Rut 2
2
Rut lè Booz be àgblè mè
1Nàomì be èsrɔ̃ Elimèlɛk be xòmètɔ ɖe lè, ekè wo yɔ na be Booz#2.1 Booz: Ŋusɛ̃ àlo e ye mè ŋusɛ̃ lè. Ŋusù àdɔ̀kùnɔ̀, bùbume ɖe ye be nyi. 2Gbè ɖèka, Rut gblɔ̃ na lɔ̃xoa Nàomì be: “Na mù ègbè ne ma yì cã ènuku#2.2 ènuku: Kpɔ ekèa lè Lev 19.9-10; 23.22; Gbì 24.19-22. kè nukuyàtɔwo gble ɖɛa lè àdɔ̀mè nyuɛ̃tɔ kè la ku ŋuzĩzĩ na mù a be àgblè mè.” Nàomì ɖo e ŋuti be: “Èvi nyè, yì fàfaɖe.” 3Eye Rut jo yì àgblè ɖe mè, le cã ènuku kè nukuyàtɔwo ŋlɔ̀ be ɖo woabe ŋùgbedòmèawo. E va va e mè be àgblè kèa nyi Elimèlɛk be xòmètɔ Booz be àgblè.
4E kè e wɔ̀ viɖea, Booz ŋutɔ trɔ so Bɛtlɛhɛ̀m va àgblèa ji. E do ègbè na nukuyàtɔwo gblɔ̃ be: “Tɔhonɔ̀ ne nɔ̀ ku mì”. Eye wo ɖo e ŋuti na ɛ̀ be: “Tɔhonɔ̀ ne tu sì na wò.” 5Eye Booz biɔ nukuyàtɔwo-jikpɔtɔa sè be: “Àmè kɛ be àmè ye nyi nyɔ̃nù kèa ò?” 6E ɖo e ŋuti na ɛ̀ be: “Nyɔ̃nù àmèjro kè so Mòab nyigbã ji gbɔ̀ kudo Nàomìa ye. 7E biɔ be woa na yè èmɔ̃ ne yèa cã ènuku kèwo nukuyàtɔwo tàsi ɖo woabe ŋùgbedòmèa. Eye so ŋùdekɛ̃nyɛ kè be vaa, fifì gbɔ̀xue be le gbɔ̃jɛ̃ viɖe.” 8Eye Booz gblɔ̃ na Rut be: “Nyɔ̃nù, ɖoto mù; mù gbà yì cã ènuku lè àgblè bu mè ke ò, ci fikèa ne wòa nɔ cã ɛ̀ lè nukuyàtɔ nyèwo be ŋùgbedòmè. 9Gbe le ŋùku ɖo fikè wo le yà ènukuwo lè, lè àgblèa jia ŋuti kpò, ne wòa kplɔ̀ nyɔ̃nù ènukulɔtɔawo do nɔ cã ènukuawo. Nya be mù na ègbè nukuyàtɔwo be wo mu gbà do nupo na wò ò. Ne èsìkɔ le tì wòa, yì nù ì lè èkpeze kèwo mè wo kù èsì doawo mè.” 10Ekèa wɔ̀ be Rut jè èklò sɔ ŋùkumè cɔ̃ ànyi eye e biɔ Booz sè be: “Nukɛ be àdɔ̀mè nyuɛ̃ ye nyi ekèa kè wò le wɔ̀ ɖoɖa ènyè kè nyi àmèjroa gbɔ ò?” 11Booz ɖo e ŋuti be: “Wo gblɔ̃ àlekè wò lebè na lɔ̃xo wò ɖo so kaka kè èsrɔ̃ wò kua, na mù kito-kito. Mù nya be wò gble ètɔ wò kudo ènɔ̀ wò ɖɛ eye wò jo lè mìa dè va ci dùkɔ̃ kè wò mu jèsi sã òa dòmè. 12Mù le biɔ Tɔhonɔ̀ be ne ɖo ekèa kpata be tèpe na wò. Ɛ̃ɛ Tɔhonɔ̀ Izràɛl be Mawu a ne ɖo e tèpe na wò fuu ɖo yebe ŋusɛ̃a gɔ̃mè ye wò va bè ɖo.” 13Rut ɖo e ŋuti be: “Àpetɔ! Wò wɔ̀ àdɔ̀mè nyuɛ̃ na mù. Wò do mù ŋusɛ̃ to àpo àkɔfanyawo mè, kè nyè mu sɔ̀ kudo àpo sumɔ̃viwo ŋutɔ tètè ò.”
