Èhàwo 85
85
Tɔhonɔ̀ le pò ŋuti fàfa be nupo
1Koreà be èviwo be Èhà, na hàsìnɔ̀ gãa.
2Tɔhonɔ̀, wò wɔ̀ àdɔ̀mè nyuɛ̃ na àpo èdùa!
Wò gbìgbɔ̀ kplɔ̀ Yakɔb be jìjimèvi
kèwo nyi àhùaleawo gbɔ̀.
3Wò sɔ dùkɔ̃ wòa be èvuɛ̃wo kè è,
eye wò ŋɛ̃ ŋùku pu yebe ènuvuɛ̃wo keŋu ji. Ènu bɔ̀ kpoo
4Wò nɔ̀tè èjìbibi wòa,
eye wò trɔ ŋùgbe do àdɔ̀mèze gã wòa.
5Aò Mawu, miabe hlùɛ̃tɔ,
gbìgbɔ̀ na mi mɔnukpɔkpɔ yeye!
Na èjìbibi kaɖi kaɖi wòa ne ɖoɖa lè mia ji!
6Wò la jo nɔ̀ àdɔ̀mèze ji, ɖo mia ŋuti kaka sɔ yìa,
eye èjìbibi wòa la so jìjimè yì jìjimèa?
7Wò mu la gbà gbìgbɔ̀ do àgbè mia mè,
àleke be dùkɔ̃ wòa ne gbà sɔ wò kpɔ jìjɔɛa?
8Aò Tɔhonɔ̀, ɖe àpo lɔ̃lɔ̃ màtrɔ gbèɖea fiɔ mi,
ne wòa hlùɛ̃ mi gã jro!
9Fifìa, mù la ɖo èto ènyà kè Tɔhonɔ̀ Mawu la gblɔ̃a.
Ɖoa, e fìã ŋuti fàfa be àjɔ̀gbè na yebe dùkɔ̃a.
E fĩã ŋuti fàfa be àjɔ̀gbè na yebe àmè kɔ̀kɔ̀ɛwo.
Vɔ̀a wo mu ɖo la gbìgbɔ̀ nɔ wɔ̀ woabe ènu fùfluwo ò.
10Ɛ̃ɛ, yebe hlùɛ̃gã lili àmè kèwo sina ɛ̀a,
Àleke be yebe gogo ne nɔ̀ miabe èdùa mè.
11Nène a, Mawu be màje#85.11 Lè Hebrùgbe mèa, wo gblɔ̃ be màje la dogò nyàwototo. la dogò
yebe dùkɔ̃a be ànùkua wɔ̀wɔ,
eye Mawu be ŋuti fàfa#85.11 Eye jɔ̀jɔɛ wɔ̀wɔ ku ŋuti fàfa la kpla àsi èkɔ̀ na woa nɔ̀nɔwo. la nyi fɛ̃tu
na àgbètɔwo be jɔ̀jɔɛ wɔ̀wɔ.
12Ànùkua wɔ̀wɔ la mìɔ̃ so ànyigbã mè,
eye jɔ̀jɔɛ wɔ̀wɔ la ɖiɖi so jiŋùkusi ɖoɖa.
13Tɔhonɔ̀ ŋutɔ la na jɔ̀gbènyuɛ̃ nyàwo,
eye mìabe ànyigbã a la na yebe ènukuwo.
14Jɔ̀jɔɛ wɔ̀wɔ la jè ŋùkɔ̀ na ɛ̀.
La jrà èmɔ̃ kè ji be la zɔ̃a ɖo.
Currently Selected:
Èhàwo 85: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
