Ɛ̍sɔ̍dɔ̍ɔ̄ Sɔ̄ɔ̍ŋ le̍bo̍llo̍ŋ
Sɔ̄ɔ̍ŋ le̍bo̍llo̍ŋ
Ɛ̍sɔ̍dɔ̍ɔ̄, dīōla̍ŋ nda᷅ŋ tɛ̄ɛ̄sīāā ndɔ̄ɔ̍ cho̍ ni̍ āā, “Fūlā I̍sɔ̄lūɛ̍i̍ya̍ o̍ chɛ̄le̍ŋ ni᷄ŋ.” Yāu̍wo̍ ho̍ō ndu̍ so̍ō a̍ sūɛ̍i̍ kpe̍e̍kpe̍i̍ yɔ̍nu̍ŋ a̍ I̍sɔ̄lūɛ̍i̍ya̍ ve̍ ni̍, ndi̍ yɔ̍nūŋ māā fūlā nda̍ fūla̍ I̍chi̍pī, o̍ chɛ̄le̍ŋ ni᷄ŋ ndo̍ ni̍.
Yāu̍wo̍ ho̍ō ō nɔ̄ pɛ᷄lta̍ bɛ̍ndūla̍ŋ lā hīɔ̍ɔ̍lu̍. Pɛ᷄l tāso̍o̍, ndu̍ so̍ō a̍ fūlā Hi̍būlūi̍ya̍ fūla̍ o̍ chɛ̄le̍ŋ ni᷄ŋ I̍chi̍pī wo̍ o̍kɔ̄ɔ̄ ni̍. Pɛ᷄l di̍i̍ŋ ndɔ̄ɔ̍, mi̍ ndu̍ su̍a̍ā a̍ nyɛ᷄ yɔ̍nu̍ŋ nda̍ o̍ kɔ̄lā ndāla̍ŋ ni᷄ŋ o̍ Pēmbīī Sa̍a̍nāīve̍ wo̍. Pɛ᷄l ya̍a̍ ndɔ̄ɔ̍, mi̍ ndu̍ su̍a̍ā a̍ kpe̍ma̍ Mɛ̄lɛ̄ka̍ yīi̍ a̍ wānāā ndūa̍a̍ o̍ Pēmbīī Sa̍a̍nāīve̍ wo̍ o̍kɔ̄ɔ̄. O̍ kpe̍ma̍ ko̍ŋ ni᷄ŋ, mi̍ Mɛ̄lɛ̄ka̍ kē nda̍ sāwāla̍ŋ a̍ ka̍ālā ndāla̍ŋ o̍kɔ̄ɔ̄, a̍ sɔ̄ɔ̍ŋ lēlɛ̄ŋndo̍ŋ o̍kɔ̄ɔ̄, ndu̍yɛ̍ a̍ Mɛ̄lɛ̄ka̍ ndā pi̍ɛ̍i̍yāa̍ o̍kɔ̄ɔ̄. O̍ ko̍ŋ kɔ̍ɔ̍lī, mi̍ pɛ᷄l hi̍ɔ̍ɔ̍lo̍o̍ ndu̍ su̍a̍ā a̍ fo̍ndā I̍sɔ̄lūɛ̍i̍ya̍ ā pīɛ̄ī Mɛ̍lɛ̄ka̍ wo̍ tāŋgūllo̍, ndu̍yɛ̍ mā bɛ̄ɛ̄ndīa̍a̍ ndu̍ nyɛ̄ kɛ̄ndɛ̄ kɛ̍ndɛ̄, mbo̍ sūāā vɛ̄lɛ̄ a̍ sāwāla̍ wānāā sōlīāā lāsa̍lāa̍ o̍kɔ̄ɔ̄ ndu̍yɛ̍ a̍ sāwāla̍ŋ mɛ̄ɛ̍ ndā sōōlūū Mɛ̍lɛ̄ka̍ yɛ̍ o̍kɔ̄ɔ̄.
