Ɛ̍sɔ̍dɔ̍ɔ̄ 13
13
A̍ chūāūwāā tāsi̍a̍a̍ mālɔ̄ɔ̍ Mɛ̄lɛ̄ka̍ o̍ bā o̍kɔ̄ɔ̄
1O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 2“Po̍ o̍ po̍ tāse̍ wānā la̍nɔ̍ɔ̍ o̍ vēlū pɛ̍, ō wa̍ o̍ yɔ̍ŋga᷄ŋ o̍ ya̍ lo̍. Chɔ̄lūāā ndāa̍ bɛ̍ɛ̍, ā pīāāndūāā tāsi̍a̍a̍ nda̍ kūām nda̍ ki̍nɛ̍i̍, ā nɔ̄ mā wa̍ ā yɔ̄ŋga᷄ŋ o̍ ya̍ lo̍.”
Bɔ̄ŋa᷅ŋ nda̍ dīā bēe̍dīi̍ nda̍ do̍ū yi̍i̍sīi̍ le̍ni᷄ŋ te̍ wo̍
3O̍ ko̍ŋ kɔ̍ɔ̍lī, mi̍ Mūu̍sē di̍mūl wāŋnda̍ I̍sɔ̄lūɛ̄ī āā, “Wāŋnda̍ I̍sɔ̄lūɛ̄ī, lā lōōnu̍ŋ a̍ pāa̍le̍ŋ nde᷅ŋ hāū, pāa̍le̍ Mɛ̄lɛ̄ka̍ Ya̍a̍wɛ̄ɛ̄ o̍ so̍li̍ nya̍ I̍chi̍pī nāa̍ nya̍ wa̍ o̍ chɛ̄le̍ŋ ni᷄ŋ nda̍. Pāa̍le̍ŋ nde᷅ŋ o̍ ba̍ŋa̍ nya̍ a̍ kpāāya̍ ndɔ̄ bɛ̍ndōo̍ ni̍. O̍ pāa̍le̍ŋ nde̍ŋ chōo̍ lā di̍ā bēe̍dīi̍ o̍ bēe̍ndīi̍ nɔ̍ yi̍i̍sīi̍yo̍ le̍ni᷄ŋ te̍. 4Ndu̍yɛ̍, lā lōōnu᷄ŋ a̍ pāa̍le̍ŋ nde᷅ŋ hāū o̍ pāŋge̍i̍ A̍bīve̍#13:4 A̍bī: Dīōmndo̍ ho̍ō, Hi̍būlūi̍ya̍ pāŋgi̍i̍ ndɛ̄i̍ ta̍se̍i̍ o̍ wɔ̄sīo̍o̍ ni᷄ŋ, ndi̍ cho̍ he̍ī ni̍. ni᷄ŋ, o̍ pāa̍le̍ŋ nde̍ŋ chōo̍ nya̍ chō lɛ̄ŋndē I̍chi̍pīle̍ŋ mālɔ̄ɔ̍ ni̍. 5Mɛ̄lɛ̄ka̍ Ya̍a̍wɛ̄ɛ̄ cho̍ lākɔ̄ a̍ nya̍ o̍ lɛ̄ŋndē kɛ̄ndɛ̄lē bɛ̄ndūle̍ŋ ni᷄ŋ le̍ŋ le̍ yɔ̍nūŋ ni̍ māā, lɛ̄ŋndē Ke̍na̍na̍i̍tīi̍ya̍, a̍ Hi̍ta̍i̍tīi̍ya̍, a̍ A̍mɔ̍lu̍a̍i̍tīi̍ya̍, a̍ Hi̍va̍i̍tīi̍ya̍, a̍ Chɛ̄būsa̍i̍tīi̍ya̍. Lɛ̄ŋnde̍ cho̍ lē pīāā a̍ nyɛ̄m kɛ̄ndɔ᷄ŋ, ndu̍yɛ̍ mi̍ lē nɔ̄ fo̍ndāŋndā kɛ̄ndɛ̄lā tɔ̄lɔ̄ɔ̄la̍ŋ lā nāŋ nde̍ŋ. Tē Mɛ̄lɛ̄ka̍ hu᷄ŋ kɔ̍ a̍ nya̍ o̍ lɛ̄ŋndē o̍ chūe̍l le̍ŋ si̍ndɛ̄ fi̍nyāā nyāā ma̍māa̍ būŋgɛ̄i̍ ī kālā ka̍lā, mbo̍ mēna᷄ŋ māā ō chō nda̍ kē le̍ŋ ni᷄ŋ pɛ̍, lā bīī bɔ̄ŋa᷅ŋndo̍ ho̍ō. Ndu̍yɛ̍, īwɔ̄sī o̍ īwɔ̄sī o̍ pāŋge̍i̍ he̍ī ni᷄ŋ nya̍ bīi̍ bɔ̍ŋa᷅ŋndo̍ ho̍ō ni̍. 