Ɛ̍sɔ̍dɔ̍ɔ̄ 24
24
A̍ kpe̍ma̍ Mɛ̄lɛ̄ka̍ Ya̍a̍wɛ̄ɛ̄ yi̍i̍ a̍ wāŋnda̍ I̍sɔ̄lūɛ̄ī yo̍ o̍kɔ̄ɔ̄
1O̍ ko̍ŋ kɔ̍ɔ̍lī, mī Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Chu̍a̍ E̍lɔ̄ŋ, a̍ Na̍da̍bī, a̍ Ābi̍hū, a̍ lāŋgba̍ā kālla̍ I̍sɔ̄lūɛ̄ī ŋ̄wāŋ be̍le̍-ŋɔ̍mmɛ̍ū, mī lā he᷄l o̍ pēmbēi̍ chōo̍ ya̍ Mɛ̄lɛ̄ka̍ lāchī. Tē lā hīŋ pɛ̍, lā si᷄m la̍nda̍ŋ mī lā sōōlu̍u̍ ya̍. 2Nūm Mūu̍sē, nu᷄m pīlɛ̍ kpe̍ nɔ̄ ni̍ mā sɔ̍ɔ̍ŋgu̍u̍ ya̍ Mɛ̄lɛ̄ka̍ Ya̍a̍wɛ̄ɛ̍ īkɛ̄i̍, wāŋnda̍ ā tūa̍a̍ ki̍nɛ̍i̍ ā nɔ̄ mā si᷄m kɔ̄ɔ̄lī kɔ̄ɔ̄lī la̍nda̍ŋ mā sōōlu̍u̍ ya̍. Chɛ᷅l mī wānā o̍ wānā che̍le̍ŋ he̍l nu̍m kɔ̄ɔ̄lī le̍.”
3O̍ ko̍ŋ kɔ̍ɔ̍lī, mī Mūu̍sē mi̍i̍ŋgū. Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mu̍l ndu̍, ndu̍yɛ̍ a̍ sāwāla̍ o̍ ke̍ ndu̍ la̍ŋ, mbō kɔ̍ do̍o̍nu᷄ŋ wāŋnda̍ I̍sɔ̄lūɛ̄ī ko̍na̍ kpo̍u̍. Mɛ̄ɛ̍ o̍ do̍o̍nu̍ŋ nda̍ ko̍na̍, nda̍ kpo̍u̍ ma̍ dīmī chōo̍ cho̍o̍ di̍ōm pīlɛ̍ āā, “Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l na̍a̍ ŋ̄ tūēī, ndu̍yɛ̍, ŋ̄ chō tōsā mɛ̄ɛ̍ o̍ di̍mi̍ yɛ̍.” 4O̍ ko̍ŋ, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē, mi̍ Mūu̍sē po̍o̍nyīāā ndu̍ kpo̍u̍ o̍ yāu̍ chōo̍. Dīi̍mā ndɔ̄ɔ̍ īdīi̍yo̍ pu̍u̍ŋ, mi̍ Mūu̍sē ku̍ā mbo̍ kɔ̍ ta̍ŋgūl ma̍āŋndo̍ o̍ pēmbēi̍ bɛ̄ŋgu̍. Mbo̍ chūā pōūta̍ŋ tɔ̍ a̍ lā tīɔ̍ɔ̍ŋ, mbo̍ hāndū la̍ŋ o̍ ma̍āŋ kōŋ chōo̍. Pōūtā tɔ̍ a̍ lā tīɔ̍ɔ̍ŋnda̍ŋ nda᷅ŋ, la̍ŋ la̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. 5O̍ ko̍ŋ kɔ̍ɔ̍lī, mi̍ Mūu̍sē hɛ̍lī chūa̍a̍ pīāāndūa̍a̍ ā ti᷄ŋ mbo̍ vīām nda̍, ma̍ dīū chɔ̄lūa̍a̍ ma̍ sōlī sa̍lālā lūāmāāla̍ŋ o̍ Mɛ̄lɛ̄ka̍ Ya̍a̍wɛ̄ɛ̄ lo̍. Ma̍ sōlī vɛ̄lɛ̄ sa̍lālā īchāŋnja̍la̍ŋ a̍ nāūwāā tōōyīa̍a̍. 