Ɛ̍sɔ̍dɔ̍ɔ̄ 25
25
Kēla̍ŋ le̍ tɛ̍ndīi̍ kāsi̍ Mɛ̄lɛ̄ka̍a̍
(Ɛ̍sɔ̍dɔ̍ɔ̄ 35:4-9)
1O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 2“Di̍mu̍l wāŋnda̍ I̍sɔ̄lūɛ̄ī māā wānā o̍ wānā ō nɔ̄ mbō hīŋ a̍ kēla̍ŋ nāa̍ ya̍ chu̍a̍. Ndu̍yɛ̍, wānā o̍ wānā nyɛ̄ o̍ kɛ̍ɛ̍sīāā a̍ kɔ̄l ndɔ̄ɔ̍ le̍ yɔ̄ŋgōo̍ wo̍, ndu̍ ŋ̄ nɔ̄ ni̍ ma̍ bīī wānā ko̍ŋ o̍ bā. 3Ndu̍yɛ̍, nyɛ̄m nda̍ nɔ̄ mā yɔ̄ŋgu̍ nāa̍ ya̍ chu̍a̍ māā lākē wo̍ŋ mu̍ŋ cho̍ mu᷅ŋ ni̍. Ko̍o̍līi̍yo̍ŋ, a̍ ka̍ni᷄ŋ hu̍mbo᷄ŋ, a̍ būlɔ᷄ŋsīi̍yo̍ŋ, 4a̍ kōlāla̍ kɛ̍ndɛ̄ kɛ̍ndɛ̄ la̍ŋ, a̍ kōlāla̍ fūŋi̍i̍ bu᷅li̍īla̍ŋ, a̍ kōlāla̍ fūŋi̍i̍ bɔ̍ɔ̄lɛ̍īla̍ŋ, a̍ kōlāla̍ nda̍ tōōsi̍a̍a̍ a̍ fūŋi̍i̍ si̍a̍ŋɛ̄i̍ la̍ŋ, a̍ kōlāla̍ nda̍ tōōsīāā a̍ yīīŋīī chūīŋnda̍ la̍ŋ, 5a̍ yāu̍la̍ sāā nda̍ bɛ̄ɛ̄ndīāā nɛ̍ŋgbɛ̄lɛ̍ la̍ŋ, a̍ yāu̍la̍ vīsīlā kɛ̄ndɛ̄ kɛ̍ndɛ̄la̍ŋ, a̍ yɔ̄mīī āke̍e̍sīāā ve̍, 6a̍ chūɛ̄īma̍ cho̍ lē hɛ̄līo̍o̍ wa̍ŋ, a̍ nyɛ̄m chūŋ kɛ̄ndɛ̄ŋ nda̍ dūāū o̍ chūɛ̄īmā nda̍ tālā wa᷅ŋnda̍ o̍ lēbōl le̍ nda̍ hɛ̄līo̍o̍ wa̍ŋ, mā mūūli̍āŋ vɛ̍lɛ̄ nyɛ̄m mu᷅ŋ a̍ nyɛ̄m chūŋ kɛ̄ndɔ᷄ŋ, 7a̍ pōū ɔ̍nɛ̍sī wo̍, a̍ pōūta̍ŋ lā pīlɛ̍ la̍ŋ le̍ dōmā bi̍ŋgī wānā so̍līāā lāsa̍lāa̍, a̍ nyɛ̄ wānā so̍līāā lāsa̍lāa̍ ō yīīnūŋ o̍ ta̍kpā le̍ Mɛ̄lɛ̄ka̍ dīōmndo̍ nyūnāa̍ wo̍, bɛ̄ɛ̄ndīa̍a̍. 8Ndu̍yɛ̍, mā di̍mu̍l wāŋnda̍ I̍sɔ̄lūɛ̄ī mā tēŋgu̍l la̍ tɛ̍ndīi̍ kāsīo̍o̍, nāa̍ ya̍ Mɛ̄lɛ̄ka̍ wā wa̍ le̍ mī I̍ cha᷄l nda̍ tɛ̍ɛ̄ŋ. 9Tɛ̍ndīi̍yo̍ ho̍ō tē lā wa̍ ndu̍ tāŋgūllo̍ pɛ̍, lā nɔ̄ mī lā tāŋgu̍l ndu̍, ndu̍yɛ̍ mī lā bɛ̄ɛ̄ndīa̍a̍ ndu̍ lēni᷄ŋ kpo̍u̍, mɛ̄ɛ̍ ya̍ I̍ cho̍ nya̍ chɔ̄m ō tūūlāā yɛ̍.”
