Yosùa 21

Izràɛlviwo sɔ èdù ɖewo na Levìwo

1Kè Izràɛl be dùkɔ̃a sò kɔpe ɖo Silò kè lè Kanàn nyigbã jia gbɔa, Levì be kɔ̀ta be xòmègawo yì kpɔ hũbonɔ Eleazàr ku Nun be èvi Yosùa gbàkudo Izràɛl be kɔ̀ta kpɔ̀tɛawo be xòmègawo, gblɔ̃ na wo be: 2“Tɔhonɔ̀ do ègbè àsi na Mosè be woa na mi èdù kèwo mè mi nɔ̀ #21.2 Èdùawo: nyi èdù èkà-ci-ènyi kèwo be ènyà lè Hɛ̃h 35 mè; ekèwo dòmè ye wo la kpɔ ètocɔ̃ànyi be èdù àdɛ̃ kèwo mè ye àmè kèwo dãhlɔ̃a la teŋu si yì ne e nyi be wo mu jro àlo nya gbɔ̀xue òa (Yos. 20) ku àfi kèwo miabe èlãwo la nɔ̀a.” 3Eye Izràɛlviwo wɔ̀ ɖo Tɔhonɔ̀ be ègbè do àsia ji, sɔ woabe èdù be dòmètɔ ɖewo ku woabe èlãnyìpewo na Levìviwo.

4Kehàt #21.4 Kehàt: mu nyi Levì be èvi cucugbã ò, Gɛrsɔ̀n ye nyi èvi àmègãxotɔa. Ne wo na Kehàt jè ŋùkɔ̀a, e fiɔ be e kù ɖo Hũbonɔ Arɔ̀n ŋuti. Ɖo Arɔ̀n nyi Kehàt be èvi àmègãxo. Eye nyi hũbonɔ cucugbã lè Izràɛl. kè nyi Levì be èvi be jìjimèviwo ye xɔ̀ cucugbã to cãcã mè. Eye hũbonɔ Arɔ̀n kè nyi Kehàt be èvia be jìjimèviwo xɔ̀ èdù woètɔ̃ lè Yudà, Simeɔ̀n ku Bɛnyamìn be ècrɔ̃ nyigbãwo mè. 5Eye Kehàt be jìjimèvi kpɔ̀tɛawo xɔ̀ èdù èwo lè Efràyim, Dàn ku Manasè be kɔ̀ta be mamã mè be ècrɔ̃ nyigbãwo mè to cãcã mè. 6Levì be èvi Gɛrsɔ̀n be jìjimèviwo xɔ̀ èdù woètɔ̃ lè Isakàr, Àsɛr, Neftalì ku Manasè be kɔ̀ta be mamã mè èvègɔ̃a be ècrɔ̃ nyigbãwo mè to cãcã mè. 7Sɔ kù ɖo yebe xòmèwo ŋutia, Levì be èvi Merarì be jìjimè viwo xɔ̀ èdù woèvè lè Rubɛ̀n, Gad ku Zabulɔ̀n be kɔ̀ta be crɔ̃ nyigbãwo mè to cãcã mè. 8Izràɛlviwo sɔ èdù ŋuawo ku woabe èlãnyìpewo na Levìwo sɔ zɔ̃ ɖo Tɔhonɔ̀ be ègbè kè be do àsi na Mosè a ji.

9Lè Yudà be kɔ̀ta ku Simeɔ̀n be kɔ̀ta, wo sɔ èdù kèawo na 10Arɔ̀n be jìjimèvi kèwo to so Kehàt be hɛ̃nu mèa. Woawo ye wo na cucugbã. 11Wo sɔ Kirìat-Àrabà#21.11 Àrabà: Anàk be ètɔ Àrabà be nyikɔ ye wo sɔ na èdùa, kè wo gbà yɔna fifì be Hebrɔ̀n lè Yudà be èto-nyigbã ji kudo woabe èlãnyìpewo na wo. 12Vɔ̀, wo sɔ àgblè ku kɔpe kèwo tɛ ɖo èdùa ŋutia na Kàlɛb kè nyi Yefunè be èvia. 13Sɔ kpe ɖo Hebrɔ̀n kè nyi ètocɔ̃ànyipe be èdùa ŋutia, Arɔ̀n be jìjimèviwo xɔ̀ èdù kèawo: Libnà 14Yatirò, Ɛstemɔ̀a, 15Holɔ̀n, Debirò, 16Ayìn#21.16 Ayìn: ye wo yɔna lè Grik gbe mè be Asàn, Yutà ku Bɛt-Semès. Èdù kèawo nyi èdù àsiɖèkɛ ku àfi kè woabe èlãwo yì ɖùnà ènu lèa. Èdù kèawo kpata lè Yutà ku Simeɔ̀n be crɔ̃-nyigbãwo ji. 17Wo na wo èdù ènè lè Bɛnyamìn be ànyigbã ji, woawo ye nyi: Gibeɔ̀n Gebà, 18Ànatɔt ku Almɔ̀n kudo àfi kè èlãwo yì ɖùnà ènu lèa. 19Ekèa kpata wɔ̀ èdù woètɔ̃ lè àkpa èvèa ku àfi kè woabe èlãwo yì ɖùnà ènu lèa.