14Wàlɛbɛ kè àmèwo tɔ ènuɖùɖua, Booz gblɔ̃ na Rut be: “Va ɖù ènu kudo mi, kã kpɔ̃nɔa ne wòa sɔ tɔ dèesì lasèa#2.14 Dèesì lasèa: Nyi dèesì kè wo ɖà kudo vɛ̃ gbegblea, àmè ɖewo yɔ na ɛ̀ be sàbulɛdèesì. mè.” Rut va nɔ̀ ànyi ɖo èdɔwɔ̀tɔwo gbɔ eye Booz na ɛ̀ èbli mème. E ɖù, ɖɔpò kaka e gbà ci ànyi. 15Wàlɛbɛ kè be trɔ le yì ènuku buwo cã gbea, Booz do èse na yebe sumɔ̃viawo be: “Ne e va emè be e va le cã ɛ̀ lè ènuku kèwo wo mu kpɔ lɔ#2.15 Lɔ: Lè ènukuyàya zã gbè, nukuyàtɔwo jènà ŋùkɔ̀ ŋɛ̃na ènukuawo eye ènukulɔtɔwo va lɔna wo blana èta-èta. Eŋuã, e kè kpɔ̀tɔ̀ ye wo mu lɔ òa, ye ènuwɔ̀donɔ̀wo va cãna bɔ̀nà, na woaɖokoe. òa mè cã a, àmè ɖe mu gbà do nupo na ɛ̀ ò. 16Mì nɔ ɖè ènuku ɖewo lè ekèwo mì le sòa mè nɔ hlɛ̃ ɖo ànyigbã ne bèa teŋu va cã wo. Mì mu gbà gblɔ̃ ènyà ɖekpe ŋutɔ na ɛ̀ ò.” 17Nène a ye Rut cã ènuku lè Booz be àgblèa mè kaka va ɖo wètrɔmè. Eye e pò ènuku kèwo be cã lè àgblèa mèa sɔ ɖè èlùviawo, èlùvi kèwo be kpɔa la sù èlù kòtòku gãa ɖèka.
18Kè Rut gbɔ̀ so àgblèa, e sɔ èlùvi kèwo be yì ɖèawo sɔ fiɔ lɔ̃xoa. E sɔ ènuɖùɖu kè be ɖù le àgblèa be èɖe kè be wla ɖɛ na lɔ̃xoa, sɔ na ɛ̀. 19Nàomì biɔ ɛ̀ sè be: “Fikɛ ye wò yì cã ènukuawo lè ò? Àmè kɛ be àgblè mè wò yì wɔ̀ èdɔa lè ò? Mawu ne tu sì na àmè kè kɔ̀ àdɔ̀mè ɖo ŋuti wòa!” Rut gblɔ̃ na lɔ̃xoa be, àmè kè be àgblè mè yè yì wɔ̀ èdɔ lèa, tɔ̀nà Booz. 20Nàomì gblɔ̃ tɔ̀hɛ be: “Tɔhonɔ̀ ne tu sì na ɛ̀. Tɔhonɔ̀ le wɔ̀ àdɔ̀mè nyuɛ̃ na mi àgbèagbèwo sìgbè àlekè be wɔ̀ na àmè kèwo kuawo cã nène!” E gbà gblɔ̃ be: “Booz nyi miabe xòmètɔ#2.20 Lè Yudàtɔwo be kɔ̀dowo mèa, ne ŋusù ɖe, ɖè èsrɔ̃ eye mu jì èvi gbɔ̀xue ku òa, ŋusù kè kua be fòfo àlo nɔ̀via la ɖè àhòsìa eye èvi cucugbã kè wo la jia, la xɔ̀ àmè kè kua be nyikɔ sɔ do xòmè na ɛ̀, e lè àmè kèwo ɖo la kpɔ mia jiawo dòmè.” 21Eye Rut gbà xɔ̀ ènyà gblɔ̃ be: “E gblɔ̃ na mù cã be ma kpɔ̀tɔ̀ nɔ va cã ènukuwo lè yebe èdɔwɔ̀tɔwo be ŋùgbedòmè kaka va na ènukuyàyaa be vɔ̀vɔ.” 22Nàomì ɖo e ŋuti na Rut be: “èvi nyè, e la nyɔ be wòa kpɔ̀tɔ̀ nɔ̀ cã ènuku lè Booz be àgblèa mè. Ɖo ne wò yì àgblè bu mèa, wo teŋu va yì do nupo na wò.”
23Ènu kèa ŋuti ye Rut kpɔ̀tɔ̀ yì cãna ènuku lè Booz be àgblè mè kaka ènukuyàtɔwo yà èlù kudo èlùviawo keŋu-keŋu. Lè ekèa yomè a, e kpɔ̀tɔ̀ lè lɔ̃xoa gbɔ.
