Àmè Hɛ̃hlɛ̃ 7
7
Ènu nanawo na Kɔ̀kɔ̀ɛpea
1Gbè kè gbè Mosè wu Nɔ̀pe Kɔ̀kɔ̀ɛ tùtu be èdɔwo nua, e do àmì kɔ̀kɔ̀ɛ e ŋuti, eye be kɔ̀ Nɔ̀pe Kɔ̀kɔ̀ɛ ku yebe ŋutinuwo keŋu ŋuti. E kɔ̀ vɔsakpea cã ku yebe ŋutunuwo keŋu ŋuti. Kè be kɔ̀ woa ŋuti vɔ̀a, e sɔ wo do àsi na Tɔhonɔ̀. 2Izràɛlviwo be ŋùkɔ̀nɔ̀tɔ kèwo nyi kɔ̀ta ɖe sia ɖe be ègaa hɛ̃ woabe ènu nanawo va. Ŋùkɔ̀nɔ̀tɔ kèawo ye kplɔ̀ nyikɔ ŋɔ̀ŋlɔ̃ be wɔ̀na kè Izràɛlviwo wɔ̀ va yìa. 3Wo hɛ̃ woabe ènu nanawo va Tɔhonɔ̀ be ŋùmè: ènu nanawo ɖɔ kèkevi àdɛ̃ kè wo sɔ ènu cɔ̃a, ènyì woèvè, ŋùkɔ̀nɔ̀tɔ èvè zã kèkevi ɖèka, eye woa dòmètɔ ɖe sia ɖe na ènyì ɖèka. Wo sɔ ènuawo keŋu va Nɔ̀pe Kɔ̀kɔ̀ɛ. 4Tɔhonɔ̀ gblɔ̃ na Mosè be: 5“Xɔ̀ ènu nana kèwo wo hɛ̃ va na wòa. Wo la zã wo na Ègòdodo be gòxɔa ŋuti-dɔwo. Wò la sɔ wo do àsi na Levìwo, ɖo woa dòmètɔ ɖe sia ɖe be èdɔ be hìãhiã nu.” 6Mosè xɔ̀ kèkeviawo ku ènyìawo, eye be sɔ wo do àsi na Levìwo. 7E sɔ kèkevi èvè ku ènyì ènè do àsi na Gɛrsɔ̀n be ŋusùviwo, ɖo àmè sia àmè be èdɔ be èhiã nu. 8Mosè sɔ kèkevi ènè ku ènyì ènyi kpɔ̀tɛawo do àsi na hũbonɔ Itamàr kè nyi Arɔ̀n be èvia, be ne sɔ na Merarì be ŋusùviwo, àmè sia àmè ɖo yebe èdɔ be hìãhiã nu. 9Mosè mu sɔ ɖekpe do àsi na Kehàt be èviwo ya ò, ɖoa, woabe èdɔ ye nyi be woa nɔ kɔkɔ ènu kɔ̀kɔ̀ɛwo ɖo àbɔta.
10Gbè kè gbè wo do àmì kɔ̀kɔ̀ɛ vɔsakpea ŋutia, dùkɔ̃a be ŋùkɔ̀nɔ̀tɔwo hɛ̃ ènu nana kèwo wo la sɔ savɔ, la sɔ vɔsakpea do àsi na Tɔhonɔ̀a va. Ŋùkɔ̀nɔ̀tɔawo sɔ woabe ènu nanawo va ɖo Tɔhonɔ̀ be ŋùmè. 11Tɔhonɔ̀ gblɔ̃ na Mosè be: “Dùkɔ̃a be ŋùkɔ̀nɔ̀tɔawo la nɔ hɛ̃ woabe ènu nanawo va, àmè ɖèka, gbè ɖèka, sɔ nɔ savɔ na vɔsakpea be ŋutikɔ̀kɔ.”
12Nasɔ̀n kè nyi Aminadàb be èvi, so Yudà be kɔ̀ta mèa ye nyi àmè cucugbã kè hɛ̃ yebe ènu nana va, ŋùkèkè cucugbãa. 13Yebe ènu nanawo ye nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwo; klòsalò be kogò ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwo (130) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa àmè èvèawo, na vɔsa; 14sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 15Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 16ègbɔ-su ɖèka, na vɔsa ɖo ènuvuɛ̃ ta, 17ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃ na ŋuti fàfa vɔsa. Ekèawo ye nyi Aminadàb be èvi Nasɔ̀n be ènu nanawo.
18Ŋùkèkè èvègɔ̃a gbèa, Netanèl, Suàr be èvi kè lè ŋùkɔ̀ na Isakàr be jìjimèviwoa ye hɛ̃ yebe ènu nanawo va. 19E hɛ̃ yebe ènu nana kèwo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwo (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 20sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 21Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 22ègbɔ-su ɖèka, na vɔsa ɖo ènuvuɛ̃ ta, 23ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃ na ŋuti fàfa vɔsa. Ekèawo ye nyi Suàr be èvi Netanèl be ènu nanawo.