6Ndu̍yɛ̍, tē lā wa̍ ndu̍ bīyɔ̄ɔ̍ pɛ̍, le̍ pālɛ̍i̍ ī ŋɔ᷄mmɛ̍ū lā di̍ā bēe̍dīi̍ nɔ̍ yi̍i̍sīi̍yo̍ le̍ni᷄ŋ ndo̍ le̍. Ndu̍yɛ̍, o̍ pāa̍le̍ ŋɔ᷄mmɛ̍ūle̍ŋ chōo̍ lā bīī bɔ̄ŋa᷅ŋndo̍ le̍ ya̍ Mɛ̄lɛ̄ka̍ Ya̍a̍wɛ̄ɛ̄ bɛ̄ɛ̄le̍ŋ kīo̍o̍. 7O̍, pālɛ̍i̍ ŋɔ᷄mmɛ̍ūve̍ he̍ī ni᷄ŋ ki̍nɛ̍i̍, lā di̍ā bēe̍dīi̍ o̍ bēe̍dīi̍ nɔ̍ yi̍i̍sīi̍yo̍ lēni᷄ŋ te̍, kɛ̄lɛ̄ŋgāā ni᷅ŋ te̍ mī lā kɛ̍sī yi̍i̍sīi̍yo̍ o̍ chīɛ̄īlā nyāla̍ŋ ni᷄ŋ, ɔ̄ɔ̄ o̍ lɛ̄ŋnde̍ŋ nde᷅ŋ ni᷄ŋ kpo̍u̍. 8Ndu̍yɛ̍, o̍ pāa̍le̍ ŋɔ̍mmɛ̍ūle̍ŋ chōo̍, lā tɛ̄ɛ̄si̍a̍l chūāūwāā nyāa̍ a̍ bɔ̄ŋa᷅ŋndo̍ ho̍ō o̍kɔ̄ɔ̄. Mī lā dīmu̍l nda̍ māā, le̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ to̍sa̍l nya̍ bōōndi̍i̍ o̍ so̍li̍ nya̍ I̍chi̍pī ve̍, māā le̍ sa̍bū kōŋ bɔ̄ŋa᷄ŋndo̍ ho̍ō ō chō ni̍. 9Ndu̍yɛ̍, bɔ̄ŋa᷅ŋndo̍ ho̍ō ō chō le̍ nya̍ lōōnɔ᷄ŋndo̍ a̍ nyɛ̄ Mɛ̄lɛ̄ka̍ tōsa̍l nya̍ sīndɛ̄ wo̍ o̍kɔ̄ɔ̄. O̍ chō māchūāā mɛ̄ɛ̍ nya̍ yīīnūŋ nu̍a̍ā nyɔ̄ɔ̍ o̍ bā, kɛ̄lɛ̄ŋgāā o̍ ŋ̄tēndu̍ yɛ̍. Bɔ̄ŋa᷅ŋndo̍ ho̍ō, ō chō māchūāā le̍ nya̍ lōōnɔ᷄ŋndo̍ māā lā nɔ̄ mī lā kɛ̄si̍ŋ pɛ̄ɛ̄kūla̍ Mɛ̄lɛ̄ka̍ Ya̍a̍wɛ̄ɛ̄ la̍ŋ o̍ kɔ̄l, ndu̍yɛ̍ mī lā wa̍ sūɛ̍i̍ a̍ la̍ŋ o̍kɔ̄ɔ̄. Kāni̍, Mɛ̄lɛ̄ka̍ Ya̍a̍wɛ̄ɛ̄ ndu̍ so̍li̍ nya̍ I̍chi̍pī a̍ kpāāya̍ ndɔ̄ bɛ̍ndōo̍ ni̍. 10Ndu̍yɛ̍, īwɔ̄sī o̍ īwɔ̄sī, lā bīi̍ bɔ̄ŋa᷅ŋndo̍ ho̍ō, lā bīi̍ ndu̍ a̍ te̍le̍ŋ kpe̍e̍kpe̍i̍ o̍ cho̍ ō yūlāā le̍ bīīnɔ᷄ŋndo̍ wo̍.”