A̍ kɔ̍fū kpe̍ma̍ Mɛ̄lɛ̄ka̍a̍ o̍kɔ̄ɔ̄
(Ɛ̍sɔ̍dɔ̍ɔ̄ 37:1-9)
10O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl Mūu̍sē āā, “Di̍mu̍l wa᷅ŋnda̍ I̍sɔ̄lūɛ̄ī mā tōōsīa̍a̍ kɔ̍fū si̍m le̍ kpe̍ma̍ nu̍u̍ wo̍ a̍ yɔ̄m āke̍e̍sīāā wo̍. Kɔ̍fōo̍ ho̍ō, ō nɔ̄ mbō wa̍ bāndēi̍ nɛ̄īyo̍ lē yāa̍ a̍ īŋchi̍sīi̍la̍ŋ lā ŋɔ̄ma̍hīɔ̍ɔ̍lu̍, bu̍o̍o̍, nɛ̄īyo̍ lē dīi̍ŋ a̍ i̍ŋchi̍sīi̍la̍ŋ lā yāa̍. 11Kɔ̍fōo̍ ho̍ō, lēni᷄ŋ ni̍ a̍ o̍ kɔ̄ɔ̍, ō nɔ̄ mbō wa̍ o̍ kūmbāā kpo̍u̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. O̍ ko̍ŋ kɔ̍ɔ̍lī, mī lā hāndu̍ kāndū īko̍o̍līi̍yo̍ o̍ kɔ̍fōo̍ ho̍ō bālɔ̄ɔ̍ lēchōo̍ chɛ̍ chɛ̍. 12Ndu̍yɛ̍, mī lā tōōsīa̍a̍ ko̍o̍līi̍ye̍ kēla᷄ŋ ŋ̄ hīɔ̍ɔ̍lu̍ o̍ kɔ̍fōo̍ ho̍ō, mī lā wōu̍ mu̍ŋ o̍ pēlūŋ hīɔ̍ɔ̍lu̍ŋ kɔ̍fōo̍ ho̍ō, ba̍ā ŋ̄ mūu̍ŋ, ba̍ā ŋ̄ mūu̍ŋ. 13Ndu̍yɛ̍, mī lā tōōsīa̍a̍ vɛ̄lɛ̄ yɔ̄mīī vīlɛ̄īye̍ a̍ yɔ̄m āke̍e̍sīāā wo̍, mī lā kūmbū ndi̍ a̍ ko̍o̍līi̍ye̍. 14Tē lā bɛ̄ɛ̄ndīa̍a̍ pɛ̍ kpɔ̍lɔ̄ŋnda̍ŋ nda᷅ŋ, lā wōu̍ la̍ŋ o̍ kēla᷄ŋ nya̍ tōōsīa̍a̍ o̍ kɔ̄fōo̍ ho̍ō wo̍ŋ, le̍ kɔ̄la̍ŋ a̍ kɔ̍fōo̍ ho̍ō. 15Kpɔ̄lɔ̄ŋnda̍ŋ nda᷅ŋ, tē lā wōu̍ la̍ŋ pɛ̍, lo̍ŋ la̍ nɔ̍ ni̍ mī lā wa᷄, lā nɔ̍ mī lā sōli̍ la̍ŋ te̍. 16O̍ ko̍ŋ kɔ̍ɔ̍lī, mā chu̍a̍ pōūtā yɛ̍ndɛ̍la̍ ti̍ɔ̍ɔ̍ŋndā ya̍ I̍ cho̍ nu̍m kē a̍ sāwāla̍ nīla̍ŋ lā pōōnyīāā lēchōo̍ la̍ŋ, mā dɔ̄ū la̍ŋ o̍ kɔ̍fōo̍ kōŋ ni᷄ŋ.
17“O̍ ko̍ŋ kɔ̍ɔ̍lī, mī lā tōōsīa̍a̍ kūmbōo̍ o̍ kɔ̍fōo̍ ho̍ō a̍ ko̍o̍līi̍ kɛ̍ndɛ̄ kɛ̍ndɛ̄i̍, o̍ cho̍ kpe̍ŋgbe̍i̍ īnyīɛ̍ɛ̍yo̍ wo̍. Kūmbū kɔ̍fōo̍ ho̍ō, ō nɔ̄ mbō wa̍ bānde̍i̍ nɛ̄īyo̍ lē yāa̍ a̍ i̍ŋchi̍sīi̍la̍ŋ lā ŋɔ̄ma̍hīɔ̍ɔ̍lu̍, bu̍o̍o̍, nɛ̄īyo̍ lē dīi̍ŋ a̍ i̍ŋchi̍sīi̍la̍ŋ lā yāa̍. 18O̍ ko̍ŋ, mi̍ lā tūūla̍ nyāā lākūmba᷅ŋnda̍ ā ŋīɔ̍ɔ̍ŋ o̍ kūmbū kpe̍ŋgbe̍i̍ īnyīɛ̍ɛ̍ kōŋ chōo̍ a̍ ko̍o̍līi̍ nya̍ chɔ̄ū a̍ ha̍mɛ̄i̍yo̍ ve̍. 19Ho̍ō wa̍ pɛ̍ o̍ kūmbōo̍ mɛ̄ɛ̄lu̍la̍ŋ bāa̍ ō pīlɔ̍ɔ̍, ho̍ō wa̍ o̍ kūmbōo̍ mɛ̄ɛ̄lu̍la̍ŋ bāa̍ ō pīlɔ̄ɔ̍. Nyāā lākūmba᷅ŋāā nya̍ chō ka̍ŋ tu̍u̍lā wa̍, ā nɔ̄ mā wa̍ ā bīīla᷅ŋ a̍ kūmbū kɔ̍fū kpe̍ŋgbe̍i̍ īnyīɛ̍ɛ̍yo̍, mā wa̍ nyɛ̄ pīlɛ̍ kpe̍. 20Nyāā lākūmba᷅ŋāā ŋīɔ̍ɔ̍ŋnda̍ ha̍ā, ā nɔ̄ mā wa̍ o̍ kūmbū kɔ̍fū kpe̍ŋgbe̍i̍ īnyīɛ̍ɛ̍yo̍ vēllāa̍ vēllē, ho̍ō wa̍ pɛ̍ o̍ kūmbū kōŋ mɛ̄ɛ̄lu̍la̍ŋ mātōū, ō pīlɔ̍ɔ̍ wa̍ o̍ kūmbōo̍ mɛ̄ɛ̄lu̍la̍ŋ mālūāŋ, mā mūlu̍la᷅ŋ hɔ᷅lla̍ vēllāa̍ vēllē, mā bɔ̄ŋa̍ kūmba᷅ŋnda̍ŋ lā tīɔ̍ɔ̍ŋ o̍ kūmbū kɔ̍fōo̍ lēchōo̍. 21Mā chu̍a̍ pōūtā yɛ̍ndɛ̍la̍ ti̍ɔ̍ɔ̍ŋndā ya̍ I̍ cho̍ nu̍m kē a̍ sāwāla̍ nīla̍ŋ, lā pōōnyīāā lēchōo̍ la̍ŋ mā dɔ̄ū la̍ŋ o̍ kɔ̍fū kōŋ ni᷄ŋ. O̍ ko̍ŋ kɔ̍ɔ̍lī, mā ha̍ndu̍ kūmbū kɔ̍fū kōŋ lēchōo̍, o̍ cho̍ kpe̍ŋgbe̍i̍ īnyīɛ̍ɛ̍yo̍ wo̍. 22O̍ kūmbū kōŋ chōo̍ o̍ nyāā lākūmba᷅ŋāā kāŋ tɛ̄ɛ̄ŋ, ndu̍ cho̍ wā kpe̍ŋgbe̍i̍ īnyīɛ̍ɛ̍yo̍ ni̍. Lo̍ŋ ya̍ I̍ cho̍ wā ni̍ mī ke̍ nūm sāwāla̍ nīla̍ŋ le̍ wāŋnda̍ I̍sɔ̄lūɛ̄ī.”