24Ŋùkèkè ètɔ̃gɔ̃a, Eliav, Helɔ̀n be èvi kè lè ŋùkɔ̀ na Zabulɔ̀n be jìjimèviwoa ye hɛ̃ yebe ènu nanawo va: 25Yebe ènu nanawo ye nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwo (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa àmè èvèawo, na vɔsa; 26sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 27Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 28ègbɔ-su ɖèka, na vɔsa ɖo ènuvuɛ̃ ta, 29ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃ na ŋuti fàfa vɔsa. Ekèawo ye nyi Helɔ̀n be èvi Eliav be ènu nanawo.
30Ŋùkèkè ènègɔ̃a gbèa, Elisùr, Sedeùr be èvi kè lè ŋùkɔ̀ na Rubɛ̀n be jìjimèviwoa ye hɛ̃ yebe ènu nanawo va. 31Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 32sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 33Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 34ègbɔ-su ɖèka, na vɔsa ɖo ènuvuɛ̃ ta, 35ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃ na ŋuti fàfa vɔsa. Ekèawo ye nyi Sedeùr be èvi Elisùr be ènu nanawo.
36Ŋùkèkè àtɔ̃gɔ̃a gbèa, Surisadai be èvi, Selumìɛl kè lè ŋùkɔ̀ na Simeɔ̀n be jìjimèviwoa ye hɛ̃ yebe ènu nanawo va. 37Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 38sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 39Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 40ègbɔ-su ɖèka, na vɔsa ɖo ènuvuɛ̃ ta, 41ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa vɔsa. Ekèawo ye nyi Surisadai be èvi Selumìɛl be ènu nanawo.
42Ŋùkèkè àdɛ̃gɔ̃ a gbèa, Elyasàf, Deuɛ̀l be èvi kè lè ŋùkɔ̀ na Gad be jìjimèviwoa ye hɛ̃ yebe ènu nanawo va. 43Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa àmè èvèawo, na vɔsa; 44sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃hɔ̃ɛ ɖɔ ɛ̀. 45Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 46ègbɔ-su ɖèka, na vɔsa ɖo ènuvuɛ̃ ta, 47ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa vɔsa. Ekèawo ye nyi Deuɛ̀l be èvi Elyasàf be ènu nanawo.
48Ŋùkèkè adrɛ̃gɔ̃ a gbèa, Elisamà, Amihùd be èvi kè lè ŋùkɔ̀ na Efràyim be jìjimèviwoa ye hɛ̃ yebe ènu nanawo va. 49Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 50sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 51Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 52ègbɔ-su ɖèka, na vɔsa ɖo ènuvuɛ̃ ta, 53ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa vɔsa. Ekèawo ye nyi Elisamà, Amihùd be èvia be ènu nanawo.
54Ŋùkèkè ènyigɔ̃a gbèa, Gamelìɛl, Pedasùr be èvi kè lè ŋùkɔ̀ na Manasè be jìjimèviwoa ye hɛ̃ yebe ènu nanawo va. 55Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa; klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 56sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 57Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 58ègbɔ-su ɖèka, na vɔsa ɖo ènuvuɛ̃ ta, 59ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa vɔsa. Ekèawo ye nyi Gamelìɛl, Pedasùr be èvia be ènu nanawo.
60Ŋùkèkè àsiɖèkɛgɔ̃a gbèa, Avidàn, Gideonì be èvi kè lè ŋùkɔ̀ na Bɛnyamìn be jìjimèviwoa ye hɛ̃ yebe ènu nanawo va. 61Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpe be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 62sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 63Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 64ègbɔ-su ɖèka, na vɔsa ɖo ènuvuɛ̃ ta, 65ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa be vɔsa. Ekèawo ye nyi Avidàn, Gideonì be èvia be ènu nanawo.
66Ŋùkèkè èwogɔ̃a gbèa, Ahiezɛr, Amisadai be èvi kè lè ŋùkɔ̀ na Dàn be jìjimèviwoa ye hɛ̃ yebe ènu nanawo va. 67Yebe ènu nanawo nyi: klòsalò-gbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpea be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 68sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo ku àmì hɔ̃ɛ titi ɖɔ ɛ̀. 69Ènyì-su ɖèka, àgbò ɖèka, èpè ɖèka be àlɛ̃vi ɖèka, ne woa sɔ wɔ̀ ènumème vɔsa; 70ègbɔ-su ɖèka, na vɔsa ɖo ènuvuɛ̃ ta, 71ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa vɔsa. Ekèawo ye nyi Ahiezɛr, Amisadai be èvia be ènu nanawo.
