Rut 1
1
Elimèlɛk be xòmèa lè èfũ lòlo mè
1Lè hùenu kè ye kòjoɖotɔwo le kplɔ̀ Izràɛl be dùkɔ̃a, gbɔ̀xue wo la va nɔ ɖo èfìɔwoa, èku ɖìɖi ɖe na be àdɔ̀ gã ɖe to lè Izràɛl. Ekèa na be, ŋusù ɖe kè so Bɛtlɛhɛ̀m be èdù mè lè Yudà nyigbã jia, kplɔ̀ èsrɔ̃a kudo èvia ŋusùvi èvèwo ɖo ŋuti; eye wo yì sò ci Mòab nyigbã ji. 2Ŋusù kèa be nyikɔ ye nyi Elimèlɛk#1.2 Elimèlɛk: Be gɔ̃mè ɖèɖe ye nyi: Mawu nyè nyi èfìɔ, èsrɔ̃a tɔ̀ Nàomì#1.2 Nàomì: Be gɔ̃mè ɖèɖe ye nyi: e nyɔ na mù àlo e nya kpɔ eye wo yɔ na èvia ŋusù èvèawo be Kiliɔ̀n#1.2 Kiliɔ̀n: Be gɔ̃mè ɖèɖe ye nyi: Gbɔ̀jɔ̀ gbɔjɔ ku Maclɔ̀n#1.2 Maclɔ̀n: Be gɔ̃mè ɖèɖe ye nyi: èdɔ̀ àlo èkutɔ̀wu. Wo jɔ̀ so Efratà be hɛ̃nu lè Yudà be kɔ̀tàa mè. Wàlɛbɛ kè wo kpɔ̀tɔ̀ lè Mòab nyigbã jia, 3Elimèlɛk ku eye Nàomì, àhòsìa kudo èvia ŋusù èvèawo kpò ye ci ànyi. 4Ŋusùvi èvèawo ɖè Mòab nyɔ̃nùwo. Wo yɔna wo be Ɔrpà#1.4 Ɔrpà: Ɔrpà àlo hũɖòmè; ye nyi àmè kè trɔ ŋùgbe do àmè kudo Rut#1.4 Rut: Ye nyi àkɔ fàfa; èhlɔ̃. Lè èpè èwo yomè nènea, 5Kiliɔ̀n kudo Maclɔ̀n wo cã va ku. Nàomì ɖèka kpò ye ci ànyi ɖo e bu èsrɔ̃a gbà bu èviawo cã.
Rut kplɔ̀ Nàomì do yì Bɛtlɛhɛ̀m
6-7Lè Mòab nyigbã ji fikè Nàomì sò yì cia, e va sè be Tɔhonɔ̀ va yì ji yebe dùkɔ̃ Izràɛl kpɔ eye be na èji jà ɖo woabe ànyigbãwo ji eye ènuɖùɖu bɔ. Nène a ye be wɔ̀ jàjràɖo la jo lè èdù kèa mè kudo yebe lɔ̃xoyɔviawo. Eye wo so nyàwo jè èmɔ̃ tùtà Yudà nyigbã ji, vɔ̀ lè èmɔ̃ jia, 8Nàomì gblɔ̃ na wo be: “Mì trɔ yì mìa dè fifì, àmè sia àmè ne yì àxomè lè ènɔa gbɔ#1.8 àxomè lè ènɔa gbɔ: Lè Yudà xoxotɔwo be kɔ̀dowo mèa, àhòsì kè mu jì èvi òa, teŋu ci èsrɔ̃a kè kua be àxomè àlo e la teŋu yì ɖè àmè bu lè àzɔ̀ge. Ekèa be gɔ̃mè ɖèɖe lè fikèa ye nyi be Ɔrpà kudo Rut woa trɔ yì ɖè èsrɔ̃ wàlɛbɛ kè wo la trɔ yì woa nɔ̀wo gbɔa. Eye mù le biɔ Tɔhonɔ̀ be ne wɔ̀ àdɔ̀mè nyuɛ̃ na mì sìgbè àlekè mì wɔ̀ na àmè kèwo kua kudo ènyè ŋutɔa nène. 9Ne na mì jɔ̀gbènyuɛ̃ lè mìabe èsrɔ̃ɖèpewo.” Eye e kpla àsi èkɔ̀#1.9 Kpla àsi èkɔ̀: Ekèa nyi kãklã lè àmè nɔ̀vi ŋuti be jèsì na lɔ̃xoyɔvi èvèawo. Vɔ̀a, lɔ̃xoyɔviawo