A̍ chūāūwāā pīāāndūāā tāsi̍a̍a̍ o̍kɔ̄ɔ̄
11Mi̍ Mūu̍sē hi̍a̍ū lāchī a̍ sūɛ̍i̍, mbo̍ dīmī āā, “Mɛ̄lɛ̄ka̍ Ya̍a̍wɛ̄ɛ̄ cho̍ nya̍ lɛ̄ŋndē Ke̍na̍na̍i̍tīi̍ya̍ kē mɛ̄ɛ̍ o̍ chu̍e̍l nya̍, a̍ fi̍nyāā nyāa̍ ma̍māa̍ būŋgɛ̄i̍ yɛ̍. 12Ndu̍yɛ̍, tē lā fūūlu̍u̍ lo̍ŋ pɛ̍, chūāūwāā nyāā pīāāndūāā tāsi̍a̍a̍ ki̍nɛ̍i̍, lā nɔ̄ mī lā wa̍ nda̍ yɔ̄ŋgōo̍ o̍ Mɛ̄lɛ̄ka̍ Ya̍a̍wɛ̄ɛ̄ lo̍. Chɔ̄lūa̍a̍ nyāa̍ bɛ̍ɛ̍, ā pīāāndūāā tāsi̍a̍a̍ nda̍ kūām nda̍ ki̍nɛ̍i̍, lā nɔ̄ mī la̍ wa̍ nda̍ yɔ̄ŋgōo̍ o̍ Mɛ̄lɛ̄ka̍ Ya̍a̍wɛ̄ɛ̄ lo̍. 13Kɛ̍, chūālē tāse̍le̍ pi̍a̍a̍ndūlē sōfɛ̍lɔ̍ɔ̍ ō kūām nde̍ŋ, lā nɔ̄ mī lā yɔ̄ŋgu̍ sāā fɔ̍ŋndɔ̍ɔ̍ o̍ Mɛ̄lɛ̄ka̍ Ya̍a̍wɛ̄ɛ̄ lo̍, le̍ le̍ŋ bāŋāa̍. Tē ko̍ŋ te̍, mɛ̄ɛ̍ lā yo᷄m sōfɛ̍lɛ̍ ko̍ŋ kɛ̍se̍i̍. Ndu̍yɛ̍ chūāūwāā nyāā pi̍a̍a̍ndūāā tāsi̍a̍a̍ nya̍ vīālū wa̍ ki̍nɛ̍i̍, lā nɔ̄ mī lā bāŋā nda̍. 14Tē bōōndi̍i̍ hu̍ŋ fu̍u̍lūū pɛ̍, mī chūāūwāā nyāa̍ hu᷄ŋ nyu̍nā nya̍ le̍ sa̍bū nya̍ chō he̍ī tōsāa̍ wo̍ pɛ̍, lā dīmu̍l nda̍ āā, ‘Le̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ ba̍ŋa̍ na̍a̍ o̍ chɛ̄le̍ŋ ni᷄ŋ I̍chi̍pī, mbo̍ sōlī na̍a̍ lo̍ŋ a̍ kpāāya̍ ndɔ̄ bɛ̍ndōo̍ yɛ̍, le̍la̍ŋ na̍a̍ ŋ̄ chō he̍ī tōsāa̍ ni̍. 15Bōōndi̍i̍ māsā bɛ̍ndo̍o̍ I̍chi̍pī o̍ to̍sa̍ bōlle̍ kālāle̍ŋ mbo̍ kɛ̄ɛ̄ māā ō me᷅l na̍a̍ le̍ ve̍, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍ū po̍ o̍ po̍ ta̍se̍ wāŋnda̍ I̍chi̍pī a̍ ve̍lū. Chɔ̄lūāā pīāāndūāā tāsi̍a̍a̍ chɔ̄lūāā ndāa̍ ā kōm nda̍ bɛ̍ɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ dīū nda̍. Mɛ̄ɛ̍ le̍ sa̍bū kōŋ na̍a̍ sōlī chɔ̍lūāā pīāāndūāā tāsi̍a̍a̍ chɔ̄lūāā nāa̍ ā kūām nda̍ sa̍lāa̍ ni̍, mī ŋ̄ bāŋā chūāūwa̍, ā pīāāndūāā tāsi̍a̍a̍ na̍a̍ vīālū wa̍.’ 16Ndu̍yɛ̍, ī nya̍ chō he̍ī tōsāa̍ ve̍, ī chō māchūāā mɛ̄ɛ̍ nya̍ yīīnūŋ nu̍a̍ā nyɔ̄ɔ̍ o̍ bā, ɔ̄ɔ̄ o̍ ŋ̄tēndu̍ yɛ̍, le̍ chɔ̄mndo̍ a̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ ba̍ŋa̍ nya̍ I̍chi̍pī a̍ kpāāya̍ ndɔ̄ bɛ̍ndōo̍ yɛ̍.”
A̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ lo̍o̍kū wānāā ndūa̍a̍ nɛ̄īyo̍ chɔ̄m yɛ̍ o̍kɔ̄ɔ̄
17Bōōndi̍i̍ māsāa̍ I̍chi̍pī o̍ chɛ̍l māā wāŋnda̍ I̍sɔ̄lūɛ̄ī ā kɔ̍ ve̍, Mɛ̄lɛ̄ka̍ ku̍e̍ a̍ wānāā ndūa̍a̍ I̍sɔ̄lūɛ̄ī a̍ nɛ̄i̍ ke̍e̍ku̍ o̍ lɛ̄ŋndē Fīli̍i̍tīāŋnda̍ ni᷄ŋ ndo̍ le̍. Mi̍ chē bɛ̍ɛ̍ māā nɛ̄ī ko̍ŋ wa̍ nɛ̄ī bi̍ŋgīo̍o̍ ni̍, kɛ̍, ō kēēku̍ a̍ nda̍ lo̍ŋ te̍. Kāni̍, mi̍ Mɛ̄lɛ̄ka̍ dīmī māā, yɔ̄ŋi̍ nda̍ kōma̍la̍ŋ chɔ̍ū lāchī mā de̍l kɔ̄l le̍ mīīŋgɔ᷄ŋndo̍ I̍chi̍pī. 18Le̍la̍ŋ, mbo̍ kēēku᷄ŋ a̍ nda̍ o̍ lɛ̄ŋndē po̍lte̍ŋ ni᷄ŋ le̍ kɔ̄la̍ŋ kūmbū Pēē Si̍a̍ŋā Mɛ̄ŋmā Īhɛ᷄llo̍. Ndu̍yɛ̍, mi̍ wāŋnda̍ I̍sɔ̄lūɛ̄ī a̍ ma᷅l I̍chi̍pī ā bɛ̄ɛ̄ndīa̍ŋ nyɛ᷅ kɛ̄ndɛ̄ kɛ̍ndɛ̍ī le̍ sɔ̍ŋgɔ̄ɔ̍.
19Ndu̍yɛ̍, mi̍ Mūu̍sē chu̍ā pāāla̍ Chōo̍sɛ̍la̍ŋ mbo̍ kūā a̍ la̍ŋ o̍ bā. Kāni̍, lɔ̍ɔ̍pa̍ Chōo̍sɛ̍ wū, mbo̍ dīmūl wāŋnda̍ I̍sɔ̄lūɛ̄ī māā tē Mɛ̄lɛ̄ka̍ ō hu᷄ŋ so̍lī nda̍ o̍ lɛ̄ŋndē I̍chi̍pīle̍ŋ ni᷄ŋ pɛ̍ mā wa̍ kɔ̄la̍ŋ, ā chūa̍ pa̍ālā ndɔ̄la̍ŋ mā kūā a̍ la̍ŋ o̍ bā.
20O̍ ko̍ŋ kɔ̍ɔ̍lī, mi̍ wāŋnda̍ I̍sɔ̄lūɛ̄ī a̍ ma᷅l Su̍kɔ̍tī. Ma̍ kūā ma̍ kɔ̍ ki̍o̍lū dɔ̍ɔ̍ŋgɔ̍ɔ̍ Ɛ̍tām, o̍ lɛ̄ŋndē po̍lte̍ŋ da̍ŋga̍la̍. 21Ndu̍yɛ̍, lɔ̍ɔ̍ Mɛ̄lɛ̄ka̍ Ya̍a̍wɛ̄ɛ̄ wa̍ kɔ̄la̍ŋ a̍ wāŋnda̍ I̍sɔ̄lūɛ̄ī yo̍, mi̍ Mɛ̄lɛ̄ka̍ Ya̍a̍wɛ̄ɛ̄ yɔ̍ŋgū ha̍la̍ īkpūŋgbāa̍ le̍ wāŋnda̍ nɛ̄īyo̍ chɔ̄mndo̍ īpāla̍. Mbo̍ yɔ̄ŋgū pa̍ŋgēle̍ lēyīŋndo̍ le̍ nda̍ nyɛ̄ wa̍wo̍ŋndo̍ chɔ̄mndo̍ īchɔ̄l. Mɛ̄ɛ̍, īpāla̍ ni̍, īchɔ̄l ni̍, wāŋnda̍ I̍sɔ̄lūɛ̄ī ā wa̍ kɔ̄la̍ŋ. 22Ndu̍yɛ̍, te̍le̍ŋ o̍ te̍le̍ŋ, ha̍la̍ īkpūŋgbāa̍ ō wa̍ nda̍ lāchī īpāla̍ mbō chɔ̄m nda̍ nɛ̄īyo̍, mi̍ pa̍ŋgēle̍ lēyīŋndo̍ ndu̍ wa̍ nda̍ nyɛ̄ wa̍wo̍ŋndo̍ yɔ̄ŋgōo̍ īchɔ̄l.
