Èhàwo 75
75
Mawu ŋutɔ ye sònà kòjo
1Àsaf be Èhà, na hàsìnɔ̀ gãa. Wo la jì ì ɖo “Mù gbà crɔ̃ ɛ̀ ò” be ègbè ɖìɖi ji.
2Mi le do àkpe na wò, Mawu.
Mi le do àkpe na wò, ɖo wò dɔ̃ gogo mi.
Eye ŋùdã-dɔ wòwo le ɖè è fiɔ.
3Wò gblɔ̃ be: “Lè hùenu kè mù cã ɖɛa,
ènyè ye la ɖo kòjo jɔ̀jɔɛ.”
4Ne ànyigbã a ku àmè kèwo keŋu lè e jiawo le hũhũa,
ènyè ye la le yebe sɔtiwo ɖotè. Ènu bɔ̀ kpoo
5Mù gblɔ̃ na àmè kè le jra a be: “Mù gbà nɔ kã àdã ò!”
Mù gblɔ̃ na àmè vuɛ̃ be: “Mù gbà nɔ kɔ ɖokoe wò yì ji ò!”
6Mù gbà nɔ sitè ɖo jiŋùkusi ŋuti ò,
mù gbà lìa, la nɔ gblɔ̃ ènyà bàɖà ò!
7Aò! Mu nyi èwèzɛ̃pe, àlo èwèɖoxɔ̀pe,
mu nyi zògbè ji ye ègãnyinyi sona ò.
8Vɔ̀a, Mawu ye ɖona kòjo.
E ye ɖiɖina àmè ɖe ɖo ànyi, kɔna àmè bu yì ji.
9Ɖoa, Mawu le kogò ɖo àsi, vɛ̃ huãhuã, caka ku ènu xɔ̃xũɛ,
gbàkudo ègbe veve ɖɔ ɛ̀ pɔpɔpɔ, le sɔ èfu lè e mè.
E kù ì, eye ànyigbã ji be àmè vuɛ̃wo keŋu la nù ì.
Ɛ̃ɛ, wo la nù ì kaka la sìɔ̃ gɔ̃mè bùblua cã nù!
10Vɔ̀a, ènyè yaa, mù la nɔ ɖè gbèfã tɛ̀gbɛ̀,
mù la nɔ jì èhà sɔ nɔ kafu Yakɔb be Mawu a!
11Mù la ŋɛ̃ àzò na àmè vuɛ̃wo kpata,
vɔ̀a, àmè jɔ̀jɔɛwo be àzòwo la gbà yì ji!
Currently Selected:
Èhàwo 75: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