20Kehàt be hɛ̃nu kpɔ̀tɛawo xɔ̀ èdù ènè lè Efràyim be crɔ̃-nyigbã ji: 21èdùawo nyi Sikɛ̀m lè èto-nyigbã ji; Sikɛ̀m kè gbà nyi ètocɔ̃ànyi be èdùa, Gezɛ̀r, 22Kìbsaìm ku Bɛt-Horɔ̀n kudo woabe àfi kè èlãwo yì ɖùnà ènu lèa. 23Wo na wo èdù ènè lè Dàn be crɔ̃-nyigbã ji. Woawo ye nyi: Ɛltekɛ̀, Gìbetɔ̀n, 24Ayalɔ̀n ku Gàtrimɔ̀n kudo fikè woabe èlãwo la yì ɖù ènu lèa. 25Lè Manasè be èwèɖoxɔ̀pe be crɔ̃-nyigbã jia, wo xɔ̀ èdù èvè kèwo nyi Tanàk ku Yìblèam #21.25 Yìblèam: Lè 1Kro 6. 55, mi le kpɔ Bìleam (Yìblèam) ɖo Gàtrimɔ̀n kè Hebrù be xoma ya gblɔ̃ lè fikèa (Yos 21. 25) Gàtrimɔ̀n be èdùa lè hɛ̃hlɛ̃ 24 mè vɔ̀. ku fikè woabe èlãwo la yì ɖù ènu lèa. 26Ekèa kpata wɔ̀ èdù èwo ku fikè woabe èlãwo la yì ɖù ènu lèa na Kehàt be hɛ̃nuviwo. 27Levì be vi Gɛrsɔ̀n be hɛ̃nuviwo xɔ̀ èdù èvè lè Manasè be èwèzɛ̃pe nyigbã ji: Golàn kè nyi ètocɔ̃ànyipe lè Basàn ku Bɛ̀sterà ku fikè woabe èlãwo la yì ɖù ènu lèa. 28Lè Isakàr be crɔ̃ nyigbã jia, wo xɔ̀ èdù ènè: Kisiɔ̀n, Dàveràt, 29Yàrmut, In-Ganìm ku fikè woabe èlãwo la yì ɖù ènu lèa. 30Lè Àsɛr be crɔ̃-nyigbã jia, wo xɔ̀ èdù ènè: Misàl, Abdɔ̀n, 31Hɛlkàt ku Rehɔ̀b ku fikè woabe èlãwo la yì ɖù ènu lèa. 32Lè Neftalì be crɔ̃-nyigbã jia, wo xɔ̀ èdù ètɔ̃: Kedɛ̀s kè nyi ètocɔ̃ànyipe lè Galilea, Hamɔ̀t-Dɔr ku Kartàn ku fikè woabe èlãwo la yì ɖù ènu lèa. 33Ekèa kpata wɔ̀ èdù woètɔ̃ ku fikè woabe èlãwo la yì ɖù ènu lèa na Gɛrsɔ̀n be hɛ̃nuviwo.

34Levì be èvi Merarì be hɛ̃nuviwo xɔ̀ èdù ènè lè Zabulɔ̀n be crɔ̃-nyigbã ji, woawo nyi: Yokneàm, Kartà, 35Dimnàh #21.35 Dimnàh: Kè wo gbà yɔna lè Grik gbe mè be Rìmɔnà ku Hàhalàl ku fikè woabe èlãwo la yì ɖù ènu lèa. 36Lè Rubɛ̀n be crɔ̃-nyigbã ji, lè Yɔrdàn-tɔ̀ sàsra godo, jè ŋùkɔ̀ Yerikò be èdùa, wo xɔ̀ èdù ènè: Besɛ̀r kè nyi ètocɔ̃ànyipe lè ègbegbàjia ku Yàhaz, 37Kedemɔ̀t ku Mefàt kudo fikè woabe èlãwo la yì ɖù ènu lèa. 38Lè Gad be crɔ̃-nyigbã jia, wo xɔ̀ èdù ènè: Ramɔ̀t kè nyi ètocrɔ̃ànyipe lè Gilead ku Màhanàim, 39Hɛsbɔ̀n ku Yazɛ̀r kudo fikè woabe èlãwo la yì ɖù ènu lèa. 40Ekèa kpata wɔ̀ èdù woèvè ku fikè woabe èlãwo la yì ɖù ènu lèa, na Merarì be hɛ̃nuviwo.

41Levì be jìjimèviwo xɔ̀ èdù èkà-ci-ènyi ku fikè woabe èlãwo la yì ɖù ènu lèa lè Izràɛlviwo be crɔ̃ nyigbãwo ji. 42Èdùawo dòmètɔ ɖe sia ɖe ɖo fikè èlãwo la yì ɖù ènu lèa.

43Tɔhonɔ̀ fìã àjɔ̀gbè xoxo na Izràɛlviwo be tɔgbewo be: “Mù la xɔ̀ ànyigbã kèa na mì.” Eye egbèa, Tɔhonɔ̀ wɔ̀ ɖo yebe àjɔ̀gbefìãfiã ji. 44Tɔhonɔ̀ fìã na woa tɔgbewo be: “Mì la ɖù mìabe kɛ̃tɔwo kpata ji eye mì la nɔ̀ ànyigbã kèa ji lè ŋuti fàfa mè.” 45Tɔhonɔ̀ fìã àjɔ̀gbè sùgbɔ na Izràɛlviwo, eye e ɖe mu lè kè mu kpɔ e mè vava ò.

Currently Selected:

Yosùa 21: GEN

Highlight

Copy

Compare