6O̍ ko̍ŋ, mi̍ Mūu̍sē o̍ chu̍ā kōo̍ma̍ chɔ̄lūāā nda̍ dīu̍ wa̍ tɛ̄ndāa̍ tɛ̄ɛ̄ŋ, mbo̍ dūāū ma̍ŋ o̍ hɛ̄ŋgɔ̍ɔ̍ ni᷄ŋ, mbo̍ chūā mā tūa̍ŋ, mbo̍ fāsāŋīāā ma̍ŋ o̍ ma̍āŋndo̍. 7O̍ ko̍ŋ kɔ̍ɔ̍lī, mbo̍ chūā yāu̍ kpe̍ma̍ Mɛ̄lɛ̄ka̍ Ya̍a̍wɛ̄ɛ̄ wo̍, mbo̍ kūmbī ndu̍ wāŋnda̍ kpo̍u̍ o̍ hɔ̄l. Nyɛ̍ o̍ nyɛ̄ wa̍ ō pōōnyīāā lēni᷄ŋ, mbo̍ tōmbōlāl wāŋnda̍ ndu̍ chōo̍ cho̍o̍ nda̍ kpo̍u̍ ma̍ tūɛ̄ī. Mɛ̄ɛ̍ o̍ chi̍i̍ nda̍ ndu̍ tōmbōlāl, nda̍ kpo̍u̍ ma̍ dīmī chōo̍ cho̍o̍ di̍ōm pīlɛ̍ āā, “Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l na̍a̍ ŋ̄ tūēī, ndu̍yɛ̍ ŋ̄ chō ndu̍ tōsā.”
8O̍ ko̍ŋ, mi̍ Mūu̍sē chu̍ā vɛ̍lɛ̄ kōo̍ma̍ wa̍ o̍ hɛ̄ŋgɔ̍ɔ̍ ni᷄ŋ nda̍ŋ, mbo̍ fāsāŋīāā ma̍ŋ wāŋnda̍ chōo̍. Mbo̍ dīmī āā, “A̍ kōo̍wa̍ŋ ma᷅ŋ Mɛ̄lɛ̄ka̍ Ya̍a̍wɛ̄ɛ̄ o̍ yīi̍ kpe̍ma̍a̍ a̍ nya̍ ni̍, mbo̍ kē nya̍ sāwāla̍ŋ nda᷅ŋ.”
9O̍ ko̍ŋ, Mūu̍sē ni̍, E̍lɔ̄ŋ ni̍, Na̍da̍bī ni̍, Ābi̍hū ni̍, lāŋgba̍ā kālāā ŋ̄wāŋ be̍le̍-ŋɔ̍mmɛ̍ū wa̍ I̍sɔ̄lūɛ̄ī ni̍, ma̍ hēl pēmbēi̍ chōo̍. 10Mɛ̄ɛ̍ nda̍ he᷄l, ma̍ chā Mɛ̄lɛ̄ka̍ I̍sɔ̄lūɛ̍i̍ya̍. Nyɔ̄ɔ̍ wa̍ ndu̍ ō kūāna᷄ŋ o̍ pēlo̍ŋ tɛ̍ŋgɛ̄lɛ̍sɛ̄ɛ̍ nu̍a̍ā ŋ̄ chā āā ha̍la̍a̍ ni̍. Wānā a̍a̍ che᷅ nyɔ̄ɔ̍ ho̍ō īŋɛ̄lɛ̄ŋgi̍ ŋɛ̍lɛ̄ŋgi̍e̍i̍ pɛ̍, nu̍a̍ wɔ̍ ko̍ mɛ̄ɛ̍ nda̍ bɛ̄ɛ̄ndīāā nu̍a̍ā fo̍ndāa̍ a̍ sāfa̍lūɛ̄, pōū ba̍ā kālā bɛ̄ndōo̍ yɛ̍. 11Mi̍ wāŋ bɛ̄ndūa̍a̍ I̍sɔ̄lūɛ̄ī a̍ cha᷅ Mɛ̄lɛ̄ka̍ a̍ lēhɔ̄l pɛ̍ɛ̍ŋ, kɛ̍ Mɛ̄lɛ̄ka̍ yɔ᷄ŋ nda̍ nyɛ̄ o̍ nyɛ̄ le̍. Ma̍ dīā nyɛ̄ dīa̍a̍ Mɛ̄lɛ̄ka̍ o̍ hɔ̄l lo̍ŋ, ma̍ kōl dīōm pīlɛ̍.