Currently Selected:
Ɛ̍sɔ̍dɔ̍ɔ̄ 13: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 13
13
A̍ chūāūwāā tāsi̍a̍a̍ mālɔ̄ɔ̍ Mɛ̄lɛ̄ka̍ o̍ bā o̍kɔ̄ɔ̄
1O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 2“Po̍ o̍ po̍ tāse̍ wānā la̍nɔ̍ɔ̍ o̍ vēlū pɛ̍, ō wa̍ o̍ yɔ̍ŋga᷄ŋ o̍ ya̍ lo̍. Chɔ̄lūāā ndāa̍ bɛ̍ɛ̍, ā pīāāndūāā tāsi̍a̍a̍ nda̍ kūām nda̍ ki̍nɛ̍i̍, ā nɔ̄ mā wa̍ ā yɔ̄ŋga᷄ŋ o̍ ya̍ lo̍.”
Bɔ̄ŋa᷅ŋ nda̍ dīā bēe̍dīi̍ nda̍ do̍ū yi̍i̍sīi̍ le̍ni᷄ŋ te̍ wo̍
3O̍ ko̍ŋ kɔ̍ɔ̍lī, mi̍ Mūu̍sē di̍mūl wāŋnda̍ I̍sɔ̄lūɛ̄ī āā, “Wāŋnda̍ I̍sɔ̄lūɛ̄ī, lā lōōnu̍ŋ a̍ pāa̍le̍ŋ nde᷅ŋ hāū, pāa̍le̍ Mɛ̄lɛ̄ka̍ Ya̍a̍wɛ̄ɛ̄ o̍ so̍li̍ nya̍ I̍chi̍pī nāa̍ nya̍ wa̍ o̍ chɛ̄le̍ŋ ni᷄ŋ nda̍. Pāa̍le̍ŋ nde᷅ŋ o̍ ba̍ŋa̍ nya̍ a̍ kpāāya̍ ndɔ̄ bɛ̍ndōo̍ ni̍. O̍ pāa̍le̍ŋ nde̍ŋ chōo̍ lā di̍ā bēe̍dīi̍ o̍ bēe̍ndīi̍ nɔ̍ yi̍i̍sīi̍yo̍ le̍ni᷄ŋ te̍. 4Ndu̍yɛ̍, lā lōōnu᷄ŋ a̍ pāa̍le̍ŋ nde᷅ŋ hāū o̍ pāŋge̍i̍ A̍bīve̍#13:4 A̍bī: Dīōmndo̍ ho̍ō, Hi̍būlūi̍ya̍ pāŋgi̍i̍ ndɛ̄i̍ ta̍se̍i̍ o̍ wɔ̄sīo̍o̍ ni᷄ŋ, ndi̍ cho̍ he̍ī ni̍. ni᷄ŋ, o̍ pāa̍le̍ŋ nde̍ŋ chōo̍ nya̍ chō lɛ̄ŋndē I̍chi̍pīle̍ŋ mālɔ̄ɔ̍ ni̍. 5Mɛ̄lɛ̄ka̍ Ya̍a̍wɛ̄ɛ̄ cho̍ lākɔ̄ a̍ nya̍ o̍ lɛ̄ŋndē kɛ̄ndɛ̄lē bɛ̄ndūle̍ŋ ni᷄ŋ le̍ŋ le̍ yɔ̍nūŋ ni̍ māā, lɛ̄ŋndē Ke̍na̍na̍i̍tīi̍ya̍, a̍ Hi̍ta̍i̍tīi̍ya̍, a̍ A̍mɔ̍lu̍a̍i̍tīi̍ya̍, a̍ Hi̍va̍i̍tīi̍ya̍, a̍ Chɛ̄būsa̍i̍tīi̍ya̍. Lɛ̄ŋnde̍ cho̍ lē pīāā a̍ nyɛ̄m kɛ̄ndɔ᷄ŋ, ndu̍yɛ̍ mi̍ lē nɔ̄ fo̍ndāŋndā kɛ̄ndɛ̄lā tɔ̄lɔ̄ɔ̄la̍ŋ lā nāŋ nde̍ŋ. Tē Mɛ̄lɛ̄ka̍ hu᷄ŋ kɔ̍ a̍ nya̍ o̍ lɛ̄ŋndē o̍ chūe̍l le̍ŋ si̍ndɛ̄ fi̍nyāā nyāā ma̍māa̍ būŋgɛ̄i̍ ī kālā ka̍lā, mbo̍ mēna᷄ŋ māā ō chō nda̍ kē le̍ŋ ni᷄ŋ pɛ̍, lā bīī bɔ̄ŋa᷅ŋndo̍ ho̍ō. Ndu̍yɛ̍, īwɔ̄sī o̍ īwɔ̄sī o̍ pāŋge̍i̍ he̍ī ni᷄ŋ nya̍ bīi̍ bɔ̍ŋa᷅ŋndo̍ ho̍ō ni̍. 