A̍ Ti̍bīi̍ nda̍ kɛ̄sī bēe̍dīi̍ wa᷅ o̍ yɔ̍ŋga᷄ŋ o̍ Mɛ̄lɛ̄ka̍ lo̍ wo̍ o̍kɔ̄ɔ̄
(Ɛ̍sɔ̍dɔ̍ɔ̄ 37:10-16)
23O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ āā, “Lā nɔ̄ mī lā tōōsīa̍a̍ ti̍bīi̍yo̍ a̍ yɔ̄m āke̍e̍sīāā wo̍. Ti̍bīi̍yo̍ ho̍ō, ō nɔ̄ mbō wa̍ bāndēi̍ nɛ̄īyo̍ lē yāa̍, bu̍o̍o̍ nɛ̄īyo̍ lēpīlɛ̍ a̍ i̍ŋchi̍sīi̍la̍ŋ lā ŋɔ᷄mpu᷅m, hēlɔ̄ɔ̍, nɛ̄īyo̍ lē dīi̍ŋ a̍ i̍ŋchi̍sīi̍la̍ŋ lā yāa̍. 24Ti̍bīi̍yo̍ ho̍ō bɛ̍ɛ̍, lā nɔ̄ mī lā kūmbū ndu̍ kpo̍u̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. O̍ ko̍ŋ kɔ̍ɔ̍lī, mī lā ho᷄l kāndū īko̍o̍līi̍yo̍ o̍ ti̍bīi̍yo̍ ho̍ō lēchōo̍ chɛ̍ chɛ̍. 25Ndu̍yɛ̍ vɛ̍lɛ̄, mī lā hāndu̍ ko̍o̍līi̍ye̍ o̍ ti̍bīi̍yo̍ bālɔ̄ɔ̍ lēchōo̍ chɛ̍ chɛ̍, hēlɔ̄ɔ̍ i̍ŋchi̍sīi̍la̍ŋ lā yāa̍. O̍ ko̍ŋ kɔ̍ɔ̍lī, mī ho᷄l vɛ̄lɛ̄ kāndū īko̍o̍līi̍yo̍ o̍ ko̍o̍līi̍ ke̍ŋ bālɔ̄ɔ̍ chɛ̍ chɛ̍. 26O̍ ko̍ŋ kɔ̍ɔ̍lī, mī lā tōōsīa̍a̍ ko̍o̍līi̍ye̍ kēla᷄ŋ ŋ̄ hīɔ̍ɔ̍lu̍ o̍ pēlūŋ ti̍bīi̍yo̍ ho̍ō vēllāa̍ vēllē, kūmbūe̍i̍ he̍ī ŋ̄ mūu̍ŋ kūmbūe̍i̍ he̍ī ŋ̄ mūu̍ŋ. 27Kēla᷄ŋ nya̍ chō mu᷅ŋ tōōsīāā le̍ kɔ̄la̍ŋ a̍ ti̍bīi̍yo̍ wo̍ŋ, ŋ̄ nɔ̄ mī ŋ̄ wa᷄ ŋ̄ hōlāā o̍ ko̍o̍līi̍ cho̍ ke̍ŋ i̍ ho̍lāā o̍ ti̍bīi̍yo̍ lēchōo̍ chɛ̍ chɛ̍ ve̍ īkɛ̄i̍. 28Ndu̍yɛ̍, mī lā tōōsīa̍a̍ vɛ̄lɛ̄ kpɔ̄lɔ̄ŋnda̍ŋ a̍ yɔ̄m āke̍e̍sīāā wo̍ le̍ kɔ̄la̍ŋ a̍ ti̍bīi̍yo̍ ho̍ō, ndu̍yɛ̍ mī lā kūmbū la̍ŋ a̍ ko̍o̍līi̍ye̍. 29O̍ ko̍ŋ kɔ̍ɔ̍lī, mī lā tōōsīa̍a̍ vɛ̄lɛ̄ ko̍o̍līi̍ kɛ̍ndɛ̄ kɛ̍ndɛ̄i̍ pēe̍tīi̍la̍ŋ, a̍ tāālāla̍ŋ, ndu̍yɛ̍ vɛ̍lɛ̄ mī lā tōōsi̍a̍a̍ ko̍o̍līi̍ kɛ̍ndɛ̄ kɛ̍ndɛ̄i̍ kpɛ̍ɛ̍nɔ̍ŋ, a̍ hɛ̄ŋgɛ̍i̍la̍ŋ le̍ mūɛ̄īmā mākīle̍pīi̍ma̍ wāŋnda̍ hūŋ māā lākē wa̍ŋ dɔ̄wɔ̄ɔ̍ lēni᷄ŋ. 30Tē lā chīi̍ ti̍bīi̍yo̍ ho̍ō tōōsīāā pɛ̍ kpo̍u̍, lā chu̍a̍ ndu̍ lā kɔ̍ kɛ̍sī ndu̍ kɔ̍fū kpe̍ma̍a̍ lāchī. Ndu̍yɛ̍, le̍ te̍le̍ŋ o̍ te̍le̍ŋ, bēe̍dīi̍ cho̍ ō yɔ̄ŋga᷄ŋ nāa̍ ya̍ chu̍a̍ wo̍, ō nɔ̄ mbō wa̍ o̍ ti̍bīi̍ ko̍ŋ chōo̍.”