Mūu̍sē he̍l o̍ Pēmbīī Sa̍a̍nāīve̍ chōo̍
12Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “He̍l o̍ pēmbēi̍ he̍ī chōo̍ na̍nu᷄ŋ, mā hu̍ŋ chu᷅m le̍ te̍le̍ŋ ti᷄ŋ. I̍ cho̍ nu̍m pōūtā yɛ̍ndɛ̍la̍ŋ kē la̍ŋ tīɔ̍ɔ̍ŋ, lā sāwāla̍ nīla̍ŋ, lā chō lā pōōnyīāā lēchōo̍ la̍ŋ, ndu̍yɛ̍ mī chɔ̍m nu̍m nyɛ̄ o̍ nyɛ̄ nda̍ nɔ̄ le̍ tōsāa̍, le̍ mā kɔ̍ ke᷅ wāŋnda̍ I̍sɔ̄lūɛ̄ī.” 13O̍ ko̍ŋ, mi̍ Mūu̍sē nda̍ wāna̍ ndɔ̄ ma̍lāa̍ Chɔ̄ɔ̍sūāā a̍ bɛ̍ɛ̍ndīa̍ŋ, ma̍ hēl o̍ pēmbīī Mɛ̄lɛ̄kɛ̍i̍ chōo̍. 14Lɔ̍ɔ̍ pa̍ mi̍ Mūu̍sē o̍ ku̍ā pēmbēi̍ chōo̍, mbo̍ di̍mūl wāŋ bɛ̄ndūa̍a̍ I̍sɔ̄lūɛ̄ī āā, “Lā chu̍m na̍a̍ o̍ dɔ̍ɔ̍ŋgɔ̍ɔ̍ ni᷄ŋ na̍ŋnu᷄ŋ, ŋ̄ chō hūnɔ̄ɔ̄. E̍lɔ̄ŋ ni̍, Hɔ̍ɔ̄ ni̍, ā chō na̍ŋnu᷄ŋ a̍ nya̍ la̍tu̍lu̍. Tē īsɔ̄ɔ̍ o̍ īsɔ̄ɔ̍ wa̍ le̍ dīmī pɛ̍, lā kōma̍l nda̍ mā bɛ̄ɛ̄ndi̍a̍a̍.”
15O̍ ko̍ŋ, mɛ̄ɛ̍ Mūu̍sē o̍ he̍l o̍ pēmbēi̍ chōo̍, mi̍ yu̍mbu̍ yu̍mbo̍o̍ tūāl o̍ Pēmbīī Sa̍a̍nāīve̍ chōo̍ mbo̍ kūmbū ndi̍ kpo̍u̍. 16Mi̍ Pa̍ŋgēle̍ bɛ̄ndu̍ chɔ᷅m na̍ŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍, ō tīū o̍ Pēmbīī Sa̍a̍nāīve̍ chōo̍ kpo̍u̍. Le̍ pālɛ̍i̍ ī ŋɔ᷄mpu᷅m yu̍mbu̍ yu̍mbo̍o̍ chō ō kūmbāā pēmbēi̍ kpu̍. O̍ pāa̍le̍ ŋɔ᷄mmɛ̍ūle̍ŋ chōo̍, mi̍ Mɛ̄lɛ̄ka̍ Ya̍a̍wɛ̄ɛ̄ ve̍e̍lū Mūu̍sē o̍ yu̍mbu̍ yu̍mbu̍ ko̍ŋ ni᷄ŋ. 17Mɛ̄ɛ̍ wāŋnda̍ I̍sɔ̄lūɛ̄ī a̍ che᷅ pa̍ŋgēle̍ bɛ̄ndu̍ chɔ᷅m nāŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍ o̍ Pēmbīī Sa̍a̍nāīve̍ chōo̍, nda̍ a̍a̍ cha᷅ ko̍ bɛ̍ɛ̍ āā yīŋndē bɛ̄ndūle̍ŋ kpo̍so̍ŋ le̍ wa̍ sānde̍i̍ ni̍. 18Ndu̍yɛ̍, Mūu̍sē lo̍ pēmbēi̍ hēlɔ̄ɔ̍, mi̍ yu̍mbu̍ yu̍mbo̍o̍ ō kūmbū ndu̍ kpo̍u̍, le̍ pālɛ̍i̍ be̍le̍-hi̍ɔ̍ɔ̍lu̍ a̍ nyūmnda̍ŋ be̍le̍-hi̍ɔ̍ɔ̍lu̍ Mūu̍sē wa̍ o̍ yu̍mbu̍ yu̍mbu̍ ko̍ŋ ni᷄ŋ.