tɔ àvi fãfã blòblòblò 10eye wo gblɔ̃ na ɛ̀ be: “Aò mi mu la gble èwò ɖèka ɖɛ ò, mi la kplɔ̀ wò do yì àpo dùkɔ̃a mè.” 11Nàomì trɔ xɔ̀ ènyà gblɔ̃ be: “Lɔ̃xoyɔvi nyèwo, e la nyɔ be mìa trɔ yì mìa dè. Nukɛ ŋuti ye mì gbà le ji la kplɔ̀ mù do ɖo fifì ò? Nyè mu la gbà teŋu jì èvi kaka ye mì la va ɖè ò. 12Mì trɔ yì mìa dè ne mìa tàsi mù ɖɛ. Mù sĩ ŋutɔ ne ma gbà teŋu yì ɖè èsrɔ̃. Eye ne mù gbà gblɔ̃ be: 'Ŋùɖo gbà lè àsi nyè be èzã kèa mèa mù la fɔ èfu, la jì èvi cã a', 13mì la teŋu dojì kaka wo la sĩa? Aò mì mu la teŋu nɔ̀tè kpɔ àsi nyè nu ò, lɔ̃xoyɔvi-nyèwo. Nyè ɖèka ŋuti kpò Tɔhonɔ̀ sitè ɖo, eye àgbã kè be dro na mù a kpɛ̃ wu mìa tɔ̀a ŋutɔ.”
14Eye lɔ̃xoyɔviawo gbà fã àvi do hèhè. Vɔ̀vɔnua, Ɔrpà kpla àsi èkɔ̀ na lɔ̃xoa gble è ɖɛ, vɔ̀a Rut ya gbe be yè ma gble yè lɔ̃xoa ɖɛ ò. 15Eye Nàomì gblɔ̃ na Rut be: “Kpɔ àlɔ̀sɔ̀ wòa trɔ yì yebe dùkɔ̃a kudo yebe sɛ̃sɛ̃wo gbɔ. Wò cã, jè e yomè.” 16Vɔ̀a Rut ɖo e ŋuti be: “Mù gbà zĩ ji nyè, be ma jo gble wò ɖɛ ò, ɖo mù ji be ma nɔ̀ ku wò. Àfi kè wò la yìa, nyè cã ma yì; àfi kè wò la nɔ̀ a, nyè cã ma nɔ̀. Àpo dùkɔ̃a la nyi àpe dùkɔ̃; àpo Mawu a la nyi àpe Mawu. 17Àfi kè wò la ku lèa ke nyè cã mù la ku ɖo eye wo la ɖì mù ɖo funua. Tɔhonɔ̀ be àdɔ̀mèzea kpata ne ɖiɖi ɖo èji nyè ne mù klã jo lè ŋuti wò ne mu nyi to èku mè òa.”
18Kè Nàomì kpɔ be Rut le ji veku-veku la kplɔ̀ yè do kpò ea, mu gbà zĩ e ji ke ò, 19eye wo zɔ̃ èmɔ̃a ɖodu yì kaka Bɛtlɛhɛ̀m.
Woabe èdùa mè ɖoɖo na be àgoa kpata ji tɔ̀ èzĩ. Nyɔ̃nùwo kpata le biɔ woa nɔ̀nɔwo sè be: “Yɔ̀! Mu nyi Nàomì ye ŋua?” 20Nàomì gblɔ̃ na wo be: “Mì mu gbà yɔ mù be Nàomì, 'Sìtume', ke ò; vɔ̀ mì yɔ mù be Marà, 'Ŋuzĩzĩme', ɖo Mawu ŋusɛ̃kpatatɔa sɔ mù wɔ̀ ènuwɔ̀donɔ̀. 21Ènuwo kpata sù àsi nyè gbɔ̀xue mù jo lè fikèa, vɔ̀a Tɔhonɔ̀ trɔ kplɔ̀ mù gbɔ àsi puplu. Mì mu gbà yɔ mù be Nàomì ke ò, ɖo Tɔhonɔ̀ ŋusɛ̃kpatatɔa ye na ètodɔ̃ kèa va ji nyè.”
22Nène a ye Nàomì trɔ gbɔ̀ so Mòab-nyigbã ji ku lɔ̃xoyɔvia Rut, Mòab nyɔ̃nùa. Ènuku yàya be hùenu ye wo va ɖo Bɛtlɛhɛ̀m eye àmèwo le ɖè èlùvi.