A̍ nyɛ̄ kɛ̄sīāā lāla̍mbūi̍yo̍ o̍kɔ̄ɔ̄
(Ɛ̍sɔ̍dɔ̍ɔ̄ 37:17-24)
31Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ āā, “Lā nɔ̄ vɛ̄lɛ̄ mī lā tōōsīa̍a̍ nyɛ̄ kɛ̄sīāā lāla̍mbūi̍yo̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. Nyɛ̄ kɛ̄sīāā lāla̍mbūi̍yo̍ ho̍ō, tūmndo̍ ni̍, lɔ̄ɔ̍ ni̍, lā nɔ̄ mī lā wa̍ lā tōōsīāā a̍ ko̍o̍līi̍ nda̍ chūā a̍ ha̍mɛ̄i̍yo̍ ve̍. Ndu̍yɛ̍ tāālāla̍ nɔ̍ mī lā wa̍ lā tūūlīāā o̍ nyɛ̄ kɛ̄sīāā lāla̍mbūi̍yo̍ ho̍ō la̍ŋ ni̍, nyɛ̄la̍ nɔ̍ mī lā wa̍ o̍ bōlle̍ lā kūmbīa̍ŋ nda̍ŋ ni̍, a̍ pe̍e̍ŋge̍la̍ nɔ̍ mī lā wa̍ lā tūūlīāā lo̍ŋ nda̍ŋ, lā nɔ̄ mī lā wa̍ lā bīīla᷅ŋ na̍a̍ pi᷅lɛ̍ kpe̍. 32Nyɛ̄ kɛ̄sīāā lāla̍mbūi̍yo̍ ho̍ō, ō nɔ̄ mbō nɔ̄ lɛ̄ūwo̍ŋ ŋ̄ ŋɔ᷄mpu᷅m. Kpēŋgēi̍ he̍ī ŋ̄ ŋgāa̍, kpēŋgēi̍ he̍ī vɛ̍lɛ̄ ŋ̄ ŋgāa̍. 33Lɛ̄ūwūŋ ŋɔ᷄mpu᷅mndo̍ŋ mu᷅ŋ, ī kɛ᷅ o̍ kɛ᷅ ī nɔ̄ mī ī nɔ̄ nyɛ̄la̍ŋ lā yāa̍, māā ŋ̄bōōndu̍, mɛ̄ɛ̍ pe̍e̍ŋge̍la̍ ku̍u̍mīāāla̍ŋ lā wā nu̍a̍ā a̍ pēi̍ ī bālāā yɛ̍. 34Nyɛ̄ kɛ̄sīāā lāla̍mbūi̍yo̍ ho̍ō lɛ̄ūwūŋ ndɔ̄ɔ̍ŋ, ī kɛ᷅ o̍ kɛ᷅ o̍ bōlle̍ŋ ī nɔ̄ mī ī nɔ̄ nyɛ̄la̍ŋ lā hīɔ̍ɔ̍lu̍, mɛ̄ɛ̍ pe̍e̍ŋge̍la̍ ku̍u̍mīāāla̍ŋ lā wā nu̍a̍ā a̍ pēi̍ ī bālāā yɛ̍. 35Lɛ̄ūwu᷄ŋ cho̍ mu᷅ŋ o̍ nyɛ̄ kɛ̄sīāā lāla̍mbūi̍yo̍ ho̍ō, ŋ̄ ŋgāa̍ ve̍llāa̍ vēllē wo̍ŋ mu᷅ŋ, ŋ̄ nɔ̄ mī ŋ̄ nɔ̄ bōōndo̍ŋ māā pe̍e̍ŋge̍la̍ ku̍u̍mīāā, nāa̍ ŋ̍ bɔ̍ɔ̍ŋi̍āŋ o̍ lɔ̄ɔ̍ wa̍. 36Nyɛ̄ kɛ̄sīāā lāla̍mbūi̍yo̍ ho̍ō, lɔ̄ɔ̍ ndɔ̄ɔ̍ ni̍, lɛ̄ūwūŋ ndɔ̄ɔ̍ŋ ni̍, a̍ nyɛ̄la̍ cho̍ la̍ŋ māā pe̍e̍ŋge̍la̍ ku̍u̍mīāā la̍ŋ, lā nɔ̄ mī lā wa᷄ nyɔ̄ɔ̍ pīlɛ̍ kpe̍, ō tōōsīāā a̍ ko̍o̍līi̍ kɛ̍ndɛ̄ kɛ̍ndɛ̄ī nda̍ chɔ̄ū a̍ ha̍mɛ̄i̍yo̍ ve̍. 37O̍ ko̍ŋ kɔ̍ɔ̍lī, mī lā tōōsi̍a̍a̍ la̍mbūi̍la̍ŋ lā ŋɔ᷄mmɛ̍ū, mā kɛ̍si̍ la̍ŋ o̍ fo̍ndāŋndā la̍ nɔ̍ le̍ wāa̍ o̍ nyɛ̄ kɛ̄sīāā lāla̍mbūi̍ ko̍ŋ chōo̍ la̍ŋ, le̍ mī lā wa᷄ nyɛ̄ wa̍wo̍ŋndo̍ yɔ̄ŋgōo̍ lāchī. 38O̍ ko̍ŋ kɔ̍ɔ̍lī, mī lā tōōsi̍a̍a̍ ko̍o̍līi̍ kɛ̍ndɛ̄ kɛ̍ndɛ̄i̍ kpānya̍la̍ŋ, a̍ pēe̍tīi̍la̍ŋ le̍ wa̍llo̍ a̍ la̍mūi̍la̍ŋ nda᷅ŋ. 39Nyɛ̄ kɛ̄sīāā lāla̍mbūi̍yo̍ ho̍ō a̍ wōlɔ̄ɔ̄lā ndɔ̄la̍ŋ kpo̍u̍, a̍ ko̍o̍līi̍ kɛ̍ndɛ̄ kɛ̍ndɛ̄i̍ nya̍ nɔ̄ ni̍ mī lā tōōsi̍a̍a̍ la̍ŋ. Ndu̍yɛ̍, ko̍o̍līi̍ŋ nya̍ nɔ̄ mī lā tōōsi̍a̍a̍ la̍ŋ ndo̍ŋ, ŋ̄ nɔ̄ mī ŋ̄ wa᷅ le̍ pa᷅ŋnda̍ŋ be̍le̍-ŋɔ̍mmɛ̍ū a̍ lā ŋu̍ɛ̍ɛ̍nu̍. 40Ndu̍yɛ̍, nyɛ̄ kɛ̄sīāā lāla̍mbūi̍yo̍ ho̍ō a̍ wōlɔ̄ɔ̄lā ndɔ̄la̍ŋ, lā nɔ̄ mī lā tōōsi̍a̍a̍ la̍ŋ kpɛ̍ kpɛ̍ mɛ̄ɛ̍ ya̍ I̍ chɔ̍m nu̍m o̍ pēmbēi̍ he̍ī chōo̍ le̍ ndu̍ tōōsīa̍a̍ yɛ̍.”
