Yudìt 3
3
Fafa biɔbiɔ
1Wo dɔ̃ àŋɛ̀dotɔwo ɖoɖa ku fafa be ènyàwo be: 2«Miawo ye lè àpo ŋùkumè, mi Nèbùkàdnɛzà, èfìɔ gã, be sumɔviwo. Wɔ̀ ènu kè wò jroa ku mi. 3Kpɔɖa: miabe kɔpewo, èlì be àgblèwo, èlãhawo, gãgã ku viviwo kudo èlãzɛ̃pewo kpata lè ŋùkɔ̀ na wò. Wɔ̀ kudo wo sìgbè àlekè e nyɔ na wòa. 4Kpɔɖa: miabe èdùwo ku woa mè-nɔtɔwo nyi àpo kluviwo; va, gɛ̃ ɖo woa mè sìgbè lekè e jè ŋùmè na wòa nène.»
5Ŋusùawo va ɖo Hòlofernɔ̀ gbɔ eye wo pò nupo na ɛ̀ tututu. 6E ɖì yì àpùa to, ye ŋutɔ ku yebe àhùakɔ̃a, e ɖo gbãdãgbãha sɛ̃sɛ̃ le ɖia àgbògbò be èdùwo eye e cã ŋusùwo na àlɔ̀dotɔwo be èdɔ. 7Lè funu ku ènutowo kpata kèwo trɔ doa, wo xɔ̀ ɛ̀ ku sepòpo be jègbàwo kudo èwèɖuɖuwo lè èhũviwo be ègbèɖìɖi mè. 8E gble woabe ènutoawo kpata, e sò woabe sɛ̃sɛ̃tiwo, ɖo èdɔdoàsi be nyi na ɛ̀ be e la crɔ̃ ànyigbã be ènusɛ̃sɛ̃wo kpata àleke be dùkɔ̃wo kpata la nɔ sɛ̃ Nèbùkàdnɛzà, ye ɖèka kpò, eye ègbè vòvò be dùkɔ̃wo kpata la nɔ fã yɔ ɛ̀ sìgbè tɔhonɔ̀ nène.
9Hòlofernɔ̀ zɔ̃ va ɖo Esdrelɔ̀n be ŋùkɔ̀, gogo Dòtaìm, kè lè Yudeà be èto gãgãwo be ŋùkɔ̀. 10Wo ɖo àsàɖa le Gebà ku Sìtopolìs be dòdòmè eye e nɔ funua sɔ na wètri ɖèka sɔ bɔ̀ yebe àhùakɔ̃a be ènuzãzãwo kpata.
Currently Selected:
Yudìt 3: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.