Currently Selected:
Rut 2: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
Rut 2
2
Rut lè Booz be àgblè mè
1Nàomì be èsrɔ̃ Elimèlɛk be xòmètɔ ɖe lè, ekè wo yɔ na be Booz#2.1 Booz: Ŋusɛ̃ àlo e ye mè ŋusɛ̃ lè. Ŋusù àdɔ̀kùnɔ̀, bùbume ɖe ye be nyi. 2Gbè ɖèka, Rut gblɔ̃ na lɔ̃xoa Nàomì be: “Na mù ègbè ne ma yì cã ènuku#2.2 ènuku: Kpɔ ekèa lè Lev 19.9-10; 23.22; Gbì 24.19-22. kè nukuyàtɔwo gble ɖɛa lè àdɔ̀mè nyuɛ̃tɔ kè la ku ŋuzĩzĩ na mù a be àgblè mè.” Nàomì ɖo e ŋuti be: “Èvi nyè, yì fàfaɖe.” 3Eye Rut jo yì àgblè ɖe mè, le cã ènuku kè nukuyàtɔwo ŋlɔ̀ be ɖo woabe ŋùgbedòmèawo. E va va e mè be àgblè kèa nyi Elimèlɛk be xòmètɔ Booz be àgblè.
4E kè e wɔ̀ viɖea, Booz ŋutɔ trɔ so Bɛtlɛhɛ̀m va àgblèa ji. E do ègbè na nukuyàtɔwo gblɔ̃ be: “Tɔhonɔ̀ ne nɔ̀ ku mì”. Eye wo ɖo e ŋuti na ɛ̀ be: “Tɔhonɔ̀ ne tu sì na wò.” 5Eye Booz biɔ nukuyàtɔwo-jikpɔtɔa sè be: “Àmè kɛ be àmè ye nyi nyɔ̃nù kèa ò?” 6E ɖo e ŋuti na ɛ̀ be: “Nyɔ̃nù àmèjro kè so Mòab nyigbã ji gbɔ̀ kudo Nàomìa ye. 7E biɔ be woa na yè èmɔ̃ ne yèa cã ènuku kèwo nukuyàtɔwo tàsi ɖo woabe ŋùgbedòmèa. Eye so ŋùdekɛ̃nyɛ kè be vaa, fifì gbɔ̀xue be le gbɔ̃jɛ̃ viɖe.” 8Eye Booz gblɔ̃ na Rut be: “Nyɔ̃nù, ɖoto mù; mù gbà yì cã ènuku lè àgblè bu mè ke ò, ci fikèa ne wòa nɔ cã ɛ̀ lè nukuyàtɔ nyèwo be ŋùgbedòmè. 9Gbe le ŋùku ɖo fikè wo le yà ènukuwo lè, lè àgblèa jia ŋuti kpò, ne wòa kplɔ̀ nyɔ̃nù ènukulɔtɔawo do nɔ cã ènukuawo. Nya be mù na ègbè nukuyàtɔwo be wo mu gbà do nupo na wò ò. Ne èsìkɔ le tì wòa, yì nù ì lè èkpeze kèwo mè wo kù èsì doawo mè.” 10Ekèa wɔ̀ be Rut jè èklò sɔ ŋùkumè cɔ̃ ànyi eye e biɔ Booz sè be: “Nukɛ be àdɔ̀mè nyuɛ̃ ye nyi ekèa kè wò le wɔ̀ ɖoɖa ènyè kè nyi àmèjroa gbɔ ò?” 11Booz ɖo e ŋuti be: “Wo gblɔ̃ àlekè wò lebè na lɔ̃xo wò ɖo so kaka kè èsrɔ̃ wò kua, na mù kito-kito. Mù nya be wò gble ètɔ wò kudo ènɔ̀ wò ɖɛ eye wò jo lè mìa dè va ci dùkɔ̃ kè wò mu jèsi sã òa dòmè. 12Mù le biɔ Tɔhonɔ̀ be ne ɖo ekèa kpata be tèpe na wò. Ɛ̃ɛ Tɔhonɔ̀ Izràɛl be Mawu a ne ɖo e tèpe na wò fuu ɖo yebe ŋusɛ̃a gɔ̃mè ye wò va bè ɖo.” 13Rut ɖo e ŋuti be: “Àpetɔ! Wò wɔ̀ àdɔ̀mè nyuɛ̃ na mù. Wò do mù ŋusɛ̃ to àpo àkɔfanyawo mè, kè nyè mu sɔ̀ kudo àpo sumɔ̃viwo ŋutɔ tètè ò.”