Currently Selected:
Ɛ̍sɔ̍dɔ̍ɔ̄ 25: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 25
25
Kēla̍ŋ le̍ tɛ̍ndīi̍ kāsi̍ Mɛ̄lɛ̄ka̍a̍
(Ɛ̍sɔ̍dɔ̍ɔ̄ 35:4-9)
1O̍ ko̍ŋ, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 2“Di̍mu̍l wāŋnda̍ I̍sɔ̄lūɛ̄ī māā wānā o̍ wānā ō nɔ̄ mbō hīŋ a̍ kēla̍ŋ nāa̍ ya̍ chu̍a̍. Ndu̍yɛ̍, wānā o̍ wānā nyɛ̄ o̍ kɛ̍ɛ̍sīāā a̍ kɔ̄l ndɔ̄ɔ̍ le̍ yɔ̄ŋgōo̍ wo̍, ndu̍ ŋ̄ nɔ̄ ni̍ ma̍ bīī wānā ko̍ŋ o̍ bā. 3Ndu̍yɛ̍, nyɛ̄m nda̍ nɔ̄ mā yɔ̄ŋgu̍ nāa̍ ya̍ chu̍a̍ māā lākē wo̍ŋ mu̍ŋ cho̍ mu᷅ŋ ni̍. Ko̍o̍līi̍yo̍ŋ, a̍ ka̍ni᷄ŋ hu̍mbo᷄ŋ, a̍ būlɔ᷄ŋsīi̍yo̍ŋ, 4a̍ kōlāla̍ kɛ̍ndɛ̄ kɛ̍ndɛ̄ la̍ŋ, a̍ kōlāla̍ fūŋi̍i̍ bu᷅li̍īla̍ŋ, a̍ kōlāla̍ fūŋi̍i̍ bɔ̍ɔ̄lɛ̍īla̍ŋ, a̍ kōlāla̍ nda̍ tōōsi̍a̍a̍ a̍ fūŋi̍i̍ si̍a̍ŋɛ̄i̍ la̍ŋ, a̍ kōlāla̍ nda̍ tōōsīāā a̍ yīīŋīī chūīŋnda̍ la̍ŋ, 5a̍ yāu̍la̍ sāā nda̍ bɛ̄ɛ̄ndīāā nɛ̍ŋgbɛ̄lɛ̍ la̍ŋ, a̍ yāu̍la̍ vīsīlā kɛ̄ndɛ̄ kɛ̍ndɛ̄la̍ŋ, a̍ yɔ̄mīī āke̍e̍sīāā ve̍, 6a̍ chūɛ̄īma̍ cho̍ lē hɛ̄līo̍o̍ wa̍ŋ, a̍ nyɛ̄m chūŋ kɛ̄ndɛ̄ŋ nda̍ dūāū o̍ chūɛ̄īmā nda̍ tālā wa᷅ŋnda̍ o̍ lēbōl le̍ nda̍ hɛ̄līo̍o̍ wa̍ŋ, mā mūūli̍āŋ vɛ̍lɛ̄ nyɛ̄m mu᷅ŋ a̍ nyɛ̄m chūŋ kɛ̄ndɔ᷄ŋ, 7a̍ pōū ɔ̍nɛ̍sī wo̍, a̍ pōūta̍ŋ lā pīlɛ̍ la̍ŋ le̍ dōmā bi̍ŋgī wānā so̍līāā lāsa̍lāa̍, a̍ nyɛ̄ wānā so̍līāā lāsa̍lāa̍ ō yīīnūŋ o̍ ta̍kpā le̍ Mɛ̄lɛ̄ka̍ dīōmndo̍ nyūnāa̍ wo̍, bɛ̄ɛ̄ndīa̍a̍. 8Ndu̍yɛ̍, mā di̍mu̍l wāŋnda̍ I̍sɔ̄lūɛ̄ī mā tēŋgu̍l la̍ tɛ̍ndīi̍ kāsīo̍o̍, nāa̍ ya̍ Mɛ̄lɛ̄ka̍ wā wa̍ le̍ mī I̍ cha᷄l nda̍ tɛ̍ɛ̄ŋ. 9Tɛ̍ndīi̍yo̍ ho̍ō tē lā wa̍ ndu̍ tāŋgūllo̍ pɛ̍, lā nɔ̄ mī lā tāŋgu̍l ndu̍, ndu̍yɛ̍ mī lā bɛ̄ɛ̄ndīa̍a̍ ndu̍ lēni᷄ŋ kpo̍u̍, mɛ̄ɛ̍ ya̍ I̍ cho̍ nya̍ chɔ̄m ō tūūlāā yɛ̍.”