Sūɛ̍i̍ le̍bo᷅lle̍ kpo̍u̍ o̍ yāu̍wo̍ ho̍ō ni᷄ŋ, ndi̍ cho̍ nyɛ̄ Mɛ̄lɛ̄ka̍ tōsa̍ a̍ wānāā ndūa̍a̍ wo̍ ni̍, ndi̍ yɔ̍nūŋ ni̍ māā bāŋā o̍ ba̍ŋa̍ nda̍ o̍ chɛ̄le̍ŋ ni᷄ŋ ndu̍yɛ̍ mbo̍ sīīŋgūū nda̍ lɛ̄ŋnde̍ŋ a̍ bā ndā, ndu̍yɛ̍ mbo̍ kē nda̍ tīīnda᷄ŋndo̍ le̍ sīɔ̄dīi̍ lāchīo̍o̍ wo̍.
Wānā kpe̍e̍kpe̍i̍ yāu̍wo̍ ho̍ō kīndi̍la̍ sūɛ̍i̍ a̍ ndu̍ o̍kɔ̄ɔ̄ wo̍ cho̍ Mūu̍sē ni̍, wāna̍ Mɛ̄lɛ̄ka̍ hɛ̄li̍ le̍ mbō si᷄m wānāā ndūa̍a̍ lāchī mbō sōli̍ nda̍ o̍ chɛ̄le̍ŋ ni᷄ŋ I̍chi̍pī wo̍. Būŋgɛ̄ī kpe̍e̍kpe̍i̍ cho̍ o̍ yāu̍wo̍ ho̍ō ni᷄ŋ mi̍ ī wā ī sīna᷄ŋ wa̍la̍ŋ nde̍, ndi̍ cho̍ būŋgɛ̄i̍ so̍ō a̍ sāwāla̍ tɔ̍la̍ŋ o̍kɔ̄ɔ̄ o̍ bōlīī bi̍di̍i̍ŋnde̍ (20:1-17) ve̍ ni̍.
Būŋgāŋ lēbōllo̍ŋ
A̍ mɛ̄ɛ̍ I̍sɔ̄lūɛ̍i̍ya̍ ā sɔ̄la̍ bāŋa᷄ŋndo̍ I̍chi̍pī yɛ̍ o̍kɔ̄ɔ̄ (1:1–15:21)
a. A̍ wānāa̍ wa̍ o̍ chɛ̄le̍ŋ ni᷄ŋ I̍chi̍pī wa̍ o̍kɔ̄ɔ̄ (1:1-22)
b. A̍ vīōlɔ᷄ŋ Mūu̍sē wo̍, ndu̍yɛ̍ a̍ chɔ̄nɔ᷄ŋ ndɔ̄ɔ̍ o̍kɔ̄ɔ̄ (2:1–4:31)
c. A̍ mɛ̄ɛ̍ Mūu̍sē nda̍ E̍lɔ̄ŋ a̍ kɔ̍ so̍ō o̍ māsā bɛ̍ndōo̍ I̍chi̍pī lo̍ yɛ̍ o̍kɔ̄ɔ̄ (5:1–11:10)
d. A̍ Nyɛ̄ dīāā Lōōna᷄ŋndo̍, ndu̍yɛ̍ a̍ mālɔ̄ɔ̄ I̍sɔ̄lūɛ̍i̍ya̍ ma᷄l I̍chi̍pī wo̍ o̍kɔ̄ɔ̄ (12:1–15:21)
A̍ mɛ̄ɛ̍ I̍sɔ̄lūɛ̍i̍ya̍ ā chɛ᷄ŋ o̍ Pēē Si̍a̍ŋā Mɛ̄ŋmā Īhɛ᷄llo̍ ma̍ kūā o̍ pēmbēi̍ Sa̍a̍nāī yɛ̍ o̍kɔ̄ɔ̄ (15:22–18:27)
A̍ sāwāla̍ŋ a̍ kpe̍ma̍ Mɛ̄lɛ̄ka̍a̍ o̍kɔ̄ɔ̄ (19:1–24:18)
A̍ Tɛ̍ndīi̍ Kāsi̍ Mɛ̄lɛ̄ka̍a̍ ndu̍yɛ̍ a̍ sāwāla̍ cho̍ le̍ ndu̍ sōōlūūwo̍ la̍ŋ o̍kɔ̄ɔ̄ (25:1–40:38)
Currently Selected:
Ɛ̍sɔ̍dɔ̍ɔ̄ Sɔ̄ɔ̍ŋ le̍bo̍llo̍ŋ: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.