Currently Selected:
Rut 1: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
Rut 1
1
Elimèlɛk be xòmèa lè èfũ lòlo mè
1Lè hùenu kè ye kòjoɖotɔwo le kplɔ̀ Izràɛl be dùkɔ̃a, gbɔ̀xue wo la va nɔ ɖo èfìɔwoa, èku ɖìɖi ɖe na be àdɔ̀ gã ɖe to lè Izràɛl. Ekèa na be, ŋusù ɖe kè so Bɛtlɛhɛ̀m be èdù mè lè Yudà nyigbã jia, kplɔ̀ èsrɔ̃a kudo èvia ŋusùvi èvèwo ɖo ŋuti; eye wo yì sò ci Mòab nyigbã ji. 2Ŋusù kèa be nyikɔ ye nyi Elimèlɛk#1.2 Elimèlɛk: Be gɔ̃mè ɖèɖe ye nyi: Mawu nyè nyi èfìɔ, èsrɔ̃a tɔ̀ Nàomì#1.2 Nàomì: Be gɔ̃mè ɖèɖe ye nyi: e nyɔ na mù àlo e nya kpɔ eye wo yɔ na èvia ŋusù èvèawo be Kiliɔ̀n#1.2 Kiliɔ̀n: Be gɔ̃mè ɖèɖe ye nyi: Gbɔ̀jɔ̀ gbɔjɔ ku Maclɔ̀n#1.2 Maclɔ̀n: Be gɔ̃mè ɖèɖe ye nyi: èdɔ̀ àlo èkutɔ̀wu. Wo jɔ̀ so Efratà be hɛ̃nu lè Yudà be kɔ̀tàa mè. Wàlɛbɛ kè wo kpɔ̀tɔ̀ lè Mòab nyigbã jia, 3Elimèlɛk ku eye Nàomì, àhòsìa kudo èvia ŋusù èvèawo kpò ye ci ànyi. 4Ŋusùvi èvèawo ɖè Mòab nyɔ̃nùwo. Wo yɔna wo be Ɔrpà#1.4 Ɔrpà: Ɔrpà àlo hũɖòmè; ye nyi àmè kè trɔ ŋùgbe do àmè kudo Rut#1.4 Rut: Ye nyi àkɔ fàfa; èhlɔ̃. Lè èpè èwo yomè nènea, 5Kiliɔ̀n kudo Maclɔ̀n wo cã va ku. Nàomì ɖèka kpò ye ci ànyi ɖo e bu èsrɔ̃a gbà bu èviawo cã.
Rut kplɔ̀ Nàomì do yì Bɛtlɛhɛ̀m
6-7Lè Mòab nyigbã ji fikè Nàomì sò yì cia, e va sè be Tɔhonɔ̀ va yì ji yebe dùkɔ̃ Izràɛl kpɔ eye be na èji jà ɖo woabe ànyigbãwo ji eye ènuɖùɖu bɔ. Nène a ye be wɔ̀ jàjràɖo la jo lè èdù kèa mè kudo yebe lɔ̃xoyɔviawo. Eye wo so nyàwo jè èmɔ̃ tùtà Yudà nyigbã ji, vɔ̀ lè èmɔ̃ jia, 8Nàomì gblɔ̃ na wo be: “Mì trɔ yì mìa dè fifì, àmè sia àmè ne yì àxomè lè ènɔa gbɔ#1.8 àxomè lè ènɔa gbɔ: Lè Yudà xoxotɔwo be kɔ̀dowo mèa, àhòsì kè mu jì èvi òa, teŋu ci èsrɔ̃a kè kua be àxomè àlo e la teŋu yì ɖè àmè bu lè àzɔ̀ge. Ekèa be gɔ̃mè ɖèɖe lè fikèa ye nyi be Ɔrpà kudo Rut woa trɔ yì ɖè èsrɔ̃ wàlɛbɛ kè wo la trɔ yì woa nɔ̀wo gbɔa. Eye mù le biɔ Tɔhonɔ̀ be ne wɔ̀ àdɔ̀mè nyuɛ̃ na mì sìgbè àlekè mì wɔ̀ na àmè kèwo kua kudo ènyè ŋutɔa nène. 9Ne na mì jɔ̀gbènyuɛ̃ lè mìabe èsrɔ̃ɖèpewo.” Eye e kpla àsi èkɔ̀#1.9 Kpla àsi èkɔ̀: Ekèa nyi kãklã lè àmè nɔ̀vi ŋuti be jèsì na lɔ̃xoyɔvi