A̍ kɔ̍fū kpe̍ma̍ Mɛ̄lɛ̄ka̍a̍ o̍kɔ̄ɔ̄
(Ɛ̍sɔ̍dɔ̍ɔ̄ 37:1-9)
10O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mūl Mūu̍sē āā, “Di̍mu̍l wa᷅ŋnda̍ I̍sɔ̄lūɛ̄ī mā tōōsīa̍a̍ kɔ̍fū si̍m le̍ kpe̍ma̍ nu̍u̍ wo̍ a̍ yɔ̄m āke̍e̍sīāā wo̍. Kɔ̍fōo̍ ho̍ō, ō nɔ̄ mbō wa̍ bāndēi̍ nɛ̄īyo̍ lē yāa̍ a̍ īŋchi̍sīi̍la̍ŋ lā ŋɔ̄ma̍hīɔ̍ɔ̍lu̍, bu̍o̍o̍, nɛ̄īyo̍ lē dīi̍ŋ a̍ i̍ŋchi̍sīi̍la̍ŋ lā yāa̍. 11Kɔ̍fōo̍ ho̍ō, lēni᷄ŋ ni̍ a̍ o̍ kɔ̄ɔ̍, ō nɔ̄ mbō wa̍ o̍ kūmbāā kpo̍u̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. O̍ ko̍ŋ kɔ̍ɔ̍lī, mī lā hāndu̍ kāndū īko̍o̍līi̍yo̍ o̍ kɔ̍fōo̍ ho̍ō bālɔ̄ɔ̍ lēchōo̍ chɛ̍ chɛ̍. 12Ndu̍yɛ̍, mī lā tōōsīa̍a̍ ko̍o̍līi̍ye̍ kēla᷄ŋ ŋ̄ hīɔ̍ɔ̍lu̍ o̍ kɔ̍fōo̍ ho̍ō, mī lā wōu̍ mu̍ŋ o̍ pēlūŋ hīɔ̍ɔ̍lu̍ŋ kɔ̍fōo̍ ho̍ō, ba̍ā ŋ̄ mūu̍ŋ, ba̍ā ŋ̄ mūu̍ŋ. 13Ndu̍yɛ̍, mī lā tōōsīa̍a̍ vɛ̄lɛ̄ yɔ̄mīī vīlɛ̄īye̍ a̍ yɔ̄m āke̍e̍sīāā wo̍, mī lā kūmbū ndi̍ a̍ ko̍o̍līi̍ye̍. 14Tē lā bɛ̄ɛ̄ndīa̍a̍ pɛ̍ kpɔ̍lɔ̄ŋnda̍ŋ nda᷅ŋ, lā wōu̍ la̍ŋ o̍ kēla᷄ŋ nya̍ tōōsīa̍a̍ o̍ kɔ̄fōo̍ ho̍ō wo̍ŋ, le̍ kɔ̄la̍ŋ a̍ kɔ̍fōo̍ ho̍ō. 15Kpɔ̄lɔ̄ŋnda̍ŋ nda᷅ŋ, tē lā wōu̍ la̍ŋ pɛ̍, lo̍ŋ la̍ nɔ̍ ni̍ mī lā wa᷄, lā nɔ̍ mī lā sōli̍ la̍ŋ te̍. 16O̍ ko̍ŋ kɔ̍ɔ̍lī, mā chu̍a̍ pōūtā yɛ̍ndɛ̍la̍ ti̍ɔ̍ɔ̍ŋndā ya̍ I̍ cho̍ nu̍m kē a̍ sāwāla̍ nīla̍ŋ lā pōōnyīāā lēchōo̍ la̍ŋ, mā dɔ̄ū la̍ŋ o̍ kɔ̍fōo̍ kōŋ ni᷄ŋ.
17“O̍ ko̍ŋ kɔ̍ɔ̍lī, mī lā tōōsīa̍a̍ kūmbōo̍ o̍ kɔ̍fōo̍ ho̍ō a̍ ko̍o̍līi̍ kɛ̍ndɛ̄ kɛ̍ndɛ̄i̍, o̍ cho̍ kpe̍ŋgbe̍i̍ īnyīɛ̍ɛ̍yo̍ wo̍. Kūmbū kɔ̍fōo̍ ho̍ō, ō nɔ̄ mbō wa̍ bānde̍i̍ nɛ̄īyo̍ lē yāa̍ a̍ i̍ŋchi̍sīi̍la̍ŋ lā ŋɔ̄ma̍hīɔ̍ɔ̍lu̍, bu̍o̍o̍, nɛ̄īyo̍ lē dīi̍ŋ a̍ i̍ŋchi̍sīi̍la̍ŋ lā yāa̍. 18O̍ ko̍ŋ, mi̍ lā tūūla̍ nyāā lākūmba᷅ŋnda̍ ā ŋīɔ̍ɔ̍ŋ o̍ kūmbū kpe̍ŋgbe̍i̍ īnyīɛ̍ɛ̍ kōŋ chōo̍ a̍ ko̍o̍līi̍ nya̍ chɔ̄ū a̍ ha̍mɛ̄i̍yo̍ ve̍. 19Ho̍ō wa̍ pɛ̍ o̍ kūmbōo̍ mɛ̄ɛ̄lu̍la̍ŋ bāa̍ ō pīlɔ̍ɔ̍, ho̍ō wa̍ o̍ kūmbōo̍ mɛ̄ɛ̄lu̍la̍ŋ bāa̍ ō pīlɔ̄ɔ̍. Nyāā lākūmba᷅ŋāā nya̍ chō ka̍ŋ tu̍u̍lā wa̍, ā nɔ̄ mā wa̍ ā bīīla᷅ŋ a̍ kūmbū kɔ̍fū kpe̍ŋgbe̍i̍ īnyīɛ̍ɛ̍yo̍, mā wa̍ nyɛ̄ pīlɛ̍ kpe̍. 20Nyāā lākūmba᷅ŋāā ŋīɔ̍ɔ̍ŋnda̍ ha̍ā, ā nɔ̄ mā wa̍ o̍ kūmbū kɔ̍fū kpe̍ŋgbe̍i̍ īnyīɛ̍ɛ̍yo̍ vēllāa̍ vēllē, ho̍ō wa̍ pɛ̍ o̍ kūmbū kōŋ mɛ̄ɛ̄lu̍la̍ŋ mātōū, ō pīlɔ̍ɔ̍ wa̍ o̍ kūmbōo̍ mɛ̄ɛ̄lu̍la̍ŋ mālūāŋ, mā mūlu̍la᷅ŋ hɔ᷅lla̍ vēllāa̍ vēllē, mā bɔ̄ŋa̍ kūmba᷅ŋnda̍ŋ lā tīɔ̍ɔ̍ŋ o̍ kūmbū kɔ̍fōo̍ lēchōo̍. 21Mā chu̍a̍ pōūtā yɛ̍ndɛ̍la̍ ti̍ɔ̍ɔ̍ŋndā ya̍ I̍ cho̍ nu̍m kē a̍ sāwāla̍ nīla̍ŋ, lā pōōnyīāā lēchōo̍ la̍ŋ mā dɔ̄ū la̍ŋ o̍ kɔ̍fū kōŋ ni᷄ŋ. O̍ ko̍ŋ kɔ̍ɔ̍lī, mā ha̍ndu̍ kūmbū kɔ̍fū kōŋ lēchōo̍, o̍ cho̍ kpe̍ŋgbe̍i̍ īnyīɛ̍ɛ̍yo̍ wo̍. 22O̍ kūmbū kōŋ chōo̍ o̍ nyāā lākūmba᷅ŋāā kāŋ tɛ̄ɛ̄ŋ, ndu̍ cho̍ wā kpe̍ŋgbe̍i̍ īnyīɛ̍ɛ̍yo̍ ni̍. Lo̍ŋ ya̍ I̍ cho̍ wā ni̍ mī ke̍ nūm sāwāla̍ nīla̍ŋ le̍ wāŋnda̍ I̍sɔ̄lūɛ̄ī.”
