye kubudirira kuve mumuzinda yako.
8Pamusana pehama dzangu neshamwari dzangu
ndinoti, “Rugare ngaruve mauri.”
9Pamusana pemba yaTENZI Mwari wedu ndinonamata
kuti zvikufambire zvakanaka.
Currently Selected:
Nziyo 122: SCLBC
Highlight
Share
Compare
Copy
Want to have your highlights saved across all your devices? Sign up or sign in
Shona Common Language Bible © Bible Society of Zimbabwe, 2008.