Currently Selected:
Ɛ̍sɔ̍dɔ̍ɔ̄ 24: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 24
24
A̍ kpe̍ma̍ Mɛ̄lɛ̄ka̍ Ya̍a̍wɛ̄ɛ̄ yi̍i̍ a̍ wāŋnda̍ I̍sɔ̄lūɛ̄ī yo̍ o̍kɔ̄ɔ̄
1O̍ ko̍ŋ kɔ̍ɔ̍lī, mī Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Chu̍a̍ E̍lɔ̄ŋ, a̍ Na̍da̍bī, a̍ Ābi̍hū, a̍ lāŋgba̍ā kālla̍ I̍sɔ̄lūɛ̄ī ŋ̄wāŋ be̍le̍-ŋɔ̍mmɛ̍ū, mī lā he᷄l o̍ pēmbēi̍ chōo̍ ya̍ Mɛ̄lɛ̄ka̍ lāchī. Tē lā hīŋ pɛ̍, lā si᷄m la̍nda̍ŋ mī lā sōōlu̍u̍ ya̍. 2Nūm Mūu̍sē, nu᷄m pīlɛ̍ kpe̍ nɔ̄ ni̍ mā sɔ̍ɔ̍ŋgu̍u̍ ya̍ Mɛ̄lɛ̄ka̍ Ya̍a̍wɛ̄ɛ̍ īkɛ̄i̍, wāŋnda̍ ā tūa̍a̍ ki̍nɛ̍i̍ ā nɔ̄ mā si᷄m kɔ̄ɔ̄lī kɔ̄ɔ̄lī la̍nda̍ŋ mā sōōlu̍u̍ ya̍. Chɛ᷅l mī wānā o̍ wānā che̍le̍ŋ he̍l nu̍m kɔ̄ɔ̄lī le̍.”
3O̍ ko̍ŋ kɔ̍ɔ̍lī, mī Mūu̍sē mi̍i̍ŋgū. Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ di̍mu̍l ndu̍, ndu̍yɛ̍ a̍ sāwāla̍ o̍ ke̍ ndu̍ la̍ŋ, mbō kɔ̍ do̍o̍nu᷄ŋ wāŋnda̍ I̍sɔ̄lūɛ̄ī ko̍na̍ kpo̍u̍. Mɛ̄ɛ̍ o̍ do̍o̍nu̍ŋ nda̍ ko̍na̍, nda̍ kpo̍u̍ ma̍ dīmī chōo̍ cho̍o̍ di̍ōm pīlɛ̍ āā, “Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l na̍a̍ ŋ̄ tūēī, ndu̍yɛ̍, ŋ̄ chō tōsā mɛ̄ɛ̍ o̍ di̍mi̍ yɛ̍.” 4O̍ ko̍ŋ, nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē, mi̍ Mūu̍sē po̍o̍nyīāā ndu̍ kpo̍u̍ o̍ yāu̍ chōo̍. Dīi̍mā ndɔ̄ɔ̍ īdīi̍yo̍ pu̍u̍ŋ, mi̍ Mūu̍sē ku̍ā mbo̍ kɔ̍ ta̍ŋgūl ma̍āŋndo̍ o̍ pēmbēi̍ bɛ̄ŋgu̍. Mbo̍ chūā pōūta̍ŋ tɔ̍ a̍ lā tīɔ̍ɔ̍ŋ, mbo̍ hāndū la̍ŋ o̍ ma̍āŋ kōŋ chōo̍. Pōūtā tɔ̍ a̍ lā tīɔ̍ɔ̍ŋnda̍ŋ nda᷅ŋ, la̍ŋ la̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. 