èvèawo. Vɔ̀a, lɔ̃xoyɔviawo tɔ àvi fãfã blòblòblò 10eye wo gblɔ̃ na ɛ̀ be: “Aò mi mu la gble èwò ɖèka ɖɛ ò, mi la kplɔ̀ wò do yì àpo dùkɔ̃a mè.” 11Nàomì trɔ xɔ̀ ènyà gblɔ̃ be: “Lɔ̃xoyɔvi nyèwo, e la nyɔ be mìa trɔ yì mìa dè. Nukɛ ŋuti ye mì gbà le ji la kplɔ̀ mù do ɖo fifì ò? Nyè mu la gbà teŋu jì èvi kaka ye mì la va ɖè ò. 12Mì trɔ yì mìa dè ne mìa tàsi mù ɖɛ. Mù sĩ ŋutɔ ne ma gbà teŋu yì ɖè èsrɔ̃. Eye ne mù gbà gblɔ̃ be: 'Ŋùɖo gbà lè àsi nyè be èzã kèa mèa mù la fɔ èfu, la jì èvi cã a', 13mì la teŋu dojì kaka wo la sĩa? Aò mì mu la teŋu nɔ̀tè kpɔ àsi nyè nu ò, lɔ̃xoyɔvi-nyèwo. Nyè ɖèka ŋuti kpò Tɔhonɔ̀ sitè ɖo, eye àgbã kè be dro na mù a kpɛ̃ wu mìa tɔ̀a ŋutɔ.”
14Eye lɔ̃xoyɔviawo gbà fã àvi do hèhè. Vɔ̀vɔnua, Ɔrpà kpla àsi èkɔ̀ na lɔ̃xoa gble è ɖɛ, vɔ̀a Rut ya gbe be yè ma gble yè lɔ̃xoa ɖɛ ò. 15Eye Nàomì gblɔ̃ na Rut be: “Kpɔ àlɔ̀sɔ̀ wòa trɔ yì yebe dùkɔ̃a kudo yebe sɛ̃sɛ̃wo gbɔ. Wò cã, jè e yomè.” 16Vɔ̀a Rut ɖo e ŋuti be: “Mù gbà zĩ ji nyè, be ma jo gble wò ɖɛ ò, ɖo mù ji be ma nɔ̀ ku wò. Àfi kè wò la yìa, nyè cã ma yì; àfi kè wò la nɔ̀ a, nyè cã ma nɔ̀. Àpo dùkɔ̃a la nyi àpe dùkɔ̃; àpo Mawu a la nyi àpe Mawu. 17Àfi kè wò la ku lèa ke nyè cã mù la ku ɖo eye wo la ɖì mù ɖo funua. Tɔhonɔ̀ be àdɔ̀mèzea kpata ne ɖiɖi ɖo èji nyè ne mù klã jo lè ŋuti wò ne mu nyi to èku mè òa.”
18Kè Nàomì kpɔ be Rut le ji veku-veku la kplɔ̀ yè do kpò ea, mu gbà zĩ e ji ke ò, 19eye wo zɔ̃ èmɔ̃a ɖodu yì kaka Bɛtlɛhɛ̀m.
Woabe èdùa mè ɖoɖo na be àgoa kpata ji tɔ̀ èzĩ. Nyɔ̃nùwo kpata le biɔ woa nɔ̀nɔwo sè be: “Yɔ̀! Mu nyi Nàomì ye ŋua?” 20Nàomì gblɔ̃ na wo be: “Mì mu gbà yɔ mù be Nàomì, 'Sìtume', ke ò; vɔ̀ mì yɔ mù be Marà, 'Ŋuzĩzĩme', ɖo Mawu ŋusɛ̃kpatatɔa sɔ mù wɔ̀ ènuwɔ̀donɔ̀. 21Ènuwo kpata sù àsi nyè gbɔ̀xue mù jo lè fikèa, vɔ̀a Tɔhonɔ̀ trɔ kplɔ̀ mù gbɔ àsi puplu. Mì mu gbà yɔ mù be Nàomì ke ò, ɖo Tɔhonɔ̀ ŋusɛ̃kpatatɔa ye na ètodɔ̃ kèa va ji nyè.”
22Nène a ye Nàomì trɔ gbɔ̀ so Mòab-nyigbã ji ku lɔ̃xoyɔvia Rut, Mòab nyɔ̃nùa. Ènuku yàya be hùenu ye wo va ɖo Bɛtlɛhɛ̀m eye àmèwo le ɖè èlùvi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.