A̍ Ti̍bīi̍ nda̍ kɛ̄sī bēe̍dīi̍ wa᷅ o̍ yɔ̍ŋga᷄ŋ o̍ Mɛ̄lɛ̄ka̍ lo̍ wo̍ o̍kɔ̄ɔ̄
(Ɛ̍sɔ̍dɔ̍ɔ̄ 37:10-16)
23O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ āā, “Lā nɔ̄ mī lā tōōsīa̍a̍ ti̍bīi̍yo̍ a̍ yɔ̄m āke̍e̍sīāā wo̍. Ti̍bīi̍yo̍ ho̍ō, ō nɔ̄ mbō wa̍ bāndēi̍ nɛ̄īyo̍ lē yāa̍, bu̍o̍o̍ nɛ̄īyo̍ lēpīlɛ̍ a̍ i̍ŋchi̍sīi̍la̍ŋ lā ŋɔ᷄mpu᷅m, hēlɔ̄ɔ̍, nɛ̄īyo̍ lē dīi̍ŋ a̍ i̍ŋchi̍sīi̍la̍ŋ lā yāa̍. 24Ti̍bīi̍yo̍ ho̍ō bɛ̍ɛ̍, lā nɔ̄ mī lā kūmbū ndu̍ kpo̍u̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. O̍ ko̍ŋ kɔ̍ɔ̍lī, mī lā ho᷄l kāndū īko̍o̍līi̍yo̍ o̍ ti̍bīi̍yo̍ ho̍ō lēchōo̍ chɛ̍ chɛ̍. 25Ndu̍yɛ̍ vɛ̍lɛ̄, mī lā hāndu̍ ko̍o̍līi̍ye̍ o̍ ti̍bīi̍yo̍ bālɔ̄ɔ̍ lēchōo̍ chɛ̍ chɛ̍, hēlɔ̄ɔ̍ i̍ŋchi̍sīi̍la̍ŋ lā yāa̍. O̍ ko̍ŋ kɔ̍ɔ̍lī, mī ho᷄l vɛ̄lɛ̄ kāndū īko̍o̍līi̍yo̍ o̍ ko̍o̍līi̍ ke̍ŋ bālɔ̄ɔ̍ chɛ̍ chɛ̍. 26O̍ ko̍ŋ kɔ̍ɔ̍lī, mī lā tōōsīa̍a̍ ko̍o̍līi̍ye̍ kēla᷄ŋ ŋ̄ hīɔ̍ɔ̍lu̍ o̍ pēlūŋ ti̍bīi̍yo̍ ho̍ō vēllāa̍ vēllē, kūmbūe̍i̍ he̍ī ŋ̄ mūu̍ŋ kūmbūe̍i̍ he̍ī ŋ̄ mūu̍ŋ. 27Kēla᷄ŋ nya̍ chō mu᷅ŋ tōōsīāā le̍ kɔ̄la̍ŋ a̍ ti̍bīi̍yo̍ wo̍ŋ, ŋ̄ nɔ̄ mī ŋ̄ wa᷄ ŋ̄ hōlāā o̍ ko̍o̍līi̍ cho̍ ke̍ŋ i̍ ho̍lāā o̍ ti̍bīi̍yo̍ lēchōo̍ chɛ̍ chɛ̍ ve̍ īkɛ̄i̍. 28Ndu̍yɛ̍, mī lā tōōsīa̍a̍ vɛ̄lɛ̄ kpɔ̄lɔ̄ŋnda̍ŋ a̍ yɔ̄m āke̍e̍sīāā wo̍ le̍ kɔ̄la̍ŋ a̍ ti̍bīi̍yo̍ ho̍ō, ndu̍yɛ̍ mī lā kūmbū la̍ŋ a̍ ko̍o̍līi̍ye̍. 29O̍ ko̍ŋ kɔ̍ɔ̍lī, mī lā tōōsīa̍a̍ vɛ̄lɛ̄ ko̍o̍līi̍ kɛ̍ndɛ̄ kɛ̍ndɛ̄i̍ pēe̍tīi̍la̍ŋ, a̍ tāālāla̍ŋ, ndu̍yɛ̍ vɛ̍lɛ̄ mī lā tōōsi̍a̍a̍ ko̍o̍līi̍ kɛ̍ndɛ̄ kɛ̍ndɛ̄i̍ kpɛ̍ɛ̍nɔ̍ŋ, a̍ hɛ̄ŋgɛ̍i̍la̍ŋ le̍ mūɛ̄īmā mākīle̍pīi̍ma̍ wāŋnda̍ hūŋ māā lākē wa̍ŋ dɔ̄wɔ̄ɔ̍ lēni᷄ŋ. 30Tē lā chīi̍ ti̍bīi̍yo̍ ho̍ō tōōsīāā pɛ̍ kpo̍u̍, lā chu̍a̍ ndu̍ lā kɔ̍ kɛ̍sī ndu̍ kɔ̍fū kpe̍ma̍a̍ lāchī. Ndu̍yɛ̍, le̍ te̍le̍ŋ o̍ te̍le̍ŋ, bēe̍dīi̍ cho̍ ō yɔ̄ŋga᷄ŋ nāa̍ ya̍ chu̍a̍ wo̍, ō nɔ̄ mbō wa̍ o̍ ti̍bīi̍ ko̍ŋ chōo̍.”