14Wàlɛbɛ kè àmèwo tɔ ènuɖùɖua, Booz gblɔ̃ na Rut be: “Va ɖù ènu kudo mi, kã kpɔ̃nɔa ne wòa sɔ tɔ dèesì lasèa#2.14 Dèesì lasèa: Nyi dèesì kè wo ɖà kudo vɛ̃ gbegblea, àmè ɖewo yɔ na ɛ̀ be sàbulɛdèesì. mè.” Rut va nɔ̀ ànyi ɖo èdɔwɔ̀tɔwo gbɔ eye Booz na ɛ̀ èbli mème. E ɖù, ɖɔpò kaka e gbà ci ànyi. 15Wàlɛbɛ kè be trɔ le yì ènuku buwo cã gbea, Booz do èse na yebe sumɔ̃viawo be: “Ne e va emè be e va le cã ɛ̀ lè ènuku kèwo wo mu kpɔ lɔ#2.15 Lɔ: Lè ènukuyàya zã gbè, nukuyàtɔwo jènà ŋùkɔ̀ ŋɛ̃na ènukuawo eye ènukulɔtɔwo va lɔna wo blana èta-èta. Eŋuã, e kè kpɔ̀tɔ̀ ye wo mu lɔ òa, ye ènuwɔ̀donɔ̀wo va cãna bɔ̀nà, na woaɖokoe. òa mè cã a, àmè ɖe mu gbà do nupo na ɛ̀ ò. 16Mì nɔ ɖè ènuku ɖewo lè ekèwo mì le sòa mè nɔ hlɛ̃ ɖo ànyigbã ne bèa teŋu va cã wo. Mì mu gbà gblɔ̃ ènyà ɖekpe ŋutɔ na ɛ̀ ò.” 17Nène a ye Rut cã ènuku lè Booz be àgblèa mè kaka va ɖo wètrɔmè. Eye e pò ènuku kèwo be cã lè àgblèa mèa sɔ ɖè èlùviawo, èlùvi kèwo be kpɔa la sù èlù kòtòku gãa ɖèka.
18Kè Rut gbɔ̀ so àgblèa, e sɔ èlùvi kèwo be yì ɖèawo sɔ fiɔ lɔ̃xoa. E sɔ ènuɖùɖu kè be ɖù le àgblèa be èɖe kè be wla ɖɛ na lɔ̃xoa, sɔ na ɛ̀. 19Nàomì biɔ ɛ̀ sè be: “Fikɛ ye wò yì cã ènukuawo lè ò? Àmè kɛ be àgblè mè wò yì wɔ̀ èdɔa lè ò? Mawu ne tu sì na àmè kè kɔ̀ àdɔ̀mè ɖo ŋuti wòa!” Rut gblɔ̃ na lɔ̃xoa be, àmè kè be àgblè mè yè yì wɔ̀ èdɔ lèa, tɔ̀nà Booz. 20Nàomì gblɔ̃ tɔ̀hɛ be: “Tɔhonɔ̀ ne tu sì na ɛ̀. Tɔhonɔ̀ le wɔ̀ àdɔ̀mè nyuɛ̃ na mi àgbèagbèwo sìgbè àlekè be wɔ̀ na àmè kèwo kuawo cã nène!” E gbà gblɔ̃ be: “Booz nyi miabe xòmètɔ#2.20 Lè Yudàtɔwo be kɔ̀dowo mèa, ne ŋusù ɖe, ɖè èsrɔ̃ eye mu jì èvi gbɔ̀xue ku òa, ŋusù kè kua be fòfo àlo nɔ̀via la ɖè àhòsìa eye èvi cucugbã kè wo la jia, la xɔ̀ àmè kè kua be nyikɔ sɔ do xòmè na ɛ̀, e lè àmè kèwo ɖo la kpɔ mia jiawo dòmè.” 21Eye Rut gbà xɔ̀ ènyà gblɔ̃ be: “E gblɔ̃ na mù cã be ma kpɔ̀tɔ̀ nɔ va cã ènukuwo lè yebe èdɔwɔ̀tɔwo be ŋùgbedòmè kaka va na ènukuyàyaa be vɔ̀vɔ.” 22Nàomì ɖo e ŋuti na Rut be: “èvi nyè, e la nyɔ be wòa kpɔ̀tɔ̀ nɔ̀ cã ènuku lè Booz be àgblèa mè. Ɖo ne wò yì àgblè bu mèa, wo teŋu va yì do nupo na wò.”
23Ènu kèa ŋuti ye Rut kpɔ̀tɔ̀ yì cãna ènuku lè Booz be àgblè mè kaka ènukuyàtɔwo yà èlù kudo èlùviawo keŋu-keŋu. Lè ekèa yomè a, e kpɔ̀tɔ̀ lè lɔ̃xoa gbɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.