72Ŋùkèkè woeɖèkagɔ̃a gbèa, Pagìɛl, Okràn be èvi kè lè ŋùkɔ̀ na Àsɛr be jìjimèviwoa ye hɛ̃ yebe ènu nanawo va. 73Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l èkà ètɔ̃ ci èwoa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkà takpo ci èwo (70) kè wo sɔ kɔ̀kɔ̀ɛpea be sekɛ̀l dà a; wo blù èwɔ ku àmì ɖɔ woa mè èvèawo, na vɔsa; 74sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃ɛ titi ɖɔ ɛ̀. 75Ènyì-su ɖèka, àgbò ɖèka, àlɛ̃vi èpè ɖèka tɔ̀, ne woa sɔ wɔ̀ ènumème vɔsa; 76ègbɔ-su ɖèka, na vɔsa ɖo ènuvuɛ̃ ta, 77ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa be vɔsa. Ekèawo ye nyi Pagìɛl, Okràn be èvia be ènu nanawo.
78Ŋùkèkè woèvègɔ̃a gbèa, Ahirà, Einàn be èvi kè lè ŋùkɔ̀ na Neftalì be jìjimèviwoa ye hɛ̃ yebe ènu nanawo va. 79Yebe ènu nanawo nyi: klòsalò be àgbã ɖèka kè be kpɛ̃kpɛ̃ mè nyi sekɛ̀l àlɔ̀ ɖèka ci ègbãa (130); klòsalò-kogò ɖèka kè be kpɛ̃kpɛ̃ mè nyi sekɛ̀l èkàtakpo ci èwo kè wo sɔ kɔ̀kɔ̀ɛpea be sekɛ̀l dà a; wo blù èwɔ ku àmì ɖɔ woa àmè èvèawo, na vɔsa; 80sìka-kɔpò ɖèka kè be kpɛ̃kpɛ̃ mè nyi sekɛ̀l èwoa, wo kù àmì hɔ̃hɔ̃ɛ ɖɔ ɛ̀. 81Ènyì-su ɖèka, àgbò ɖèka, àlɛ̃vi èpè ɖèka tɔ̀, ne woa sɔ wɔ̀ ènumème vɔsa; 82ègbɔ-su ɖèka, na vɔsa ɖo ènuvuɛ̃ ta, 83ku ènyì èvè, àgbò àtɔ̃, ègbɔ-su àtɔ̃ kudo èpè ɖèka be àlɛ̃vi àtɔ̃, na ŋuti fàfa be vɔsa. Ekèawo ye nyi Pagìɛl, Okràn be èvia be ènu nanawo.
84Ènu kèawo ye Izràɛl be dùkɔ̃a be ŋùkɔ̀nɔ̀tɔwo na ne woa sɔ kɔ̀ vɔsakpea ŋuti, gbè kè gbè wo do àmì e ŋutia: Wo na klòsalò be àgbã woèvè, klòsalò-kogò woèvè, sìka-kɔpò woèvè. 85Klòsalò be àgbã ɖe sia ɖe be kpɛ̃kpɛ̃ mè lè sekɛ̀l èkà ètɔ̃ ci èwoa (130), eye klòsalò-kogò ɖe sia ɖe be kpɛ̃kpɛ̃ mè lè sekɛ̀l èkà takpo ci èwo (70). Ènuzãzã kèawo kpata be kpɛ̃kpɛ̃ mè lè klòsalò sekɛ̀l hotu ɖèka àlɔ̀ ènè, kè nyi kɔ̀kɔ̀ɛpea be sekɛ̀l be kpɛ̃kpɛ̃ mèa. 86Sìka-kɔpò woèvè ɖɔ ku àmì hɔ̃ɛ titi, kè be ɖe sia ɖe be kpɛ̃kpɛ̃ mè nyi kɔ̀kɔ̀ɛpea be sekɛ̀l èwoa. Sìka-kɔpòawo kpata be kpɛ̃kpɛ̃ mè lè sìka sekɛ̀l èkà ètɔ̃ (120). 87Èlã kèwo kpata, wo zã, sɔ wɔ̀ ènumème vɔsaawo ye nyi: ènyì-su woèvè, àgbò woèvè, ku èpè ɖèka be àlɛ̃vi woèvè, sɔ kpe ɖo vɔsa be ènu nana kèwo ye hiãawo ŋuti. Wo gbà sɔ ègbɔ-su woèvè kpe è, sɔ savɔ ɖo ènuvuɛ̃ ta. 88Èlã kèwo kpata wo zã, sɔ wɔ̀ ŋuti fàfa vɔsaawo ye nyi: ènyì èwì vɔ ènè, àgbò èkà takpo, ègbɔ-su èkà takpo, èpè ɖèka be àlɛ̃vi èkàtakpo. Ènu kèawo ye wo na, sɔ savɔ, ekè wo do àmì vɔsakpea ŋuti, sɔ ɛ̀ do àsi na Tɔhonɔ̀a.
89Ne Mosè ɖo Ègòdodo be gòxɔa mè, ne bèa pò nupo ku Tɔhonɔ̀a, e sènà Tɔhonɔ̀ be ègbè, pònà nupo na ɛ̀, so Zòɖùɖu-Ɖakà a be nùvia ta mè, lè Kèrubim be tata èvèawo dòmè. Funua ye be pònà nupo na ɛ̀ lè.
Mina Bible © Bible Society of Togo, 2014.