5O̍ ko̍ŋ kɔ̍ɔ̍lī, mi̍ Mūu̍sē hɛ̍lī chūa̍a̍ pīāāndūa̍a̍ ā ti᷄ŋ mbo̍ vīām nda̍, ma̍ dīū chɔ̄lūa̍a̍ ma̍ sōlī sa̍lālā lūāmāāla̍ŋ o̍ Mɛ̄lɛ̄ka̍ Ya̍a̍wɛ̄ɛ̄ lo̍. Ma̍ sōlī vɛ̄lɛ̄ sa̍lālā īchāŋnja̍la̍ŋ a̍ nāūwāā tōōyīa̍a̍. 6O̍ ko̍ŋ, mi̍ Mūu̍sē o̍ chu̍ā kōo̍ma̍ chɔ̄lūāā nda̍ dīu̍ wa̍ tɛ̄ndāa̍ tɛ̄ɛ̄ŋ, mbo̍ dūāū ma̍ŋ o̍ hɛ̄ŋgɔ̍ɔ̍ ni᷄ŋ, mbo̍ chūā mā tūa̍ŋ, mbo̍ fāsāŋīāā ma̍ŋ o̍ ma̍āŋndo̍. 7O̍ ko̍ŋ kɔ̍ɔ̍lī, mbo̍ chūā yāu̍ kpe̍ma̍ Mɛ̄lɛ̄ka̍ Ya̍a̍wɛ̄ɛ̄ wo̍, mbo̍ kūmbī ndu̍ wāŋnda̍ kpo̍u̍ o̍ hɔ̄l. Nyɛ̍ o̍ nyɛ̄ wa̍ ō pōōnyīāā lēni᷄ŋ, mbo̍ tōmbōlāl wāŋnda̍ ndu̍ chōo̍ cho̍o̍ nda̍ kpo̍u̍ ma̍ tūɛ̄ī. Mɛ̄ɛ̍ o̍ chi̍i̍ nda̍ ndu̍ tōmbōlāl, nda̍ kpo̍u̍ ma̍ dīmī chōo̍ cho̍o̍ di̍ōm pīlɛ̍ āā, “Nyɛ̄ o̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l na̍a̍ ŋ̄ tūēī, ndu̍yɛ̍ ŋ̄ chō ndu̍ tōsā.”
8O̍ ko̍ŋ, mi̍ Mūu̍sē chu̍ā vɛ̍lɛ̄ kōo̍ma̍ wa̍ o̍ hɛ̄ŋgɔ̍ɔ̍ ni᷄ŋ nda̍ŋ, mbo̍ fāsāŋīāā ma̍ŋ wāŋnda̍ chōo̍. Mbo̍ dīmī āā, “A̍ kōo̍wa̍ŋ ma᷅ŋ Mɛ̄lɛ̄ka̍ Ya̍a̍wɛ̄ɛ̄ o̍ yīi̍ kpe̍ma̍a̍ a̍ nya̍ ni̍, mbo̍ kē nya̍ sāwāla̍ŋ nda᷅ŋ.”
9O̍ ko̍ŋ, Mūu̍sē ni̍, E̍lɔ̄ŋ ni̍, Na̍da̍bī ni̍, Ābi̍hū ni̍, lāŋgba̍ā kālāā ŋ̄wāŋ be̍le̍-ŋɔ̍mmɛ̍ū wa̍ I̍sɔ̄lūɛ̄ī ni̍, ma̍ hēl pēmbēi̍ chōo̍. 10Mɛ̄ɛ̍ nda̍ he᷄l, ma̍ chā Mɛ̄lɛ̄ka̍ I̍sɔ̄lūɛ̍i̍ya̍. Nyɔ̄ɔ̍ wa̍ ndu̍ ō kūāna᷄ŋ o̍ pēlo̍ŋ tɛ̍ŋgɛ̄lɛ̍sɛ̄ɛ̍ nu̍a̍ā ŋ̄ chā āā ha̍la̍a̍ ni̍. Wānā a̍a̍ che᷅ nyɔ̄ɔ̍ ho̍ō īŋɛ̄lɛ̄ŋgi̍ ŋɛ̍lɛ̄ŋgi̍e̍i̍ pɛ̍, nu̍a̍ wɔ̍ ko̍ mɛ̄ɛ̍ nda̍ bɛ̄ɛ̄ndīāā nu̍a̍ā fo̍ndāa̍ a̍ sāfa̍lūɛ̄, pōū ba̍ā kālā bɛ̄ndōo̍ yɛ̍. 11Mi̍ wāŋ bɛ̄ndūa̍a̍ I̍sɔ̄lūɛ̄ī a̍ cha᷅ Mɛ̄lɛ̄ka̍ a̍ lēhɔ̄l pɛ̍ɛ̍ŋ, kɛ̍ Mɛ̄lɛ̄ka̍ yɔ᷄ŋ nda̍ nyɛ̄ o̍ nyɛ̄ le̍. Ma̍ dīā nyɛ̄ dīa̍a̍ Mɛ̄lɛ̄ka̍ o̍ hɔ̄l lo̍ŋ, ma̍ kōl dīōm pīlɛ̍.
