Èhàwo 14
14
Àmè ɖe gbà le ji Mawu a?
(53)
1David be Èhà, wo ɖè è lè hàsìnɔ̀ gã be xoma mè.
Yɛ̀yìnɔ̀ gblɔ̃nà lè yebe èjì mè be:
“Mawu mu ɖo ŋusɛ̃ ɖe ò!”
Àmè gbegble, àfɛ̃nuwɔ̀tɔ ye wo nyi,
ènunyuɛ̃wɔ̀tɔ ɖekpe mu lè woa dòmè ò.
2So jiŋùkusi, Tɔhonɔ̀ ɖè ŋùku kpɔ
àgbètɔ be viwo lè ànyigbã ji;
Sɔ le kpɔ be ènunyatɔ ɖe lè
kè le ji Mawu be èmɔ̃a mà a.
3Woa kpata trã èmɔ̃, wo trɔ zũ èzãnuɖùtɔwo sɔ̃ŋu.
Ènunyuɛ̃wɔ̀tɔ ɖekpe mu lè ò, ɖèka tètè mu lè ò!
4Tɔhonɔ̀ gblɔ̃ be: “Àmè kèwo le wɔ̀
ènu bàɖàwo mu kpɔ ŋɔjè e mè hàɖea?
Wo sɔ àpe dùkɔ̃a wɔ̀ ènuɖùɖu le ɖù mà kpɔ ŋùgbe.
Eye wo mu le fã yɔ mù ò.”
5Eŋuã, vɔ̃vɔ̃ gã ɖe ye la jè woa ji,
ɖo Mawu lè kudo àmè kèwo sènà ègbè na ɛ̀a.
6Mì le kò ènuwɔ̀donɔ̀wo,
vɔ̀, Tɔhonɔ̀ kpɔna woabe ɖoɖowo ji.
7Aò, àmè kɛ ye la so Yèruzàlɛm la va hlùɛ̃ Izràɛl gã ò?
Wàlɛbɛ kè Tɔhonɔ̀ la gbìgbɔ̀ trɔ yebe dùkɔ̃a be àgbènɔ̀nɔa,
Yakɔb be viwo la ɖuwè eye Izràɛl la kpɔ jìjɔɛ.
Currently Selected:
Èhàwo 14: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