6Ndu̍yɛ̍, tē lā wa̍ ndu̍ bīyɔ̄ɔ̍ pɛ̍, le̍ pālɛ̍i̍ ī ŋɔ᷄mmɛ̍ū lā di̍ā bēe̍dīi̍ nɔ̍ yi̍i̍sīi̍yo̍ le̍ni᷄ŋ ndo̍ le̍. Ndu̍yɛ̍, o̍ pāa̍le̍ ŋɔ᷄mmɛ̍ūle̍ŋ chōo̍ lā bīī bɔ̄ŋa᷅ŋndo̍ le̍ ya̍ Mɛ̄lɛ̄ka̍ Ya̍a̍wɛ̄ɛ̄ bɛ̄ɛ̄le̍ŋ kīo̍o̍. 7O̍, pālɛ̍i̍ ŋɔ᷄mmɛ̍ūve̍ he̍ī ni᷄ŋ ki̍nɛ̍i̍, lā di̍ā bēe̍dīi̍ o̍ bēe̍dīi̍ nɔ̍ yi̍i̍sīi̍yo̍ lēni᷄ŋ te̍, kɛ̄lɛ̄ŋgāā ni᷅ŋ te̍ mī lā kɛ̍sī yi̍i̍sīi̍yo̍ o̍ chīɛ̄īlā nyāla̍ŋ ni᷄ŋ, ɔ̄ɔ̄ o̍ lɛ̄ŋnde̍ŋ nde᷅ŋ ni᷄ŋ kpo̍u̍. 8Ndu̍yɛ̍, o̍ pāa̍le̍ ŋɔ̍mmɛ̍ūle̍ŋ chōo̍, lā tɛ̄ɛ̄si̍a̍l chūāūwāā nyāa̍ a̍ bɔ̄ŋa᷅ŋndo̍ ho̍ō o̍kɔ̄ɔ̄. Mī lā dīmu̍l nda̍ māā, le̍ nyɛ̄ Mɛ̄lɛ̄ka̍ Ya̍a̍wɛ̄ɛ̄ o̍ to̍sa̍l nya̍ bōōndi̍i̍ o̍ so̍li̍ nya̍ I̍chi̍pī ve̍, māā le̍ sa̍bū kōŋ bɔ̄ŋa᷄ŋndo̍ ho̍ō ō chō ni̍. 9Ndu̍yɛ̍, bɔ̄ŋa᷅ŋndo̍ ho̍ō ō chō le̍ nya̍ lōōnɔ᷄ŋndo̍ a̍ nyɛ̄ Mɛ̄lɛ̄ka̍ tōsa̍l nya̍ sīndɛ̄ wo̍ o̍kɔ̄ɔ̄. O̍ chō māchūāā mɛ̄ɛ̍ nya̍ yīīnūŋ nu̍a̍ā nyɔ̄ɔ̍ o̍ bā, kɛ̄lɛ̄ŋgāā o̍ ŋ̄tēndu̍ yɛ̍. Bɔ̄ŋa᷅ŋndo̍ ho̍ō, ō chō māchūāā le̍ nya̍ lōōnɔ᷄ŋndo̍ māā lā nɔ̄ mī lā kɛ̄si̍ŋ pɛ̄ɛ̄kūla̍ Mɛ̄lɛ̄ka̍ Ya̍a̍wɛ̄ɛ̄ la̍ŋ o̍ kɔ̄l, ndu̍yɛ̍ mī lā wa̍ sūɛ̍i̍ a̍ la̍ŋ o̍kɔ̄ɔ̄. Kāni̍, Mɛ̄lɛ̄ka̍ Ya̍a̍wɛ̄ɛ̄ ndu̍ so̍li̍ nya̍ I̍chi̍pī a̍ kpāāya̍ ndɔ̄ bɛ̍ndōo̍ ni̍. 10Ndu̍yɛ̍, īwɔ̄sī o̍ īwɔ̄sī, lā bīi̍ bɔ̄ŋa᷅ŋndo̍ ho̍ō, lā bīi̍ ndu̍ a̍ te̍le̍ŋ kpe̍e̍kpe̍i̍ o̍ cho̍ ō yūlāā le̍ bīīnɔ᷄ŋndo̍ wo̍.”