Mūu̍sē he̍l o̍ Pēmbīī Sa̍a̍nāīve̍ chōo̍
12Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “He̍l o̍ pēmbēi̍ he̍ī chōo̍ na̍nu᷄ŋ, mā hu̍ŋ chu᷅m le̍ te̍le̍ŋ ti᷄ŋ. I̍ cho̍ nu̍m pōūtā yɛ̍ndɛ̍la̍ŋ kē la̍ŋ tīɔ̍ɔ̍ŋ, lā sāwāla̍ nīla̍ŋ, lā chō lā pōōnyīāā lēchōo̍ la̍ŋ, ndu̍yɛ̍ mī chɔ̍m nu̍m nyɛ̄ o̍ nyɛ̄ nda̍ nɔ̄ le̍ tōsāa̍, le̍ mā kɔ̍ ke᷅ wāŋnda̍ I̍sɔ̄lūɛ̄ī.” 13O̍ ko̍ŋ, mi̍ Mūu̍sē nda̍ wāna̍ ndɔ̄ ma̍lāa̍ Chɔ̄ɔ̍sūāā a̍ bɛ̍ɛ̍ndīa̍ŋ, ma̍ hēl o̍ pēmbīī Mɛ̄lɛ̄kɛ̍i̍ chōo̍. 14Lɔ̍ɔ̍ pa̍ mi̍ Mūu̍sē o̍ ku̍ā pēmbēi̍ chōo̍, mbo̍ di̍mūl wāŋ bɛ̄ndūa̍a̍ I̍sɔ̄lūɛ̄ī āā, “Lā chu̍m na̍a̍ o̍ dɔ̍ɔ̍ŋgɔ̍ɔ̍ ni᷄ŋ na̍ŋnu᷄ŋ, ŋ̄ chō hūnɔ̄ɔ̄. E̍lɔ̄ŋ ni̍, Hɔ̍ɔ̄ ni̍, ā chō na̍ŋnu᷄ŋ a̍ nya̍ la̍tu̍lu̍. Tē īsɔ̄ɔ̍ o̍ īsɔ̄ɔ̍ wa̍ le̍ dīmī pɛ̍, lā kōma̍l nda̍ mā bɛ̄ɛ̄ndi̍a̍a̍.”
15O̍ ko̍ŋ, mɛ̄ɛ̍ Mūu̍sē o̍ he̍l o̍ pēmbēi̍ chōo̍, mi̍ yu̍mbu̍ yu̍mbo̍o̍ tūāl o̍ Pēmbīī Sa̍a̍nāīve̍ chōo̍ mbo̍ kūmbū ndi̍ kpo̍u̍. 16Mi̍ Pa̍ŋgēle̍ bɛ̄ndu̍ chɔ᷅m na̍ŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍, ō tīū o̍ Pēmbīī Sa̍a̍nāīve̍ chōo̍ kpo̍u̍. Le̍ pālɛ̍i̍ ī ŋɔ᷄mpu᷅m yu̍mbu̍ yu̍mbo̍o̍ chō ō kūmbāā pēmbēi̍ kpu̍. O̍ pāa̍le̍ ŋɔ᷄mmɛ̍ūle̍ŋ chōo̍, mi̍ Mɛ̄lɛ̄ka̍ Ya̍a̍wɛ̄ɛ̄ ve̍e̍lū Mūu̍sē o̍ yu̍mbu̍ yu̍mbu̍ ko̍ŋ ni᷄ŋ. 17Mɛ̄ɛ̍ wāŋnda̍ I̍sɔ̄lūɛ̄ī a̍ che᷅ pa̍ŋgēle̍ bɛ̄ndu̍ chɔ᷅m nāŋɔ̄ɔ̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍ o̍ Pēmbīī Sa̍a̍nāīve̍ chōo̍, nda̍ a̍a̍ cha᷅ ko̍ bɛ̍ɛ̍ āā yīŋndē bɛ̄ndūle̍ŋ kpo̍so̍ŋ le̍ wa̍ sānde̍i̍ ni̍. 18Ndu̍yɛ̍, Mūu̍sē lo̍ pēmbēi̍ hēlɔ̄ɔ̍, mi̍ yu̍mbu̍ yu̍mbo̍o̍ ō kūmbū ndu̍ kpo̍u̍, le̍ pālɛ̍i̍ be̍le̍-hi̍ɔ̍ɔ̍lu̍ a̍ nyūmnda̍ŋ be̍le̍-hi̍ɔ̍ɔ̍lu̍ Mūu̍sē wa̍ o̍ yu̍mbu̍ yu̍mbu̍ ko̍ŋ ni᷄ŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.