A̍ nyɛ̄ kɛ̄sīāā lāla̍mbūi̍yo̍ o̍kɔ̄ɔ̄
(Ɛ̍sɔ̍dɔ̍ɔ̄ 37:17-24)
31Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ āā, “Lā nɔ̄ vɛ̄lɛ̄ mī lā tōōsīa̍a̍ nyɛ̄ kɛ̄sīāā lāla̍mbūi̍yo̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. Nyɛ̄ kɛ̄sīāā lāla̍mbūi̍yo̍ ho̍ō, tūmndo̍ ni̍, lɔ̄ɔ̍ ni̍, lā nɔ̄ mī lā wa̍ lā tōōsīāā a̍ ko̍o̍līi̍ nda̍ chūā a̍ ha̍mɛ̄i̍yo̍ ve̍. Ndu̍yɛ̍ tāālāla̍ nɔ̍ mī lā wa̍ lā tūūlīāā o̍ nyɛ̄ kɛ̄sīāā lāla̍mbūi̍yo̍ ho̍ō la̍ŋ ni̍, nyɛ̄la̍ nɔ̍ mī lā wa̍ o̍ bōlle̍ lā kūmbīa̍ŋ nda̍ŋ ni̍, a̍ pe̍e̍ŋge̍la̍ nɔ̍ mī lā wa̍ lā tūūlīāā lo̍ŋ nda̍ŋ, lā nɔ̄ mī lā wa̍ lā bīīla᷅ŋ na̍a̍ pi᷅lɛ̍ kpe̍. 32Nyɛ̄ kɛ̄sīāā lāla̍mbūi̍yo̍ ho̍ō, ō nɔ̄ mbō nɔ̄ lɛ̄ūwo̍ŋ ŋ̄ ŋɔ᷄mpu᷅m. Kpēŋgēi̍ he̍ī ŋ̄ ŋgāa̍, kpēŋgēi̍ he̍ī vɛ̍lɛ̄ ŋ̄ ŋgāa̍. 33Lɛ̄ūwūŋ ŋɔ᷄mpu᷅mndo̍ŋ mu᷅ŋ, ī kɛ᷅ o̍ kɛ᷅ ī nɔ̄ mī ī nɔ̄ nyɛ̄la̍ŋ lā yāa̍, māā ŋ̄bōōndu̍, mɛ̄ɛ̍ pe̍e̍ŋge̍la̍ ku̍u̍mīāāla̍ŋ lā wā nu̍a̍ā a̍ pēi̍ ī bālāā yɛ̍. 34Nyɛ̄ kɛ̄sīāā lāla̍mbūi̍yo̍ ho̍ō lɛ̄ūwūŋ ndɔ̄ɔ̍ŋ, ī kɛ᷅ o̍ kɛ᷅ o̍ bōlle̍ŋ ī nɔ̄ mī ī nɔ̄ nyɛ̄la̍ŋ lā hīɔ̍ɔ̍lu̍, mɛ̄ɛ̍ pe̍e̍ŋge̍la̍ ku̍u̍mīāāla̍ŋ lā wā nu̍a̍ā a̍ pēi̍ ī bālāā yɛ̍. 35Lɛ̄ūwu᷄ŋ cho̍ mu᷅ŋ o̍ nyɛ̄ kɛ̄sīāā lāla̍mbūi̍yo̍ ho̍ō, ŋ̄ ŋgāa̍ ve̍llāa̍ vēllē wo̍ŋ mu᷅ŋ, ŋ̄ nɔ̄ mī ŋ̄ nɔ̄ bōōndo̍ŋ māā pe̍e̍ŋge̍la̍ ku̍u̍mīāā, nāa̍ ŋ̍ bɔ̍ɔ̍ŋi̍āŋ o̍ lɔ̄ɔ̍ wa̍. 36Nyɛ̄ kɛ̄sīāā lāla̍mbūi̍yo̍ ho̍ō, lɔ̄ɔ̍ ndɔ̄ɔ̍ ni̍, lɛ̄ūwūŋ ndɔ̄ɔ̍ŋ ni̍, a̍ nyɛ̄la̍ cho̍ la̍ŋ māā pe̍e̍ŋge̍la̍ ku̍u̍mīāā la̍ŋ, lā nɔ̄ mī lā wa᷄ nyɔ̄ɔ̍ pīlɛ̍ kpe̍, ō tōōsīāā a̍ ko̍o̍līi̍ kɛ̍ndɛ̄ kɛ̍ndɛ̄ī nda̍ chɔ̄ū a̍ ha̍mɛ̄i̍yo̍ ve̍. 37O̍ ko̍ŋ kɔ̍ɔ̍lī, mī lā tōōsi̍a̍a̍ la̍mbūi̍la̍ŋ lā ŋɔ᷄mmɛ̍ū, mā kɛ̍si̍ la̍ŋ o̍ fo̍ndāŋndā la̍ nɔ̍ le̍ wāa̍ o̍ nyɛ̄ kɛ̄sīāā lāla̍mbūi̍ ko̍ŋ chōo̍ la̍ŋ, le̍ mī lā wa᷄ nyɛ̄ wa̍wo̍ŋndo̍ yɔ̄ŋgōo̍ lāchī. 38O̍ ko̍ŋ kɔ̍ɔ̍lī, mī lā tōōsi̍a̍a̍ ko̍o̍līi̍ kɛ̍ndɛ̄ kɛ̍ndɛ̄i̍ kpānya̍la̍ŋ, a̍ pēe̍tīi̍la̍ŋ le̍ wa̍llo̍ a̍ la̍mūi̍la̍ŋ nda᷅ŋ. 39Nyɛ̄ kɛ̄sīāā lāla̍mbūi̍yo̍ ho̍ō a̍ wōlɔ̄ɔ̄lā ndɔ̄la̍ŋ kpo̍u̍, a̍ ko̍o̍līi̍ kɛ̍ndɛ̄ kɛ̍ndɛ̄i̍ nya̍ nɔ̄ ni̍ mī lā tōōsi̍a̍a̍ la̍ŋ. Ndu̍yɛ̍, ko̍o̍līi̍ŋ nya̍ nɔ̄ mī lā tōōsi̍a̍a̍ la̍ŋ ndo̍ŋ, ŋ̄ nɔ̄ mī ŋ̄ wa᷅ le̍ pa᷅ŋnda̍ŋ be̍le̍-ŋɔ̍mmɛ̍ū a̍ lā ŋu̍ɛ̍ɛ̍nu̍. 40Ndu̍yɛ̍, nyɛ̄ kɛ̄sīāā lāla̍mbūi̍yo̍ ho̍ō a̍ wōlɔ̄ɔ̄lā ndɔ̄la̍ŋ, lā nɔ̄ mī lā tōōsi̍a̍a̍ la̍ŋ kpɛ̍ kpɛ̍ mɛ̄ɛ̍ ya̍ I̍ chɔ̍m nu̍m o̍ pēmbēi̍ he̍ī chōo̍ le̍ ndu̍ tōōsīa̍a̍ yɛ̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.