A̍ chūāūwāā pīāāndūāā tāsi̍a̍a̍ o̍kɔ̄ɔ̄
11Mi̍ Mūu̍sē hi̍a̍ū lāchī a̍ sūɛ̍i̍, mbo̍ dīmī āā, “Mɛ̄lɛ̄ka̍ Ya̍a̍wɛ̄ɛ̄ cho̍ nya̍ lɛ̄ŋndē Ke̍na̍na̍i̍tīi̍ya̍ kē mɛ̄ɛ̍ o̍ chu̍e̍l nya̍, a̍ fi̍nyāā nyāa̍ ma̍māa̍ būŋgɛ̄i̍ yɛ̍. 12Ndu̍yɛ̍, tē lā fūūlu̍u̍ lo̍ŋ pɛ̍, chūāūwāā nyāā pīāāndūāā tāsi̍a̍a̍ ki̍nɛ̍i̍, lā nɔ̄ mī lā wa̍ nda̍ yɔ̄ŋgōo̍ o̍ Mɛ̄lɛ̄ka̍ Ya̍a̍wɛ̄ɛ̄ lo̍. Chɔ̄lūa̍a̍ nyāa̍ bɛ̍ɛ̍, ā pīāāndūāā tāsi̍a̍a̍ nda̍ kūām nda̍ ki̍nɛ̍i̍, lā nɔ̄ mī la̍ wa̍ nda̍ yɔ̄ŋgōo̍ o̍ Mɛ̄lɛ̄ka̍ Ya̍a̍wɛ̄ɛ̄ lo̍. 13Kɛ̍, chūālē tāse̍le̍ pi̍a̍a̍ndūlē sōfɛ̍lɔ̍ɔ̍ ō kūām nde̍ŋ, lā nɔ̄ mī lā yɔ̄ŋgu̍ sāā fɔ̍ŋndɔ̍ɔ̍ o̍ Mɛ̄lɛ̄ka̍ Ya̍a̍wɛ̄ɛ̄ lo̍, le̍ le̍ŋ bāŋāa̍. Tē ko̍ŋ te̍, mɛ̄ɛ̍ lā yo᷄m sōfɛ̍lɛ̍ ko̍ŋ kɛ̍se̍i̍. Ndu̍yɛ̍ chūāūwāā nyāā pi̍a̍a̍ndūāā tāsi̍a̍a̍ nya̍ vīālū wa̍ ki̍nɛ̍i̍, lā nɔ̄ mī lā bāŋā nda̍. 14Tē bōōndi̍i̍ hu̍ŋ fu̍u̍lūū pɛ̍, mī chūāūwāā nyāa̍ hu᷄ŋ nyu̍nā nya̍ le̍ sa̍bū nya̍ chō he̍ī tōsāa̍ wo̍ pɛ̍, lā dīmu̍l nda̍ āā, ‘Le̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ ba̍ŋa̍ na̍a̍ o̍ chɛ̄le̍ŋ ni᷄ŋ I̍chi̍pī, mbo̍ sōlī na̍a̍ lo̍ŋ a̍ kpāāya̍ ndɔ̄ bɛ̍ndōo̍ yɛ̍, le̍la̍ŋ na̍a̍ ŋ̄ chō he̍ī tōsāa̍ ni̍. 15Bōōndi̍i̍ māsā bɛ̍ndo̍o̍ I̍chi̍pī o̍ to̍sa̍ bōlle̍ kālāle̍ŋ mbo̍ kɛ̄ɛ̄ māā ō me᷅l na̍a̍ le̍ ve̍, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍ū po̍ o̍ po̍ ta̍se̍ wāŋnda̍ I̍chi̍pī a̍ ve̍lū. Chɔ̄lūāā pīāāndūāā tāsi̍a̍a̍ chɔ̄lūāā ndāa̍ ā kōm nda̍ bɛ̍ɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ dīū nda̍. Mɛ̄ɛ̍ le̍ sa̍bū kōŋ na̍a̍ sōlī chɔ̍lūāā pīāāndūāā tāsi̍a̍a̍ chɔ̄lūāā nāa̍ ā kūām nda̍ sa̍lāa̍ ni̍, mī ŋ̄ bāŋā chūāūwa̍, ā pīāāndūāā tāsi̍a̍a̍ na̍a̍ vīālū wa̍.’ 16Ndu̍yɛ̍, ī nya̍ chō he̍ī tōsāa̍ ve̍, ī chō māchūāā mɛ̄ɛ̍ nya̍ yīīnūŋ nu̍a̍ā nyɔ̄ɔ̍ o̍ bā, ɔ̄ɔ̄ o̍ ŋ̄tēndu̍ yɛ̍, le̍ chɔ̄mndo̍ a̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ ba̍ŋa̍ nya̍ I̍chi̍pī a̍ kpāāya̍ ndɔ̄ bɛ̍ndōo̍ yɛ̍.”
A̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ lo̍o̍kū wānāā ndūa̍a̍ nɛ̄īyo̍ chɔ̄m yɛ̍ o̍kɔ̄ɔ̄
17Bōōndi̍i̍ māsāa̍ I̍chi̍pī o̍ chɛ̍l māā wāŋnda̍ I̍sɔ̄lūɛ̄ī ā kɔ̍ ve̍, Mɛ̄lɛ̄ka̍ ku̍e̍ a̍ wānāā ndūa̍a̍ I̍sɔ̄lūɛ̄ī a̍ nɛ̄i̍ ke̍e̍ku̍ o̍ lɛ̄ŋndē Fīli̍i̍tīāŋnda̍ ni᷄ŋ ndo̍ le̍. Mi̍ chē bɛ̍ɛ̍ māā nɛ̄ī ko̍ŋ wa̍ nɛ̄ī bi̍ŋgīo̍o̍ ni̍, kɛ̍, ō kēēku̍ a̍ nda̍ lo̍ŋ te̍. Kāni̍, mi̍ Mɛ̄lɛ̄ka̍ dīmī māā, yɔ̄ŋi̍ nda̍ kōma̍la̍ŋ chɔ̍ū lāchī mā de̍l kɔ̄l le̍ mīīŋgɔ᷄ŋndo̍ I̍chi̍pī. 18Le̍la̍ŋ, mbo̍ kēēku᷄ŋ a̍ nda̍ o̍ lɛ̄ŋndē po̍lte̍ŋ ni᷄ŋ le̍ kɔ̄la̍ŋ kūmbū Pēē Si̍a̍ŋā Mɛ̄ŋmā Īhɛ᷄llo̍. Ndu̍yɛ̍, mi̍ wāŋnda̍ I̍sɔ̄lūɛ̄ī a̍ ma᷅l I̍chi̍pī ā bɛ̄ɛ̄ndīa̍ŋ nyɛ᷅ kɛ̄ndɛ̄ kɛ̍ndɛ̍ī le̍ sɔ̍ŋgɔ̄ɔ̍.
19Ndu̍yɛ̍, mi̍ Mūu̍sē chu̍ā pāāla̍ Chōo̍sɛ̍la̍ŋ mbo̍ kūā a̍ la̍ŋ o̍ bā. Kāni̍, lɔ̍ɔ̍pa̍ Chōo̍sɛ̍ wū, mbo̍ dīmūl wāŋnda̍ I̍sɔ̄lūɛ̄ī māā tē Mɛ̄lɛ̄ka̍ ō hu᷄ŋ so̍lī nda̍ o̍ lɛ̄ŋndē I̍chi̍pīle̍ŋ ni᷄ŋ pɛ̍ mā wa̍ kɔ̄la̍ŋ, ā chūa̍ pa̍ālā ndɔ̄la̍ŋ mā kūā a̍ la̍ŋ o̍ bā.
20O̍ ko̍ŋ kɔ̍ɔ̍lī, mi̍ wāŋnda̍ I̍sɔ̄lūɛ̄ī a̍ ma᷅l Su̍kɔ̍tī. Ma̍ kūā ma̍ kɔ̍ ki̍o̍lū dɔ̍ɔ̍ŋgɔ̍ɔ̍ Ɛ̍tām, o̍ lɛ̄ŋndē po̍lte̍ŋ da̍ŋga̍la̍. 21Ndu̍yɛ̍, lɔ̍ɔ̍ Mɛ̄lɛ̄ka̍ Ya̍a̍wɛ̄ɛ̄ wa̍ kɔ̄la̍ŋ a̍ wāŋnda̍ I̍sɔ̄lūɛ̄ī yo̍, mi̍ Mɛ̄lɛ̄ka̍ Ya̍a̍wɛ̄ɛ̄ yɔ̍ŋgū ha̍la̍ īkpūŋgbāa̍ le̍ wāŋnda̍ nɛ̄īyo̍ chɔ̄mndo̍ īpāla̍. Mbo̍ yɔ̄ŋgū pa̍ŋgēle̍ lēyīŋndo̍ le̍ nda̍ nyɛ̄ wa̍wo̍ŋndo̍ chɔ̄mndo̍ īchɔ̄l. Mɛ̄ɛ̍, īpāla̍ ni̍, īchɔ̄l ni̍, wāŋnda̍ I̍sɔ̄lūɛ̄ī ā wa̍ kɔ̄la̍ŋ. 22Ndu̍yɛ̍, te̍le̍ŋ o̍ te̍le̍ŋ, ha̍la̍ īkpūŋgbāa̍ ō wa̍ nda̍ lāchī īpāla̍ mbō chɔ̄m nda̍ nɛ̄īyo̍, mi̍ pa̍ŋgēle̍ lēyīŋndo̍ ndu̍ wa̍ nda̍ nyɛ̄ wa̍wo̍ŋndo̍ yɔ̄ŋgōo̍ īchɔ̄l.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.